Яхшиларнинг иккинчи умри бўлади, деганлари рост. Улар дунёдан ўтсалар-да, бу ҳаётда амалга оширган эзгу ва хайрли ишлари, нурли хотиралари одамлар қалбида яшайверади. Таниқли давлат ва жамоат арбоби, шарқшунос олим, моҳир педагог ва дипломат Рустам Собирович Қосимов ҳаёт бўлганида бу йил 70 ёшни қаршилар эди. Қўлингиздаги тўпламдан бу заҳматкаш ва фидойи инсоннинг ибратли ҳаёт йўли, қизғин ижтимоий-сиёсий фаолияти, бетакрор фазилатлари ҳақида замондошлари ва яқин дўстлари, ҳамкасблари ва шогирдларининг самимий хотиралари ўрин олган. Китоб кенг ўқувчилар оммасига мўлжалланган.