Kitoblar

Ўзбекистон Республикасининг давлат ва ҳуқуқ рамзлари

Мазкур монографияда давлат ва ҳуқуқ рамзларини ўрганиш бўйича фан соҳасининг мақоми, методологияси, предмети, давлат ва ҳуқуқ рамзлари тушунчаси, функциялари, турлари, мазмуни, Ўзбекистон Республикаси давлат ва ҳуқуқ рамзларидан фойдаланишнинг ҳуқуқий асослари тадқиқ этилган. Монография ҳуқуқшунос олимлар, амалиётчи ҳуқуқшунослар, тадқиқотчилар ҳамда давлат ва ҳуқуқрамзлари билан қизиқувчи китобхонлар учун мўлжалланган.

Учунчи ренессанс ва инсон ҳуқуқлари

Ушбу китобда Учинчи Маърифий Уйгониш сари дадил одимлаётган янги Ўзбекистон ҳаётининг давлат ва хукук, жамият ва инсон хукуклари, маънавият ва маърифат, ташқи сиёсат ва халқаро ҳамкорлик соҳаларидаги шиддатли янгиланишлар талқин этилган. Пандемияга карши кураш бўйича миллий тажриба ва халқаро амалиётга инсон хукуклари кўзгусидан назар солинган. Янги нашр Ўзбекистон Республикасида хизмат кўрсатган журналист Ғулом Мирзо томонидан 2018 йилда эълон қилинган «Ҳаракатлар стратегияси - баркарор тараккиёт сари» рисоласининг мантиқий давомидир. Олдинги китобда Ҳаракатлар стратегиясининг мазмун-моҳияти ва аҳамияти таҳлилига асосий эътибор қаратилган бўлса, бу китобда мазкур дастуриламал хужжатнинг кейинги беш йиллик амалий самаралари ҳақида сўз юритилган. Тўплам кенг китобхонларга мўлжалланган.

"Фуқаролик жамияти институтлари ва сайлов" халқаро давра суҳбати материаллари

Ушбу тўпламга 2021 йил 21 сентябрда Тошкент шаҳрида бўлиб ўтган "Фукаролик жамияти институтлари ва сайлов" мавзусидаги халкаро давра суҳбатида тақдим этилган маърузалар ва тезислар киритилган. Тўпламга маърузалар ва тезислардан ташқари, давра суҳбати натижалари бўйича якуний ҳужжат, халкаро хукукий хужжатлар ва миллий қонунчиликдан кўчирмалар киритилган. Тўплам кенг доирадаги амалиётчи мутахассислар ва тадқиқотчилар учун мўл- жалланган. Ўзбекистон Республикаси Фанлар Академияси Давлат ва хукук институти Илмий кенгашининг 2021 йил 29 сентябрдаги 10-сонли карори билан нашрга тавсия этилган. ОАК Раёсатининг 2021 йил 9 сентябрдаги 305-сон карори асосида мазкур халкаро давра сухбати илмий тўпламида чоп этилган материаллар тарих, фалсафа, хукукшунослик, педагогика, психология, социология, сиёсат ва исломшунослик фанлари бўйича дис- сертациялар асосий илмий натижаларини чоп этиш тавсия этилган миллий ва халкаро илмий мақолаларга тенглаштирилди.

Ma'muriy sud ish yurituvi

Yurisprudensiya yo'nalishi talabalarining Ma'muriy sud ish yurituvi fani bo'yicha ma'muriy sud ish yurituvi tushunchasi, kelib chiqish tarixi, ma'muriy sud ish yuritu vi modellari; ma'muriy sud ishlarini yuritish prinsiplari, sud tarkibi, sud protsessida rad qilish masalalari; ma'muriy ishlarning sudga taalluqliligi va sudlovga tegishliligi; ma'muriy sud ishlarini yuritish ishtirokchilarining huquq va majburiyatlari, sudda va killik, arizaning (shikoyatning) shakli va mazmuni, ma'muriy sud ishlarini yuritishda dastlabki himoya choralari, dalillar va isbotlash, ish yuritishni to'xtatib turish, arizani (shikoyatni) ko'rmasdan qoldirish va ish yuritishni tugatish, birinchi instansiya sudi- da ish yuritish, sudning hal qiluv qarori va uni ijroga qaratish, sad xarajatlari, prot- sessual muddatlar, sud ajrimi va qarori, sud bayonnomasi, alohida toifadagi ma'muriy ish yurituvni amalga oshirish hamda sud hujjatlarini qayta ko'rish kabi masalalarni o'rganishga qaratilgan mavzular yuzasidan ilk tasavvurlarini hosil qilish, mazkur mavzularga oid ilmiy-nazariy qarashlarini yanada boyitish, ma'muriy huquq fani yu- zasidan asosiy ilmiy qarashlarini tanishtirishni maqsad qilgan. va Mazkur darslik Ma'muriy huquq, Ma'muriy sud ish yurituvi, Ma'muriy huquq protsess kabi fanlar bo'yicha oliy yuridik ta'lim muassasalari o'quv jarayonida qo'shimcha manba sifatida foydalanish uchun mo'ljallangan.

