Kitoblar

Iqtisodiy protsessda odil sudlovni amalga oshirishga ko'maklashuvchi shaxslar ishtirokini takomillashtirish (Nazariy-huquqiy va protsessual jihatlari)

Ushbu monografiyada odil sudlovni amalga oshirishga ko'maklashuvchi shaxslarning doirasi va tushunchalari, sudya yordamchisi (sud majlisi kotibi)ning iqtisodiy protsessdagi huquqiy maqomi, odil sudlovni amalga oshirishga ko'maklashuvchi shaxslarning huquq subektliligi, iqtisodiy sud ishlarini yuritish ishtirokchilari ichidagi o'rni, ularning huquqiy maqomi va sudda ishtirok etish tartibi, xorijiy davlatlar tajribasi asosida qonunchilikni takomillashtirish va uni amaliyotda qo'llashning samaradorligini oshirishning zamonaviy tendensiyalari qiyosiy-huquqiy tahlili, ishlami masofadan turib hal qilishga oid masalalar tahlil qilingan Shuningdek, qonun hujjatlariga bir qancha o'zgartirish va qo'shimchalar kiritish, qonun loyihasi hamda amaliy takliflar asoslantirilgan bo'lib va yakunida tegishli ilmiy xulosalar, takliflar va tavsiyalar ishlab chiqilgan. Monografiyadan professor-o'qituvchilar, ilmiy tadqiqotchilar, qonun ijodkorligi jarayoni ishtirokchilar, mustaqil izlanuvchilar foydalanishlari mumkin.

Iqtisodiy sudlarda sud xarajatlarini undirishning o'ziga xos xususiyatlari

Ushbu monografiyada sud xarajatlari tushunchasi va rivojlanish tarixi, iqtisodiy sudlarda sud xarajatlarini undirishning umumiy masalalari, davlat boji to'lovlarini to'lash va undirishning o'ziga xos xususiyatlari, ishni ko'rish bilan bog'liq sud chiqimlarini to'lash va undirishning o'ziga xos xususiyatlari, Sud xarajatlarini undirishda xorijiy tajriba, sud xarajatlarini undirish masalalarining istiqbollari yoritilgan. Shuningdek, iqtisodiy sudlarda sud xarajatlarini undirishning muammolarni tadqiq etish jarayonida huquqni qo'llash amaliyoti va rivojlangan davlatlar qonunchiligi tahlil qilingan bo'lib, tegishli ilmiy xulosalar, takliflar va tavsiyalar, qonunchilik nazariyasini ishlab chiqish va iqtisodiy sudlarda sud xarajatlarini undirish samaradorligini oshirishga qaratilgan. Monografiyadan professor-o'qituvchilar, ilmiy tadqiqotchilar, qonun ijodkorligi jarayonida bevosita qatnashuvchi shaxslar, talabalar, sud va huquqni muxofaza qiluvchi organ xodimlari foydalanishlari mumkin.

Voyaga yetmaganlarni jinsiy daxlsizligiga qarshi jinoyatlarning oldini olish masalalari

Jinoyat ishi yurituvida ommaviy axborot vostitalarining o'rni va ahamiyati

Monografiyada jinoyat ish yurituvida ommaviy axborot vositalarining materiallaridan foydalanishning protsessual asosi va tartibi keng yoritilgan. Hozirgi kunda ijtimoiy tarmoqlarda tarqalayotgan turli-tuman materiallarga asoslanib jinoyat ishini qo'zg'atish yoki rad etish, yoxud ushbu materiallarni dalil sifatida ishga qo'shilishi hamda ulardan foydalanishga doirsud- tergov amaliyoti tobora kengayib bormoqda. Monografiyada OAV vositalarining protsessidagi ahamiyatiga ham alohida urg'u berilgan. umuman olganda jinoyat Ushbu monografiya yurisprudensiya sohasidagi bakalavr bosqichi talabalari, magistrlar, shuningdek, ilmiy izlanuvchilar uchun mo'ljallangan bo'lib, ilmiy tadqiqot ishlarida keng foydalanishlari mumkin.

