Unilibrary. Oliy ta'lim muassasalarining yagona elektron kutubxona axborot tizimi.

Саодат саройининг калити

Ёзувчи Тоҳир Маликнинг ахлод-одобга доир рисолалари китобхонларга яхши таниш. Унинг уч фаслдан иборат “Одамийлик мулки” ахлоқ китоби кўпчилик диққатини тортди. Бу рисола асосида тартиб берилган “Келинлар дафтарига”, “Куёв бола, сизга айтар сўзим бор” китоблари ҳам нашр этилган. Адиб китобхонлар, хусусан, ота-оналар, мактаб, лицей, коллеж устозларининг таклифларини инобатга олиб, “Одамийлик мулки” асарини қисқартириб, тадқиқ қилиб, ўсмирларнинг талаби ва дидига, қизиқишига мослаган ҳолда қўшимчалар киритиб, “Умидимиз юлдузларига” тарзида нашрга тайёрлади. Китоб гарчи ўсмир-ёшларга мўлжалланган бўлса-да, ардоқли ота ва оналар, қадрли устозларнинг дам танишиб чиқишлари мадсадга мувофиқдир. Агар суюкли фарзандлари ва шогирдлари билан бирга мутолаа қилсалар, фикрлашсалар нур аланнурдир

Сказки

В сборник произведений знаменитого детского писателя Ханса Кристиана Андерсена (1805-1875) включены сказки и истории из книг и сборников разных лет: "Огниво", "Русалочка" , "Снежная королева", "Золотой мальчик", "Злой князь" и т.д.

Ҳалол нима-ю... ҳаром нима

Биздан нима қолади? Албатта, яхшилик! “Яхшилик нима?.. Ташвишларимиздан ортиб, бир инсон кўнглини шод қила олганимизми? Ёки бир кичик чумолига раҳм қилиб, босмай ўтганимизми?” дейди муаллиф. Бу китобни ўқиш асносида ботинингизда нимадир ғимирлаб қолади, азиз ўқувчи. Билмаганларингиз дунё қадар эканлигини англасангиз хам ажаб эмас. Қандай яшаётганингизга тийрак кўз билан қарай бошлайсиз. Кимни алдадингиз, ғийбат қилдингиз, кимларга озор бердингиз... ҳамма-ҳаммаси ёдингизга кела бошлайди. Шояд, мардлик, олижаноблик фазилатларингиз ортса, одамлар қадрига етсангиз... Зотан, мазкур китоб муаллифи, халқимизнинг севимли ёзувчиси Тоҳир Маликнинг ҳам муддаоси шу

Виждон уйғонур («Одамийлик мулки»га дойр суҳбатлар). Иккинчи китоб.

Мазкур китобда ёзувчи Тохир Малик одамийлик мулки - ахлоқ-одобга доир суҳбатларини сиз - азиз умидимиз юлдузлари билан давом эттиради. Адиб бу суҳбатга ота-оналар, мактаб, лицей, коллеж устозларини ҳам таклиф этади. Ардоқли ота ва оналар, қадрли устозлар бу китобни ҳам суюкли фарзандлари ва шогирдлари билан бирга мутолаа қилсалар, фикрлашсалар нур аланнурдир.

Муножот. илтижо ва дуолар

Азизлар, ҳар куни неча марталаб ўзимизга, яқинларимизга ва бир-биримизга хайрли ниятлар ила дуога қўл очамиз. Дуо сабаб кўнглимиз ёришади, далбларимиз қувватланади ва ишларимиз бароридан келади. Ҳар ким ўз билганича дуо қилади, бу табиий. Кўпгина илмли кишилар мукаммал тарзда дуо қиладилар. Кўпчилик кишилар дуога қўл очадилар-у, қалбларидаги тилакларни тилда баён этишга сўз тополмай қийналадилар. Шу боисдан билганга эслатма, билмаган биродарларимизга самара беришлиги учун тавсия тариқасида бу китобга тартиб берилди.

Залолатга ботма, эй инсон

Ёзувчи Тоҳир Малик ушбу китобида адиб бизларни ёмон иллатлар ҳақидаги суҳбатга чорлайди. Унда гиёҳвандлик, майхўрликка берилган, адашган бандалар ҳақида сўз боради. Уларни ҳидоятга чорлаш, иймонсизликдан қутқаришга кўмаклашиш ҳар бир инсоннинг бурчидир. Асарда шу ҳақида батафсил тафсилотлар берилади.

