Ушбу монография кадим даврлардан то ўрта асрларгача Ўрта Осиё деб аталмиш тарихий-маданий ўлканинг кадим ва ўрта асрлардаги ёзув маданияти тарихи ва унинг манбашунослиги ҳамда тарихшунослиги масалаларини ёритишга бағишланган. Тадқиқотда асосий эътибор Ўрта Осиё халқларининг араб халифалиги истилосигача бўлган ёзув тизимлари ривожланишининг етакчи тамойилларининг таҳлилига қаратилган бўлиб, мазкур изланиш кадим ва ўрта асрлар ёзма ёдгорликлари мисолида ёритилган. Шунингдек, бу даврда Ўрта Осиё халқлари ёзув маданияти ва китобат иши анъаналарининг ворисийлиги масалалари монографиянинг асосий тадқиқот объектларидан бирига айланган. Шу жиҳатдан олганда давлатчилигимиз тарихини ўрганиш долзарб бўлиб турган бир пайтда Ўрта Осиё ёзув маданиятининг ривожланиш ва тараккий этиб бориш жараёнларини тадқиқ этиш алоҳида аҳамият касб этади. Ушбу китоб тарихчилар, манбашунослар ва мамлакатимиз тарихига қизиқувчи китобхонлар оммасига мўлжалланган.