Kitoblar

Davlat boshqaruviga oid terminlarning izohli lug'ati

"Davlat boshqaruviga oid terminlarning izohli lug'ati" kitobxonlar ommasi, davlat xizmatchilari, xususan, yoshlarning davlat boshqaruviga doir bilimlarini oshirishni, sohada ko'p qo'llanadigan atamalar bilan tanishtirishni maqsad qilgan. 600 dan ortiq termin va tushunchalarni o'z ichiga olgan mazkur lug'at "Davlat boshqaruvi" 60421200 ta'lim yo'nalishi bakalavriat talabalari, magistrlar, o'qituvchilar, shuningdek, keng kitobxonlar ommasiga mo'ljallangan.

Менеджмент, экономика и социальная политика

Настоящий учебник посвящён обсуждению проблем социальной политики, социального развития и социального менеджмента, включая понятия социального государства, политику экономического роста и социальную политику в целях подготовки профессиональных топ- менеджеров. Учебник состоит из 10 тем, каждая из них направлена на формирование у учащихся определённых знаний по менеджменту, механизмам функционирования экономической системы, социальной политике и её законам, контролю и согласованию управления с современными экономическими процессами и др. Учебник предназначен для студентов бакалавриата, магистратуры, преподавателей, а также широкого круга читателей, желающих построить успешную карьеру в своей профессиональной деятельности.

O'zbekistonda yuridik ta'lim va fanning rivojlanish istiqbollari: milliy va xorijiy tajriba

Mazkur konferensiya materiallari to'plami Toshkent davlat yuridik universitetining 30 yilligiga bag'ishlangan xalqaro ilmiy-amaliy konferensiya doirasida tayyorlandi. Ushbu to'plamda respublikamiz va xorijiy mamlakatlar ko'plab taniqli olimlari va mutaxassislarining ilmiy maqolalari, tezislari hamda taklif va tavsiyalari o'rin olgan. Ushbu to'plamdan professor-o'qituvchilar, katta ilmiy xodim-izlanuvchichlar, mustaqil izlanuvchilar, magistrantlar, shuningdek, huquqni muhofaza qiluvchi organlar xodimlari foydalanishlari mumkin.

Ijtimoiy ta'minot huquqi

Kasbiy ko'nikmalar va metodologiya

Mazkur darslik bo'lajak mutaxassislarda kasbiy ko'nikmalar va u bilan bog'liq metodologiyani o'zlashtirishga qaratilgan, zamonaviy ta'limning muhim vazifalaridan birini o'zida mujassam etgan. Darslik Davlat boshqaruvi - 60421200 ta'lim yo'nalishi bakalavriat talabalari, magistrlar, o'qituvchilar, shuningdek, o'zining professional faoliyatida muvaffaqiyatli karyerasini yaratmoqchi bo'lgan keng kitobxonlar ommasiga mo'ljallangan.

Sud ekspertizasi

Ushbu darslikda sud ekspertizasi fanining tushunchasi, predmeti, obyekti, vazifalari, tizimi, metodlari, turlari, sud ekspertizasini o'tkazish vakolatiga ega bo'lgan muassasa va organlar, sud ekspertizasi uchun namunalar olish qoidalari, ekspert oldiga qo'yilgan savollarga doir masalalar bayon etilgan.

Ingliz huquqi asoslari

Ingliz huquqi bir necha davlatlar huquq tizimining eng yaxshi taraflarini jamlab, biznes sohasi vakillari uchun o'ta qulay formatga kelgan. Egiluvchanlik, shaffoflik, bashorat qila olish va eng muhimi, tezlik bu tizimning afzal jihatlaridir. Qonunlar biznes manfaatlari uchun xizmat qilishi lozim, ingliz huquqi esa ayni shu imkoniyatni beradi. O'quv qo'llanma yordamida talabalar ingliz huquqiga asoslanib hal etilgan tipik ishlarni tahlil qila olish, tadqiqot olib borish va tegishli pretsedentlarga tayangan holda huquqiy dalillar tayyorlash qobiliyatlarini shakllantirishadi, shuningdek, talabalar ingliz huquqi asoslarining tabiati, manbalari va asosiy tushunchalari yuzasidan bilimlarga va amaliy-huquqiy ko'nikmalarga ega bo'ladilar.

