Monografiyada kapital bozorini yanada rivojlantirish bo'yicha xorijiy mamlakatlar tajribasini o'rganish va O'zbekiston amaliyotida qo'llash imkoniyatlari tahlil qilingan. Shuningdek, bozorining muhim segmenti sifatida fond bozorining ahamiyati, faoliyat mexanizmlarini o'rganish, O'zbekistonda kapital bozorini rivojlantirishning huquqiy-me'yoriy asoslari bilan tanishib chiqilgan. O'zbekiston Respublikasida kapital bozoridagi mavjud holatni statistik ma'lumotlar asosida tahlil qilingan. Bundan tashqari, «Toshkent» Respublika fond birjasining mamlakat kapital harakatida tutgan o'rni, uning rivojlanganlik holati va samaradorlik ko'rsatkichlari bilan yaqindan tanishib chiqilgan. Monografiya yakunida mavjud muammolardan kelib chiqib, ularni bartaraf etish hamda O'zbekistonda kapital bozorini yanada rivojlantirish bo'yicha taklif va tavsiyalar berilgan.