Мустақиллик йилларда давлат ҳокимияти ва унинг бошқаруви демократик йулдан ислоқ қилинган ҳолда аҳолининг сиёсий, ҳуқуқий маданияти савияси ортиб борди. Айниқса, ҳокимиятлар бўлиниши конституцион принципининг шаклланиши ва ривожланиб бориши, икки палатали миллий парламентнинг фаолияти, ҳокимиятлар бўлиниши тизимида ижро этувчи ҳокимият ваколатини қайта кўриб чиқиш, уни парламент олдида ҳисоботдор қилиш масаласи кўндаланг бўлмоқда, бу эса, Асосий Қонунимиз-Конституциямизга ҳам тегишли ўзгартиришлар киритилишини талаб қилади. Китобда, шунингдек, ҳокимиятлар бўлиниши тизимида давлат бошлиғи-Президентнинг ўрни ҳақида жаҳон амалиёти ва Ўзбекистон тажрибаси қиёсий таҳлил этилган, мамлакатни ислоҳ этиш ва демократлаштиришда сиёсий модернизациянинг аҳамияти ёритилган.