Kitoblar

Intellektual mulk huquqi

Ushbu o'quv qo'llanmada fuqarolik huquqi va mulk huquqining alohida tarmog'i sifatida intellektual mulk huquqiga oid masalalar yoritilgan. Bunda intellektual mulkning umumiy qoidalari va alohida obyektlari tahlil qilingan. Shuningdek, qo'llanmada intellektual mulk huquqiga oid muammolari savollar. kazuslar va tezislar ham keltirilgan. Qo'llanma oliy ta'lim universiteti yurisprudensiya yo'nalishi talabalar, magistrlar hamda shu sohaga qiziquvchi boshqalarga mo'ljallangan.

Soliq huquqi moduli bo'yicha kazuslar to'plami

Mazkur o'quv qo'llanmada O'zbekiston Respublikasi soliq huquqining tizimlashtirilgan asosiy institutlari va normalari amaliy vaziyatlar (kazuslar) orqali yorqin misollar asosida chuqur tahlil qilingan. Har bir kazus soliq huquqi sohasidagi nazariy bilimlarni amaliyotda qo'llash ko'nikmalarini rivojlantirishga qaratilgan. Ushbu kazuslar to'plami oliy yuridik ta'lim muassasalari talabalari, soliq organlari xodimlari, amaliyotchilar, tadbirkorlik subyektlari hamda soliq huquqi masalalari bilan qiziquvchi keng jamoatchilikka mo'ljallangan.

Soliq huquqi: 100 savolga 100 javob

Mazkur o'quv qo'llanmada O'zbekiston Respublikasi soliq qonunchiligida belgilangan 100 ta eng muhim qoida va tushunchaning mazmun-mohiyati savol-javob tarzida batafsil yoritilgan. Ushbu o'quv qo'llanma oliy yuridik ta'lim muassasalari talabalari, soliq organlari xodimlari, tadbirkorlar va keng jamoatchilikka mo'ljallangan.

Zarar yetkazishdan kelib chiqadigan majburiyatlar

Mazkur o'quv qo'llanmada O'zbekiston Respublikasining fuqarolik qonunchiligi asosida zarar yetkazishdan kelib chiqadigan majburiyatlar, zarar yetkazishdan kelib chiqadigan majburiyatlarning vujudga kelishi va rivojlanishi, zarar yetkazishdan kelib chiqadigan majburiyatlar tushunchasi va ularning o'ziga xos xususiyatlari, zarar yetkazishdan kelib chiqadigan majburiyatlar uchun fuqarolik-huquqiy javobgarlik asosi va shartlari, zarar yetkazishdan kelib chiqadigan majburiyatlarning alohida turlari, zararni qoplash usullari va zarar miqdorini aniqlash, delikt majburiyatlarida regress huquqi masalalari tahlil etilgan. O'quv qo'llanma oliy o'quv yurtlarining huquqshunoslik mutaxassisligi talabalari, tadqiqotchilar, o'qituvchilar, amaliyot xodimlari va zarar yetkazishdan kelib chiqadigan majburiyatlarning huquqiy asoslariga qiziquvchi keng kitobxonlar ommasiga mo'ljallangan.

Telekommunikatsiya tarmoqlarida mualliflik huquqi va turdosh huquqlar muhofazasi

Ushbu o'quv qo'llanmada telekommunikatsiya tarmoqlarida mualliflik huquqi va turdosh huquqlar muhofazasini huquqiy tartibga solish mexanizmlarini takomillashtirish masalalari tahlil qilingan. Shuningdek, telekommunikatsiya tarmoqlarida mualliflik huquqi tushunchasi, o'ziga xos xususiyatlari va predmeti, muhofazaning nazariy va texnik jihatlari, O'zbekiston qonunchiligi hamda xalqaro shartnomalarda mualliflik va turdosh huquqlarni telekommunikatsiya tarmoqlarida muhofaza qilishga doir normalarning nazariy va amaliy ahamiyati oʻrganilgan.

