<<Quyosh ostidagi yovuzlik» romani Agata Kristining eng qiziqarli asarlari ro'yxatida turadi. O'z vaqtida ekranlashtirilgan bu asar kitobxonlarni ham, tomoshabinlarni ham zeriktirib qo'ymasligi aniq. Xususiy izquvar Erkyul Puaro Lezerkomb koʻrfazida dam olishni istaydi, ammo kurortda ham odatdagi ishi bilan shug'ullanishiga qotillikni fosh qilishiga to'g'ri keladi. Bir qarashda qotilning kimligi ravshan hammasiga muhabbat uchburchagi aybdor. Lekin uchburchak to'rtburchak, beshburchak, hatto juda murakkab geometrik figura bo'lib chiqishi, odamlarning koʻziga muhabbat va ehtirosdek ko'ringan tuyg'ular esa, aslida, boylikka o'chlik boʻlishi ham mumkin. Bunday chalkash jinoyatni Puarodan boshqa kim ham fosh qila olardi?