Mualliflik huquqi va turdosh huquqlarda mulkiy huquqlarni jamoaviy boshqarishning shakllari

Mazkur monografiyada mualliflik huquqi va turdosh huquqlarda mulkiy huquqlarni jamoaviy boshqarishning tushunchasi, huquqiy tabiati va uning afzallik jihatlari, mualliflik huquqida mulkiy huquqlarni jamoaviy boshqarishning vujudga kelish tarixi va asoslari, mualliflik huquqi va turdosh huquqlarni jamoaviy boshqaruv asosida amalga oshirishni tasniflash: huquqlarning mohiyati, tanlash usuli va asosiy faoliyat yo'nalishlari, O'zbekistonda mualliflik huquqi va turdosh huquqlarni jamoaviy boshqarish tizimining shakllanishi hamda uning huquqiy holati, mualliflik huquqlarini jamoaviy boshqarish tashkilotlarining huquqiy maqomi va vakolatlari, faoliyatining nazorati, ularning fuqarolik-huquqiy tahlili, Mualliflik huquqi va turdosh huquqlarda mulkiy huquqlarni "kengaytirilgan jamoaviy boshqaruv" asosida amalga oshirishmasalalari tahlil etilib, nazariy tushunchalar ishlab chiqilgan va soha qonunchiligini takomillashtirish yuzasidan taklif hamda tavsiyalar berilgan.

Jinoyat ishlari bo'yicha qo'shimcha tergov guruhlarini tuzishdagi xalqaro hamkorlikni yanada takomillashtirish masalalari

Ushbu monografiyada jinoyat ishlari bo'yicha huquqiy yordamning turi sifatida davlatlar o'rtasida hamkorlikda qo'shma tergov guruhlarini tuzish va bu huquqiy yordamni amalga oshirish bo'yicha masalalar tahlil qilingan. Shuningdek, sohaga oid ilmiy-nazariy va yuridik adabiyotlar, sud amaliyoti, statistik ma'lumotlar xalqaro-huquqiy nuqtayi nazardan o'rganilgan. Monografiya oliy va o'rta-maxsus o'quv yurtlarida huquqshunoslik yo'nalishi bo'yicha tahsil olayotgan tadqiqotchilar, magistrantlar va talabalarga, shuningdek mazkur masala bilan qiziquvchi keng kitobxonlar ommasiga mo'ljallangan.

Majburiyatlar bajarilishini ta'minlashning nomlanmagan usullari

Mazkur monografiyada majburiyatlar bajarilishini ta'minlashning Fuqarolik kodeksi 22-bobida nazarda tutilmagan usullari, ya'ni nomlanmagan usullari tahlil qilinadi. Muallif tomonidan majburiyatlar bajarilishini ta'minlashning nomlanmagan usullari sifatida "shartnomada nazarda tutilgan holatlar yuzaga kelganda zararlarni (yo'qotishlarni) qoplash (indemnity)", "holatlar (vaziyatlar) yuzasidan kafolatlar (warranty)", "astrent", "estopel", "ta'minlovchi to'lov", "ishonchli mulk", "eskrou" kabilar milliy va xorijiy qonunchilik hamda milliy va xorijiy olimlar va mualliflarning fikrlari asosida tadqiq qilinadi. Ushbu kitob talabalar, tadqiqotchilar, o'qituvchilar hamda majburiyatlar bajarilishi ta'minlash usullariga qiziquvchi mutaxassislar uchun mo'ljallangan.

