-
-
-
-
-
-
-
-
-
-
-
-
-
-
Ta'lim, -
-
-
Ta'lim, -
-
-
-
-
-
-
-
-
Гендер тенглик бўйича ўқув қўлланма (хотин-қизларни камситишнинг барча шаклларига барҳам бериш тўғрисидаги конвенциянинг 45 йиллигига бағишланади)
Ушбу ўқув қўлланма ижтимоий тараққиёт ва эркинликнинг ҳаракатлантирувчи кучи сифатида аёллар ҳуқуқлари ва гендер тенглик ҳақида тизимли билим беришга мўлжалланган. Муаллифлар жамоаси гендер тенгликни таъминлаш масалаларининг мураккаблиги ва кўп қирралилигини, замонавий дунёда уларнинг моҳияти ва аҳамиятини кўрсатишга интилишди. Ўқув қўлланмада гендер тенглик билан боғлиқ асосий тушунчалар, гендер тенгликни таъминлашнинг халқаро стандартлари ва механизмлари, миллий қонунчилик ва аёлларни зўравонликдан ҳимоя қилишнинг миллий гендер механизми, давлат сиёсатининг айрим йўналишларида гендер масалаларини ҳисобга олиш, гендерга доир комплекс ёндашувни амалга ошириш, жаҳон гендер индекслари каби масалалар қамраб олинган. Ўқув қўлланмада гендер тенгликни таъминлаш ва аёлларни зўравонликдан ҳимо қилишнинг миллий ва халқаро шаклларининг бир-бирини тўлдириши масалаларига катта эътибор қаратилган. Ўқув қўлланманинг ўзига хос хусусияти шундан иборатки, унда халқаро ва миллий ҳуқуқнинг ўзаро боғлиқлиги, уларнинг замонавий дунёда шахснинг ўрнига таъсири кўрсатилган. Ўқув қўлланма талабалар, аспирантлар, юридик ва бошқа олий ўқув юртлари ўқитувчилари, ҳуқуқшунослик факультетлари талабалари, ҳуқуқшунослар тадқиқотчилар ва амалиётчилар, шунингдек, тарих ва ҳозирги замоннинг гуманитар муаммолари, жумладан, инсон ҳуқуқлари ва эркинликлари ва гендер тенгликни таъминлаш масалалари билан қизиқувчилар учун мўлжалланган. Ушбу нашр АҚШ Халқаро тараққиёт агентлиги (USAID) орқали кўрсатилган Америка халқининг ёрдами асосида яратилган. Маҳсулот мазмуни бўйича масъулият Tetra Tech DРКга юклатилади ва USAID ёки АҚШ ҳукумати расмий нуқтаи назарини акс эттириши шарт эмас.
-
Меҳнат ва курашда тобланган ҳаёт онларим
Асқаров А.,Ушбу хотира китобида машҳур археолог академикнинг машаққатли ва сермазмун ҳаёт йўли тасвирланган. Муаллиф узоқ йиллик умри давомида бошидан кечирган саргузаштларини баён этган. Унда ҳаётда тўғрисўз бўлиб яшашнинг накадар қийинлиги, улуғ устозларининг мехрибончиликлари, илмнинг заҳматлари ва унинг йўлида учраган тўсиқлар, яхши инсонлар кўмаги ҳаётий мисоллар асосида қаламга олинган. Заҳматкаш, тиниб-тинчимас олимнинг йўлига ғов бўлганларни босиб ўтиб ёруглик сари интилиши ўз самарасини берганлиги китобда ўз ўрнини топган. Китоб сизга манзур бўлади деган умиддамиз.
-
Бир бўлсак-ягона халқмиз, бирлашсак-ватанмиз
Мирзиёев Ш.М.,Ўзбекистон Республикаси Президенти Шавкат Мирзиёев асар- ларининг саккизинчи жилдига мамлакатимиз ижтимоий-сиёсий ҳаётидаги муҳим воқеалар, халқаро миқёсдаги форум ва саммит- лардаги нутқ ва маърузалар, шунингдек, юртимизда кенг нишон- ланиб келаётган умумхалқ байрамлари, тарихий саналар, оммавий тадбир ва маросимлар муносабати билан йўлланган табрик ва қут- ловлар киритилган.
