Kitoblar

Huquqiy ko’nikmalar va metodologiya

Yuristlar uchun iqtisodiyot asoslari

Mazkur o’quv qo’llanma iqtisodiyot nazaryasining qisqacha tub negizlarini kompleks tarzda o’z ichiga olgan. Bu o’quv qo’llanmaning o’ziga xos xususiyatlari o’quvchi uchun kerakli asosiy iqtisodiy kategoriyalar va ularning iqtisodiyotdagi asosiy mazmun –mohiyatining ochib berilganligi, iqtisodiy nazaryalarning bugungi kundagi amaliy ahamiyatining yetarlicha yoritilganligi, bozor mexanizmi, bozor konyunkturasi, Tovar bozorlarining o’ziga xosliklari va unda iste’molchi hamda sotuvchining subyekt sifatidagi o’zini tutishi xususiyatlarining batafsil tushuntirib berilganligi, milliy iqtisodiyot va uning makroiqtisodiy ko’rsatkichlari tizimli ravishda amaliy misollar b ilan bayon qilinganligi hisoblanadi.

Низоларни ҳал қилишнинг муқобил усуллари

Ушбу ўқув қўлланмада низоларни ҳал қилишнинг муқобил усуллари тушунчаси ва турлари медиациянинг назарий асослари, унинг моҳияти ва принциплари, ҳакамлик судлари тушунчаси, турлари, улар тамонидан ҳал этиладиган низолар, ҳакамлик муҳокамаси тарафлари, ҳакамлик битими, ҳакамлик судининг таркиби, низоларни ҳакамлик судида ҳал этиш билан боғлиқ харажатлар каби масалалар баён этилган.

Биологик ресурсларни муҳофаза қилиш ва улардан фойдаланиш ҳуқуқи

Ушбу ўқув қўлланмада Республикамизда биологик ресурсларни муҳофаза қилиш ва улардан оқилона фойдаланишни таьминлаш, ҳуқуий асосларни мустаҳкамлаш, институтининг таьсирчан меҳанизмларини жорий этиш, ўрмон( ўсимлик) муҳофазаси ҳуқуий талаблари мазмуни ва тизими, ҳайвонот дунёсини ҳуқуқий мухофаза қилиш ва ундан фойдаланишнинг ўзига хос ҳусусиятлари ва экологик маданияти даражасини ошириш орқали уларни экологик муаммоларни хал этишга фаол жалб қилишга алоҳида эьтибор берилган, шу соҳага оид миллий ва ҳалқаро қонунчилик хужжатлари таҳлил этилган.

Жиноят таркиби обьектив томони белгилари

Ушбу ўқув қўлланмада жиноят таркиби обьектив томони тушунчаси ва унинг зарурий ҳамда факультатив белгилари тушунчаси, турлари ва уларнинг ўзаро муносабати, жиноят таркиби обьектив томони зарурий ва факультатив белгиларининг жиноят-ҳуқуқий аҳамияти, жиноят таркиби обьектив томони зарурий ва факультатив белгиларининг қилмишни квалификатция қилишнинг зарурий ҳамда жавобгарликни оғирлаштирувчи (квалификатциявий) белгиси сифатида Жиноят қонунчилигида назарда тутилиши, шунингдек, улар билан боғлиқ жиноятларни квалификация қилиш масалалари баён қилинган.

Jinoyat tarkibi obyektiv tomoni belgilari

Ushbu o’quv qo’llanmada jinoyat tarkibi obyektiv tomoni tushunchasi va uning zaruriy hamda fakultativ belgilari tushunchasi, turlari va ularning o’zaro munosabati, jinoyat tarkibi obyektiv tomoni zaruriy va fakultativ belgilarining jinoyat-huquqiy ahamiyati, ular bilan bog’liq jinoyatlarni kvalifikatsiya qilish masalalari bayon qilingan.

Hadya va ayirboshlash shartnomasi

Ushbu o’quv qo’llanmada fuqarolik huquqining muhim shartnomalari hisoblangan hadya va ayirboshlash shartnomasi tushunchasi, ahamiyati va huquqiy belgilari, predmeti, hadya va ayirboshlash shartnomasining shakli va tuzish tartibi, uning taraflari hamda ularning huquq va majburiyatlari, ularni bekor qilish tartibi va asoslari hamda taraflarning javobgarligi yoritib berilgan.

