Оила ҳаётнинг абадийлигини, авлодларнинг давомийлигини таъминлайдиган, муқаддас урф-одатларимизни сақлайдиган, шу билан бирга, келажак авлодлар қандай инсон бўлиб етишишига бевосита таъсир кўрсатадиган тарбия ўчоғидир. Ҳар бир оиланинг келажаги ва истиқболи унинг мустаҳкамлигига, соғлом турмуш тарзига боғлиқдир. Бу ўз навбатида, халқнинг, жамиятнинг истиқболини белгилайди. Шу туфайли оилавий муносабатларнинг ҳуқуқий асослари мамлакат, жамият манфаати йўлида амалга ошириладиган энг муҳим масалалардан бири ҳисобланади.