Kitoblar

KRIMINALISTIKA O'QUV QO'LLANMA

Ushbu o'quv qo'llanmada "Kriminalistika" o'quv kursi mazmuni sxemalarda ifodalangan. Qo'llnma yuridik instituti va huquqshunoslik fakultetlari talabalari uchun mo'ljallangan.

AGRAR HUQUQI

Ushbu darslik, yuridik texnikumlari o'quvchilariga mo'ljallangan bo'lib, unda agrar sektorda bozor munisabatlariga o'tishni huquqiy tartibga solish, qishloq xo'jalik faoliyatini davlat tomonidan tartibga solish, qishloq xo'jaligi faoliyati subyektlari huquqiy holati, agrar qonunchilikni buzganlik uchun javobgarlik, qishloq xo'jalik kooperativlari faoliyatini huquqiy tartibga solish, fermer hamda dehqon xo'jaliklarining huquqiy holati, qishloq xo'jalik failiyatining alohida turlarini huquqiy tartibga solish, qishloq xo'jaligida tabiatdan samarali foydalanishni huquqiy ta'minlash, qishloq xo'jaligidagi shartnoma va mehnat munosabatlarining o'ziga xos xususiyatlari hamda xorijiy mamlakatlar agrar huquqining o'ziga xos jihatlari kabi masalalar yoritilgan. Yuridik ta'lim yo'nalishi bo'yicha tahsil olaytgan texnikumlar o'quvchilari va agrar huquqi fani bilan qiziquvchi kitobxonlar ommasiga mo'ljallangan.

MA'MURIY HUJJATLAR

"Ma'muriy hujjatlar" darsligi O'zbekiston Respublikasining ma'muruy huquq sohasi bilan bog'liq yangi qonunchiligiga asoslangan holda maʼmuriy hujjatlarning nazariy-huquqiy masalalarini yoritib berish , ma'muriy hujjatlar bilan bog'liq huquqni qo'llashda zarur bo'lgan nazariy bilimlar va amaliy ko'nikmalarni shakllantirishni nazarda tutadi. Mazkur darslik 10 ta bobdan iborat bo'lib, belgilangan dastur doirasida shakllantirilgan. Darslikda quyidagi masalalar qamrab olingan: ma'muriy hujjat tushunchasi, mohiyati va uning o'ziga xos xususiyatlari; ma'muriy hujjatning shakli va mazmuni; ma'muriy hujjatning asosliligi; ma'muriy hujjatning kuchga kirishi; ma'muriy hijjatni tushuntirib berish va uni tuzatish; ma'muriy hujjatning amal qilishini tugatish, uni bekor qilish, o'zgartirish yoki haqiqiy emas deb topish; litsenziyalash sohasidagi ma'muriy hujjatlar; ruxsat berish sohasidagi ma'muriy hujjatlar; ro'yxatdan o'kazish sohasidagi ma'muriy hujjatlar; davlat xizmatlarini ko'rsatish bilan bog'liq sohalarda ma'muriy hujjatlar.

ISH YURITISH

Yuridik texnikumlar uchun tayyorlangan mazkur darslikda ish yuritish bilan bog'liq jarayonlarning huquqiy asoslari, tartib-taomillari, xususan, ish yuritish va ijro nazoratini tashkil etish, boshqaruv faoliyatini hujjatlashtirish, hujjatlarni tuzish va rasmiylashtirish, Hujjatlar ustida ishlash, hujjatlarni ro'yxatdan o'tkazish va indekslash, hujjatlarni ijro etish, hujjatlar yig'ma jildlari nomenklaturasini tuzish va hujjatlar yig'ma jildlarini shakllantirish kabi masalalar yoritilgan. Darslik o'quvchilar, o'qituvchilar, huquqshunoslar va ish yuritish jarayoni amaliyoti bilan qiziquvchilar uchun mo'ljallangan. Ushbu darslik O'zbekiston Respublikasi Oliy va o'rta maxsus ta'lim vazirligining 2019-yil 20-iyuldagi 654-son buyrug'i bilan nashr etishga ruxsat berilgan.

