-
Ta'lim, -
Ta'lim, -
-
-
-
-
-
Ta'lim, -
Ta'lim, -
-
-
-
-
-
Shartnoma shartlarini bajarmaslik va uning huquqiy oqibatlarining qiyosiy huquqiy tahlili. Romano - german va anglo-sakson huquq tizimlari misolida
Alijonov A.Q.,Mazkur monografiya romano-german va anglo-sakson huquq tizimi davlatlarida shartnoma shartlarini bajarmaslik yuzasidan kelib chiqadigan huquqiy oqibatlarning qiyosiy-huquqiy tahliliga bag'ishlangan. Ushbu monografiyada O'zbekiston qonunchiligiga shartnoma shartlarini bajarmaslikdan kelib chiquvchi huquqiy oqibatlami ilg'or rivojlangan romano-gerruan va anglo-sakson huquq tizimi mamlakatlari tajribasidan foydalangan holda implementatsiya qilish bo'yicha asoslangan ilmiy va amaliy takliflar ishlab chiqilgan.
-
Tavallo ijodida poetik shakl, mazmun va obraz yangilanishi tamoyillari
Raxmonova D.,Monografiya Tavallo she'riyatida poetik shakl, mazmun va obraz yangilanishining adabiy-estetik tamoyillarini belgilash hamda ijodkor badiiy publitsistikasining poetik tafakkur yangilanishidagi o'rnini ochib berishga bag'ishlangan. Tavallo she'riyatida poetik shakl va badiiy uslub yangilanishining ilmiy-nazariy asoslari dalillangan, ijodkor nazmiy asarlarida poetik mazmun yangilanishi tamoyillari va bunda individual ijodiy tafakkurning o'rni belgilangan, shoir lirikasida poetik obraz yangilanishining ijtimoiy-tarixiy va adabiy-estetik omillari aniqlangan. Monografiya milliy uyg'onish davri adabiyoti bilan qiziquvchi olimlar, tadqiqotchilar va filolog mutaxassislar uchun mo'ljallangan.
-
Jinoyat protsessida gumanizatsiyalashtirishning ayrim jihatlari
Matkarimov Q.Q.,Mazkur monografiyada jinoyat protsessida gumanizatsiyalashtirishning ayrim jihatlari, jinoyat ishlari yurituvini gumanizatsiyalashtirishning tavsifi va mohiyati tizimli ravishda tahlil etilgan, shuningdek, jinoyat ishlari yurituvini gumanizatsiyalashtirishga oid qonun normalarining rivojlanishi masalalari tarixiy-xuquqiy, nazariy-ilmiy jihatdan yoritilgan. Monografiya huquqshunoslik ixtisosligi bo'yicha tahsil olayotgan bakalavrlar, magistrlar hamda huquqiy tadqiqotlar olib borayotgan ilmiy xodimlar va o'qituvchilar uchun mo'ljallangan.
-
Jinoyatda ishtirokchilik institutining jinoyat - huquqiy tartibga solinishi
Otajonov A.A,Ushbu monografiyada jinoyatda ishtirokchilik institutining huquqiy tartibga solinishi, ishtirokchilikda sodir etilgan jinoyatlar uchun javobgarlik belgilovchi qonun normalarini amalda qo'llanilishi va jinoyat ishtirokchilarining turlari va shakllarining jinoiy-huquqiy tavsifi hamda jinoyatda ishtirok etganlik uchun javobgarlik belgilashning bugungi holati va uni takomillashtirish istiqbollari tahlil qilingan. Monografiya huquqshunos olimlar va amaliyot xodimlari, yuridik ta'lim muassasalarining doktorantlari, mustaqil izlanuvchilari, magistrantlar, tinglovchi, kursant va talabalariga mo'ljallangan.
