-
-
-
-
-
-
Ta'lim, -
-
-
-
Ta'lim, -
-
Ta'lim, -
-
Ta'lim,
-
Transmilliy jinoyatlarni tergov qilish uslubiyoti
Xamidov B.X,Ushbu o'quv qo'llanma ayrim turdagi transmilliy jinoyatlarni tergov qilishning kriminalistik tahliliga bag'ishlangan. Unda transmilliy jinoyatlar tushunchasi, ularning o'ziga xos xususiyatlari va turlari, transmilliy jinoiy tashkilotlar turlari va ularning yo'nalishlari, jinoyatlarning kriminalistik xarakteristikasi, shuningdek, ayrim toifadagi transmilliy jinoyatlarni tergov qilish yuzasidan o'tkaziladigan taktik qoidalar hamda ularni oldini olish masalalari aks etgan. O'quv qo'llanmailmiy ish bilan shug'ullanuvchi tadqiqotchilar va oliy o'quv yurtlarining bakalavr va magistrantlari uchun tavsiya qilinadi. Shuningdek, undan sud-tergov organlari xodimlari hamda ushbu mavzuga qiziquvchi shaxslar ham foydalanishi mumkin.
-
Mehnat munosabatlarida majburiyatlarning qo'llanilishi va uni takomillashtirishga oid muammolar
Rahimqulova L.U.,Mazkur o'quv qo'llanmada mehnat munosabatlarida majburiyatlarıng qo'llanilishi va uni takomillashtirishga oid muhim masalalar yoritib berilgan. Jumladan, mehnat munosabatlarida majburiyatlar va uning umumiy xarakteristikasi, mehnat munosabatlarida majburiyat tushunchasi, mazmuni, uning vudujga kelish asoslari, mehnat munosabatlari subyektlari o'rtasida vujudga kelgan majburiyatlarni etarli darajada bajarilmaganligining huquqiy oqibatlari, mehnat munosabatlarida majburiyatlarning huquqiy asoslari hamda qiyosiy-huquqiy tahlili, mehnat huquqida majburiyatlarning vujudga kelish asoslari va ijro mexanizmlari, xalqaro mehnat qonunchiligida majburiyatlarni ta'minlanish tartibi, O'zbekiston mehnat qonunchiligida majburiyatlar va ularni bajarilishi bilan bog'liq mavjud muammolar hamda ularni takomillashtirishga oid takliflar berilgan.
-
Huquqiy statistika
Shukurov S.M., Sharipova U.A.,Mazkur o'quv qo'llanma O'zbekiston Respublikasi Prezidentining 2013 yil 28 iyundagi "Yuridik kadrlar tayyorlash tizimini yanada takomillashtirish chora-tadbirlari to'g'risida"gi PQ-1990-sonli Qarorida ko'zda tutilgan yangi avlod o'quv adabiyotlarini yaratish vazifasini amalga oshirish chora-tadbirlari doirasida bajarilgan. Qo'llanma talabalarda huquqiy ahamiyatga ega hodisa va jarayonlarni statistik tadqiq qilish bo'yicha amaliy ko'nikmalarni shakllantirish. HMQO tizimida yuritiladigan huquqiy statistika ko'rsatkichlari bilan tanishtirish, huquqiy statistika ko'rsatkichlarini hisoblash hamda ularni tahlil qilish usullarini o'rgatishga mo'ljallangan. Ushbu qo'llanmadan talabalar va shu sohada faoliyat olib borayotgan tadqiqotchilar foydalanishlari mumkin.
-
Milliy g'oya: Asosiy tushuncha va tamoyillar
Kuchkarov R.,Ushbu o'quv qo'llanma O'zbekiston Respublikasi Oliy va oʻrta maxsus ta'lim vazirligi tomonidan tasdiqlangan "Milliy g'oya: asosiy tushuncha va tamoyillar" fani o'quv kursining namunaviy dasturi asosida tayyorlandi. O'quv qo'llanma, avvalo, TDYU bakalavriat bosqichi talabalari, professor-o'qituvchilari, qolaversa, mazkur fan bo'yicha respublika oliy ta'lim muassasalarida mashg'ulotlar olib boruvchi mutaxassislarga mo'ljallangan.
