Ushbu nashr 1950-yil 26-yanvarda kuchga kirgan Hindiston Respublikasi Konstitutsiyasining o'zbek tilidagi ilk tarjimasidir. Hindiston Konstitutsiyasi 70 yildan ziyod tarixga ega bo'lib, jahon konstitutsiyalari tajribasini uyg'unlashtirish asosida fuqarolarning asosiy huquq va majburiyatlari, hokimiyatning qonun chiqaruvchi, ijroiya va sud hokimiyat organlari maqomi va ularning vakolatlari, Jamiyat va davlat tuzilishi asoslarini belgilab bergan. Hindiston Konstitutsiyasi qabul qilinganidan keyin o'tgan vaqt davomida unga qator o'zgartirishlar kiritilgan bo'lib, ushbu tarjima uning 2020-yilda nashr etilgan asl matnidan o'zbek tiliga o'girildi. Qo'lingizdagi ushbu nashr nafaqat mutaxassislar, balki keng kitobxonlar ommasiga mo'ljallangan. Hindiston Konstitutsiyasining o'zbek tiliga tarjimasi va nashri Hindiston hukumati Tashqi ishlar vazirligi granti asosida amalga oshirildi.