-
Masofaviy xodimlar mehnatini huquqiy tartibga solishning xususiyatlari
Shoislomova S.S.,Ushbu monografiya ishi "masofaviy mehnat", "masofaviy xodim" tushunchlari, masofadan ishlash usulini joriy etish, masofaviy xodimlar bilan ish beruvchining o'zaro hamkorlik qilish xususiyatlari, masofaviy xodimlar mehnatini tartibga solish va mehnatini tashkil etishning tartibi va o'ziga xos jihatlarini o'rganishga bag'ishlangan. Shuningdek, tadqiqotda xorijiy davlatlarning qonunchiligida masofadan ish olib boruvchi xodimlarning mehnatini tartibga solish bo'yicha yondashuvlar o'rganilgan va bu borada O'zbekiston Respublikasi qonunchiligini takomillashtirish bo'yicha muhim amaliy ahamiyatga ega bo'lgan taklif va tavsiyalar ishlab chiqilgan. Monografiya professor-o'qituvchilar, ilmiy tadqiqotchilar, kadrlar xizmati xodimlari, shuningdek qonun ijodkorligi jarayonida bevosita ishtirok etuvchi shaxslar uchun foydalanish uchun foydali bo'ladi. Shuningdek, tadqiqotda ilgari surilgan taklif va xulosalardan mehnat huquqi. fuqarolik huquqi fanlari boʻyicha darsliklar, o'quv qo'llanmalar va namunaviy o'quv dasturlarda ko'rsatilgan mavzularni yoritishda, kelajakda masofadan turi ishlash bo'yicha olib borilishi rejalashtirilgan bitiruv malakaviy ishlarida ham foydalanish mumkin. Shuningdek, tadqiqot natijalaridan Toshkent davlat yuridik universiteti tomonidan o'tiladigan "Qiyosiy mehnat huquqi", "Mehnat shartnomasini huquqiy tartibga solish", fanlarining o'quv jarayonlarida foydalanish mumkin.
-
O'zbekistonning eng yangi tarixi
Mualliflar jamoasi,Mazkur o'quv adabiyoti O'zbekistonning mustaqillik davrida sodir bo'lgan ijtimoiy-siyosiy, iqtisodiy va ma'naviy-ma'rifiy jarayonlar hamda o'zgarishlarni, ushbu davrda ro'y bergan tarixiy voqeliklarni bevosita qamrab olgan. Ushbu darslik respublikada yuqorida nomi qayd etilgan fan bo'yicha ilk bora tayyorlanib o'quvchi e'tiboriga havola qilinmoqda. Unda fan yuzasidan amalga oshirilgan innovatsiyalar, ilmiy tadqiqot xulosalari bevosita o'rin olgan.
-
Ta'limda axborot texnologiyalari
Yuldashev G.,Ushbu darslik bakalavriatning "Jismoniy madaniyat", "Tasviriy san'at va muhandislik grafikasi", "Chaqiriqqacha harbiy ta'lim", "Musiqa", "Maktabgacha ta'lim", "Pedagogika-psixologiya", "Boshlang'ich ta'lim" yo'nalishlarining "Ta'limda axborot texnologiyalari" fani dasturiga mos yozilgan bo'lib, bunda zamonaviy axborot texnologiyalari asoslari, zamonaviy shaxsiy kompyuterlar va ularning atrof qurilmalari, sistemali dasturiy ta'minoti, amaliy dasturiy vositalar, zamonaviy kommunikatsion texnologiyalar, dasturlash, Microsoft Officening dasturiy vositalari haqidagi mavzular yoritilgan.
-
Тенденции развития публичного права в современном Узбекистане: Дискуссионные вопросы конституционного и Административного права
коллективны авторов,В настоящий сборник вошли доклады, представленные на Республиканском научно- практическом симпозиуме с международным участием «Тенденции развития публичного права в современном Узбекистане: дискуссионные вопросы конституционного и административного права», состоявшемся 28-29 мая 2019 г. в Ташкентском государственном юридическом университете, а также доклады, представленные на Международном научно- практическом форуме по административному праву и процессу: «Административные процедуры и административное судопроизводство в системе правовой защиты как необходимое условие модернизации публичного управления», состоявшемся 6-7 июня 2019 г. в г. Шпайер, Германия. Данный сборник опубликован при поддержке региональной Программы GIZ «Содействие правовой государственности в странах Центральной Азии». Deutsche Gesellschaft für Internationale Zusammenarbeit (GIZ) GmbH (Германское общество по международному сотрудничеству) осуществляет эту программу по заказу Федерального министерства экономического сотрудничества и развития Германии (BMZ). Приводимые в настоящем сборнике данные, заключения, мнения и интерпретации являются позицией авторского коллектива и никоим образом не могут рассматриваться как отражающие позицию GIZ либо BMZ.