O'zbekistonda nizolarni hakamlik sudida hal etish jarayoni: nazariy va amaliy masalalar

Ushbu monografiyada hakamlik sudlari va hakamlik muhokamasi tushunchasi, hakamlik sudlarining tasnifi va ularning turlari, hakamlik sudyalarining huquqiy holati, hakamlik muhokamasi subyektlari va ularning hakamlik jarayonidagi o'zaro munosabatlari, hakamlik sudining hal qiluv qarori tushunchasi va huquqiy tabiati, hakamlik sudlarining davlat (vakolatli) sudlari bilan o'zaro munosabatlari va boo'qa holatlar yoritilgan. Shuningdek, O'zbekistonda nizolarni hakamlik sudida hal etish jarayoni bilan bog'liq muammolarni tadqiq etish jarayonida huquqni qo'llash amaliyoti va rivojlangan davlatlar qonunchiligi tahlil qilingan bo'lib, tegishli ilmiy xulosalar, takliflar va tavsiyalar, qonunchilik nazariyasini ishlab chiqish va hakamlik sudlari faoliyatining samaradorligini oshirishga qaratilgan. Monografiyadan professor-o'qituvchilar, ilmiy tadqiqotchilar, qonun ijodkorligi jarayonida bevosita qatnashuvchi shaxslar, talabalar, sud va huquqni muxofaza qiluvchi organ xodimlari foydalanishlari mumkin.

Notariat

Ushbu darslikda notariat tushunchasi, notarial faoliyat prinsiplari va manbalari, notarial palata faoliyati; notariusning huquqiy maqomi, notarial harakat va uning turlari; "Notarius" avtomatlashtirilgan tizimida ishlash tartibi va vaqti; nizosiz talablar bo'yicha undiruvni qarzdor mol-mulkiga qaratishda notariusning ijro xati; notarius tomonidan ijro xati beriladigan talablar, shartlari va asoslari; notarius tomonidan vekselni protestlash tartibi; jismoniy va yuridik shaxslarning arizalari, boshqa hujjatlarini boshqa jismoniy va yuridik shaxslarga topshirish; hujjat nusxalari va hujjatlardan olingan ko'chirmalar to'g'riligini dalillash tartibi kabi masalalar bayon etilgan. Darslikdan professor-o'qituvchilar, bakalavr bosqichi talabalari, notarial faoliyatga qiziquvchilar, ilmiy tadqiqotchilar, qonun ijodkorligi jarayonida bevosita qatnashuvchi shaxslar foydalanishi mumkin.

Судга қадар бўлган босқичда жиноят ишини тўхтатишнинг процессуал тартиби ва асослари

Судга кадар бўлган боскичда жиноят ишини тўхтатиш асослари ва унинг процессуал тартиби ёритилган бўлиб, ҳам назарий ҳам амалий жиҳатдан мазкур институт тадкикот объекти бўлиб хизмат қилади. Судга кадар бўлган боскичда жиноят ишини тўхтатишнинг хукукий асослари кайта кўриб чикилиб, амалдаги конунчиликка қўшимча ва ўзгартишларни киритиш лозимлиги асослаб берилган. Мазкур монография талабалар, тингловчилар ҳамда мустакил изланувчилар учун тайёрланган бўлиб, ундан дарс машгулотларида, илмий тадкикот ишларида фойдаланишлари мумкинлиги кўзда тутилган.

Суриштирув ва дастлабки терговнинг умумий шартлари

Мазкур монографияда суриштирув ва дастлабки терговнинг умумий шартларининг назарий ва ҳуқуқий асослари ҳамда суриштирувчи, терговчи органларининг раҳбари уларнинг процессуал-ҳуқуқий ҳолати, мазкур соҳадаги хукукни қўллаш амалиёти ёритилган. Монографияда суриштирувчи ва терговчининг мустакиллигини таъминлаш ва улар хукукларининг таъминланишини тартибга солувчи жиноят- процессуал конунчилик нормаларини назарий ҳамда амалий жиҳатдан ўрганиш, амалдаги қонунчиликнинг уларнинг ҳуқуқларини таъминлашдаги хусусиятларини очиб бериш, тегишли конун хужжатлари нормаларини такомиллаштириш, терговга кадар текширув, суриштирув ва дастлабки тергов жараёнида шахс хукукларини таъминлаш самарадорлигини оширишга қаратилган тавсиялар бериб ўтилган. Шунингдек, Ўзбекистон Республикасида дастлабки тергов институтининг ахамияти, моҳияти, унинг ҳуқуқий асосларини ўрганиш, дастлабки тергов умумий шартларининг ҳар бирини алоҳида тадкик этиш, дастлабки тергов органлари фаолиятини янада такомиллаштириш юзасидан илмий тавсия, таклиф ва фикр-мулоҳазаларни баён этиш монографиянинг асосий вазифаси ҳисобланади. Ушбу монография ҳуқуқни муҳофаза килувчи органлар ходимлари, ўқитувчилар, изланувчилар, юридик ўқув юртларининг талабалари, магистрантлари, ТДЮУ, ИИВ олий таълим муассасаларининг тингловчи ва курсантлари ҳамда бошка китобхонлар учун мўлжалланган.

