Ushbu kitob o'zbek xalq paremalari sinonimiyasiga bag'ishlangan dastlabki lug'at hisoblanadi. Ishning kirish qismida maqolning matal hamda maqol-matal tipidagi paremalardan farqi tushuntirilib, maqol, matal va maqol-matal tipidagi paremalar bilan bog'liq sinonimiya hodisasi haqida fikr yuritilsa, lug'at qismiga ikki parema qatnashadigan sinonimik uyadan qirq to'rt parema qatnashadigan sinonimik uyagacha qamrab olingan. Lug'at filolog olim va mudarrislar, o'zbek filologiyasi va jurnalistika fakultetlari talabalari, o'zbek tili va adabiyoti o'qituvchilari hamda tilimiz boyligi bilan qiziquvchi barcha kitobxonlarga mo'ljallangan.