Ko'chmas mol-mulkning fuqarolik-huquqiy rejimi

Ushbu o'quv qo'llanmada fuqarolik huquqining obyekti sifatida korxona tushunchasi va uning huquqiy rejimi bilan bog'liq masalalar yoritilgan. Shuningdek, qo'llanmada ko'chmas mulk tushunchasi va uni aniqlash mezonlari, ko'chmas mulk obyekti sifatida yer uchastkalari va yer osti boyliklari, bino va inshootlarning ko'chmas mulk obyekti sifatida rejimi, ko'chmas mulkning o'ziga xos obyekti sifatida uy-joyning huquqiy rejimi, ko'chmas mulkning alohida obyekti sifatida korxonaning huquqiy rejimi, korxonaning fuqarolik-huquqiy munosabat obyekti sifatidagi tushunchasi va tavsifi, mulk huquqi obyekti sifatida korxona tarkibini aniqlash muammolari, korxonaga nisbatan huquqlarni amalga oshirish, "virtual korxona"ning fuqarolik-huquqiy maqomi kabi masalalar o'z ifodasini topgan. O'quv qo'llanma yurisprudensiya yo'nalishi talabalari, o'qituvchilar, tadqiqotchilar hamda ko'chmas mol-mulkning fuqarolik-huquqiy rejimi bilan qiziquvchi keng kitobxonlar ommasiga mo'ljallangan.

Ўзбекистон Республикасининг прокуратура тўғрисидаги қонун

Jinoyat protsessida amaliy ko'nikmalarni rivojlantirish bo'yicha klinik seminarlar

Ushbu o'quv qo'llanma jinoyat protsessida amaliy ko'nikmalarni rivojlantirish boʻyicha klinik seminarlar o'quv moduli mavzulari asosida tayyorlangan bo'lib, jinoyat protsessi doirasida qonunchilik hujjatlari bilan ishlash, normalarni sharhlash, prokuratura, surishtiruv va tergov organlari, sud va advokatura organlarida elektron hujjat almashinuvi, jinoyat protsessi bilan bog'liq bo'lgan barcha protsessual hujjatlarni rasmiylashtirish, jumladan, qaror, (xususiy) ajrim, bayonnoma, taqdimnoma, protest, shikoyat, hukm kabilar bilan bevosita ishlashni o'z ichiga oladi. O'quv qo'llanma yuridik oliy o'quv yurtlarining bakalavriat bosqichida ta'lim oluvchi talabalar hamda jinoyat protsessida amaliy ko'nikmalarni rivojlantirish bo'yicha klinik seminarlar moduli bilan qiziquvchi keng kitobxonlarga mo'ljallangan.

Xalqaro migratsiya

Mazkur o'quv qo'llanma xalqaro huquqning yangi shakllanayotgan sohalaridan biri xalqaro migratsiya huquqi masalalariga oid eng muhim tushuncha va institutlarni o'z ichiga olgan. Jumladan, unda migratsiya turlari, xalqaro migratsiya huquqi tushunchasi va predmeti, uning tarixi hamda ilmiy yondashuvlar, xalqaro migratsiya ta'limoti, prinsiplari, uni boshqarishning institutsional tuzilmasini shakllantirish borasidagi zamonaviy qarashlar haqida so'z boradi. Mavzular doirasida xalqaro sud organlarining qarorlari va xalqaro tashkilotlarning hujjatlari, asosiy ixtisoslashgan tashkilotlar faoliyati ko'rib chiqiladi. O'quv qo'llanma yuridik oliy ta'lim muassasalarida tahsil oluvchi magistratura talabalari, xalqaro huquq yo'nalishida izlanish olib boruvchi tadqiqotchilarga mo'ljallangan.

Huquqshunoslikka kirish

Mazkur o'quv qo'llanma Huquqshunoslik faniga kirish modulining mavzulari bo'yicha tayyorlangan bo'lib, unda 10 ta mavzu bo'yicha ma'lumotlar, mavzuga oid jadvallar, kazuslar, testlar, savol hamda tavsiya etiladigan adabiyotlar ro'yxati o'z ifodasini topgan. O'quv qo'llanma oliy yuridik ta'lim muassasalarining magistratura yo'nalishi talabalariga va ushbu modulni o'zlashtirishga qiziquvchi kitobxonlarning keng doirasiga mo'ljallangan.