Jinoyatda ishtirokchilik

Ushbu o’quv qo’llanmada ishtirokchilik tushunchasi, uning belgilari va ahamiyati, turlari, shakllari hamda jinoiy javobgarlik doirasi, eksess bajaruvchi va uning qilmishini kvalifikatsiya qilish muammolari, ishtirokchilikda sodir etiladigan jinoyatlarni kvalifikatsiya qilishning o’ziga xos xususiyatlatlari, jinoyat-huquqiy normalar raqobatida ishtirokchilikda sodir etilgan jinoyatlarni kvalifikatsiya qilish, ishtirokchilikning jinoyatga daxldorlikdan farqi, ayrim rivojlangan xorij davlatlari jinoyat qonunida ishtirokchilik, uning turlari, shakllari uchun javobgarlik, kvalifikatsiya qilish masalalari bayon etilgan.

Mehnat nizolarini hal etish

Mazkur o’quv qo’llanma “Mehnat nizolarini hal etish” modulining o’quv dasturi asosida tayyorlangan bo’lib, unda nazariy mavzular, test savollari, mavzularni chuqurroq o’rganish uchun tavsiya etiladigan adabiyotlar ro’yxati o’z ifodasini topgan. Qo’llanmani tayyorlashda mavzuga oid milliy va xorijiy adabiyotlardan keng foydalanilgan.

Ижро иши юритувчи

Ушбу қўлланма “Суд қарорларини мажбурий ижро этиш механизмини янада такомиллаштириш масалалари (фуқаролик, иқтисодий, маьмурий ва жиноят ишлари мисолида)” амалий лойихаси доирасида тайёрланган бўлиб, олий ўқув юрти талабалари, шунингдек тадқиқотчилар, профессор-ўқитувчилар, суд, давлат ижрочилари ва ҳуқуқни муҳофаза қилувчи бошқа органлар ходимлари ҳамда кенг китобхонлар оммасига мўлжалланган.

Банк иштирокидаги фуқаролик-ҳуқуқий шартномалар

Ушбу монографияда муаллиф қарз шартномаси тушунчаси, шакл ва қарзни гувохлантириш воситалари, қарз шартномасининг шакли ва расмийлаштириш тартиби, кредит шартномаси, пул талабномасидан бошқа шахс фойдасига вос кечиш эвазига молиялаш (факторинг) шартномаси, факторинг шартномасининг тушунчаси ва ҳуқуқий белгилари, факторинг шартномасининг элементлари, факторинг шартномасининг турлари ва унинг мазмуни, банк омонати шартномаси, банк хисобварағи шартномасининг тушунчаси ва ҳуқуқий белгилари, банк хисобвароқасининг предмети ва уларнинг ўзига хос ҳусусиятлари, ҳисоб- китоб турлари, нақд пулсиз ҳисоб-китоб шакилларига оид фуқаролик ҳуқуий муносабатларни миллий, хорижий ва халқаро қонунчилик юзасидан илмий ва амалий жиҳатдан тадқиқ этган.

Суғурта ҳуқуқи

Ушбу ўқув қўлланмада суғурта тушунчаси, унинг ҳуқуқий асослари, суғурта шартномасининг турлари, суғурта соҳалари ва тармоқлари, транспорт воситалари эгаларининг, иш берувчи ва ташувчи фуқаролик жавобгарлигини мажбурий суғурта қилиш масалалари фуқаролик ҳуқуқи нуқтаи назаридан ёритилган. Қўлланма юриспруденция соҳасида таҳсил олаётган талабалар, тадқиқотчилар ва суғурта соҳасининг ҳуқуқий асосларига қизиқувчиларга мўлжалланган.

Ўзбекистон Республикаси фуқаролик ҳуқуқи

Ўзбекистон фуқаролик жамиятини шакллантириш ва демократик ҳуқуқий давлатни қуриш жараёни кетаётган ҳозирги даврда “Фуқаролик ҳуқуқи ” фанининг аҳамияти тобора ошиб бормоқда. Мустақиллик йилларида мамлакатимизда бозор муносабатларини тўла шакиллантириш йўлида қўплаб қонун ва қонуности хужжатлари қабул қилинди. Бу қонунчилик хужжатлари фуқаролик-ҳуқуқий муносабатларини мазмун жихатидан хам, намоён бўлиш шакиллари жихатидан ҳам тубдан ўзгартириб юборади.

Huquqiy ko’nikmalar va metodologiya

Ushbu o’quv qo’llanma “Huquqiy ko’nikmalar metodologiya” modulini o’rganayotgan universitetning birinchi kurs talabalariga yordam berishga mo’ljalangan. Materiallar tushunilishi va esda qolishi oson bo’lgan shakilda keltirilgan. Qo’llanma talabalarning olgan bilimlarinitizimlashtirishi, amaliy mashg’ulotlarga tez sifatli tayyorlanishi uchun mo’ljallangan. Shuningdek, talabalarda o’z-o’ziga ishonch hissini tarbiyalash, kelajakda kasbiy yuksaklikka erishishda yordam beradigan bir necha ko’nikmalarni rivojlantirishga qaratilgan.