-
Ўзбекистон Републикасининг замонавий маъмурий ҳуқуқи ва оммавий бошқаруви бўйича 100 та долзард саволга жавоблар
Эгамбердиев Э.Х.,Ушбу ўқув қўлланмадан ҳар қандай шаклда ва ҳар қандай усулда фойдаланиш фақат Ўзбекистон Республикаси Оммавий-ҳуқуқий тадқиқотлар марказининг рухсати асосида амалга оширилиши мумкин. Қонун ҳужжатларида махсус назарда тутилган ҳолатлар бундан истисно. Китобдан ёки унинг қисмларидан ноқонуний фойдаланганлик учун айбдор шахс лар фуқаролик, маъмурий ва жиноят қонунчилигида назарда тутилган жавобгарликка тортиладилар. Ўқув қўлланма GIZнинг "Марказий Осиёда ҳуқуқий давлатчиликни қўллаб-қувват лаш" дастури кўмаги доирасида чоп этилди. Дастур Deutsche Gesellschaft für Internationale Zusammenarbeit (GIZ) GmbH (Германия халқаро ҳамкорлик жамияти) томонидан Германия иқтисодий ҳамкорлик ва тараққиёт федерал вазирлиги (BMZ) буюртмаси асосида амалга оширилмоқда. Ушбу қўлланмада келтирилган маълумотлар, хулосалар, фикрлар ва талқин лар муаллифлар жамоасининг фикрларидир ва ҳеч қандай тарзда GIZ ёки BMZнинг нуқтаи назарини акс эттирмайди.
-
Доказательства и доказывание в уголовном процессе
Маматкулова Х.У.,В настоящей монографии представлены основные положения доказательств в уголовном процессе, их свойства и некоторые вопросы доказывания по оловным делам. B работе определены Г общеправовые, методологические, идеологические, технологические, 4 а также отраслевые направления дальнейших научных исследований, 4 пути поиска новых законодательных инициатив, теоретических формулировок и постулатов, ориентирована судебная практика. Предназначена для научных работников, преподавателей, студентов юридических вузов и факультетов, сотрудников оперативно- розыскных подразделений и служб, следователей, прокуроров, судей. Рекомендована к публикации решением Научно-методического совета ТГЮУ (протокол от 26 декабря 2023 года за № 4).
-
Penitensiar tizimning profilaktik funksiyasi samaradorligini oshirish
Salayev N.,Monografiya penitensiar tizimning profilaktik funksiyasi samaradorligini oshirish muammolariga bag'ishlangan. Unda penitensiar tizimning profilaktik funksiyasi va uning umumiy tavsifi jinoyat-ijroiya qonun hujjatlari prinsiplarining profilaktik funksiyasini takomillashtirish, mahkumlarning huquqiy holatiga profilaktik nuqtai nazardan yondashuv; jinoiy jazolar va boshqa jinoyat-huquqiy ta'sir choralarini ijro etuvchi muassasalar va organlarda profilaktik chora-tadbirlarni amalga oshirish imkoniyatlarini kengaytirish, ozodlikdan mahrum qilish bilan bog'liq bo'lmagan va ozodlikdan mahrum qilish bilan bog'liq bo'lgan jazolarni ijro etishda profilaktik funksiya samaradorligini oshirish, xalqaro-huquqiy hujjatlarda penitensiar tizimning profilaktik funksiyasi tahlili va ularni milliy qonunchilikka implementatsiya qilish masalalari va ayrim rivojlangan xorijiy mamlakatlar tajribasi asosida penitensiar tizimning profilaktik funksiyasi samaradorligini oshirish istiqbollari yoritib berilgan. Monografiya oliy yuridik o'quv yurtlarining bakalavr va magistratura talabalariga qo'llanma sifatida tavsiya qilinadi.
-
Ehtiyotsizlik orqasida badanga o'rtacha og'ir yoki og'ir shikast yetkazish uchun jinoiy javobgarlik
Allanova A.A,Ushbu o'quv qo'llanmada ehtiyotsizlik orqasida badanga o'rtacha og'ir yoki og'ir shikast yetkazishning umumiy tavsifi, ehtiyotsizlik orqasida badanga o'rtacha og'ir yoki og'ir shikast yetkazish jinoyatining yuridik tahlili, ehtiyotsizlik orqasida badanga o'rtacha og'ir yoki og'ir shikast yetkazganlik uchun jinoiy javobgarlikni takomillashtirish masalalari bayon etilgan. Ushbu o'quv qo'llanma oliy o'quv yurtlari talabalari, yuridik ta'lim muassasalarining professor-o'qituvchilari, doktorantlar, mustaqil izlanuvchilar, ilmiy xodimlar hamda huquqni muhofaza qiluvchi organ xodimlari uchun mo'ljallangan.