Advokatlik faoliyatida uy-joyga oid xususiy nizolarni hal qilishda moddiy normalarni qo'llash

O'zbekiston Respublikasining Konstitutsiyasi, advokatlik, uy-joyga oid qonun hujjatlari asosida tayyorlangan mazkur o'quv qo'llanma uy-joy nizolari, uy-joy fondini aniqlashga doir nizolar, xizmat va maxsus uy-joylarni berish, undan foydalanish bilan bog'liq muammolarni hal qilishda advokat ishtirokining ahamiyatiga bag'ishlanadi. Unda ushbu jarayonda qo'llanadigan asosiy qonunchilik hujjatlari, uy-joy qonunchiligi va ular tartibga soladigan munosabatlar doirasi haqida so'z boradi. O'quv qo'llanma yuridik ta'lim muassasalalarining yurisprudensiya yo'nalishi bo'yicha ta'lim oladigan magistrantlar va talabalar uchun mo'ljallangan.

Xodimlarni boshqarish

Ushbu o'quv qo'llanmada davlat tashkilotlari va xususiy sektor kor- xonalarida xodimlarni boshqarish masalalari, xodimlarni boshqarishda innovatsion yondashuv usullari, xodimlarni rag'batlantirishda korxona siyosatining muhim yo'nalishlari, xodimlarni rag'batlantirish va boshqa- rish bo'yicha yetakchi ilg'or xorij tajribasi kabi masalalari bayon etilgan. Ushbu o'quv qo'llanma oliy va o'rta maxsus o'quv yurtlari talabalari, dok- torantlar, mustaqil izlanuvchilar, ilmiy xodimlar hamda huquqni muhofa- za qiluvchi organ xodimlari uchun mo'ljallangan.

Kiberjinoyat huquqi

Mazkur o'quv qo'llanma kiberjinoyatlar va kiberterrorizm kabi zamonaviy global xavfsizlik muammolarini chuqur o'rganishga bag'ishlangan. Unda Budapesht konvensiyasi kabi xalqaro huquqiy mexanizmlarning ahamiyati va ularning global kiberxavfsizlikni ta'minlashdagi roli keng yoritilgan. Shuningdek, qo'llanmada AQSh, Yevropa Ittifoqi, Xitoy, Rossiya, Hindiston va boshqa davlatlarning milliy qonunchilik tizimlari qiyosiy tahlil qilinib, ularning kiberjinoyatlarga qarshi kurashda qo'llagan strategiyalari ko'rib chiqilgan. O'quv qo'llanmadan oliy ta'limning huquqshunoslik yo'nalishi talabalari, professor-o'qituvchilar va ilmiy tadqiqotchilar foydalanishlari mumkin.

Advokatura

Mazkur o'quv qo'llanmadan advokatura fani tushunchasi, predmeti va tizimi, advokatlik faoliyatining prinsiplari, Advokatlar palatasining huquqiy maqomi, advokatlik faoliyatining kafolatlari va advokatlarning ijtimoiy himoyasi, advokatlik faoliyatining tashkiliy shakllari, advokat maqomini olish, to'xtatib turish, advokatning kasb etikasi va uning javobgarlik masalalari, advokatning fuqarolik, iqtisodiy, ma'muriy, jinoyat sudlari ishlarini yuritishdagi ishtiroki, shuningdek, har bir mavzuga oid kazuslar, asosiy tushunchalar hamda nazorat uchun savollar o'rin olgan.

Bahcesehir Universitesi

Hayatımızı hızla dönüştüren dijital çağda, güncelliğini uzun süre koruyacak hararetli tartış maların başında yapay zeka kullanımından doğan zararlardan hukuki sorumluluk gelir. Modern eğilim, yapay zekāya ayrı bir hukuki kişilik atfetmeye- en azından şimdilik- ihtiyaç olmadığı. meydana gelen zararın mevcut hukuki normlar çerçevesinde hukuk süjelerine atfedilerek so- rumluluğun kurulabileceği yönündedir. Çalışmamızın amacı, çevresi ile benzersiz bir şekilde etkileşime geçerek öğrenme yeteneği ile donatılmış, kendi değişken tecrübeleriyle edindiği yeni girdilere doğası gereği öngörülemez tepkiler gösterme potansiyeli olan yüksek otonomi seviyeli yapay zekā sistemlerinin kendi kendine öğrenme sürecinde geliştirdiği hatalardan kaynaklanan sözleşme dışı sorumluluk bakımından üreticinin gelişim riski savunması ileri sürüp süremeye- ceğini tartışmaktır. Çalışmamızda, yapay zekâya hukuki kişilik tanınmasına ilişkin tartışmalar ışığında, üreticinin hukuki sorumluluğu bakımından yapay zeká sistemlerinin "ürün" niteliği ve üreticinin gelişim riski savunması, 7223 sayılı Ürün Güvenliği ve Teknik Düzenlemeler Kanu- nu, bu kanuna mehaz teşkil eden 1985 tarihli AB Ürün Sorumluluğu Direktifi (85/374/EEC) ile 2020 tarihli AB Ürün Sorumluluğu Direktif Taslağı çerçevesinde değerlendirilmektedir.