NOTARIAL HARAKATLAR

Mazkur darslikda notariat institutining huquqiy asoslari, notarial harakatlarning turlari hamda ularni amalga oshirish tartiblari, shuningdek, chet el elementi bilan murakkablashgan notarial harakatlarni amalga oshirishning o'ziga xos xususiyatlari ochib berilgan hamda unda notariat institutiga oid keyslar va notarial harakatlardan namunalar keltirilgan. Ushbu darslik yurisprudensiya soha mutaxassisligi o'quvchilari, talabalari, shuningdek , notarial idora xodimlari hamda keng jamoatchilik foydalanishi uchun mo'ljallangan.

XODIMLAR BO'YICHA ISH YURITISH

Darslikda xodimimlar bo'yicha ish yuritish tartibi, usullari va vositalari, kadrlar bo'limining faoliyati, kadrlar bo'limi xodimlarining vazifa va funksiyalari, shuningdek, korxona, muassasa, tashkilotlarda xodimlar bo'yicha ish yuritishni tartibga solishga qaratilgan turli masalalar yoritilgan. Mazkur darslik xodimlar bo'yicha ish yuritish amaliyotida rioya qilinishi kerak bo'lgan qoidalarni va turli lokal hujjatlardan namunalarni o'z ichiga olagan. Darslik o'quvchilarga mehnat qonunchiligi normalarini amaliyotda qo'llashni o'rgatish maqsadida tayyorlangan o'quv adabiyoti hisoblanadi. Darslik 3240100 - yurisprudensiya ta'lim yo'nalishi o'quv dasturiga mos ravishda tayyorlangan bo'lib, darslikdan yuridik o'rta maxsus ta'lim muassasalari (yuridik kollejlar) o'quvchilari, bakalavriat yo'nalishi talabalari va xodimlar bo'yicha ish yurituvchi mutaxassislar foydalanishlari mumkin. Darslikda 2019-yil 1-noyabrga qadar amalda bo'lgan normativ huquqiy hujjatlardan foydalanilgan.

MAJBURIYAT HUQUQI

Yuridik kollejlar uchun tayyorlangan mazkur darslik, majburiyat huquqi tushunchasi va uning vujudga kelishi, majburiyat subektlari, majburiyatda shaxslarning o'zgarishini o'zida ifodalaydi. Shuningdek, unda majburiyatlarni bajarish va uni ta'minlash, majburiyatlarni buzganlik uchun javobgarlik hamda majburiyatlarning bekor bo'lishi kabilarning o'ziga xos xususiyatlari yoritilgan. Darslik o'qituvchilar, huquqshunoslar, talabalar, o'quvchilar va majburiyat huquqi faniga qiziquvchilarning keng ommasi uchun mo'ljallangan.

Huquqiy ta'sir choralarini qo'llash to'g'risidagi ishlarni yuritish

O'quv qo'llanmada huquqiy ta'sir choralarini qo'llash va huquqiy ta'sir choralarning turlari, huquqiy ta'sir choralarini qo'llash to'g'risidagi ishni qo'zg'atish, ishni ko'rish va hal qiluv qarorini qabul qilish, qayta ko'rishning o'ziga xos xususiyatlari yoritilgan. Iqtisodiy sud tomonidan huquqiy ta'sir choralarini qo'llash to'g'risidagi arizani rasmiylashtirish tartibi, arizani rad etish, arizani qaytarish asoslari, ishni sudda ko'rishga tayyorlash bo'yicha sudya tomonidan amalga oshiriladigan protsessual harakatlarning hajmi va mazmuniga oid normativ-huquqiy hujjatlar tahlil qilingan.

