Kitoblar

Konstitutsiyaviy huquq

Mazkur Konstitutsiyaviy huquq fani bo'yicha darslik oliy yuridik o'quv yurtlarining bakalavr bosqichi ta'lim standartlari asosida yaratilgan. Darslikda Konstitutsiyaviy huquq fani predmeti doirasiga kiruvchi mavzular yoritilgan. Darslikning tuzilishi (tizimi) O'zbekiston Respublikasining Konstitutsiyasi tuzilishiga mos keladi. Unda 2023-yil 30-aprel kuni o'tkazilgan O'zbekiston Respublikasi referendumida umumxalq ovoz berish orqali qabul qilingan yangi tahrirdagi O'zbekiston Respublikasi Konstitutsiyasiga kiritilgan barcha o'zgartirish va qo'shimchalar e'tiborga olingan. Darslik oliy o'quv yurti talabalari uchun mo'ljallangan bo'lib, undan boshqalar ham Konstitutsiyani o'rganishda foydalanishlari mumkin.

Iqtisodiy protsessual huquq

Ushbu darslikda iqtisodiy protsessual huquq va iqtisodiy ishlarning taalluqliligi va sudlovga tegishliligi, iqtisodiy sud ishlarini yuritish ishtirokchilari, iqtisodiy protsessda isbotlash va dalillar, da'vo, sud xarajatlari, protsessual muddatlar, iqtisodiy ishni qo'zg'atish, tayyorlash va sudda muhokama qilish, birinchi instansiya sudining qarorlari, buyruq tartibida ish yuritish, soddalashtirilgan tartibda ish yuritish, alohida tartibda ish yuritish, korporativ nizolar boʻyicha ish yuritish, huquqiy ta'sir choralarini qoʻllash to'g'risidagi ishlarni yuritish, hakamlik sudining hal qiluv qarorlari bilan bog'liq ishlarni yuritish, iqtisodiy protsessda chet el shaxslarning ishtiroki, sud hujjatlarini qayta ko'rish, sud hujjatlarining ijrosi, shuningdek, har bir mavzuga oid kazuslar, nazorat savollari o'rin olgan. Darslik bakalavriat ta'lim yo'nalishi talabalari, tadqiqotchilar, shuningdek, keng kitobxonlar ommasiga mo'ljallangan.

Sud va huquqni muhofaza qiluvchi organlar. Advokatura

Darslik Sud va huquqni muhofaza qiluvchi organlar. Advokatura» fani boʻyicha o'quv dasturiga muvofiq O'zbekiston Respublikasi qonun hujjatlari va zamonaviy adabiyot tahlili asosida tayyorlangan. Darslikda «Sud va huquqni muhofaza qiluvchi organlar. Advokatura>> fanining predmeti, asosiy tushunchalari va tizimi; O'zbekiston Respublikasida sud hokimiyatining tashkil etilishi; O'zbekiston Respublikasi sud tizimi; O'zbekiston Respublikasi prokuratura organlari; O'zbekiston Respublikasi Ichki ishlar organlari; O'zbekiston Respublikasi Milliy gvardiyasi; O'zbekiston Respublikasi Davlat xavfsizlik xizmati; O'zbekiston Respublikasi Prezidenti Davlat xavfsizlik xizmati; Adliya organlari; Bojxona va soliq organlari; Korrupsiyaga qarshi kurashish agentligi; O'zbekiston Respublikasida advo- katlik faoliyatining tashkiliy-huquqiy asos- lari, advokatning kasbiy etikasi, advokatning umumyurisdiksiya sudlaridagi ishtiroki; shuningdek, xorijiy mamlakatlarda sudlov va huquqni muhofaza qilish faoliyatining tashkil etilishi kabi masalalar ochib berilgan.

Inson huquqi

Ushbu darslikda Inson huquqi fanining predmeti va tizimi, inson huquqi manbalari, inson huquqi bo'yicha xalqaro institutlar, inson huquqi bo'yicha milliy institutlar, inson huquqi sohasida xalqaro andoza (standart)lar, mahkumlarning, qochoqlarning, chet el fuqarolari va fuqaroligi bo'lmaganlarning huquqiy holati, odam savdosiga qarshi kurashning huquqiy masalalari, insonning sha'ni va qadr-qimmati daxlsizligi, inson shaxsiy hayotining daxlsizligi, shaxsiy va oilaviy sirga ega bo'lish, o'z sha'ni va qadr-qimmatini himoya qilish huquqi, inson huquqini buzganlik uchun yuridik javobgarlik, insonning yashash, erkinlik va shaxsiy daxlsizlik, erkin ko'chib yurish, so'z va fikrlash erkinligi, fuqarolarning jamiyat va davlat ishlarini boshqarishda ishtirok etish, fuqarolarning davlat xizmatiga kirish, insonning malakali yuridik yordam olish, vijdon erkinligi, mitinglar, yig'ilishlar va namoyishlar o'tkazish, murojaat qilish huquqlari, davlat va jamiyat oldidagi burchlari kabi mavzular yoritilgan. Darslik professor-o'qituvchilar, huquqni muhofaza qilish organlari xodimlari, oliy o'quv yurtlari talabalari uchun mo'ljallangan.