Иймонлашиш умиди

Тоҳир Маликнинг мазкур китоби «Меҳмон туйғулар» китобининг тузатилган, тўлдирилган иккинчи нашридир. Мазкур китоб орқали ёзувчининг фикрий оламига меҳмон бўласиз, деган умиддамиз.

Cho'l bo'risi

Hermann Hesse (1877-1962) XX asr olmon adabiyotining yirik namoyandalaridan biri, adabiyot sohasidagi xalqaro Nobel mukofoti sovrindori. Uning ko‘plab roman, qissa, hikoyalari, sheʼrlari, siyosiy va adabiy-tanqidiy ruhdagi asarlari chop etilgan. Ilk bor 1927 yilda bosilib chiqqan «Cho‘l bo‘risi» romani Hermann Hessega olamshumul shuhrat keltirgan teran psixologik asardir. «Cho‘l bo‘risi»da o‘z-o‘zini tahlil qilish va hal etilmagan maʼnaviy-ruhiy ziddiyatlarni yengish yo‘lidagi saʼy-harakatlar qalamga olinadi. Unda muallifning oldingi asarlarida ozmi-ko‘pmi aks ettirilgan Ruhga murojaat etish uslubi o‘zining yakuniy hamda to‘laqonli ifodasini topgan. Yozuvchi Tomas Mann ushbu roman haqida shunday deb yozgan edi: «Cho‘l bo‘risi» eksperimental dadillikda «Uliss», «Faux Monnayeurs» singari asarlardan qolishmaydigan roman ekanligini aytib o‘tirishga hojat bormikin? «Cho‘l bo‘risi» menga anchadan buyon ilk bor haqiqiy kitob mutolaasi ne ekanini qaytadan o‘rgatgan asardir»

Otasining ortidan Osvensimga ketgan bola

Vena, 1939 yil. Natsistlar politsiyasi oddiy hunarmand Gustav Klyaynman bilan uning o‘g‘li Fripni hibsga olib, ularni Buxenvaldga jo‘natadilar. Mahbuslar u yerda qiynoq, ochlik va konslager qurilishi bo‘yicha tinkani quritadigan og‘ir mehnatdan azoblanadilar. Bir yil o‘tgach, ular orasidagi rishtalar og‘ir sinovga duchor bo‘ladi. Gustavni Osvensimga jo‘natadilar, bu esa, mohiyatan o‘lim hukmini bildirardi, Fris o‘z jonini asrash haqida o‘ylamasdan, otasining ortidan ketadi. Gustavning maxfiy kundalik daftariga asoslanib va arxiv materiallarini sinchkovlik bilan tadqiq etgan xolda, ushbu kitob ilk bor aql bovar etmas jasorat va Xolokost tarixida o‘xshashi bo‘lmagan tirik qolish voqeasini bayon etadi. "Otasining ortidan Osvensimga ketgan bola" - odamlarda yaxshi va yomon jihatlar mavjudligi, yaqinlarning o‘zaro mehri hamda inson ruxining quvvatini eslatuvchi asardir.

Beparvolikning nozik san’ati

Soʻnggi yillarda Menson ancha ommalashgan blogi orqali oʻzimiz va atrofimizdagi olam haqidagi yolgʻon tasavvurlarimiz va ularni toʻgʻrilash haqida yozdi. Nihoyat, u oʻzining achchiq haqiqatlarini shu kitobga jamladi. Ushbu kitobda muallif baxtli boʻlishning kaliti mudom “ijobiy” fikrlashni toʻxtatib, voqelikni tan olish va unga tik borishda, deb koʻrsatadi. “Yillar mobaynida bizga ijobiy fikrlash – baxtli va muvaffaqiyatli hayotning kaliti, deya uqtirib keldilar. Ortiq bunday boʻlmaydi. Ijobiylikka tupuring,” – deydi Mark Menson. Menson ilmiy tadqiqotlar xulosalari va oʻrinli oʻtkir hazillari yordamida oʻz argumentini quvvatlaydi.