-
Bir bo'lsak - yagona xalqmiz birlashsak - vatanmiz
Mirziyoyev Sh.M.,O'zbekiston Respublikasi Prezidenti Shavkat Mirziyoyev asarlarining sakkizinchi jildiga mamlakatimiz ijtimoiy-siyosiy hayotidagi muhim voqealar, xalqaro miqyosdagi forum va sammitlardagi nutq va ma'ruzalar, shuningdek, yurtimizda keng nishonlanib kelayotgan umumxalq bayramlari, tarixiy sanalar, ommaviy tadbir va marosimlar munosabati bilan yo'llangan tabrik va qutlovlar kiritilgan.
-
Mediatsiya
Ushbu nashr O'zbekiston Respublikasi Oliy sudi, AQSh Xalqaro taraqqiyot agentligi (USAID) va Birlashgan Millatlar Tashkiloti Taraqqiyot dasturi hamkorligida "O'zbekistonda qonun ustuvorligi sohasidagi qo'shma loyihasi" doirasida bepul tarqatish uchun tayyorlangan. Nashr USAIDning Huquqiy islohotlar dasturi doirasida o'zbek tiliga tarjima qilindi. Nashrning mazmuni uchun javobgarlik mualliflar zimmasiga yuklatiladi va O'zbekiston Respublikasi Oliy sudi, AQSh Xalqaro taraqqiyot agentligi (USAID), AQSh hukumati yoki Birlashgan Millatlar Tashkiloti Taraqqiyot dasturi nuqtai nazariga mos kelmasligi mumkin. Qo'llanmaning elektron nusxasi O'zbekiston Respublikasi Oliy sudi www.sud.uz va Birlashgan Millatlar Tashkiloti Taraqqiyot dasturi veb-saytlarida mavjud.
-
-
Mualliflik huquqi va turdosh huquqlarda shartnomalar huquqi
Yakubova I.B.,Ushbu o'quv qo'llanmada mualliflik shartnomasi tushunchasi va o'ziga xos xususiyatlari, mualliflik shartnomasining mazmuni, tuzilishi va uning asosiy shartlari, mualliflik huquqi va turdosh huquqlarda buyurtma shartnomasi tushunchasi va uning shartlari, mualliflik huquqi va turdosh huquqi shartnomalaridan kelib chiqadigan majburiyat munosabatlarining tomonlari va mazmuni, tashkilot va mualliflik huquqi egasi o'rtasidagi shartnoma: huquqiy tabiati, shartnoma elementlari, shuningdek, boshqa fuqarolik shartnomalari bilan fuqarolik huquqiy tahlili, tashkilot va mualliflik huquqi obyektlaridan foydalanuvchi shaxslar o'rtasidagi shartnomalarning tasnifi: litsenziya shartnomalari shakllari, shartnomalarda mualliflik haqi miqdorini aniqlash mezonlari, mualliflik haqini yig'ish va taqsimlash masalalari tahlili yoritib berilgan. O'quv qo'llanma yuridik oliy ta'lim muassasalari va fakultetlari talabalari, tadqiqotchilar va o'qituvchilar, shuningdek, sud va huquqni muhofaza qilish organlari xodimlari uchun mo'ljallangan.
-
Intellektual mulk huquqi
Xursanov R.,Ushbu o'quv qo'llanmada fuqarolik huquqi va mulk huquqining alohida tarmog'i sifatida intellektual mulk huquqiga oid masalalar yoritilgan. Bunda intellektual mulkning umumiy qoidalari va alohida obyektlari tahlil qilingan. Shuningdek, qo'llanmada intellektual mulk huquqiga oid muammolari savollar. kazuslar va tezislar ham keltirilgan. Qo'llanma oliy ta'lim universiteti yurisprudensiya yo'nalishi talabalar, magistrlar hamda shu sohaga qiziquvchi boshqalarga mo'ljallangan.
-
Soliq huquqi moduli bo'yicha kazuslar to'plami
Ergashev I.A., Rahmatov E.J.,Mazkur o'quv qo'llanmada O'zbekiston Respublikasi soliq huquqining tizimlashtirilgan asosiy institutlari va normalari amaliy vaziyatlar (kazuslar) orqali yorqin misollar asosida chuqur tahlil qilingan. Har bir kazus soliq huquqi sohasidagi nazariy bilimlarni amaliyotda qo'llash ko'nikmalarini rivojlantirishga qaratilgan. Ushbu kazuslar to'plami oliy yuridik ta'lim muassasalari talabalari, soliq organlari xodimlari, amaliyotchilar, tadbirkorlik subyektlari hamda soliq huquqi masalalari bilan qiziquvchi keng jamoatchilikka mo'ljallangan.
