Kitoblar

O’zbekiston ijtimoiy himoya siyosatining tashkiliy-huquqiy asoslari

Mazkur monogrfiyada O’zbekiston ijtimoiy himoya siyosatining tashkiliy-huquqiy asoslari o’zining nazariy hamda amaliy ifodasini topgan. Mazkur monografiyada davlat ijtimoiy himoya siyosatining tarixiy-huquqiy va nazariy-ilmiy jihatlari tahlil qilingan.

Жиноят ҳуқуқи ва бошқа ҳуқуқ соҳаларининг ўзаро алоқадорлиги

Мазкур монографияда Жиноят қонунининг бошқа ҳуқуқ соҳалари билан алоқадорлигининг умумий тавсифи, Ўзбекистон Республикасидаги асосий ҳуқуқ тармоқларининг умумий тавсифи, Ўзбекистон Республикаси Конституцияси Жиноят ҳуқуқининг асоси сифатида эканлигидан келиб чиқиб, мустақиллик йилларида Жиноят ҳуқуқининг ривожланиши ва вазифалари, жиноят ҳуқуқининг оммавий ҳуқуқнинг тармоғи сифатидаги ўрни, хусусан, Жиноят ҳуқуқининг оммавий ҳуқуқ соҳалари билан ўзаро муносабат ҳамда Маьмурий ҳуқуқ билан боғлиқ бўлган жиноят-ҳуқуқий нормаларни қўллашнинг ўзига ҳослиги ҳамда Жиноят ҳуқуқи ва жиноят-процессуал ҳуқуқининг ўзаро муносабати ёритилган.

Жиноят ишлари юритувини инсонпар-варлаштириш масалалари

Мазкур монографияда жиноят ишлари юритувини судга қадар ва суд босқичида инсонпарварлаштириш ва алоҳида тоифадаги жиноят ишлари юритувини инсонпарварлаштиришга оид қонун нормаларининг ривожланиши масалалари тариҳий-ҳуқуқий, назарий-илмий жиҳатдан ёритилган.

Сиёсий партияларнинг вакиллик органлари фаолиятидаги иштироки

Ушбу монографияда сиёсий партияларнинг давлат ҳокимяти вакиллик органлари фаолиятида иштирокининг ташкилий-ҳуқуқий асосларининг назарий ва амалий муаммоларини тадқиқ қилиш асосий вазифа сифатида белгилаб олинган.

Фауна ҳуқуқи

Ҳозирги даврда қабул қилинган қонунларни ҳалқ оммасига етказиш ва бу борада тушунтириш ишларини амалга ошириш долзарб вазифалардан биридир. Шу манода, фауна ҳуқуқи соҳасида яьни ҳайвонот дунёсидан фойдаланиш, унинг жамият ҳаётида тутган ўрни, ҳуқуқий мақомининг ўзига хос хусусиятларини аҳолига шарҳлаб бериш муҳим ахамиятга эга.

Безориликнинг жиноят-ҳуқуқий ва криминологик жиҳатлари

Мазкур монографияда безорилик учун жиноий жавобгарлик белгиланишининг ижтимоий зарурати, айрим хорижий давлатлар жиноят қонунларида жамоат тартибини бузганлик учун жавобгарлик масалалари, ушбу қилмишининг юридик таҳлили, безориликнинг жавобгарликни оғирлаштирувчи белгилари очиб берилган, унинг ва безори шахсининг криминологик тавсифи, олдини олишнинг ўзига хос хусусиятлари таҳлил қилинган.

Ҳуқуқ ижодкорлигини социологик ва эксперт-таҳлилий таъминлаш

Ушбу монографияда ҳуқуқ ижодкорлиги фаолиятини социологик ва эксперт-таҳлилий таьминлашни такомиллаштириш масалалари бўйича ўтказилган илмий-амалий тадқиқот натижалари ёритилган.

Ўзбекистонда судлар фаолияти ва суд ҳужжатлари ижроси: уйғунлиги, бугунги ҳолати ва истиқболлари

Мазкур конференция ПЗ-2017927453-рақамли “Суд қарорларини мажбурий ижро этиш меҳанизмни янада такомиллаштириш масалалари ” мавзусидаги илмий-тадқиқот дастури доирасида ўтказилди.

“Авесто” ва инсон ҳуқуқлари: тарихий-ҳуқуқий ёндашув

Монографияда “Авесто”нинг Марказий Осиё ҳалқлари ҳаётида тутган ўрни ва аҳамияти, унда инсон ҳуқуқлари ва эркинликларининг ифодаланиши, хоржий мамлакатларда “Авесто” ва унинг ғояларининг ўрганилиши, инсоннинг шахсий, ижтимоий, иқтисодий, маданий ҳуқуқларининг “Авесто”да мустаҳкамланиши масалалари қиёсий-ҳуқуқий таҳлил этилган.

Ота-она қармоғидан маҳрум бўлган болаларни жойлаштириш шакилларининг оилавий-ҳуқуқий тартибга олиш

Аҳоли пунктларида табиий ресурсоардан фойдаланиш ва уларни муҳофаза қилишнинг ҳуқуқий масалалари

Монографияда аҳоли пунктларида табиий ресурслардан фойдаланиш ва уларни муҳофаза қилишнинг умумий тавсифи ва юридик табиати, урбанизация жараёнлари фаоллашуви шароитида аҳоли пунктларида қурилиш фаолиятини экологик-ҳуқуқий тартибга солиш масалалари ёритилган.

