«Инсоният тафаккури жавоҳирлари» нодир асарлар тўпламининг ушбу биринчи жилдига инсон цивилизациясининг 5-6 минг йиллик тарихга эга бўлган буюк кашфиётлари, инсоният тараққиётига хизмат қилган илк тафаккур маҳсулотларининг буюк намуналари киритилди. Мазкур жилддан қадимги Яқин Шарқ, Шумер, Миср, Хитой, Ҳинд тамаддунининг бебаҳо кашфиётлари ҳамда халқ оғзаки, ёзма ижодий меросининг сара асарлари урин олган. Оламшумул шухратга эга бўлган Шумер халқ эпоси «Гилгамиш ҳақида достон» илк бор ўзбек тилида китобхонларга тақдим этилмоқда. Ушбу жилдга киритилган улуг тамаддун (цивилизация)ларнинг тарихий-илмий, бадиий тафаккури намуналари билимга чанқоқ ўқувчиларимизнинг дунё ҳақидаги билимларини бойитишга хизмат қилишига шубҳа йўқ. Нодир асарлар тўпламининг ушбу жилди зиёлилар, профессор ўқитувчилар, талабалар ва кенг китобхонлар аудиторияси учун мўлжалланган.