Sudyalarning odob-axloqiga oid bangalor prinsiplariga sharhlar

Ushbu o'quv qo'llanmada 2002-yilda BMT tomonidan qabul qilingan Sudyalarning odob-axloqiga oid Bangalor prinsiplarida mustahkamlangan mustaqillik, xolislik, halollik va poklik, odob-axloq normalariga rioya qilish. tenglik, kompetentlik va harakatchanlik prinsiplariga sohaga oid xalqaro standartlar va milliy qonunchilik normalariga asoslanib sharhlar berilgan. O'quv qo'llanmaga Sudyalarning odob-axloqiga oid Bangalor prinsiplari matni o'zbek tilida ilova qilinmoqda. O'quv qo'llanma talabalar, tadqiqotchilar, sudyalar, sud apparati xodimlari, sudyalikka nomzodlar va odil sudlovga oid xalqaro standartlarga qiziquvchi barcha kitobxonlarga mo'ljallangan.

Алишер Навоий қарашларида адолатли давлат ва қонунийлик ғоялари

Мазкур монографияда Алишер Навоийнинг сиёсий ва хукукий карашларида инсонпарварлик ғояларининг маънавий-маърифий, ижтимоий-фалсафий жиҳатлари тахлил этилган. Навоий илмий меросига оид янги изланишлар ҳамда тадкикотчиларнинг илмий хулосалари таҳлил этилган ҳолда "Сиёсий ва ҳукукий таълимотлар тарихи" фанининг ривожида хукукий манба сифатида тахлил этишга ҳаракат килинган.

Yuridik terminlar izohli lug'ati (faol termin va tushunchalar)

Muayyan tilning rivojlanishi jarayonida uning lug'aviy tarkibi, jumladan, ter minologiyasi boshqa sohalarga qaraganda tez, sezilarli, jiddiy o'zgarishlarga uchraydi Shu ma'noda yuridik soha terminologiyasida kuzatilgan taraqqiyot, o'zgarishlar hamda yangi lug'aviy birliklarning paydo bo'lishi va ayrim lug'aviy birliklarning iste'moldan chiqishi bugungi kunda ayni mavzuda lug'at tayyorlash dolzarbligini ko'rsatmoqda. Qo'lingizdagi faol yuridik termin va tushunchalar jamlangan "Yuridik terminlarning izohli lug'ati" ushbu bo'shliqni bir qadar to'ldirish maqsadida tuzilgan. Ushbu lug'atda yuridik sohaga oid terminlar berilgan bo'lib, har bir termin bugungi kundagi huquqiy, ijtimoiy-siyosiy ma'nosi jihatidan izohlangan. Mazkur lug'at tarkibi yangi tahrirda qabul qilingan O'zbekiston Respublikasi Konstitutsiyasi qonunlari va normativ-huquqiy hujjatlari normalari asosida, shuningdek, mavzuga oid terminlar lug'atlaridan foydalangan holda tuzildi hamda amaldagi o'zbek lotin alifbosi harflari ketma-ketligida tartiblandi. Lug'at soha mutaxassislari va keng kitobxonlar ommasiga mo'ljallangan.

Jinoiy odil sudlov asoslari

Mazkur darslik jinoyat-protsessual qonunchiligiga kiritilgan so'nggi o'zgartirish va qo'shimchalar hamda hozirgi jinoyat ishlari yurituvining so'nggi yutuqlari inobatga olingan holda tegishli normativ-huquqiy hujjatlar, shuningdek, maxsus o'quv va ilmiy adabiyotlar (milliy va xorijiy) tahlili asosida tayyorlangan.