-
Fuqarolik huquqiga kirish
Yuldashev J.I,Fuqarolik huquqi yurisprudensiyaning asosiy fundamental fanlaridan biri hisoblanadi. Fuqarolik huquqini boshlang'ich o'quv kurslaridan fundamental o'quv moduli sifatida o'rganish huquqiy ta'limni takomillashtirish va jamoatchilik bilan munosabatlarning ushbu sohasida yuzaga keladigan amaliy masalalar hamda nizolarni malakali hal qilishga yordam beradi. Ushbu o'quv qo'llanmada fuqarolik huquqiga oid tushunchalar lo'nda, sodda va tushunarli uslubda bayon etilgan bo'lib, talabalarga mavzuni mustahkamlashda ishonchli qo'llanma bo'lib xizmat qiladi.
-
Biznes huquqi
Tadjibaeva M.R,Mazkur o'quv qo'llanma Biznes huquqi fani bo'yicha talabalarning o'quv salohiyatini oshirish maqsadida ishlab chiqilgan bo'lib, undagi tushunchalar soddalashtirilgan tarzda taqdim etilgan va mavzu bo'yicha mustahkam poydevor yaratish uchun zarur bo'lgan asosiy bilimni qamrab oladi. O'quv qo'llanmada noan'anaviy yondashuvga amal qilingan bo'lib, har bir bobda asosiy huquqiy atamalar va tushunchalar, keyinchalik o'qish uchun havolalar, mavzu yakuni bo'yicha savollar, kazuslar va video materiallar uchun QR- kodlar mavjud.
-
Ehtiyotsizlik orqasida badanga o'rtacha og'ir yoki og'ir shikast yetkazish uchun jinoiy javobgarlik
Allanova A.A,Ushbu o'quv qo'llanmada ehtiyotsizlik orqasida badanga o'rtacha og'ir yoki og'ir shikast yetkazishning umumiy tavsifi, ehtiyotsizlik orqasida badanga o'rtacha og'ir yoki og'ir shikast yetkazish jinoyatining yuridik tahlili, ehtiyotsizlik orqasida badanga o'rtacha og'ir yoki og'ir shikast yetkazganlik uchun jinoiy javobgarlikni takomillashtirish masalalari bayon etilgan. Ushbu o'quv qo'llanma oliy o'quv yurtlari talabalari, yuridik ta'lim muassasalarining professor-o'qituvchilari, doktorantlar, mustaqil izlanuvchilar, ilmiy xodimlar hamda huquqni muhofaza qiluvchi organ xodimlari uchun mo'ljallangan.
-
Jinoyat ishlarini tergov qilishda sud-avtotexnika ekspertizalarini tayinlash va o'tkazish
Xamidov B.X,Ushbu o'quv qo'llanma jinoyat ishlarini tergov qilishda sud-avtotexnika ekspertizasini tayinlash va o'tkazishning ayrim masalalari tahliliga bag'ishlangan. Unda sud-avtotexnika ekspertizasi tushunchasi, predmeti, obyektlari, turlari, maqsad va vazifalari, imkoniyatlari, ushbu turdagi ekspertizalar uchun namunalar olish qoidalari, sud-avtotexnika ekspertizasi boʻyicha ekspertlar oldiga qo'yiladigan savollar, ekspertiza tadqiqotini o'tkazish va uning natijalarini baholash masalalari, shuningdek, ushbu turdagi ekspertizalarni takomillashtirishning tashkiliy-metodik asoslari yoritilgan.