Тиббий хизматлар кўрсатувчи тадбиркорлик субьектлари фаолиятини ҳуқуқий тартибга солиш масалалари

Ушбу монография хусусий тиббий хизмат кўрсатиш, ушбу соҳада тадбиркорлик субьектлари фаолиятини ташкил этиш, давлат рўйхатидан ўтказиш, лицензиялар бериш, тиббий хизматда ҳақ эвазига хизмат кўрсатиш шартномаси ва унинг ҳуқуқий табиати, тиббий туризмни ҳуқуқий тартибга солиш фаолияти ҳамда хорижий давлатлар тиббий хизматлар соҳасида тадбиркорлик субьектлари фаолиятининг хуқуқий асослари билан боғлиқ муносабатларга бағишланган.

Тадбиркорларни ҳуқуқий ҳимоя қилишга қаратилган қонунлар ижроси устидан прокурор назоратининг ташкилий-ҳуқуқий асосоларини такомиллаштириш

Монографияда тадбиркорларни ҳуқуқий ҳимоя қилишга каратилган қонунлар ижроси устидан прокурор назоратининг ташкилий-ҳуқуқий асосларини такомиллаштириш масалалари мустақил тадқиқот обьекти сифатида илк маротаба ўрганилган.

Ёлғон гувоҳликнинг жиноят ҳуқуқий ва криминологик жиҳатлари

Ушбу монография одил судловга қарши жиноятлардан бири бўлган ёлғон гувоҳликнинг жиноят ҳуқуқий тавсифи ва унинг криминологик жиҳатларига бағишланган. Китобда ёлғон гувоҳлик учун жавобгарлик белгиланган қонунларнинг ривожланиш тарихи ва умумий тавсифи, ёлғон гувохликнинг жиноят ҳуқуқий тавсифи, ушбу қилмиш учун жавобгарликни оғирлаштирувчи ҳолатлар, ёлғон гувоҳликнинг ўхшаш қилмишлар жумладан, ёлғон хабар бериш, туҳмат, жиноят процессини юритиш қатнашчиларининг ўз зғимасидаги вазифани бажаришдан бўйин товлаши, жиноят ҳақида хабар бермаслик ёки уни яшириш жиноятларидан фарқлари ҳамда унинг криминологик жиҳатлари таҳлил қилинган.

Коррупциявий элемент сифатида яширин иқтисодиётнинг криминологик жиҳатлари

Ушбу монографияда яширин иқтисодиётига оид жиноятларнинг криминологик жихатлари ёритилган. Шунингдек, яширин иқтисодиётга қарши курашда миллий конунчиликдаги муаммолар атрофлича ўрганилган.

Солиқ ёки бошқа мажбурий тўловларни тўлашдан бўйин товлашнинг жиноят-ҳуқуқий ва криминологик жихатлари

Мазкур монографияда солиқ ёки бошқа мажбурий тўловларни тўлашдан бўйин товлаш билан боғлиқ жиноятларнинг жиноят-ҳуқуқий ва криминологик муаммолари, ушбу жиноят билан боғлиқ ҳуқий муносабатларнинг комплекс тахлили, мазкур жиноят учун жавобгарлик белгиловчи ҳуқуқий нормаларнинг ривожланиш тарихи, ушбу жиноят учун жавобгарлик белгиланишининг ижтимоий зарурати, жиноят қонунчилигини такомиллаштириш ва қонунни қшллаш амалиётининг самарадорлигини ошириш масалалари баён этилган.

Ўзбекистонда давлат қарзи ва иқтисодий глобаллашув

Мазкур монографияда давлат қарзининг илмий-назарий ва ўзига хос хусусиятлари, назарий асослари тадқиқ этилган. Ўзбекистонда давлат қарзи сиёсатининг амалга ошириш йўналишлари аниқланган ва бахоланган. Ушбу монографияда молия соҳасидаги илмий изланувчанлар, магистрантлар, молия соҳасидаги амалиётчи ходимлар ҳамда молия тизимига қизиқувчилар фойдаланишлари мумкин.

Давлат ва бошқарув

Мазкур монографияда давлат ва уни бошқарув масалаларининг тарихий илдизлари, Фаробийнинг шаҳар давлатлари тўғрисидаги ғоялари, Амир Тумурнинг васияти, Заҳирридин Муҳаммад Бобурнинг қарашлари, Алишер Навоий таьлимоти ва Хожа Самандар Термизий қарашлари каби ўз ифодасини топган.

Коррупциявий жиноятлар учун жавобгарлик

Ушбу моногарфияда коррупциявий жиноятлар тушунчаси, мазкур турдаги жиноятларнинг обьектив ва субьектив белгилари, ҳалқаро-ҳуқуқий ҳужжатлардаги коррупциявий жиноятларга оид стандартлар ҳамда мазкур турдаги жиноятларга оид хорижий давлатлар тажрибаси қиёсий-ҳуқуқий жихатдан таҳлил қилинган.

Коррунцияга қарши курашиш ва компаенс назорат тизимини жорий этиш истиқболлари:халқаро илмий-амалий семинари материаллари тўплами

Мазкур тўпламда “Коррунцияга қарши курашиш ва ком паенс назорат тизимини жорий этиш истиқболлари” мавзусида ўтказилган халқаро илмий-амалий семинари материаллар жамланган. Ушбу тўплам ҳуқушунос олимлар, илмий ходимлар, ҳуқуқни муҳофаза қилувчи органлар ходимлари учун мўлжалланган.