Mazkur risola milodiy X asrda yashab ijod etgan ulug' faqih, faylasuf, mantiqshunos, tilshunos, shoir va hadis ilmi bilimdoni Qaffol ash-Shoshiy ijodi haqidagi ma'lumotlarni o'z ichiga qamrab olgan bo'lib, unda asosan, allomaning fiqhiy (diniy-huquqiy) asarlari tahlil etilgan. Shuningdek, risolada allomaning o'ziga xos diplomatik vazifani bajarish yo'li bilan Arab xalifaligi xalqi uchun ulkan xavfni bartaraf etganligi to'g'risida hamda xalifa Usmon Mus'hafining yurtimizga olib kelinishi bilan bog'liq rivoyatlar taqdim etilgan. Risola oliy o'quv yurti talabalari va ilmiy-madaniy hamda huquqiy merosimizga qiziquvchi keng kitobxonlar ommasiga mo'ljallangan.