Яшаш ҳуқуқи - ҳар бир инсоннинг ажралмас ва табиий ҳуқуқи ҳисобланади. Инсонда ушбу ҳуқуқ туғилганидан бошлаб пайдо бўлади ва то унинг вафотигача амал қилади. Давлат эса ўзининг Конституцияси ва у асосида қабул қилинган қонунчилик ҳужжатлари орқали инсонларнинг мазкур ҳуқуқини мустаҳкам ҳимоя қилишни, инсон ҳаётига қилиниши мумкин бўлган ҳар қандай суиқасд ва тажовузларнинг олдини олишни, бошқа инсонларни ўлдириш ёки уларни яшаш ҳуқуқидан бошқача тарзда маҳрум қилган жиноятчи шахсларни жазолаш мажбуриятини ўз зиммасига олади.