Sosial dinamikanın şəraiti, cəmiyyətin «rəqəmsallaşma» mərhələsinə qədəm qoyması hüquq elminin qarşısında mürəkkəb problemlərin həllini, bir sıra hüquqi kateqoriyaların yenidən dərkini, hüququn inkişafının tendensiyalarını, onun tək- milləşdirilməsinin effektiv yollarının üzə çıxarılması vəzifələrini irəli sürür. XXI əs- rdə hüquq elminin qarşısında duran mühüm çağırışlardan biri də hüququn anlamı problemidir ki, o da indiyə qədər həll olunmamış qalır. Böyük mütəfəkkir İ.Kant tərəfindən kifayət qədər dəqiq şəkildə söylənilən ifadə bu vəziyyəti açıb göstərir: hüquqşünaslar hələ də hüququn tərifini axtarırlar.