Kitoblar

Ислом хакида маърузалар

Узбекистон Республикасининг фукаролик кодекси^E(2003 йил 24 июнгача булган узгартиш ва кушимчалар билан); Расмий нашр

Интеллектуал мулк хукуки: умумий коидалар ва алохида объектлар^EДарслик

Эстетика ^EЮридик институти талабалари у-н укув кулланма

Миллий истиклол гоясини шакллантириш ташкилий услубий ёндошувлар^E(Кадрлар тайёрлаш миллий дастури вазифалари доирасида)

Ўзбекистон Республикасининг ички ишлар органлари тўғрисидаги қонуни

Ўзбекистон Республикасининг судлар тўғрисидаги қонуни

Адолатга ҳиёнат

Таниқли журналист ва ёзувчи Тўхтамурод Тошев кенг қамровли ўқувчи китобхонлар даврасида ўзининг "Меҳнат-инсонни улуғлайди" , "Эл ўғлони", "Муҳаббат рамзи", "Озодликғбуюк неъмат", "Одамларни севиб яшайман", "Адашганлар қисмати", "Ҳиёнат", Подполковникнинг қисмати", "Меҳр қолур муҳаббат қолур..." каби ўндан ортиқ китоблари билан яхши таниш. Ёзувчининг навбаттаги китоби-"Адолатга ҳиёнат" қиссаси китобхонларни бефарқ қолдирмайди. Унда муҳаббат, севги, оилавий муносабатлар, ҳаёттаги қатор ижтимоий муаммолар ёзувчи томонидан моҳирона қайд этилган.

SHAXS VA JAMIYAT

Darslikda insonshunoslik (antroposotsiogenez, shaxsning maqomi, buyuklik mezonlari, o'lim va barhayotlik masalalari) va jamiyatshunoslik (jamiyatning umumiy tavsifi asosiy sohalari, jarayonlarning yo'nalganligi muammolari va sivilizatsiyaviy - madaniy ifodalanishi bosqichlari, mustaqil O'zbekistonning umumsivilizatsiyaviy mo'ljallari) masalalari yoritilgan. Shuningdek, unda hozirgi dunyo umumiy tavsifining tahlili doirasida liberalizm qadriyatlari va modernizatsiya masalalari hamda globallashuv jarayonlari tug'dirgan muammolar hal etilishining shart-sharoitlari va axborot-texnologik sivilizatsiya shakllanayotganligi masalalari qarab chiqilgan. Darslikda qo'yilgan va yoritilgan masalalarning yangiligiga ko'ra, undan oliy ta'lim muassasalarining talabalari va barcha qiziquvchilar ham foydalana oladilar.

BUDJET VA BUDJET TIZIMI

"Budjet va budjet tizimi" o'quv qo'llanmasida davlat budjeti tuzilmasi, uning mohiyati, funksiyalari, prinsiplari va boshqa kategoriyalar bilan munosabatlari bayon etilgan. Uning bigungi bozor sharoitidagi holati, to'gri va oqilona tashkil etilishi va makroiqtisodiy barqarorligi xo'jalik subyektlarining iqtisodiy faoliyatiga va mamlakatning iqtisodiy yuksalishiga ta'sir etishi asoslab berilgan. Mazkur o'quv qo'llanma O'zbekiston Respublikasi davlat budjeti, budjetdan tashqari fondlar, mahalliy budjetlarni o'z ichiga oluvchi budjet tizimi va uning tashkiliy-huquqiy asoslarini chuqur o'rganish imkonini beradi. Qo'llanma yakunida berilgan ilovalarda budjet tizimiga oid barcha ma'lumotlar keltirilgan bo'lib, u xo'jalik subyektlarining budjet bilan o'zaro munosabatlarini yo'lga qo'yishda, budjet tashkiloti rahbarlari mas'ulligini oshirishga xizmat qiladi. Qo'llanma ijtimoiy-iqtisodiy yo'nalishdagi o'quv yurtlari talabalari, o'qituvchilari va budjet tashkilotlari hisobchi mutaxassislariga mo'ljallangan.

AUDIT

Mazkur o'quv qo'llanma buxgalteriya hisobi va audit yo'nalishi bo'yicha mutaxassis tayyorlaydigan kasb-hunar kollejlari talabalari uchun mo'ljallangan. O'quv qo'llanmadagi manzularda audit haqida umumiy tushunchalar yoritilgan bo'lib, u mamlakatimiz qonunchiligi me'yorlari asosida yozilgan. O'quv qo'llanmadan oliy o'quv yurtlari talabalari, hisobchilar va auditorlar ham foydalanishlari mumkin.