Fuqarolik huquqi

Ushbu darslikda fuqarolik huquqi tushunchasi, predmeti, tizimi va manbalari, fuqarolik huquqining subyektlari va obyektlari, fuqarolik huquqida bitimlar, vakillik va ishonchnoma, muddatlar va da'vo muddatlari, mulk huquqi, mulk huquqining vujudga kelish va bekor bo'lish asoslari, mulk huquqining asosiy tamoyillari, mulk shakllari, ashyoviy huquq va uning turlari, xususiy va ommaviy mulk huquqi, mulk huquqini himoya qilish, majburiyat huquqi, majburiyatlarning vujudga kelishi, majburiyat subyektlari va obyektlari, majburiyatlarning bajarilishini ta'minlash usullari, majburiyatlarning bekor bo'lishi, shartnoma huquqi, shartnomalarning turlari, shartnomalarni tuzish va bekor qilish bilan bog'liq masalalar amaldagi qonunchilik asosida yoritib berilgan.

Jinoyat huquqi

Ushbu o'quv qo'llanma «Jinoyat huquqi» (Umumiy qism) o'quv kursining dasturi asosida tayyorlangan bo'lib, qo'llanmada jinoyat qonuni prinsiplari, jinoyat tushun- chasi va uning belgilari, jinoiy javobgarlik va uning asoslari, jinoyat tarkibi va uning elementlari, tamom bo'lmagan jinoyatlar, ishtirokchilik, bir qancha jinoyat sodir etish, qilmishning jinoiyligini istisno qiluvchi holatlar, jazo tushunchasi, maqsadi va uning turlari, jazo tayinlash, javobgarlikdan va jazodan ozod qilish, voyaga yetmaganlar javobgarligi hamda tibbiy yo'sindagi majbur- lov choralarini qo'llash kabi masalalarni o'z ichiga qamrab oladi. n. i Ushbu o'quv qo'llanma Jinoyat huquqi Umumiy qismi boʻyicha kerakli ma'lumot- larni olishga, oliy yuridik o'quv yurtlarining professor o'qituvchilariga dars jarayonlarini tashkil etishga, talabalarning o'quv mash- g'ulotlar va imtihonlarga, amaliyotga tay- yorgarlik ko'rishida yordam beradi. O'quv qo'llanma oliy o'quv yurtlarining bakalavr va magistratura talabalariga qo'l- lanma sifatida tavsiya etiladi. Ushbu o'quv qo'llanma amaldagi Jinoyat kodeksining 2022-yil may oyigacha bo'lgan holatiga koʻra yozilgan.

Rim huquqi

Ushbu o'quv qo'llanmada Rim huquqi tushunchasi va uning predmeti, tizimi va manbalari, huquqni himoya qilish shakllari, shaxslar tushunchasi, oilaviy- huquqiy munosabatlar, ashyoviy va mulkiy huquqlar, majburiyat huquqi tushunchasi va majburiyatlarning alohida turlari, vorislik huquqi kabi masalalar yoritib berilgan. O'quv qo'llanma oliy o'quv yurtlarining huquqshunoslik mutaxassisligi talabalariga moʻljallangan.

Iqtisodiyot nazariyasi

Mazkur darslik bakalavrlarga mo'ljallangan asosiy kurs tarzida yozilgan bo'lib, bo'lg'usi mutaxassislarga kasb-korining qanday bo'lishidan qat'iy nazar o'z faoliyatining iqtisodiy natijalarini bilishlariga, iqtisodiy hodisalar mohiyatini tushu- nish, sir-asrorlarini idrok etishlariga yaqindan yordam beradi. Shuningdek, «Iqtisodiyot nazariyasi» beradigan funda- mental bilimlar bozor iqtisodiyoti sharoitida yashash va ishlash uchun unda yuz beradigan o'zgarishlarni anglab, ularga mos- lashib borishga xizmat qiladi.

