Ушбу китобдан Ўзбекистон Республикаси Президенти Шавкат Мирзиёевнинг асарлари, нутқ ва маърузаларидан саралаб олинган, юртимизда амалга оширилаётган ислоҳотлар фалсафаси, давр руҳи ва ҳаёт ҳикматларини акс эттирадиган энг муҳим иқтибослар ўрин олган. Мухтасар айтганда, мазкур тўплам давлат раҳбарининг замонавий тараққиёт жараёнларига оид сиёсий- стратегик қарашлари, Янги Ўзбекистонни барпо этиш борасидаги концептуал ғоя ва ёндашувларини ифода этади. Ҳар бир иқтибос замирида ўзининг бутун фаолиятини Ватанимиз равнақи, халқимиз фаровонлигини таъминлашга бағишлаган, шу йўлда давлат ва жамиятнинг бор куч ва имкониятларини сафарбар этаётган донишманд ва азму шижоатли лидернинг бедор қалби, кенг миқёсдаги тафаккури, теран мулоҳазалари яққол сезилиб туради.