-
Odam savdosiga qarshi kurash, oldini olish ba ushbu jinoyatlarga oid ishlarni tergov qilish uslubiyoti
Karimov B.K,Ushbu o'quv qo'llanma odam savdosi bilan bog'liq jinoyatlarni tergov qilish va ularning oldini olish masalalariga bag'ishlangan. Unda odam savdosi jinoyati tushunchasi, yo'nalishlari va turlari, uni sodir etish usullari, shuningdek, odam savdosining oldini olish bo'yicha xorijiy mamlakatlar qonunchiligining qiyosiy tahlili va xalqaro hamkorlik masalalari bayon qilingan. Bundan tashqari, odam savdosi jinoyatini sodir etishga imkon bergan omillar hamda ushbu turdagi jinoyatlarni tergov qilishning taktik jihatlari tahlil qilingan.
-
Yarashilganligi munosabati bilan jinoyat javobgarlikdan ozod qilish
Xaydarov Sh.D,Ushbu o'quv qo'llanma "Jinoyat huquqi" (Umumiy qism) o'quv kursi dasturi asosida tayyorlangan bo'lib, unda jinoiy javobgarlikdan ozod qilish tushunchasi va uning belgilari; jinoiy javobgarlikdan ozod qilish turlari va o'ziga xos xususiyatlari; yarashilganlik munosabati bilan yuzaga keladigan jinoyat-huquqiy munosabatlar; yarashilganlik munosabati bilan jinoiy javob- garlikdan ozod qilishga yo'l qo'yadigan mezonlar; yarashilganlik munosabati bilan jinoiy javobgarlikdan ozod qilishga oid normalarni qo'llashda yuzaga keladigan ayrim muammolar; yarashilganlik munosabati bilan jinoiy javobgarlikdan ozod qilish xorijiy mamlakatlar jinoyat qonunchiligida qo'llanishi kabi masalalar yoritilgan.
-
Manfaatlar to'qnashuvining oldini olish
Maxmudov F.B,Ushbu monografiyada zamonaviy davlat boshqaruvi tizimida davlat fuqarolik xizmatining ilmiy-nazariy asoslari, davlat fuqarolik xizmatchilari faoliyatida manfaatlar to'qnashuvining yuridik tabiatini tushunish bo'yicha doktrinal qarashlar, manfaatlar to'qnashuvining turli ko'rinishlarini tavsiflash bo'yicha ilmiy yondashuvlar, davlat fuqarolik xizmatchilarining davlat xaridlari bilan bog'liq munosabatlarida manfaatlar to'qnashuvining oldini olishning tashkiliy-huquqiy jihatlari, manfaatlar to'qnashuvining oldini olishda jamoatchilik nazoratini amalga oshirish va cheklovlar masalasi, shuningdek davlat fuqarolik xizmatchilari faoliyatida manfaatlar to'qnashuvini hal qilish yuzasidan tashkiliy-huquqiy chora-tadbirlar, bu bo'yicha vakolatli subyektlar hamda ularning huquq, majburiyat va faoliyat prinsiplari hamda mavzudan kelib chiqib manfaatlar to'qnashuvining oldini olish bo'yicha xorijiy mamlakatlar tajribasi bayon qilingan. Mazkur monografiya oliy o'quv yurtlari talabalari, yuridik ta'lim muassasalarining professor-o'qituvchilari, doktorantlar, mustaqil izlanuvchilar, ilmiy xodimlar hamda davlat xizmatchilari uchun mo'ljallangan.
-
Sudlanganlik tushunchasi va jinoyat-huquqi ahamiyati
Toshev O.S,Mazkur o'quv qo'llanmada jinoyat qonunchiligida sudlanganlik institutining umumiy tavsifi hamda jinoyat-huquqiy ahamiyati; jinoyat huquqida sudlanganlik institutining o'ziga xos xususiyatlari hamda jinoyat qonunchiligi prinsiplarini amalga oshirishdagi o'rni; jinoyat qonunchiligida sudlanganlik holatining muddatlari, boshlanishi va uning o'talishi; jinoyat qonunchiligida sudlanganlik holatining tugallanishi va uning olib tashlanishi; xorijiy davlatlar jinoyat qonunchiligida sudlanganlik institutining o'ziga xos jihatlariga doir masalalar bayon etilgan. Ushbu o'quv qo'llanma oliy va o'rta maxsus o'quv yurtlari talabalari, doktorantlar, mustaqil izlanuvchilar, ilmiy xodimlar hamda huquqni muhofaza qiluvchi organ xodimlari uchun mo'ljallangan.