Yuridik xizmat: nazariya va amaliyot uyg'unligi

Mazkur o'quv qo'llanma yuridik xizmat xodimlari faoliyatiga oid nazariy masalalar, xorijiy va milliy tajribadan kelib chiqqan holda amaliy maslahatlar,yuriskonsult faoliyatida zarur bo'lgan huquqiy hujjatlarning namunalari,sohaga oid asosiy normativ-huquqiy hujjatlar tahlillari,har bir mavzuga oid kazuslar, mantiqiy savollar va testlar hamda foydalanilgan va tavsiya etiladigan adabiyotlar ro'yxati kabi ham nazariy,ham amaliy jihatdan foydali ma'lumotlardan tuzilgan.

Ҳофман немис ва ўзбек юристи нигоҳида

Ҳар бир мамлакат тарихида шундай инсонлар бўладики, улар чиндан ҳам унинг миллий мулки, бойлиги ҳисобланади. Қомусий манбаларда "немис романтизми руҳи"нинг тимсоли сифатида ўчмас ном қолдирган улуғ ёзувчи Эрнст Теодор Амадей Ҳофман тавал- луд топгандан буён икки асрдан ошиқроқ вақт ўтди. Ушбу рисола- да Ҳофман сермазмун ҳаётининг яна бир қирраси - унинг юридик фаолияти ҳақида сўз юритилади. Рисоладан юридик фанлар доктори, Берлин очиқ университетининг собиқ профессори Арвед Бломайер ҳамда юридик фанлар доктори, қиёсий ва халқаро ҳуқуқ профессори Акмал Саидовнинг мақолалари ўрин олган.

Сайёра Рашидова - Ўзбекистон омбудсмани асосчиси

Сайёра Шарофовна Рашидова Иккинчи жаҳон уру- шининг бурилиш палласида атоқли давлат ва жамоат арбоби, ёзувчи ва фронт жангчиси Шароф Рашидов ои- ласида дунёга келган. Шу йил Ўзбекистон Фанлар акаде- мияси ҳам таъсис этилган. Халқаро ҳамжамият томонидан Инсон ҳуқуқлари умумжаҳон декларацияси қабул қилинган йили Сайёра опа эндигина 5 ёшга тўлган эди, кейинчалик эса ушбу ҳужжатнинг Ўзбекистонда амалга оширилиши улар- нинг ижтимоий-сиёсий ҳаётининг узвий қисмига ай- ланди. Мамлакатимизда ва халқаро жамоатчилик Сайёра Шарофовнани таниқли кимёгар олима, бутун дунёда эътироф этилган Ўзбекистон кимёгарлари илмий мак- табининг йирик ташкилотчиси, машҳур давлат ва жа- моат арбоби сифатида яхши билади ҳамда юксак қадр- лайди.

Франция Республикаси Конституцияси

Ушбу рисола Франция Ѵ Республикасининг Конституцияси расмий матни ва унинг ўзбек тилига илк бор амалга оширилган таржимасидан иборат. Франция Республикасининг Конституцияси 1958 йил 4 октябрь Конституцияси, 1789 йил 26 августдаги Инсон ва фукаро хукуклари декларацияси, 1946 йил 27 октябрдаги Конституциянинг Муқаддимаси хамда 2004 йил Атроф-муҳит хартияси каби таркибий қисмлардан ташкил топган. Шунингдек, рисолада китобхонларга енгиллик яратиш мақсадида конституциявий атамаларнинг изоҳли луғати ҳам илова қилинган. Мазкур рисола Франция Республикаси Конституцияси қабул қилин- ганлигининг 60 йиллигига бағишланган бўлиб, у парламент аъзолари, дав- лат органлари хизматчилари, сиёсий партия вакиллари, ўқитувчилар, конституциявий хукук бўйича мутахассислар, шунингдек, Франция сиё- сий тизимига кизикувчи кенг китобхонлар оммасига мўлжалланган.