-
Soliq huquqi: 100 savolga 100 javob
Ergashev I.A., Rahmatov E.J.,Mazkur o'quv qo'llanmada O'zbekiston Respublikasi soliq qonunchiligida belgilangan 100 ta eng muhim qoida va tushunchaning mazmun-mohiyati savol-javob tarzida batafsil yoritilgan. Ushbu o'quv qo'llanma oliy yuridik ta'lim muassasalari talabalari, soliq organlari xodimlari, tadbirkorlar va keng jamoatchilikka mo'ljallangan.
-
Zarar yetkazishdan kelib chiqadigan majburiyatlar
Imomov N., Babajanova D.,Mazkur o'quv qo'llanmada O'zbekiston Respublikasining fuqarolik qonunchiligi asosida zarar yetkazishdan kelib chiqadigan majburiyatlar, zarar yetkazishdan kelib chiqadigan majburiyatlarning vujudga kelishi va rivojlanishi, zarar yetkazishdan kelib chiqadigan majburiyatlar tushunchasi va ularning o'ziga xos xususiyatlari, zarar yetkazishdan kelib chiqadigan majburiyatlar uchun fuqarolik-huquqiy javobgarlik asosi va shartlari, zarar yetkazishdan kelib chiqadigan majburiyatlarning alohida turlari, zararni qoplash usullari va zarar miqdorini aniqlash, delikt majburiyatlarida regress huquqi masalalari tahlil etilgan. O'quv qo'llanma oliy o'quv yurtlarining huquqshunoslik mutaxassisligi talabalari, tadqiqotchilar, o'qituvchilar, amaliyot xodimlari va zarar yetkazishdan kelib chiqadigan majburiyatlarning huquqiy asoslariga qiziquvchi keng kitobxonlar ommasiga mo'ljallangan.
-
Telekommunikatsiya tarmoqlarida mualliflik huquqi va turdosh huquqlar muhofazasi
Yuldashov A.A.,Ushbu o'quv qo'llanmada telekommunikatsiya tarmoqlarida mualliflik huquqi va turdosh huquqlar muhofazasini huquqiy tartibga solish mexanizmlarini takomillashtirish masalalari tahlil qilingan. Shuningdek, telekommunikatsiya tarmoqlarida mualliflik huquqi tushunchasi, o'ziga xos xususiyatlari va predmeti, muhofazaning nazariy va texnik jihatlari, O'zbekiston qonunchiligi hamda xalqaro shartnomalarda mualliflik va turdosh huquqlarni telekommunikatsiya tarmoqlarida muhofaza qilishga doir normalarning nazariy va amaliy ahamiyati oʻrganilgan.
-
Ko'chmas mol-mulkning fuqarolik-huquqiy rejimi
Imomov N., Hajiyev U.,Ushbu o'quv qo'llanmada fuqarolik huquqining obyekti sifatida korxona tushunchasi va uning huquqiy rejimi bilan bog'liq masalalar yoritilgan. Shuningdek, qo'llanmada ko'chmas mulk tushunchasi va uni aniqlash mezonlari, ko'chmas mulk obyekti sifatida yer uchastkalari va yer osti boyliklari, bino va inshootlarning ko'chmas mulk obyekti sifatida rejimi, ko'chmas mulkning o'ziga xos obyekti sifatida uy-joyning huquqiy rejimi, ko'chmas mulkning alohida obyekti sifatida korxonaning huquqiy rejimi, korxonaning fuqarolik-huquqiy munosabat obyekti sifatidagi tushunchasi va tavsifi, mulk huquqi obyekti sifatida korxona tarkibini aniqlash muammolari, korxonaga nisbatan huquqlarni amalga oshirish, "virtual korxona"ning fuqarolik-huquqiy maqomi kabi masalalar o'z ifodasini topgan. O'quv qo'llanma yurisprudensiya yo'nalishi talabalari, o'qituvchilar, tadqiqotchilar hamda ko'chmas mol-mulkning fuqarolik-huquqiy rejimi bilan qiziquvchi keng kitobxonlar ommasiga mo'ljallangan.