Fuqarolik ishlari bo'yicha protessual hujjatlar

Mazkur o'quv qo'llanmada fuqarolik sud ishlarini yuritishga oid protsessual hujjatlar, ularning turlari va rasmiylashtirish tartibi, shuningdek, har bir mavzuga oid asosiy tushunchalar, nazorat uchun savollar va topshiriqlar, kazuslar, protsessual hujjatlardan namunalar o'rin olgan. O'quv qo'llanma bakalavriat ta'lim yo'nalishi talabalari, magistratura talabalari, ilmiy tadqiqotchilar, professor-o'qituvchilar, sud va huquqni muhofaza qiluvchi organlar xodimlari, shuningdek keng kitobxonlar ommasiga mo'ljallangan.

Tizimli tahlil asoslari

Mazkur darslikda tizimlar nazariyasi va tizimli tahlil fanining nazariy, nazariy-uslubiy, hamda amaliy asoslari umumlashtirilgan. Ushbu darslik ijtimoiy fanlar sohasida izlanishlar va pedagogik faoliyatni olib boruvchi mutaxassislar uchun foydali bo'lishi mumkin. Shu bilan birga, mazkur darslik huquqshunos, iqtisodchi, psixolog, sotsiolog, siyosatshunoslar hamda boshqaruvchilar uchun tizimli tahlil va qarorlar qabul qilishda as qotishi mumkin. O'quv dasturlarini tuzishda darslikdagi mavzular mutaxassislik yo'nalishiga mos ravishda tanlanishi mumkin.

Advokatura

Mazkur darslik Advokatura fani bo'yicha o'quv dasturi negizida tayyorlangan va yurisprudensiya ixtisosligi davlat ta'lim standartlariga muvofiq bo'lib yuridik oliy ta'lim muassasalari talabalariga mo'ljallangan.

Jinoyat-protsessual huquqi

Mazkur darslik Jinoyat-protsessual huquqi fanining maxsus qismi bo'yicha o'quv dasturi negizida tayyorlangan va 5240100 "Yurisprudensiya" ixtisosligi Davlat ta'lim standartiga muvofiq boʻlib, yuridik oliy ta'lim muassasalari va fakultetlari talabalariga mo'ljallangan. O'zbekiston Respublikasi Oliy va o'rta-maxsus ta'lim vazirligi tomonidan 5240100-"Yurisprudensiya" yo'nalishi bo'yicha ta'lim olayotgan talabalar uchun darslik sifatida tavsiya etilgan.

Жиноят ишлари бўйича процессуал ҳужжатлар

Мазкур ўқув қўлланмада жиноят ишлари юритувида расмийлаштирилиши лозим бўлган процессуал ҳужжатларнинг мазмун- моҳияти, ўзига хос хусусиятлари, аҳамияти, процессуал ҳужжатларга қўйилган талаблар назарий ва амалий жиҳатдан таҳлил қилинган. Ўқув қўлланма юридик олий ўқув юртларининг бакалавриат босқичи талабалари ва магистрантларига ҳамда юридик соҳада фаолият юритаётган ходимлар, шунингдек жиноят ишларини юритишда расмийлаштириладиган процессуал ҳужжатларга қизиқувчи шахсларга фойдаланиш учун тавсия қилинади.

Xalqaro shartnomalar huquqi

Mazkur o'quv qo'llanma Toshkent davlat yuridik universiteti "Xalqaro shartnomalar huquqi" moduli dasturiga muvofiq ishlab chiqilgan bo'lib, unda xalqaro shartnomalar huquqi tushunchasi, manbalari, obyekti va maqsadi, xalqaro shartnomalarni tasniflash, ularning shakli, tuzilishi va nomi, kuchga kirishi, bekor qilinishi, to'xtalishi va shartnomaning ijrosini ta'minlash usullar va shu kabi masalalar atroflicha o'rganilgan. Bundan tashqari, O'zbekiston Respublikasining xalqaro munosabatlarda o'ziga xos o'ringa egaligi va xalqaro shartnomalarni bajarilishidagi tashabbuslarni amalga oshirish masalalari yoritib berilgan. O'quv qo'llanma lotin yozuvida tayyorlangan bo'lib, olimlar, sud-huquq sohasidagi mutaxassislar va yuridik universitet talabalari, shunindek umuman xalqaro munosabatlar. xalqaro huquq, xalqaro shartnomalar huquqi bilan qiziquvchi barcha kitobxonlar uchun mo'ljallangan.