Sug'urta huquqi

Sug'urta huquqi fanini o'rganish bo'yicha yozilgan mazkur o'quv qo'llanma ma'ruza va amaliy mashg'ulotlarni qiziqarli va samarali o'tkazish, talabalarning mavzular mazmun-mohiyatini tezda anglab olishi va tushunishi, fuqarolarga huquqiy maslahatlar va boshqa turdagi yuridik yordam ko'rsatish hamda olingan bilimlarni amalda qo'llashga yordam beradi. O'quv qo'llanma huquqshunoslik fani o'qitiladigan oliy va o'rta maxsus ta'lim muassasalari, shuningdek, keng kitobxonlar ommasi uchun mo'ljallangan.

Dalillar nazariyasi

"Dalillar nazariyasi" darsligi so'nggi sud-huquq islohoti bilan bog'liq bo'lib, murakkab mavzularning tahlilini o'z ichiga olgan. Ushbu mavzularning mazmuni o'ziga xos xususiyatga ega. Darslikdan maqsad talaba va magistrlarga jinoyat-protsessual huquqining institutlaridan biri bo'lgan dalillar institutining huquqiy tabiatini, mazmunini, isbot qilish jarayonida inson huquqlari va erkinliklarini ta'minlash vositalarini hamda qonunchilikning qat'iy qoidalarini, shuningdek, dalillar bilan bog'liq nazariy qarashlarni va amaliy ko'nikmalarni o'rgatishdan iborat. Darslikda dalillar nazariyasining huquqiy va metodologik asoslari, xususiyatlari, tasniflanishi, isbot qilish tushunchasi, doirasi, predmeti, isbot qilish subyektlarining o'rni va faoliyatlari kabi masalalar ko'rib chiqilgan. Magistratura bosqichi talabalari uchun mo'ljallangan mazkur darslik ularning kelgusida o'z xizmat vazifalarini professional bajarishida zarur bilim, ko'nikmalar majmuini shakllantirishni ko'zda tutadi.

Ekologiya huquqi

O'quv qo'llanma Toshkent davlat yuridik universiteti ekologiya huquqi fani dasturi asosida tayyorlangan bo'lib, unda Ekologiya huquqi fanining tushunchasi, predmeti, metodlari, tizimi, prinsiplari va manbalari, tabiat resurslariga nisbatan mulkchilik, ekologiya sohasida davlat boshqaruvi va nazoratining ekologik-huquqiy holati, ekologik huquqbuzarlik sodir etganlik uchun javobgarlik, yer, suv, yerosti boyliklari, o'simlik va hayvonot dunyosi, o'rmon, atmosfera havosini muhofaza qilish, tabiiy hududlarning ekologik- huquqiy tartibi hamda ekologik-huquqiy muhofaza qilish masalalari atroflicha yoritilgan. O'quv qo'llanma professor-o'qituvchilarga, yuridik oliy va o'rta maxsus o'quv yurtlarining o'qituvchilari, talabalariga mo'ljallangan.

Ekologiya huquqi

Ushbu darslikda O'zbekiston Respublikasining Konstitutsiyasi (yangi tahrirdagi) talablari asosida ekologiya huquqi, o'simlik va hayvonot dunyosini muhofaza qilish va undan foydalanish, muhofaza etiladigan tabiiy hududlar va o'rmonlarning huquqiy holati, muqobil energiya manbalaridan foydalanish, antropogen o'zgargan hududlarda va chiqindilardan foydalanish jarayonida atrof-muhitni huquqiy muhofaza qilishning huquqiy tartibi va O'zbekiston Respublikasining ekologiya va atrof-muhitni muhofaza qilish sohasidagi xalqaro hamkorligi masalalariga alohida e'tibor berilgan.