Penitenciar sistemann profilaktikaliq funkciyasinin natiyjelilgin asiriw

Monografiya penitenciar sistemanın profilaktikalıq funkciyası nátíyjeliligin asırıw máselelerine arnalgan. Onda penitenciar sistemanıń profilaktikalıq funkciyası ham onıń ulıwmalıq xarakteristikası jınayat-orınlaw nızam hújjetleri principlerinin profilaktikalıq funkciyasın jetilistiriw, erkinen ayırılgan shaxslardıń huqıqıy halatına profilaktikalıq tárepten qatnas jasaw: jınayıy jazalar hám basqa jınayıy-huqıqıy tásir sharaların orınlawshı mekemeler ham organlarda profilaktikalıq ilájlardı ámelge asırıw imkaniyatların keńeytiw. erkinlikten ayırıw menen baylanıslı bolmagan ham erkinlikten ayırıw menen baylanıslı bolgan jazalardı orınlawda profilaktikalıq funkciya natiyjeliligin asırıw. xalıqaralıq- huqiqiy hújjetlerde penitenciar sistemanın profilaktikalıq funkciyası analizi hám olardı milliy nızamshılıqqa implementaciya etiw máseleleri ham ayırım rawajlangan sırt mämleketlerdiń tájiriybesi tiykarında penitenciar sistemanıń profilaktikalıq funkciyasınıń nätiyjeliligin asırıw haqqındağı pikirler bayan etilgen. Monografiya joqarı yuridikalıq oqiw orınlarınıń bakalavr tálim bağdarı ham magistrlerge qollanba sıpatında usınıs etiledi. Sonday-aq, qollanbadan ilimiy izertlewshiler, erkin izleniwshiler, sud-tergew hám jazanı orınlaw sisteması xızmetkerleri hám bul temağa qızığıwshılar paydalanıwı múmkin.

Форс-мажор - фуқаролик ҳуқуқий категория сифатида: назарий ва амалиёт

Монографияда форс-мажор ҳолати тушунчаси, моҳияти, ҳуқуқий табиати ва миллий ҳуқуқ тизимида тутган ўрни назарий ва амалий нуқтаи назардан таҳлил этилган. Форс-мажор ҳолатининг фуқаролик ҳуқуқий хусусиятлари, шунингдек унга оид хорижий давлатлар қонунчилиги ва суд амалиёти, халқаро тажриба, миллий қонунчилик ва суд амалиёти ўрганилиб, илмий- назарий хулосалар ишлаб чиқилган. Монография ҳуқуқшунослар, судьялар, ҳуқуқни қўлловчи шахслар, тадқиқотчилар, юридик соҳадаги таълим муассасалари талабалари ва кенг китобхонлар учун мўлжалланган.

O'zbekistonda ijtimoiy himoya siyosatining tashkiliy-huquqiy asoslari

Mazkur monografiyada O'zbekiston ijtimoiy himoya siyosatining tashkiliy- huquqiy asoslari o'zining nazariy hamda amaliy ifodasini topgan. Mazkur monografiyada davlat ijtimoiy himoya siyosatining tarixiy-huquqiy va nazariy-ilmiy jihatlari tahlil qilingan. O'zbekistonda ijtimoiy himoya siyosatining tashkiliy- yuridik xususiyatlari qiyosiy o'rganilgan. Shu bilan birga ijtimoiy himoya tizimining jahon davlatlari va xalqlari hayotida tutgan o'rni masalasiga ham atroflicha e'tibor qaratilgan. O'zbekistonda aholini ijtimoiy himoya qilish siyosati izchil tarzda olib borilar ekan, bu islohotlar natijasida nogironligi bo'lgan shaxslar, yolg'iz keksalar, ko'p bolali oilalar, karantin cheklovlari oqibatida og'ir ahvolga tushib qolgan oilalar hayoti yanada yaxshilanib bormoqda. Shu ma'noda ijtimoiy himoya kategoriyasining O'zbekiston sharoitida takomillashib borishi aholi turmushtarzi farovonligining muhim omili bo'lib xizmat qiladi. Monografiya doirasida ijtimoiy himoya sohasi samaradorligini oshirish bo'yicha ilmiy taklif va amaliy tavsiyalar ishlab chiqilgan. Ushbu monografiya huquqshunoslik sohasidagi ilmiy izlanuvchilar, magistrantlar, huquqshunoslik sohasidagi amaliyotchi xodimlar va yuridik sohaga qizi'quvchilar uchun mo'ljallangan.

