Unilibrary. Oliy ta'lim muassasalarining yagona elektron kutubxona axborot tizimi.

Аёл армони

Аёлни тушуниб бўладими? Аёл ҳиссиётини, унинг зиддиятли туйғуларини тўла англаш мумкинми? Файласуфлар бу саволга йўқ деб жавоб беради. Бинобарин, аёл дунёси- тилсимли дунё. Зоҳирий ҳаракатларини кузатиш орқалигина бу оламни қисман эгаллаш мумкин. Ёзувчи Баҳодир Худойберганов Аёл армони романида ўша ғаройиб мавзуга қўл урган. Даставвал дугона тутинган аёлларнинг турмуш сўқмоқларидан қай тариқа илгарилаганини, орзу-истаклари, армону изтиробларини ёрқин тасвирлайдики, бу ҳол насримиз учун деярли янгиликдир. Мазкур романда сиз ҳаётнинг унчалик кўзга ташланмайдиган қирралари талқинига рўбарў келасиз. Худди ана шу хусусият роман қадрини янада оширади ва сизни нотаниш тилсимотлар ифодасига ошно қилади.

Тангри қудуғи

Ота-она ва фарзанднинг бир-бирларига меҳри қанчалик шарафга сазовор бўлса, улар ўртасида гоҳ-гоҳ юз бергувчи ёвқурлик инсонлар қалбида шунчалик нафрат қўзғаши табиийдир. Яна бир чароғбон- муҳаббат отлиғ туйғу борки, у қанчалар гўзал ва мусаффо бўлса, шунчалик нозик, кўпда унга кўз тегиши, ноҳақ туҳмат ва азоб-уқубатлар гирдобида чархпалак бўлишининг бир сабаби ана шу- хасад тошларига қарши ҳимоятга юпқалигидир. Ушбу роман қаҳрамонлари ҳаёти юқоридаги мулоҳазаларнинг ўзига хос исботи эканини, сиз азиз китобхонлар, уни ўқигач, яна бир карра ҳис этасиз, деган умиддамиз.

Bir so'z siri

Yosh publitsist Jamshid Matyoqubovning ushbu to'plamiga kiritilgan maqolalari qadim ajdodlarimizdan bizga meros bo'lib qolgan tarixiy osori-atiqalarning mustaqillik yillarida ilmiy o'rganilishi, ularni ta'mirlash, qayta qurish va ularga qaratilayotgan e'tibor to'g'risida to'laroq tasavvur beradi. Muallif qalamga olgan mavzularga jiddiy yondashuvi, bu sohada yangicha fikr-mulohazalar yuritishga harakat qilishi, o'ylaymizki, to'plamning ahamiyatini yanada oshirgan.

Buqalamun

Jahon adabiyoti hikoyachiligini mashhur rus yozuvchisi Anton Chexov ijodisiz tasavvur qilish mushkul. Adabiyotimizda hikoyachiligida beqiyos o'ringa ega bo'lgan Abdulla Qahhor tarjimalari esa Chexov ijodini o'zbek kitobxonlariga tanishtirishda asosiy ko'prik bo'lib xizmat qiladi.

"Хамса" ҳайратлари

Ҳазрат Алишер Навоийнинг бетакрор ва бетимсол ижодини ўрганиш асло тугамайди. Навоий осмон десак-осмонийдир, агар ўзимизни Жайҳун деб ҳисобласак, буюк уммон Навоийдир. навоий бизга ҳамиша, ҳар дам, ҳар лаҳза зарурдир. Навоий Ватан мисоли бизга ҳар кун керак бўлғусидир. Навоийнинг Ватан сингари қиёси йуқ, Навоий Ватан мисоли бизга ҳар кун керак бўлгусидир. Ўзбекистон халқ шоири Сирожиддин Саййиднинг "Хамса ҳайратлари" китобнинг илк "Биринчи ҳайрат- "Ҳайрат ул-аброр" фасли улуғ бобомиз ижодини ўрганиш, уринишнинг,бу муҳташам шеъриятга меҳр ва ихлоснинг янгича бир йўсинда кўриниши билан ҳам зукко ўқувчини бефарқ қолдирмайди деган умиддамиз. Ёш китобхонларга ҳам Навоий бобо шеъриятини билиш ва ўрганишлари учун шоиримизнинг мазкур назмий тажрибалари фойдадан ҳоли бўлмайди деб ўйлаймиз.