-
Jinoyat ishlarini tergov qilishda sud-avtotexnika ekspertizalarini tayinlash va o'tkazish
Xamidov B.X,Ushbu o'quv qo'llanma jinoyat ishlarini tergov qilishda sud-avtotexnika ekspertizasini tayinlash va o'tkazishning ayrim masalalari tahliliga bag'ishlangan. Unda sud-avtotexnika ekspertizasi tushunchasi, predmeti, obyektlari, turlari, maqsad va vazifalari, imkoniyatlari, ushbu turdagi ekspertizalar uchun namunalar olish qoidalari, sud-avtotexnika ekspertizasi boʻyicha ekspertlar oldiga qo'yiladigan savollar, ekspertiza tadqiqotini o'tkazish va uning natijalarini baholash masalalari, shuningdek, ushbu turdagi ekspertizalarni takomillashtirishning tashkiliy-metodik asoslari yoritilgan.
-
Odam savdosiga qarshi kurash, oldini olish ba ushbu jinoyatlarga oid ishlarni tergov qilish uslubiyoti
Karimov B.K,Ushbu o'quv qo'llanma odam savdosi bilan bog'liq jinoyatlarni tergov qilish va ularning oldini olish masalalariga bag'ishlangan. Unda odam savdosi jinoyati tushunchasi, yo'nalishlari va turlari, uni sodir etish usullari, shuningdek, odam savdosining oldini olish bo'yicha xorijiy mamlakatlar qonunchiligining qiyosiy tahlili va xalqaro hamkorlik masalalari bayon qilingan. Bundan tashqari, odam savdosi jinoyatini sodir etishga imkon bergan omillar hamda ushbu turdagi jinoyatlarni tergov qilishning taktik jihatlari tahlil qilingan.
-
Yarashilganligi munosabati bilan jinoyat javobgarlikdan ozod qilish
Xaydarov Sh.D,Ushbu o'quv qo'llanma "Jinoyat huquqi" (Umumiy qism) o'quv kursi dasturi asosida tayyorlangan bo'lib, unda jinoiy javobgarlikdan ozod qilish tushunchasi va uning belgilari; jinoiy javobgarlikdan ozod qilish turlari va o'ziga xos xususiyatlari; yarashilganlik munosabati bilan yuzaga keladigan jinoyat-huquqiy munosabatlar; yarashilganlik munosabati bilan jinoiy javob- garlikdan ozod qilishga yo'l qo'yadigan mezonlar; yarashilganlik munosabati bilan jinoiy javobgarlikdan ozod qilishga oid normalarni qo'llashda yuzaga keladigan ayrim muammolar; yarashilganlik munosabati bilan jinoiy javobgarlikdan ozod qilish xorijiy mamlakatlar jinoyat qonunchiligida qo'llanishi kabi masalalar yoritilgan.
-
Manfaatlar to'qnashuvining oldini olish
Maxmudov F.B,Ushbu monografiyada zamonaviy davlat boshqaruvi tizimida davlat fuqarolik xizmatining ilmiy-nazariy asoslari, davlat fuqarolik xizmatchilari faoliyatida manfaatlar to'qnashuvining yuridik tabiatini tushunish bo'yicha doktrinal qarashlar, manfaatlar to'qnashuvining turli ko'rinishlarini tavsiflash bo'yicha ilmiy yondashuvlar, davlat fuqarolik xizmatchilarining davlat xaridlari bilan bog'liq munosabatlarida manfaatlar to'qnashuvining oldini olishning tashkiliy-huquqiy jihatlari, manfaatlar to'qnashuvining oldini olishda jamoatchilik nazoratini amalga oshirish va cheklovlar masalasi, shuningdek davlat fuqarolik xizmatchilari faoliyatida manfaatlar to'qnashuvini hal qilish yuzasidan tashkiliy-huquqiy chora-tadbirlar, bu bo'yicha vakolatli subyektlar hamda ularning huquq, majburiyat va faoliyat prinsiplari hamda mavzudan kelib chiqib manfaatlar to'qnashuvining oldini olish bo'yicha xorijiy mamlakatlar tajribasi bayon qilingan. Mazkur monografiya oliy o'quv yurtlari talabalari, yuridik ta'lim muassasalarining professor-o'qituvchilari, doktorantlar, mustaqil izlanuvchilar, ilmiy xodimlar hamda davlat xizmatchilari uchun mo'ljallangan.