Ekologiya huquqi

Mazkur darslik ekologiya qonunchiligiga oid so'nggi o'zgartish va qo'shimchalarni inobatga olgan holda tayyorlangan. Unda ekologiya huquqi asoslari tizimli ravishda bayon etilgan, har bir tabiiy resursni muhofaza qilish va undan foydalanishning huquqiy holatiga alohida e'tibor qaratilgan, bu esa ekologiya huquqining o'ziga xos xususiyatlarini ochib bergan. Darslikda ushbu sohada ro'y bergan nazariy va amaliy yangiliklar atroflicha qamrab olingan, unda bir qator yangi va dolzarb mavzular ham yoritilgan. Darslik ushbu mutaxassislik bo'yicha ta'lim olayotgan talabalar, magistrantlar, o'qituvchilar, shuningdek tabiiy resurslardan maxsus foydalanuvchilar hamda tabiatni muhofaza qilish organlari xodimlari uchun mo'ljallangan.

Xalqaro jinoyat huquqi

Mazkur darslikda xalqaro jinoyat huquqining tushunchasi, manbalari va prinsiplari, Xalqaro harbiy tribunallar faoliyati, xalqaro jinoyat va xalqaro xarakterdagi jinoyat turlari, mazkur jinoyatchilikning turli ko'rinishlariga qarshi kurash olib borish tartibi, jinoyatchilikka qarshi kurashuvchi xalqaro tashkilotlar faoliyati hamda jinoyat ishlari bo'yicha davlatlarning xalqaro hamkorligi masalalari atroflicha tahlil qilingan. Oliy yuridik ta'lim muassasalarining talabalari, magistrantlari hamda xalqaro jinoyatchilikka qarshi kurash masalalariga qiziquvchi barcha kitobxonlar uchun mo'ljallangan.

Kriminalistika

Erkin iqtisodiy zonalar huquqi

Mazkur darslik "Erkin iqtisodiy zonalar huquqi" fani bo'yicha o'quv dasturi negizida tayyorlangan va 5A240110, 5A240111 - "Yurisprudensiya" ixtisosligi Davlat ta'lim standartiga muvofiq bo'lib, yuridik oliy ta'lim muassasalari va fakultetlari talabalariga mo'ljallangan.

Xalqaro huquq

O‘zbekiston Respublikasi Prezidentining 2013-yil 28-iyundagi “Yuridik kadrlar tayyorlash tizimini yanada takomillashtirish toʻgʻrisida”gi PQ–1990-sonli va 2017-yil 28-apreldagi “Toshkent davlat yuridik universitetida kadrlar tayyorlash tizimini tubdan takomillashtirish va samaradorligini oshirish chora-tadbirlari toʻgʻrisida”gi PQ–2932-sonli qarorlari ijrosini ta’minlash, talabalarda Xalqaro huquq fani bo‘yicha nazariy bilimlarni va xalqaro huquq normalarini qoʻllashga doir ko‘nikmalarni shakllantirish maqsadida ushbu darslik ishlab chiqildi.Darslikda xalqaro huquqning asosiy tushunchalari, normalari, prinsiplari, manbalari, subyektlari, xalqaro huquqda aholi va hudud masalalari, shuningdek hozirgi zamon xalqaro ommaviy huquqining asosiy sohalari, ya’ni xalqaro shartnomalar huquqi, xalqaro tashkilotlar huquqi, diplomatik va konsullik huquqi, inson huquqlari bo‘yicha xalqaro huquq, xalqaro gumanitar huquq, xalqaro iqtisodiy huquq, xalqaro ekologiya huquqi, xalqaro jinoyat huquqi, xalqaro havo huquqi, xalqaro xavfsizlik huquqi keng yoritib berilgan.Ushbu darslik bakalavriat bosqichi 5380100 – Yurisprudensiya yo‘nalishi talabalari uchun mo‘ljallangan.

Huquqiy sohada tizimli tahlil

Mazkur o'quv qo'llanma bir qancha fanlar (matematika, mantiq, falsafa, psixologiya, iqtisod va h.k.) kesishmasida hosil bo'lgan ilm sohasining yangi bir yo'nalishi hisoblanadi. Qo'llanma bakalavr yo'nalishining 5240100 "Yurisprudensiya" faoliyat turlarining barcha sohasida ta'lim oluvchi talabalar uchun mo'ljallangan. Qo'llanmaning maqsadi talabalarda har qanday sharoitda masala yechimiga tizimli yondashuv asosida qarash, qaror qabul qilish uchun ma'lumotlarni taqdim qila olish, turli alternativ yechimlarni ishlab chiqa olish, boshqaruvda tez qaror qabul qila olish hamda vaziyat va imkoniyatlarni to'g'ri baholay olishga doir bilim va ko'nikmalarni shakllantirishdan iborat. Ushbu kitob xodimlar uchun mo'ljallangan.