Moliya huquqi

Ushbu o'quv qo'llanmada moliya huquqi tushunchasi, funksiyalari, davlat moliyaviy faoliyati tushunchasi, moliyaviy nazorat va uning shakllari, usullari, budjet tushunchasi, uning tuzilish shakli, davlat daromadlari hamda xarajatlarining huquqiy asoslari, davlat krediti va uning shakllari, davlat qarzi, uni amalga oshirish tartibi, moliya huquqining boshqa masalalari yoritilgan. O'quv qo'llanmada mustahkamlovchi qism bilan birga, ma'lumotlarni tushunishga yordam beruvchi vaziyatlar va misollar shakllantirilgan. Nashr moliya huquqi fani o'quv dasturi asosida tayyorlangan bo'lib, yurisprudensiya faoliyat turlari bo'yicha bakalavriat yo'nalishida tahsil olayotgan talabalarga mo'ljallangan.

Ijro ishi yuritish

Ushbu darslikda ijro ishi yuritish fanining tushunchasi, predmeti va tizimi, O'zbekistonda sud hujjatlari hamda boshqa organlar hujjatlarini ijro etishning tashkiliy masalalari, ularni davlat ijrochilari tomonidan majburiy ijro etishning huquqiy asoslari hamda tartibi, ijro hujjatlariga qo'yiladigan talablar, ijro ishi yuritishida ishtirok etuvchi shaxslar, ijro hujjatlarini ijroga qaratish tartibi, undiruvning qarzdor mol-mulkiga, ish haqi va unga tenglashtirilgan to'lovlarga qaratilishi, mulkiy xususiyatlarga ega bo'lmagan nizolar bo'yicha ijro hujjatlarini ijro etish, ijro ishi yuritishning boshqa xususiyatlari, davlat ijrochisining maqomi kabi masalalar yoritib berilgan. Darslik huquqshunoslik mutaxassisligi bo'yicha ta'lim olayotgan o'quvchilar, talabalar, shuningdek, ijro ishi yuritish bilan qiziquvchi keng kitobxonlar doirasiga mo'ljallangan.

The essential language used in intellectual property law and cyber law (AI)

Ushbu o'quv qo'llanma asosiy 4ta bo'lim va 13ta bobdan iborat bo'lib, ularning har biri turli xil qiziqarli materiallarni taqdim etadi. Intellektual mulk. Kiber huquqi va Sun'iy intellekt Al bilan bog'liq mavzularga yo'naltirilgan o'quv materiallariga asoslangan og'zaki va yozish ko'nikmalarini rivojlantiruvchi vazifalar talabalarning autentik va amaliy misollarda yuridik til ko'nikmalarini rivojlantirishni ta'minlaydi. bu esa talabalarga turli kontekstlarda yuridik tilning murakkabligini o'rganish imkonini beradi.

Ingliz huquqida intellektual mulk huquqi asoslari

Mazkur o'quv qo'llanma ingliz huquqida intellektual mulk huquqiga oid munosabatlarni tartibga solishga qaratilgan masalalarni tahliliga bag'ishlangan. Ushbu qo'llanmada ingliz huquqida intellektual mulk huquqi manbalari, tovar belgilarining tartibga solinishi hamda ingliz huquqida mualliflik huquqi kabi masalalar tahlil qilingan.

Odil sudlovga qarshi jinoyatlarni kvalifikatsiya qilish

O'quv qo'llanmada odil sudlovga qarshi jinoyatlar tushunchasi, turlari ularning obyektiv va subyektiv belgilari, shuningdek, ushbu turdagi jinoyatlarni kvalifikatsiya qilishning o'ziga xos xususiyatlari tahlil qilinadi. Huquqshunos olimlar va amaliyot xodimlari, yuridik ta'lim muassasalarining professor-o'qituvchilari, doktorantlari, mustaqil izlanuvchilari, tinglovchi, kursant va talabalariga mo'ljallangan.