-
Sudlanganlik tushunchasi va jinoyat-huquqi ahamiyati
Toshev O.S,Mazkur o'quv qo'llanmada jinoyat qonunchiligida sudlanganlik institutining umumiy tavsifi hamda jinoyat-huquqiy ahamiyati; jinoyat huquqida sudlanganlik institutining o'ziga xos xususiyatlari hamda jinoyat qonunchiligi prinsiplarini amalga oshirishdagi o'rni; jinoyat qonunchiligida sudlanganlik holatining muddatlari, boshlanishi va uning o'talishi; jinoyat qonunchiligida sudlanganlik holatining tugallanishi va uning olib tashlanishi; xorijiy davlatlar jinoyat qonunchiligida sudlanganlik institutining o'ziga xos jihatlariga doir masalalar bayon etilgan. Ushbu o'quv qo'llanma oliy va o'rta maxsus o'quv yurtlari talabalari, doktorantlar, mustaqil izlanuvchilar, ilmiy xodimlar hamda huquqni muhofaza qiluvchi organ xodimlari uchun mo'ljallangan.
-
Haq evaziga xizmat ko'rsatish
Xursanov R,Ushbu o'quv qo'llanmada haq evaziga xizmat ko'rsatish shartnomasining mazmuni, haq evaziga xizmat ko'rsatish shartnomasining tushunchasi va huquqiy belgilari, haq evaziga xizmat ko'rsatish shartnomasi taraflarining huquq va majburiyatlari, haq evaziga xizmat ko'rsatish shartnomasi shartlarini buzganlik uchun javobgarlik, haq evaziga xizmat ko'rsatish shartnomasining bekor bo'lishi, telekommunikatsiya xizmatlari, ta'lim xizmati, auditorlik xizmati, tibbiy xizmat kabi masalalar yoritilgan. Mazkur o'quv qo'llanmada haq evaziga xizmat ko'rsatish mavzusini o'rganishga oid mantiqiy savollar va kazuslar ham kiritilgan. Qo'llanma yurisprudensiya yo'nalishi talabalari, o'qituvchilar, tadqiqotchilar hamda ko'chmas mulkning fuqarolik-huquqiy rejimi bilan qiziquvchi keng kitobxonlar ommasiga mo'ljallangan.
-
Sug'urta huquqi
Boltayev M.S,Mazkur darslik O'zbekiston Respublikasining Konstitutsiyasi, fuqarolik, sug'urta sohasidagi qonunchilik hujjatlari asosida yuridik ta'lim muassasalari uchun davlat ta'lim standartlariga muvofiq, zamonaviy pedagogik texnologiyalar, yangi o'quv modul tizimlarini qo'llagan holda tayyorlandi. Nashr huquqshunoslik fani o'qitiladigan oliy va o'rta-maxsus ta'lim muassasalari talabalariga mo'ljallangan.
-
Norma ijodkorligi jarayonida fuqarolar ishtiroki
Boymurodov B.P,Monografiya norma ijodkorligi jarayonida fuqarolar ishtirokining nazariy-huquqiy masalalariga bag'ishlangan. Unda fuqarolarning norma ijodkorligi jarayonidagi ishtirokining nazariy asoslari tahlil qilinib norma ijodkorligida fuqarolar ishtirokining yuridik tabiati ochib berilgan, fuqarolarning norma ijodkorligi jarayonidagi ishtirokining asosiy prinsiplari ajratib ko'rsatilgan. Shuningdek, norma ijodkorligi jarayonida fuqarolar ishtirokini turli mezonlar asosida tasniflash orqali fuqarolar ishtirokining asosiy shakllari ilmiy-nazariy jihatdan asoslangan. Monografiya oliy yuridik o'quv yurtlarining bakalavr va magistratura talabalariga qo'llanma sifatida tavsiya qilinadi. Shuningdek, undan ilmiy tadqiqotchilar, mustaqil izlanuvchilar, norma ijodkorligi faoliyatini amalga oshiruvchi subyektlar hamda ushbu mavzuga qiziquvchilar foydalanishi mumkin.