Юқумлилик. Маҳсулот ва ғоялар қандай оммалашади

Нима маҳсулот ёки ғояни машҳур қилади? Агар сиз реклама деган бўлсангиз, қайта ўйлаб кўринг. Одамлар рекламани тингламайди, тенгдошларини тинглайди. Лекин маҳсулот ва ғояларнинг тилга тушиши ва оммалашуви сабаби нимада? Нега баъзи маълумотларни одамлар бир-бирига улашади? Нима учун айрим миш-мишлар эпидемик хусусиятга эга? Ғоялар қандай омиллар туфайли «вирус» каби кенг тарқалади? Нима учун баъзи мавзулар ҳақида кўпроқ суҳбатлашамиз ва унга оид маълумотларни бошқаларга улашамиз? Уортон бизнес мактаби маркетинг профессори Йона Бергер сўнгги ўн йил давомида ушбу саволларга жавоб берди. У нима учун маҳсулотлар оғиздан оғизга тушишини ва ижтимоий таъсир биз сотиб олган машиналардан тортиб, кийган кийимимизгача, фарзандларимизга қўядиган исмларгача қандай шаклланишини ўрганди. «Юқумлилик» асарида Бергер оғиздан-оғизга ва ижтимоий узатиш ортидаги сирли илмни очиб беради. Олтита асосий тамойил истеъмол маҳсулотлари ва сиёсат ташаббусларидан тортиб, иш жойидаги миш-мишлар ва YouTube видеоларигача бўлган ҳар хил нарсаларни юқумли ҳолга келтиришини билиб олинг. Қандай қилиб ҳашаматли стейкхаус машҳур бўлмаган пишлоқли стейк орқали машҳурликка эришганини, нега гиёҳвандликка қарши реклама роликлари аслида гиёҳванд моддаларни истеъмол қилишни кўпайтирганини ва нима учун 200 миллиондан ортиқ истеъмолчилар энг зерикарли маҳсулотлардан бири: блендер ҳақидаги видеони яқинлари билан баҳам кўришини билиб олинг. «Юқумлилик» китоби маълумотларнинг тарқалишига ёрдам бериш учун — одамлар баҳам кўрадиган хабарлар, рекламалар ва контентни лойиҳалаш учун махсус, ишлатишга яроқли усулларни тақдим этади. Сиз катта компания менежери бўласизми, бренд хабардорлигини оширишга ҳаракат қилаётган кичик бизнес эгасимисиз, лавозимга номзод бўлган сиёсатчимисиз ёки соғлиқни сақлаш ходими бўласизми, «Юқумлилик» сизга маҳсулот ёки ғоянгизни қандай оммалаштиришни кўрсатиб беради.

Dahriyning ibodati

Onore de Balzak asarlari Yevropa adabiyotining gultoji sanaladi. U tahlil va kuzatuvning misli ko'rilmagan ustasi, inson psixologiyasining chuqur bilimdoni ham edi. Gobsek, Deplen, Anso, Burjua - ularning hech biri bir-birini takrorlamaydi, ular qalbidagi mushtarak maqsad, ichki ziddiyatlar, orzular, boringki, adabiyotning insoniyatga ko'rsatadigan xizmati nuqtayi nazaridan bir-biriga juda yaqin. Mana shu ichki kechinmalarni yurakdan his etgan Balzak o'z asarla- ridan birida shunday yozadi: Kishi haqida hukm chiqarishdan oldin loaqal uning fikr-asrori, uning baxtsizligi, uning hayajoniga sherik bo'lish kerak». Qadrli kitobxon! Agar Balzak qahramonlarining ichki kechinmalarini tushunmoqchi bo'lsangiz, albatta, ushbu qissa va hikoyalar mutolaasiga shoshiling.