Xo'jalik ishlari bo'yicha protsessual hujjatlar

Ushbu o'quv qo'llanmada xoʻjalik sud ishlarini yuritishga oid protsessual hujjatlar, ularning turlari va rasmiylashtirish tartibi, shuningdek asosiy tushunchalar, nazorat uchun kazuslar, mantiqiy-muammoli savollar, sxema va jadvallar hamda xoʻjalik protsessining turli bosqichlarida yuritiladigan hujjatlardan namunalar o'rin olgan. O'quv qo'llanma yurisprudensiya mutaxassisligi bo'yicha bakalavriat va magistratura bosqichi talabalari, ilmiy tadqiqotchilar, professor-o'qituvchilar, sud, prokuratura, adliya, advokatura va huquqni muhofaza qiluvchi boshqa organlar xodimlari, sudyalik lavozimiga zaxiraga olingan nomzodlar, shuningdek keng kitobxonlar ommasiga mo'ljallangan. Qo'llanma "Fuqarolik va xo'jalik sud ishlarini yuritish bo'yicha protsessual hujjatlar va ularni rasmiylashtirishning nazariy-amaliy masalalari" mavzusidagi A2-018-raqamli davlat ilmiy-texnik dasturi natijalari doirasida tayyorlangan.

Юристнинг касбий этикаси

Қўлланма Ўзбекистон Республикаси Инновацион ривожланиш вазирлигининг "Юридик шахсларнинг коррупцияга оид ҳукуқбузарликлар содир этганлиги учун жавобгарлигининг ҳуқуқий асосларини такомиллаштириш" ПЗ-20170928486-сон гранти асосида тайёрланган. Мазкур ўқув қўлланмада юристнинг касбий этикаси курсининг предмети, мақсади ва вазифалари, умумий этиканинг асослари, одоб- ахлоқнинг тушунчаси ва моҳияти, одил судлов ва ҳуқуқни муҳофаза килиш фаолияти ҳақидаги қонунчиликнинг ахлоқий асослари, жиноят-процессуал исботлашнинг ахлоқий асослари, одил судловни амалга оширишнинг ахлоқий асослари, айрим тергов ҳаракатларини амалга оширишнинг этик ва ахлокий асослари, суд музокарасининг этик ва ахлоқий асослари, айрим юридик касб вакиллари фаолиятининг ахлоқий асослари, юристнинг касбий фаолиятидаги этикети каби мавзулар атрофлича кенг ёритилган. Ўқув қўлланма бўйича лозим бўлган адабиётлар, қонунлар, норматив ҳужжатлар ва махсус адабиётлар тизимида берилган. Ўқув қўлланма юридик олий ўқув юрти талабаларига, тадқиқотчилар ва амалиёт ходимларига, юристнинг касб этикаси масалалари билан қизиқувчи кенг китобхонлар оммасига мўлжалланган.

Huquqning tushunchasi, mohiyati, funksiyalari va prinsiplari

Mazkur o'quv qo'llanma yuridik oliy ta'lim muassasalari bakalavriat bosqichi yo'nalishlari (60420100-Yurisprudensiya: faoliyat turlari bo'yicha) uchun o'tiladigan Davlat va huquq nazariyasi modulining 7-mavzu "Huquq tushunchasi, belgilari, va mohiyati" va 8-mavzu "Huquq funksiyalari va prinsiplari" mavzulariga bag'ishlangan bo'lib, unda huquqni tushunish masalalari, huquqning mohiyati, belgilari hamda prinsiplari va funksiyalari bugungi kun nuqtai nazaridan yoritilgan. O'quv qo'llanma oily yuridik ta'lim muassasalari talabalari uchun mo'ljallangan.

Transmilliy jinoyatlarni tergov qilish uslubiyoti

Ushbu o'quv qo'llanma ayrim turdagi transmilliy jinoyatlarni tergov qilishning kriminalistik tahliliga bag'ishlangan. Unda transmilliy jinoyatlar tushunchasi, ularning o'ziga xos xususiyatlari va turlari, transmilliy jinoiy tashkilotlar turlari va ularning yo'nalishlari, jinoyatlarning kriminalistik xarakteristikasi, shuningdek, ayrim toifadagi transmilliy jinoyatlarni tergov qilish yuzasidan o'tkaziladigan taktik qoidalar hamda ularni oldini olish masalalari aks etgan. O'quv qo'llanmailmiy ish bilan shug'ullanuvchi tadqiqotchilar va oliy o'quv yurtlarining bakalavr va magistrantlari uchun tavsiya qilinadi. Shuningdek, undan sud-tergov organlari xodimlari hamda ushbu mavzuga qiziquvchi shaxslar ham foydalanishi mumkin.