Мамлакатимизда қонун устуворлигини қарор топтириш ҳуқуқ ва унинг устунлигини таъминлашга боғлиқлигини Ўзбекистон Республикаси Президенти И.А. Каримов ўз асарларида бот-бот таъкидлайди. Бинобарин, ҳуқуқ нималигини, унинг устунлиги нимани англатишини аҳолига тушунтириш юрист олимларнинг муҳим вазифаларидан биридир. Ушбу китобда асос-негизини Конституция ташкил этувчи ҳуқуқ устунлиги муаммосининг назарий ва амалий жиҳатлари ёритилган. Унда, авваламбор, ҳуқуқ устунлиги ҳуқуқий давлат- нинг энг муҳим концептуал ғояси эканлиги исботлаб берилган. Шунингдек, китобда «ҳуқуқ устунлиги», «ҳуқуқ ҳукмронлиги», «қонун устунлиги», «ҳуқуқнинг мажбурийлиги», «ҳуқуқнинг бе- баҳолиги» каби тушунчалар кенг қамровли таҳлил этилган. Айни пайтда мазкур китоб Юртбошимиз томонидан «Мам- лакатимизда демократик ислоҳотларни янада чуқурлаштириш ва фуқаролик жамиятини ривожлантириш концепцияси»да ил гари сурилган энг муҳим ғояларни «ҳуқуқ устунлиги» тушунча- си орқали теранроқ англаб, тушуниб олишга ёрдамлашади, деган умиддамиз. Китоб юридик ўқув юртлари талабалари, профессор-ўқитув- чилари ҳамда кенг китобхонлар оммасига мўлжалланган.