Етти мажлис

Жалолиддин Румийнинг илмий ва адабий мероси ғоят катта. Ғазал, маснавий ва рубоийларни ўз ичига оладиган “Девони кабир” (“Улуғ девон”), фалсафий-сўфиёна мушоҳадалар, руҳият диалектикасини кашф этиб, инсон ақлини лол қолдирадиган теранлик билан ёзилган “Маснавий-маънавий”, “Мактубот”, “Фиҳи мо фихий” (“Ичиндаги ичиндадир”) номли асарларини бутун дунё севиб ўқийди. Румий ўз асарларида одамни тадқиқ этади, унинг табиати ва интилишларини кузатади, ботиний жилолар ва сурилишлар, қалб силжишларини қидириб топади. Румий асарларидаги жозиба шу қадар инсон кўнглига яқинки, унинг ҳар бир сўзи – бир маёқ, умр йўлларини ёритгувчи чироқ, қалбга қўйиладиган зиё кабидир. Жалолиддин Румийнинг буюклиги яна шундаки, у исломнинг улуғ шоири ва мутафаккири бўлгани ҳолда барча мазҳаб­лар ва динлардан юқори кўтарила олди, бани башарни бирлаштирувчи ягона илоҳий ғояларни олға суриб, кишиларни бир-бирига яқинлаштирувчи эътиқод ва иймон, ишқ ва сиғиниш, поклик ва тавбадан сўз очди. “Чўллар мухталиф, аммо мақсад бир, яъни Оллоҳ ҳузури”, дея Улуғ Тангри ҳақиқати Оллоҳ жами махлуқот баробарлигини исботлади. Ўқувчилар эътиборига ҳавола этилаётган мазкур китоб Румий дунёсининг янги манзилларини очади, китобхонни Румий билан қайта юзлаштиради. Ўз навбатида китобхон ҳам асар воситасида меҳрга, муҳаббатга, чин инсоний туйғуларга чанқоқ қалбини қондиради.

Beparvolikning nozik san’ati

Soʻnggi yillarda Menson ancha ommalashgan blogi orqali oʻzimiz va atrofimizdagi olam haqidagi yolgʻon tasavvurlarimiz va ularni toʻgʻrilash haqida yozdi. Nihoyat, u oʻzining achchiq haqiqatlarini shu kitobga jamladi. Ushbu kitobda muallif baxtli boʻlishning kaliti mudom “ijobiy” fikrlashni toʻxtatib, voqelikni tan olish va unga tik borishda, deb koʻrsatadi. “Yillar mobaynida bizga ijobiy fikrlash – baxtli va muvaffaqiyatli hayotning kaliti, deya uqtirib keldilar. Ortiq bunday boʻlmaydi. Ijobiylikka tupuring,” – deydi Mark Menson. Menson ilmiy tadqiqotlar xulosalari va oʻrinli oʻtkir hazillari yordamida oʻz argumentini quvvatlaydi. Muallif imkonimiz cheklanganini bilib, buni boricha qabul qilishni maslahat beradi. “Bu – qudratli boʻlishning chin manbai, – deydi u. – Qoʻrquvimiz, nuqsonlarimiz va mubhamliklarni boricha qabul qilgach, ortiq ulardan qochmaymiz, balki ularga qarshi yuzlanamiz, izlaganimiz jasorat va ishonchga erishamiz.” Kitobni oʻqir ekansiz, muallif koʻngilochar hikoyalar-u achchiq hazillar bilan yelkangizdan silkib, mudroqdan uygʻotgandek boʻladi. “Beparvolikning nozik sanʼati” yanada mazmunli, qoniqarli umr kechirishimiz uchun tetiklashtiruvchi tarsakidir.

Hikmatlar

Mavlono Jaloliddin Rumiy - jumla bashariyat nomini hamisha iftixor ila tilga oladigan buyuk ijodkor, betimsol alloma, uning "Masnaviyi ma'naviy" asari esa teran hayotiy o'gitlar, bebaho hikmat-u haqiqatlar xazinasidir. "Masnaviy"ni varaqlab, durdona pand-u hikmatlarni saralab, aziz kitobxonlarimiz uchun ixcham bir saylanma tuzdik. Umid ulkim, ulug' bobokalon shoirimizning muborak ruhi shod, uning ruhoniyatiga oshno bo'lganlarning ko'ngillari obod bo'lgay.

Ғолиблик қонуниятлари

Бу дафтарда сиз ҳаётда музаффар бўлиб яшаш, мақсад, интилиш, унга эришишдаги табиий ва сунъий ғовлар, уларни бартараф этиш қонунлари билан танишасиз. Хаётда фаровон турмуш асосларини барпо қилиш ёки ношудлик орқасидан қашшоқ яшаш - шаҳсан ўзингизга боғлиқ эканлиги рухий-фалсафий тарзда содда баён этилади. Қўлингиздаги бу китоб ҳаётда музаффар бўлишни хоҳлаганлар учун ёзилган.