Инсон қадри учун

Бугунги кунда Ўзбекистон Республикаси Президенти Шавкат Мирзиёев раҳбарлигида демократик янгиланишлар йўлидан дадил одимлаётган Янги Ўзбекистоннинг энг улуғ мақсади, аввало, халқимизни рози қилиш, инсон қадрини таъминлашга қаратилгани билан эътиборлидир. Янги Ўзбекистон тараққиёт стратегияси асосида юртимизда инсон ҳуқуқлари, эркинликлари ва қонуний манфаатларини таъминлаш борасида амалга оширилаётган шиддатли ва тизимли ислоҳотларга ҳамоҳанг тарзда фаолият юритаётган Инсон ҳуқуқлари бўйича Ўзбекистон Республикаси Миллий маркази ҳам шу каби эзгу ишларни амалга оширишга камарбасталик қилиб келмоқда. 2021 йил 31 октябрь куни Миллий марказ ташкил этилганига 25 йил тўлди. Қўлингиздаги китоб шу санага бағишланган. Кенг китобхонлар учун мўлжалланган.

Германия федератив республикасининг асосий қонуни

Ҳар қандай Конституция мамлакат тарихининг асосий босқичлари, реал ижтимоий турмуши, гоявий қадриятлари ва анъаналарини акс этти- ради. Германия Федератив Республикасининг Асосий Қонуни бунинг яққол исботидир. Унда немис конституциявий ҳуқуқий институтлари, сиёсий демократия ва ҳуқуқий маданиятнинг тарихий ривожланиш тажрибаси ўз аксини топган. Ўзбекистонда Германия Федератив Республикасининг Асосий Қонуни- га бўлган қизиқиш табиий ҳолдир. Чунки Германия бугунги кунда ижти- моий-иқтисодий ривожланишнинг барча кўрсаткичлари бўйича жаҳонда етакчи ўринлардан бирини эгаллаб турибди. Шу сабабли Инсон ҳуқуқлари бўйича Ўзбекистон Республикаси Мил- лий маркази ва Фридрих Эберт номидаги жамғарма «Германия Федера- тив Республикасининг Асосий Қонуни»ни ўзбек ва немис тилларида нашр этди. Мазкур нашр ҳуқуқшунослик ва сиёсат факультетлари талабалари, давлат ҳуқуқи ва конституциявий ҳуқуқ соҳасида фаолият юритаётган олимлар, кенг китобхонлар оммаси учун фойдалидир.

Апатрид (фуқаролиги йўқ шахс) мақоми тўғрисидаги конвенция Фуқаросизликни камайтириш тўғрисидаги конвенция

Юқори аҳдлашаётган томонлар, Бирлашган Миллатлар Ташкилотининг Устави (Низоми) ва 1948 йил 10 декабрда Бирлашган Миллатлар Ташкилоти Бош Ассамблея томонидан қабул қилинган Инсон ҳуқуқлари умумжаҳон декларацияси ҳамма одамлар асосий ҳуқуқ ва эркинликлардан ҳеч бир камситишсиз фойдаланишлари зарурлиги тамойилини ўрнатганини эъти борга олиб, Бирлашган Миллатлар Ташкилоти кўп маротаба қочоқларнинг тақдирига чукур қизиқиш кўрсатиб ва қочоқлар қайд этилган асосий ҳуқуқ ва эркин ликлардан иложи борича кенгроқ фойдаланишларини таъминлаш учун саъй-ҳаракатлар қилганини эътиборга олиб,

Қочоқларни халқаро ҳимоя қилиш ва давлат бошпана тизимини яратиш масалалари бўйича қўлланма

Ушбу Қўлланманинг ҳар қандай қисми муаллифлик ҳуқуқи ва манбани кўрсатиш, шунингдек бирорта ўзгартиришлар киритмаслик шарти билан такроран нашр этилиши мумкин. Қўлланма мазмунидан фойдаланганлик тўғрисида Параментлараро иттифокка маълум килишингизни сўраймиз. Ушбу асар БМТ ҚОКБнинг буюртмаси ассосида жаноб Эркин Эрназаров томонидан амалга оширилган норасмий таржимадир. Парламентлараро иттифоқ таржимага олиб келиши мумкин бўлган хатолар ёки нотўғри талқинлар учун жавобгарликни ўз зиммасига олмайди.

Парламентлар ва барқарор ривожланиш мақсадлари

Ушбу қўлланма инглиз тилидаги асл нусхасидан "Тараққиёт стратегияси" маркази директори, Ўзбекистон Республикаси Олий Мажлиси Қонунчилик палатасининг Бюджет ва иқтисодий ислоҳотлар қўмитаси аъзоси Элдор Туляков томонидан ўзбек тилига таржима қилинган ва Инсон ҳуқуқлари бўйича Ўзбекистон Республикаси Миллий марказининг директори, Ўзбекистон Республикаси Олий Мажлиси Қонунчилик палатасининг Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси раиси, академик Акмал Саидов томонидан тахрир қилинган.