Jinoiy odil sudlov asoslari

O'quv qo'llanmada jinoiy odil sudlov, uning funksiyalari, vazifalari yoritilgan bo'lib, ushbu vazifalarni amalga oshirishga vakolatli bo'lgan huquqni muhofaza qiluvchi organlarning protsessual vakolatlari aks ettirilgan. Bundan tashqari odil sudlovni ta'minlashda dalillarning o'rni to'g'risida aniq tafsilotlar bayon qilingan. Shuningdek, O'zbekiston Respublikasida jazo tizimining o'rni va uning turlari tahlil qilingan.

Davlat boshqaruviga oid terminlarning izohli lug'ati

"Davlat boshqaruviga oid terminlarning izohli lug'ati" kitobxonlar ommasi, davlat xizmatchilari, xususan, yoshlarning davlat boshqaruviga doir bilimlarini oshirishni, sohada ko'p qo'llanadigan atamalar bilan tanishtirishni maqsad qilgan. 600 dan ortiq termin va tushunchalarni o'z ichiga olgan mazkur lug'at "Davlat boshqaruvi" 60421200 ta'lim yo'nalishi bakalavriat talabalari, magistrlar, o'qituvchilar, shuningdek, keng kitobxonlar ommasiga mo'ljallangan.

Ingliz huquqi asoslari

Ingliz huquqi bir necha davlatlar huquq tizimining eng yaxshi taraflarini jamlab, biznes sohasi vakillari uchun o'ta qulay formatga kelgan. Egiluvchanlik, shaffoflik, bashorat qila olish va eng muhimi, tezlik bu tizimning afzal jihatlaridir. Qonunlar biznes manfaatlari uchun xizmat qilishi lozim, ingliz huquqi esa ayni shu imkoniyatni beradi. O'quv qo'llanma yordamida talabalar ingliz huquqiga asoslanib hal etilgan tipik ishlarni tahlil qila olish, tadqiqot olib borish va tegishli pretsedentlarga tayangan holda huquqiy dalillar tayyorlash qobiliyatlarini shakllantirishadi, shuningdek, talabalar ingliz huquqi asoslarining tabiati, manbalari va asosiy tushunchalari yuzasidan bilimlarga va amaliy-huquqiy ko'nikmalarga ega bo'ladilar.

Sug'urta huquqi

Sug'urta huquqi fanini o'rganish bo'yicha yozilgan mazkur o'quv qo'llanma ma'ruza va amaliy mashg'ulotlarni qiziqarli va samarali o'tkazish, talabalarning mavzular mazmun-mohiyatini tezda anglab olishi va tushunishi, fuqarolarga huquqiy maslahatlar va boshqa turdagi yuridik yordam ko'rsatish hamda olingan bilimlarni amalda qo'llashga yordam beradi. O'quv qo'llanma huquqshunoslik fani o'qitiladigan oliy va o'rta maxsus ta'lim muassasalari, shuningdek, keng kitobxonlar ommasi uchun mo'ljallangan.

Ekologiya huquqi

O'quv qo'llanma Toshkent davlat yuridik universiteti ekologiya huquqi fani dasturi asosida tayyorlangan bo'lib, unda Ekologiya huquqi fanining tushunchasi, predmeti, metodlari, tizimi, prinsiplari va manbalari, tabiat resurslariga nisbatan mulkchilik, ekologiya sohasida davlat boshqaruvi va nazoratining ekologik-huquqiy holati, ekologik huquqbuzarlik sodir etganlik uchun javobgarlik, yer, suv, yerosti boyliklari, o'simlik va hayvonot dunyosi, o'rmon, atmosfera havosini muhofaza qilish, tabiiy hududlarning ekologik- huquqiy tartibi hamda ekologik-huquqiy muhofaza qilish masalalari atroflicha yoritilgan. O'quv qo'llanma professor-o'qituvchilarga, yuridik oliy va o'rta maxsus o'quv yurtlarining o'qituvchilari, talabalariga mo'ljallangan.