Diplomatik va konsullik huquqi

Darslikda diplomatik va konsullik huquqining paydo bo'lishi va rivojlanish bosqichlari, terminologiyasi, diplomatik va konsullik faoliyatini tartibga soluvchi prinsip va normalar, diplomatik huquq va ichki huquqning o'zaro aloqasi ko'rib chiqilgan. Darslik yurisprudensiya ta'lim yo'nalishi talabalari va professor- o'qituvchilar uchun mo'ljallangan.

SUD VA PROTSESSUAL HUJJATLAR

Mazkur darslikda fuqarolik, iqtisodiy, ma'muriy va jinoiy sud ishlarini yuritishga oid protsessual hujjatlar, ularning turlari va rasmiylashtirish tartibi, shuningdek, har bir mavzuga oid nazorat uchun savollar, protsessual hujjatlardan namunalar o'rin olgan. Darslik yuridik texnikum o'quvchilari va keng kitobxonlar ommasiga mo'ljallangan.

ADVOKATURA

Ushbu darslikdan advokatura fani tushunchasi, predmeti va tizimi, advokatlik faoliyatining prinsiplari, Advokatlar palatasining huquqiy maqomi, advokatlik faoliyatining kafolatlari va advokatlarning ijtimoiy himoyasi, advokatlik faoliyatining tashkiliy shaklllari, advokat maqomini olish, to'xtatib turish va tugatish, advokatning kasb etikasi va uning javobgarlik masalalari, advokatning fuqarolik, iqtisodiy, ma'muriy, jinoyat sudlari ishlarini yuritishdagi ishtiroki, shuningdek, har bir mavzuga oid kazuslar, asosiy tushunchalar hamda nazorat uchun savollar o'rin olgan. Darslik yuridik texnikumlarda ta'lim oluvchi o'quvchilar, ilmiy tadqiqotchilar, professor o'qituvchilar, advokatlar, shuningdek, advokatura institutiga qiziquvchi keng kitobxonlar ommasiga mo'jallangan.

IJRO ISHI YURITISH

Yuridik texnikum o'quvchilari uchun tayyorlangan mazkur darslikda davlat ijrochisining ijro ishini tashkil etish jarayonida sud qarorlari va boshqa organlar hujjatlarining majburiy ijrosini ta'minlash faoliyatiga oid dolzarb masalalar yoritib berilgan. Darslik Respublikamizdagi huquqshunoslik mutaxassisligi bo'yicha ta'lim olayotgan O'zbekiston Respublikasi Adliya vazirligi yuridik texnikumi o'quvchilari, o'qituvchilar' huquqshunoslar, shuningdek, ijro ishi yuritish jarayoni bilan qiziquvchi keng kitobxonlar uchun mo'ljallangan.

SHARTNOMA TUZISH

Yuridik texnikumlar uchun tayyorlangan mazkur darslikda shartnoma tuzish bilan bog'liq jarayonlarning huquqiy asoslari, tartibi va shartlarini, shrtnoma tuzish usullari va ularning rasmiylashtirilishini ko'rsatib berilgan. Shuningdek, unda shartnoma tuzish bosqichlari, oferta va akseptni rasmiylashtirish va yuborish tartibi, dastlabki shartnomani tuzishga nisbatan talablar, kimoshdi savdoda shartnoma tuzish, internet orqali shartnoma tuzish, tanlov savdolarda shartnoma tuzish, davlat xaridlari bo'yicha shartnomalar tuzish va rasmiylashtirishdan tashqari iqtisodiy shartnomalar tuzishning o'ziga xos xususiyatlari yoritilgan. Darslik o'quvchilar, huquqshunoslar, talabalar va shartnoma tuzish nazariyasi va amaliyoti bilan qiziquvchilar uchun mo'ljallangan. Ushbu darslik O'zbekiston Respublikasi Oliy va o'rta maxsus ta'lim vazirligi Huquq birlashmasining 2019-yil 5-fevraldagi 4-son qarori bilan yuridik texnikumlar uchun darslik sifatida tavsiya etilgan.