Sog'liqga bo'lgan huquqda teletibbiyotni qo'llash masalalari

Mazkur monografiyada, axborot telekommunikasiya texnologiyalardan foydalangan holda aholiga sifatli tibbiy xizmat ko'rsatish, zamonaviy tizimini shakllantirish, oilaviy poliklinikalar va qishloq vrachlik punklarida ushbu texnologiyalarni joriy qilish va bu orqali birlamchi tibbiy xizmatni amalga oshirish, respublika ixtisoslashtirilgan ilmiy-amaliy markaz qoshida teletibbiyot tizimining yagona markazlashgan tizimini yaratish, yuqori axborot texnologiyalarga asoslangan elektron tibbiy yordam ko'rsatish tarmog'ini takomillashtirish bo'yicha keng qamrovli chora-tadbirlar amalga oshirish xalqaro huquqiy hujjatlarning qiyosiy tahlili amalga oshirilgan Monografiya huquqiy targ'ibotchilar, oliy va o'rta maxsus ta'lim muassasalari o'qituvchi-pedagoglari, ilmiy xodimlar, tadqiqotchilar. O'zbekiston Respublikasi sog'liqni saqlash vazirligi va tibbiyot mutaxassislarga mo'ljallangan.

Xalqaro shartnomalar normalarini milliy qonunchilikka tatbiq etish va ijrosini ta'minlash masalalari

Mazkur monografiyada xalqaro ommaviy huquq doirasida xalqaro shartnomalar huquqi bo'yicha huquqiy mezonlar, avvalo, xalqaro shartnoma va uning mohiyati, xalqaro shartnomalar normalarini milliy qonunchilikka tatbiq etish, xalqaro shartnomalar ijrosini ta'minlash tushunchasi, uning elementlari, usullari va vositalarining huquqiy va tashkiliy-institutsional asoslari nazariy konsepsiyalar va amaliyot yo'sinida batafsil yoritib berilgan, xalqaro shartnomalar platformasida o'ziga xos o'ringa ega bo'lgan, o'zbek huquqiy tizimiga nisbatan yaqin va uzoq bo'lgan xalqaro huquq subyektlarining ichki amaliyotlarida shakllangan shartnoma amaliyoti qiyosiy-huquqiy tahlil qilingan, shu bilan bir qatorda, O'zbekiston Respublikasining xalqaro shartnomalari yuzasidan milliy qonunchiligi va xalqaro huquqiy amaliyotining hozirgi holati kompleks tarzda tadqiqot bilan ochib berilgan hamda bu borada mualliflar tomonidan amaliy takliflar ishlab chiqilgan. Monografiya kirish, 3 ta bob, 6 paragraf, xulosa hamda foydalanilgan adabiyotlar qismlaridan iborat. Mazkur monografiya xalqaro shartnomalar implementatsiyasi, uning jahon amaliyoti va O'zbekiston Republikasi xalqaro shartnomalarini ijro etish bilan bog'liq bo'lgan huquqiy va tashkiliy-institutsional jihatlarini o'rganish va bu borada tizimli bilimlarni shakllantirishni maqsad qilgan talabalar uchun, ayniqsa, qo'l keladi. Toshkent davlat yuridik universiteti Tadqiqot etikasi kengashining navbatdan tashqari majlisi bayonnomasi bilan nashrga tavsiya etilgan.