SUD HOKIMIYATI

Darslik "Sud hokimiyati" fanining o'quv dasturiga muvofiq va qonun hujjatlariga kiritilgan o'gartirish hamda qo'shimchalar e'tiborga olingan holda tayyorlangan. Darslikda quyidagi masalalar yoritilgan: "Sud hokimiyati" fanining maqsad va vazifalari; O'zbekiston Respublikasida sud hokimiyatini tashkil etish; odil sudlov va uning demokratik prinsiplari; fuqarolik ishlari bo'yicha tumanlararo? tuman (shahar) sudi, jinoyat ishlari bo'yicha tuman (shahar) sudi; Qoraqalpag'iston Respublikasi Oliy sudlari, viloyat va Toshkent shahar sudlari; O'zbekiston Respublikasi harbiy sudlari; O'zbekiston Respublikasi Oliy sudi; O'zbekiston Respublikasi xo'jalik sudlari; O'zbekiston Respublikasi Konstitutsiyaviy sudi; sudyalar maqomi; sudlar faoliyatining tashkiliy va moddiy-texnika ta'minoti. Ushbu nashr o'rta maxsus, kasb-hunar ta'limi muassasalari talabalari va o'qituvchilari uchun mo'ljallangan.

Ҳуқуқий етуклик-баркамолликка элтади

Ушбу ўқув-услубий қулланмада ёшларнинг ҳуқуқий саводхонлигини оширишда уларнинг конституциявий билимларини мустаҳкамлаш, уларда ҳуқуқий, солиқ, экологик маданиятини юксалтириш, қолаверса, инсон ҳуқуқлари, уни мамлакатимизда янада мустаҳкамлашни такомиллаштириш борасидаги ислоҳатларнинг мазмуни, унинг сабаблари ва ушбу ислоҳатларниёшларга тушунтириш билан боғлиқ масалаларни ёритиб беришга ҳаракат қилинган. Ушбу ўқув-услубий қўлланма кенг китобхонлар учун мўлжалланган.

IJTIMOIY-IQTISODIY REJALASHTIRISH

Ushbu qo'llanma O'zbekiston Respublikasi Kadrlar tayyorlash milliy dasturi hamda Davlat ta'lim standarti talablari asosida tayyorlangan. Respublikamizda mustaqillikka erishilgan ilk davrdan boshlaboq Respublika hukumati tomonidan ijtimoiy muhofaza tizimini tashkil etishga e'tibor qaratilib, bozor iqtisodiyoti sharoitida aholini ijtimoiy muhofaza qilish tartiblari va turlari o'ziga xos tarzda shakllantirildi. Bu tadbirlar bosqichma-bosqich tarzda rivojlantirilayotgan bo'lib, pirovardida barcha tadbirlarni tashkil etishning zamirida rejalashtirish va zarur chora-tadbirlar majmuini ishlab chiqish masalasi orqali ishlar tashkil etilmoqda. Har bir sohada Ijtimoiy-iqtisodiy rejalashtirish dasturlarini ishlab chiqish va qabul qilish davlat iqtisodiyotini tartibga solish hamda boshqarish uchun qo'llaydigan muhim darsliklardan biri bo'lib, bu ijtimoiy-iqtisodiy rivojlanish sharoitlarida kutilayotgan maqsadlarga erishish uchun muqobil variantlarni qiyosiy baholash asosida maqbulini tanlab olgan holda bosqaruv qarorlarini qabul qilish hisoblanadi. O'quv qo'llanma mazmunini bayon etishda Respublika Prezidenti I.A. Karimov asarlaridan, Respublika qonunlari va boshqa me'yoriy hujjatlardan, keyingi yillarda mamlakatimizda nashr etilgan darslik hamda o'quv qo'llanmalardan, Respublika ijtimoiy-iqtisodiy hayotiga oid statistik materiallardan keng foydalanilgan. O'quv qo'llanma o'rta maxsus kasb-hunar kolleji o'quvchilari uchun mo'ljallangan bo'lib, shuningdek, undan bu fan bilan qiziquvchi barcha kitobxonlar foydalanishi mumkin.

O'ZBEKISTON DAVLATI VA HUQUQI TARIXI

O'quv qo'llanma "O'zbekiston davlati va huquqi tarixi" fani dasturi asosida huquqiy va tarixiy fanlarning eng so'nggi yutuqlari hisobiga olingan holda yozildi. Unda O'zbekiston hududida qadimgi davrda, o'rta asrlarda, yangi va eng yangi davrlarda davlat va huquqning rivojlanishi xususiyatlari va qonuniyatlari xronologik izchillikda yoritildi. O'quv qo'llanma kasb-hunar kollejlari va akademik litseylarning huquq, tarixiy yo'nalishlari o'quvchilari, o'qituvchilari hamda O'zbekiston davlatchiligi va huquqi tarixi bilan qiziquvchi keng kitobxonlar ommasi uchun mo'ljallangan.