MEHNAT SHARTNOMASI

Darslikda bozor munosabatlari sharoitida mehnat huquqining muhim institutlaridan bo'lgan mehnat shartnomasi institutini, jumladan, mehnat shartnomasi tushunchasi va uning boshqa turdosh fuqarolik-huquqiy shartnomalardan farqli jihatlarini, mehnat shartnomasini tuzish, o'zgartirish hamda bekor qilishni tartibga soluvchi O'zbekiston Respublikasi mehnat qonunchiligi normalarini amaliyotda qo'llashning asosiy qoidalarini o'rganish orqali mehnat munosabatlarida qonuniylik hamda ijtimoiy adolatning ta'minlashi masalalari o'z ifodasini topgan. Darslik 5240100 - yurisprudensiya ta'lim yo'nalishi o'quv dasturiga mos ravishda tayyorlangan. Darslikdan yuridik kollej talabalari, o'qituvchilar, shuniingdek, mehnat qonunchiligi masalalari bilan qiziquvchi keng kitobxonlar foydalanishlari mumkin. Darslikda 2020-yil 1-noyabrga qadar amalda bo'lgan normativ-huquqiy hujjatlardan foydalanilgan.

FUQAROLIK PROTSESSUAL HUQUQI

Mazkur darslik Davlat ta'lim standarti asosida yuridik texnikum o'quvchilari uchun tuzilgan "Fuqarolik protsessual huquqi" fani o'quv dasturiga muvofiq hamda shaxsga yo'naltirilgan, rivojlantiruvchi va mustaqil ta'lim olish texnologiyalari, tamoyillari va talablari asosida tayyorlangan. Darslikda fuqarolik protsessual huquqining umumiy va maxsus qismiga oid barcha mavzular, har bir mavzu bo'yicha nazorat savollari, kazuslar, ushbu fanga oid o'qish uchun tavsiya etilgan adabiyotlar ro'yxati o'z aksini topgan. Mazkur darslik nafaqat yuridik texnikum o'quvchilari uchun, shuningdek, amaliyotchi va ilmiy xodimlar, keng kitobxonlar ommasi uchun mo'ljallangan.

MEHNAT HUQUQI

Darslikda mehnat huquqining umumiy va maxsus qismi institutlari amaldagi mehnat huquqiga oid normalar asosida ishlab chiqilgan va ularni amaliyotda qo'llanilishi bilan bog'liq masalalar yoritilgan bo'lib, yuridik kollej talabalari uchun mo'ljallangan.

JINOYAT HUQUQI

Ushbu darslik yurisprudensiya yo'nalishida ta'lim olayotgan yuridik texnikum o'quvchilari Jinoyat huquqi fani bo'yicha ma'ruza va amaliy mashg'ulot (seminar)larga tayyorgarlik ko'rish uchun mo'ljallangan bo'lib, unda jinoyat huquqi fanining o'quv dasturidagi mavzular qamrab olingan va har bir mavzu bo'yicha savollar, shuningdek , tavsiya etiladigan adabiyotlar ro'yxati berilgan. Darslik oliy yuridik o'quv yurtlarining professor-o'qituvchilariga dars jarayonlarini tashkil etish, ma'ruza va amaliy mashg'ulot (seminar)lar o'tkazishda, shuningdek, bakalavr va magistratura bosqichi talabalariga, amaliyot xodimlariga hamda Jinoyat huquqiga qiziquvchi kitobxonlarga tavsiya qilinadi.

YURISTNING YOZMA NUTQI

JINOYAT PROTSESSUAL HUQUQI

Mazkur darslik "Jinoyat-protsessual huquqi" fanining umumiy va maxsus qismlari bo'yicha o'quv dasturi negizida tayyorlangan va yuridik kollejlar o'quvchilariga mo'ljallangan.

FUQAROLIK HUQUQI

Ushbu darslik O'zbekiston Respublikasi Oliy va o'rta maxsus ta'lim vazirligining 2019-yil 20-iyuldagi 654-sonli buyrug'i asosida nashrga tavsiya etilgan