Давлат томонидан ижтимоий ҳимояга йўналтирилган сиёсатни амалга ошириши муҳим аҳамиятга эга. Ўзбекистонда пенсионерлар, ногиронлар, кўп болали оилалар, бокувчисини йукотган оилалар ва бошқа ижтимоий ёрдамга муҳтож шахсларнинг ижтимоий ҳимояси масаласи давлат сиёсати даражасига кўтарилганлигини таъкидлаб ўтиш лозим. Бугунги кунда ижтимоий ҳимоя нафакат аҳолининг кам таъминланган қатламига моддий ва ижтимоий ёрдам кўрсатишни билдиради, балки давлат ижтимоий сиёсатининг деярли барча жиҳатларини қамраб олади. Фуқароларининг муносиб турмуш даражасини таъминлашга йўналтирилган пенсия тизимининг асосий ижтимоий вазифасини эътибордан четда қолдирмаган ҳолда, пенсия таъминоти тизимини тадқиқ қилиш, уни мамлакатнинг иқтисодий ва хукукий ривожланишига таъсири нуктаи назаридан қараганда ҳам муҳим ҳисобланади.