Advokatura va advokatlik faoliyatining huquqiy masalalari

Mazkur o’quv qo’llanma O’zbekiston Respublikasi Prezidenti Shavkat Mirziyoyevning 2020- yil 29-dekabrdagi Oliy Majlisga Murojatnomasiga asosan tayyorlanib, advokatura instituti vujudga kelishing tarixiy aspektlari, O’zbekiston Respublikasida advokaturaning konstitutsiyaviy-huquqiy asoslari, advokatura insitutitsional mustaqilligini ta’minlash, advokatlik litsenziyasini olish va bekor qilish tartibi, advokatlik tuzilmalari faoliyatini tashkil etish va ularni xalqaro standartlarga muvofiqlashtirish, advokatura palatasining tashkiliy tuzilmasi, advokatlar malakasini oshirish tizimining zamonaviy mexanizmlarini shakllantirish, advokatura insitutini yanada takomillashtirishning asosiy yo’nalishlari, hamda ayrim xorijiy davlatlar tajribasi yoritilgan.

Шартнома тузиш

Мазкур ўқув қўлланма шартнома тузиш билан боғлиқ жараёнларнинг ҳуқуқий асослари, тартиби ва шартларини, шартнома тузиш усуллари ва уларнинг расмийлаштирилишини ўзида ифодалайди. Шунингдек, унда шартнома тузиш босқичлари, оферта ва акцептни расмийлаштириш ва юбориш тартиби, дастлабки шартнома тузишга нисбатан талаблар, кимошди савдосида шартнома тузиш, интернет орқали шартнома тузиш, танлов савдоларида шартнома тузиш, давлат харидлари бўйича шартномаларни тузиш ва расмийлаштириш, ташқари иқтисодий шартномалар тузишнинг ўзига хос хусусиятлари ёритилган.

Ўзбекистон Республикасида ҳуқуқий ислоҳотларнинг асосий жиҳатлари

Ушбу ўқув қўлланмада мамлакатимизда олиб борилаётган конституциявий ислоҳотлар, давлатни модернизация қилиш, маьмурий ислоҳотлар, давлат хокимияти ва бошқаруви органларини ислоҳ қилиш ва уларнинг очиқлигини таьминлаш, суд-ҳуқуқ соҳасидаги ислоҳотларнинг асосий йўналишларига оид масалалар ёритилган.

Aholi bandligiga ko’maklashishda ko’rsatiladigan va mavjud mexanizmlar

Mazkur o’quv qo’llanma Mehnat organlari xodimlari malaksini oshirish respublika kurslarida tayyorlangan o’quv dasturlaridagi mavzular va aholi bandligi va mehnat munosabatlari, mehnat muhofazasiga oid qonun hujjatlari va jukumat qarorlari asosida tayyorlanib aholi bandligi, mehnat munosabatlari, mehnat muhofazasi, haq to’lanadigan jamoat ishlari, kasbga o’qitish, kasb standarti, mehnat bozori va mehnat resurslari, temir daftar, ayollar va yoshlar daftari, migratsiya va gender tenglik singari bir qator masalalar yoritilgan.

Ўзбекистон Республикаси Президенти Ш. Мирзиёевнинг БМТ Бош ассамблеяси 75-сессиясида сўзлаган нутқини ўрганиш ва кенг жамоатчилик ўртасида тарғиб қилиш

Ушбу ўқув қўлланмада Ўзбекистон Республикаси Президенти Шавкат Мирзиёевнинг 2020 йил 23 сентябрда БМТ Бош Ассамблеяси 75- сессиясида сўзлаган нутқида баён қилинган концептуал фикр ва ғоялар, белгилаб берилган мақсад ва вазифалар, ўртага қўйилган долзарб муаммолар, уларнинг нафакат Ўзбекистон балки дунё миқёсидаги моҳияти ва аҳамияти атрофлича таҳлил қилинган.

Янги даврда Япония давлатчилигининг ривожланиши

Ўқув қўлланмада Мейдзи инқилоби ва Япониянинг кейинги ижтимоий-сиёсий тузуми ҳусусиятлари, 1889 йилги Конституциясининг асосий қоидалари ҳамда XIX аср охирида давлат тузумида юз берган ўзгаришлар ҳақида маьлумотлар берилади.