DAVLAT VA HUQUQ NAZARIYASI

O'quv qo'llanma davlat va huquq sohasidagi hozirgi zamon ilmiy konsepsiyalarini onobatga olgan holda tayyorlandi. U davlat va huquqni talqin etishdagi an'anaviy yondashuvlar bilan bir qatorda yangi muammolar hamda nuqtai nazarlarni ham qamrab olgan. Shuningdek, unda O'zbekistonda shakllanayotgan fuqarolik jamiyati, demokratik davlatchilik va huquqiy tizim xususiyatlariga oid nazariy xulosalar o'z ifodasini topgan. Davlat va huquqning mohiyati, mexanizmi, funksiyalari va jamiyatni modernizatsiyalash davridagi roli jonli tarzda bayon etildi. O'quv qo'llanma yuridik ilmgohlar talabalariga, o'qituvchilarga, mutaxassislarga, shuningdek, davlat va huquq masalalariga qiziquvchi barcha kitobxonlarga mo'ljallangan.

NOTARIAT HUQUQI

Mazkur o'quv qo'llanma Davlat ta'lim standarti talablari asosida yozildi. Kitob huquqshunoslikka yonaltirilgan va huquq asoslari o'qitiladigan kasb-hunar kolleji o'quvchilari uchun o'quv qo'llanma sifatida tavsiya etiladi. O'quv qo'llnmada notariat haqida tushuncha, fanning predmeti, obyekti, notariat huquqining subyektlari, notarial faoliyat ustidan nazorat, notarial idoralar tomonidan amalga oshiriladigan notarial harakat turlari ustida to'xtalib o'tilgan, notarial harakat turlaridan namunalar berilgan, mavzular chizmalar asosida yoritilgan, har bir mavzudan so'ng nazorat savollari hamda sud amaliyotidan misollar keltirilgan. O'quv qo'llanma notariat sohasini tartibga soluvchi qonun hujjatlariga kiritilgan o'zgartirish va qo'shimchalar asosida yozilgan. O'quv qollanmadan kollej o'quvchilari, huquqni muhofaza qiluvchi organ xodimlari va keng jamoatchilik foydalanishlari mumkin.

MEHNAT HUQUQI

Ushbu darslikda bozor iqtisodiyoti munosabatlari rivojlanib borayotgan sharoitda mehnat sohasidagi ijtimoiy aloqalarni huquqiy tartibga solish, mehnat bozori va uni boshqarish, ish beruvchi va xodimlar o'rtasidagi mehnat-huquqiy aloqalar, fuqarolarning eng asosiy ijtimoiy-iqtisodiy huquqlaridan biri bo'lgan mehnat qilish huquqini ro'yobga chiqarish va himoyalash kabi ko'plab mavzular yoritilgan.

MA'MURIY HUQUQ

Darslikda davlat boshqaruvining mazmun-mohiyati, mamlakatni modernizatsiya va isloh qilish sharoitida "Ma'muriy huquq" fani tushunchasi, ma'muriy huquq tamoyillari asosida tartibga solinadigan ijtimoiy minosabatlarning o'ziga xos xususiyatlari, ma'muriy huquq subyektlarinnig huquqiy maqomi, davlat boshqaruvi shakl va uslublari, ma'muriy huquqbuzarlik va ma'muriy javobgarlik, davlat boshqaruvida qonuniylik va intizomni ta'minlash,shuningdek, iqtisodiyot, ijtimoiy-madaniy, ma'muriy-siyosiy va tarmoqlararo sohalarda davlat boshqaruvini tashkil etish hamda amalga oshirish singari asosiy ma'muriy-huquqiy institutlar yoritib berilgan. Darslik "Ma'muriy huquq" fani dasturi asosida tayyorlangan bo'lib, o'rta maxsus, kasb-hunar ta'limi yo'nalishida ta'lim olayotgan talabalarga, ta'lim muassasalari o'qituvchilariga hamda ma'muriy huquq masalalari bilan qiziquvchi keng kitobxonlar doirasiga mo'ljallangan.

FUQAROLIK PROTSESSUAL HUQUQI

Mazkur o'quv qo'llanma Davlat ta'lim standarti talablari hamda "Fuqarolik protsessual huquqi" fani dasturiga muvofiq tayyorlangan bo'lib, unda fuqarolik protsessual huquqining Umumiy va Maxsus qismiga oid barcha masalalar, huquqshunos olimlarning ilmiy-nazariy fikrlari, sud amaliyotidan misollar, har bir mavzu bo'yicha nazorat savollari va tavsiya etilgan adabiyotlar ro'yxati o'z aksini topgan. Usbu o'quv qo'llanma huquqshunoslikka yo'naltirilgan kasb-hunar kolleji o'quvchilari, amaliyot va ilmiy xodimlar, shuningdek, keng kitobxonlar ommasi uchun mo'ljallangan.