Kitoblar

Жиноят ишлари бўйича суд ҳужжатлари

Ушбу амалий-услубий қўлланмада жиноят ишлари бўйича процессуал ҳужжатлар тушунчаси, аҳамияти, процессуал ҳужжатларнинг турлари ва ҳуқуқий асослари, суд ажримлари турлари, уларнинг мазмуни ва чиқариш тартиби, судга қадар иш юритиш босқичида чиқариладиган ажиримлар, жиноят ишинисудда кўриш учун таёрлаш босқичида чиқариладиган суд ҳужжатлари, суд муҳокамасининг якуни бўйича чиқариладиган суд ҳужжатлари, суд қарорларининг қонунийлиги, асослилиги ва адолатлилигини текшириш якунлари бўйича чиқариладиган суд ҳужжатлариҳамда хусусий ажримлар, уларни чиқариш ва расмийлаштириш тартиблари атрофлича ёритилган.

Жиноят ҳуқуқи (Умумий қисм)

Ушбу ўқув қўлланма "Жиноят ҳуқуқи" (Умумий қисми) ўқув курсининг дастури асосида тайёрланган бўлиб, қўлланмада жиноят қонуни принциплари, жиноят тушунчаси ва унинг белгилари, жиноий жавобгарлик ва унинг асослари, жиноят таркиби ва унинг элементлари, тамом бўлмаган жиноятлар, иштирокчилик, бир қанча жиноят содир этиш, қилмишнинг жиноийлигини истисно қилувчи ҳолатлар, жазо тушунчаси, мақсади ва унинг турлари, жазо тайинлаш, жавобгарликдан ва жазодан озод қилиш, вояга етмаганлар жавобгарлиги ҳамда тиббий йўсиндаги мажбурлов чораларини қўллаш каби масалаларни ўз ичига қамраб олади. Ушбу ўқув қўлланма Жиноят ҳуқуқи Умумий қисми бўйича керакли маълумотларни олишга, олий юридик ўқув юртларининг профессор- ўқитувчиларига дарс жараёнларини ташкил этишга, талабаларнинг ўқув машғулотлар ва имтиҳонларга, амалиётга тайёргарлик кўришида ёрдам беради. Ўқув қўлланма олий ўқув юртларининг бакалавр ва магистратура талабаларига қўлланма сифатида тавсия этилади. Ушбу ўқув қўлланма амалдаги Жиноят кодексининг 2020 йил декабрь ойигача бўлган ҳолатига кўра ёзилган.

Ўзбекистон Республикаси Жиноят кодексига шарҳлар 3-қисм

Ўзбекистон Республикасининг Жиноят кодексига шархлар амалдаги жиноят тўғрисидаги конунчилик асосида ёзилган. Унда Жиноят кодексига 2021 йил 1 ноябргача киритилган қўшимча ва ўзгартиришлар инобатга олиниб, Ўзбекистон Республикаси Олий суди Пленумининг карорлари ва суд амалиёти манбаларидан фойдаланилган. Шархларда Жиноят кодекси Умумий ва Махсус қисми ҳар бир моддасига алохида алоҳида шарх тайёрланган бўлиб, Жиноят кодекси нормалари диспозициясининг моҳияти, хуқуқ нормасида белгиланган жиноятларнинг субъекти, субъектив томони, объекти, объектив томони белгиларининг асосий жиҳатлари очиб берилган, ҳуқуқ нормаларида ўрнатилган санкцияларнинг мазмуни, уларни қўллаш тартиби кўрсатилган. Жиноят кодексига шархлар ҳуқуқни муҳофаза қилиш органлари ходимлари, судьялар, адвокатлар, олий ўқув юртларининг ўқитувчилари, тадкикотчилари, талабалари. Ўзбекистон Республикаси Жамоат хавфсизлиги университети курсантлари ва талабалари. Ўзбекистон Республикаси ИИВ Академияси тингловчилари шунингдек, жиноят хукуки ва конунчилиги билан қизиқувчи кенг китобхонлар оммасига мўлжалланган.

Жиноят иши бўйича суд муҳокамасини ўтказиш ва суд мажлиси баённомасини юритиш тўғрисида методик қўлланма

Ушбу қўлланмада моддий ва процессуал ҳуқуқ нормалари, Ўзбекистон Республикаси Олий суди Пленуми қарорларининг тушунтиришлари, назарий қарашлар қўлланилган бўлиб, унда жиноят ишларини суд мажлисига тайёрлаш ва кўриб чиқишни, суд мажлиси баённомасини суд процессининг турли босқичларида расмийлаштиришни муҳим жиҳатлари ёритилган. қўлланма одил судловни амалга оширишнинг муҳим қисми ҳисобланган суд мажлисини олиб бориш бўйича судьялик кўникмаларини шакиллантиришга, такомиллаштиришга хизмат қилади деб ҳисоблаймиз. Қўлланма раислик қилувчи судья учун жиноят иши бўйича суд муҳокамасини ташкил этиш ва ўтказишда методик материал бўлиб хизмат қилиши мумкин.

Жиноят процессида апеляция

Жиноят ишлари бўйича махсус билмлардан фойдаланишнинг процессуал ва криминалистик жиҳатлари

Ушбу монография жиноят ишлари бўйича махсус билимлардан фойдаланишнинг процессуал ва криминалистик жиҳатларга, маҳсус билимлардан фойдаланишнинг ҳуқуқий таҳлили, амалиёти ва замонавий имкониятлари, қўлланиладиган илғор технологияларига бағишланган. Унда жиноят ишлари бўйича махсус билимлардан фойдаланишнинг назарий ва ҳуқуқий асослари, жиноят ишлари бўйича маҳсус билимлардан фойдаланишнинг процессуал - ҳуқуқий тартибга солиш хусусиятлари, жиноят ишлари бўйича маҳсус билималардан фойдаланишнинг криминалистик жиҳатлари, айрим хорижий мамлакатлар тажрибаси асосида жиноят ишлари бўйича махсус билимлардан фойдаланиш самарадорлигини ошириш истиқболлари масалалари ёритиб берилган