-
Haq evaziga xizmat ko'rsatish
Xursanov R,Ushbu o'quv qo'llanmada haq evaziga xizmat ko'rsatish shartnomasining mazmuni, haq evaziga xizmat ko'rsatish shartnomasining tushunchasi va huquqiy belgilari, haq evaziga xizmat ko'rsatish shartnomasi taraflarining huquq va majburiyatlari, haq evaziga xizmat ko'rsatish shartnomasi shartlarini buzganlik uchun javobgarlik, haq evaziga xizmat ko'rsatish shartnomasining bekor bo'lishi, telekommunikatsiya xizmatlari, ta'lim xizmati, auditorlik xizmati, tibbiy xizmat kabi masalalar yoritilgan. Mazkur o'quv qo'llanmada haq evaziga xizmat ko'rsatish mavzusini o'rganishga oid mantiqiy savollar va kazuslar ham kiritilgan. Qo'llanma yurisprudensiya yo'nalishi talabalari, o'qituvchilar, tadqiqotchilar hamda ko'chmas mulkning fuqarolik-huquqiy rejimi bilan qiziquvchi keng kitobxonlar ommasiga mo'ljallangan.
-
O'zbelistonda davlat-xususiy sheriklik tizimi va kapital bozoridagi asosiy tendensiyalar
Tuxtasinov N.I,Ushbu o'quv qo'llanmada davlat-xususiy sheriklik sohasining huquqiy asoslari, soha tarixi va xorijiy mamlakatlarda uning qo'llanishi, jahon amaliyotida davlat-xususiy sheriklik turlari va modellari, O'zbekiston Respublikasida ushbu sohani rivojlantirish istiqbollari, kapital bozorini rivojlantirishning nazariy-konseptual asoslari, O'zbekiston kapital bozorining tahlili va uni yanada rivojlantirish istiqbollari haqida so'z boradi.
-
Giyohvandlik vositalari bilan bog'liq jinoyatlarni tergov qilish
Baratov A.Sh,Ushbu o'quv qo'llanmada giyohvandlik vositalari bilan bog'liq jinoyatlarni tergov qilish uslubiyoti, jumladan, giyohvandlik vositalari bilan bog'liq jinoyatlarning kriminalistik tavsifi, bunda jinoiy ish qo'zg'atishning o'ziga xos xususiyatlari, jinoyatlarning dastlabki tergov bosqichi versiyalari va tipik tergov vaziyatlari, alohida tergov harakatlari o'tkazishning o'ziga xos xususiyatlari, boshlang'ich tergov vaqtida o'tkaziladigan tezkor-qidiruv tadbirlari, tayinlanadigan ekspertizalar kabi masalalar bayon qilingan. O'quv qo'llanma huquqshunoslik oliy o'quv yurtlarining talabalari, o'qituvchilari foydalanishi uchun mo'ljallangan.
-
Fuqarolik holati dalolatnomalarini qayd etish asoslari
Sharahmetova U.Sh,Mazkur o'quv qo'llanma O'zbekiston Respublikasining Konstitutsiyasi, fuqarolik va oila qonunchiligi hujjatlariga mos ravishda yozildi. U tinglovchilarda fuqarolik holati dalolatnomalarini qayd etish amaliyotini tartibga soluvchi qonunchilik normalarini qo'llash sohasida nazariy bilimlar va amaliy ko'nikmalarni shakllantirishga xizmat qiladi. O'quv qo'llanma yuridik ta'lim muassasalari uchun davlat ta'lim standartlariga mos holda zamonaviy pedagogik texnologiyalar, yangi o'quv modul tizimlarini qo'llagan holda tayyorlandi.