Одам савдоси ва унга қарши курашиш

Ишлаш учун бошқа мамлакатга бориш ҳар бир кишидан катта масъулиятни, айниқса, аср балоси бўлмиш одам савдосининг курбонига айланмаслик учун огоҳлик ва ҳушёрликни талаб этади. Турли хавф-хатарлар ҳамда хатоларга йўл қўймасликни, амал қилиш лозим бўлган қоидаларни олдиндан билиш фойдадан холи эмас. Ушбу амалий қўлланмада одам савдоси ва меҳнат миграцияси билан боғлиқ кўпгина саволларга жавоб топиш мумкин. Бунда хориждан иш излаш, сафарга чиқишдан олдин билиш лозим бўлган қоидалар ва борилган мамлакатда иш излаш тартиб-қоидалари каби масалалар ҳам ўрин олган. Кўлланманинг асосий мавзуларидан яна бири одам савдоси курбонига айланганда қандай йўл тутиш ва ёрдам учун қаерга мурожаат қилиш зарурлиги муҳим аҳамият касб этади. Нашр якунида фуқароларимиз энг кўп борадиган мамлакатлардаги Ўзбекистон элчихоналари, халқаро ташкилотлар, юртимиздаги ваколатли органлар рўйхати, манзили ва ишонч телефонлари илова сифатида берилган.

СOVID-19 ва инсон ҳуқуқлари=СOVID-19 Права человека = СOVID-19 Human rights.

Ушбу тўпламда "Пандемия ва инсон хукуклари: Ўзбекистон тажрибаси" мавзусидаги COVID-19 муносабати билан қўйилган чекловлар доирасида инсон хукукларини ҳимоя қилиш бўйича Миллий мулоқот материаллари, шунингдек, коронавирус таркалиши шароитларида инсон хукукларини химоя қилиш сохасидаги вазиятнинг шархи ўрин олган. Ўзбекистон Республикаси хукумати томонидан коронавирус эпидемиясига карши курашиш бўйича кўрилаётган чоралар тугрисидаги маълумотлар тақдим этилган. Аҳолининг энг ҳимоясиз тоифалари болалар, аёллар, муҳожирлар, маҳбуслар ва бошкаларга катта эътибор берилган. Халкаро ҳамжамиятнинг ушбу сохада кўраётган чора-тадбирлари мисоллари ҳамда мазкур ҳолатдан чиқиш юзасидан тавсиялари ёритилган.

Ўзбекистон Республикасинг Ҳаво кодекси

Ўзбекистон Республикасининг Жиноят-процессуал кодекси

Ўзбекистон Республикасининг Ер кодекси

Ҳуқуқ метафизикаси, давлат ҳуқуқи, ҳуқуқ ва адабиёт

Мазкур китобда немис конституциявий ҳуқуқий институтлари, сиёсий демократия ва ҳуқуқий маданиятнинг тарихий ривожланиши тажрибаси, Германия сиёсий партияларининг тарихи ва ҳозирги кунда тутган ўрни, ҳамда нафакат немис, балки жаҳон адабиётининг И. Кант, И.В. Гёте, Э.Т.А. Ҳофман каби буюк намояндаларининг ҳаёти ва ижоди, уларнинг фалсафий-ҳуқуқий қарашлари тўғрисида сўз боради. Ушбу китоб хукукшунослар, файласуфлар, сиёсатшунослар, тарих- чилар, шунингдек, фалсафа ва хукук тарихи, халқаро сиёсат масалалари билан қизиқувчи кенг китобхонлар оммасига мўлжалланган.

Иммануал кантнинг фалсафий - ҳуқуқий мероси ва замонавий юриспруденция

Мазкур китобда И. Кантнинг фалсафий-хукукий меросига оид асосий кои- далар бугунги кун гоялари билан боғлиқ ҳолда ёритиб берилган. Оламшумул гло- баллашув шароитида халқаро тартиботнинг шаклланишида И. Кантнинг давлат ва хукук ҳақидаги таълимотининг аҳамияти, унинг давлат ва хукук фалсафасига доир асосий қарашлари баёни ҳамда халқаро ҳукук ва дунёда абадий тинчликка эришиш йўллари тўғрисидаги энг муҳим гояларига асосий эътибор қаратилган. Шунингдек, И. Кантнинг дунё ҳикматлари хазинасидан ўрин олган ҳикматона гоялари, ҳаётий тамойиллари ҳамда фикр ва мулоҳазалари китобнинг алоҳида кисмида ўз ифодасини топган. Ушбу китоб хукукшунослар, файласуфлар, сиёсатшунослар, тарихчилар, шу- нингдек, фалсафа ва хукук тарихи, халкаро сиёсат масалалари билан кизикувчи кенг китобхонлар оммасига мўлжалланган.