-
Mulk huquqi va ashyoviy huquqlar (milliy va xorijiy tajriba asosida)
Asadov Sh.F,O'zbekiston Respublikasi fuqarolik huquqi doirasidagi muhim tushunchalardan biri - mulk huquqi va ashyoviy huquqlar - ta'lim va amaliyot uchun zarur bo'lgan muhim mavzulardir. Ushbu mavzuga bag'ishlangan mazkur o'quv qo'llanma o'quvchilarga mulk huquqi va ashyoviy huquqlarning asosiy prinsiplarini, ularning qonuniy asoslari va amaliyotdagi qo'llanishini chuqur va tushunarli tarzda o'rgatishga qaratilgan. Qo'llanma, mulk huquqining nazariy asoslarini, jumladan, mulk huquqining obyektlari, subyektlari va huquqiy himoya vositalari haqidagi mavzularni o'z ichiga oladi. Shuningdek, qo'llanmada ashyoviy huquqlarni himoya qilish usullari, xususan, vindikatsion va negator da'volar, ularning mazmuni va qo'llanishi ham yoritilgan.
-
O'simlik dunyosini muhofaza qilish va undan foydalanishning huquqiy holati
Maxkamov D.N,Mazkur o'quv qo'llanmada o'simlik dunyosi obyektlari tushunchasi va ekologik tizimda tutgan o'rni, o'simlik dunyosini huquqiy muhofaza qilish zarurati va asoslari, o'simlik dunyosini muhofaza qilish sohasida davlat boshqaruvi hamda nazorati, o'simlik dunyosidan foydalanish tartibi, o'simlik dunyosidan foydalanish huquqining vujudga kelish va bekor bo'lish asoslari, o'simlik dunyosini muhofaza qilish va undan foydalanish sohasidagi huquqbuzarlik tushunchasi va turlari, o'simlik dunyosini muhofaza qilish qonunchiligini buzganlik uchun yuridik javobgarlik tizimi, o'simlik dunyosini xalqaro-huquqiy muhofaza qilish tushunchasi, tamoyillari va xususiyatlari, o'simlik dunyosini muhofaza qilishning xalqaro-huquqiy asoslari va xalqaro tashkilotlarga oid masalalar yoritib berilgan.
-
Rasmiy hujjatlarni qalbakilashtirish va ulardan foydalanish jinoyatini kvalifikatsiya qilish masalalari
Ermatov G'.O,Mazkur o'quv qo'llanmada o'simlik dunyosi obyektlari tushunchasi va ekologik tizimda tutgan o'rni, o'simlik dunyosini huquqiy muhofaza qilish zarurati va asoslari, o'simlik dunyosini muhofaza qilish sohasida davlat boshqaruvi hamda nazorati, o'simlik dunyosidan foydalanish tartibi, o'simlik dunyosidan foydalanish huquqining vujudga kelish va bekor bo'lish asoslari, o'simlik dunyosini muhofaza qilish va undan foydalanish sohasidagi huquqbuzarlik tushunchasi va turlari, o'simlik dunyosini muhofaza qilish qonunchiligini buzganlik uchun yuridik javobgarlik tizimi, o'simlik dunyosini xalqaro-huquqiy muhofaza qilish tushunchasi, tamoyillari va xususiyatlari, o'simlik dunyosini muhofaza qilishning xalqaro-huquqiy asoslari va xalqaro tashkilotlarga oid masalalar yoritib berilgan.
-
Ayrim turdagi tergov harakatlarining kriminalistik taktikasi va texnologiyasi
Abdullayev R.K,O'quv qo'llanmada jinoyat-protsessual qonunchiligidagi yangiliklar, soha mutaxassislarining nazariy qarashlari va amaliy tergov faoliyati tahlillariga asoslangan holda kriminalistik taktika hamda texnologiyaning umumiy qoidalari ko'rib chiqilgan. Ko'zdan kechirish, guvohlantirish, so'roq, yuzlashtirish, tintuv, olib qo'yish va tanib olish uchun ko'rsatish taktikasi va texnologiyasi hamda tegishli taktik usullarni qo'llash masalalari yoritilgan. O'quv qo'llanma yurisprudensiya mutaxassisligi bakalavriat ta'lim yo'nalishi talabalari va keng kitobxonlar ommasiga mo'ljallangan.