Бибисора

Мазкур китобга истеъдодли ёзувчи Собир Ўнарнинг кейинги йилларда ёзган ва матбуотда чоп этилган қисса, ҳикоя ва эсселари жамланди. Адиб асарларида ўзига хос жозибали тил жилолари устуворлик қилади. У кейинги йилларда ижтимоий мавзулар қаторида маънавий, оилавий,аҳлоқий ва севги-муҳаббат мавзуларида ҳам дадил қалам тебратиб келаётир. Ўйлаймизки, ушбу қисса ва ҳикоялар сиз муҳтарам китобхонни асло бефарқ қолдирмайди.

Афғон шамоли

Исҳоқжон Нишоновнинг бу асари куп жилдли роман-сериалининг учинчи китоби ҳам мухлисларимиз ҳукмига ҳавола этилмоқда. Жонажон юртимизнинг тинчлиги, осойишталиги йулида хизмат қилаётган Ватан ўғлонларининг айрим ғаламис, фитначи кимсаларга қарши олиб борган мардона кураши асарга бош мавзу қилиб олинган.

Apelsin qiz

Hali farzandi ulg'aymasdan turib dunyodan o'tgan ota farzandiga maktub qoldiradi.Bu xatni oradan o'n bir yil o'tgandan keyin marhumning onasi topib oladi va uni nabirasiga beradi.Bu maktubda ota nafaqat o'zining turmush o'tog'iga bo'lgan mahabbati haqida balki insoniyatni o'ylantiradigan juda ko'p muammolarga javob izlaydi.Shuningdek, ushbu to'plamdan Yuxan Falkbergetning "Qismat" hikoyasi ham o'rin olgan.

Афғон шамоли

Xaдиcдa бир гап бор: «Ватанни севмоқ иймондандир».Киндик қонимиз томган Ватандан азиз, муътабар нарса булмаса керак. Инсоният дунёга келибди-ки, она каби ардоқли булган юртни кўз қорачигидай асрайди, ёвдан ҳимоя қилади. Керак булса, жонини фидо қилади. Инсон қалбига Ватан мехри она сути билан киради. Шу сабаб уни шарафлайди. Ватан ҳақида кўплаб асарлар ёзилган, шарафланган, улугланган.

Bu - oshiq so'zim

Muhtaram Yurtboshimizning «Adabiyotga e’tibor — ma’naviyatga, kelajakka e’tibor» nomli risolasida «Iste’dodlarni izlab topish va ulaming iqtidorini ro'yobga chiqarishda chuqwr o’ylangan usullar, ya’ni aniq mexanizm zarurligini bugun adabiyotimiz manfaatlari talab etmoqda», degan fikr asosiy maqsad-muddaolardan biri sifatida alo- hida ta’kidlangani bejiz emas.

Oila yoki oila boshqarish tartiblari

Ulug' adibimiz Abdurauf Fitratning badiiy va ilmiy asarlari bilan birga axloqiy masalalarga doir bir qator risolalari bor. Ularda komil inson shaxsini shakllantirish bilan bog'liq muammolar va ularning yechimi aks etgan. Jamiyatning asosi bo'lgan oila, uning inson hayotidagi o'rni, oila boshlig'i va a'zolarining vazifalari hamda oilaviy tarbiya muammolari o'z aksini topgan mazkur risola keng kitobxonlar ommasiga mo'ljallangan.

Boburnoma

"Boburnoma"-o'zbek mumtoz adabiyotidagi bebaho asarlar, qatoridan munosib o'rin egallab turgan asar sifatida e'tirof etiladi. Asarning o'sha darv o'zbek adabiy tilining yorqin namunasi sifatidagi qadri, qimmati hamon o'z ahamiyatini yo'qotmagan.

Теракзор куйлари

Ушбу тўплам ёш қаламкаш Зокир Абдулмажиднинг ташриф қоғози. У беғубор болалик, она меҳри, муҳаббатнинг азоб ва армонлари, орзу ва умид ҳақидаги мушоҳадаларини, қалб туйғуларини шеърхонлар билан ўртоқлашмоқда. Ўйлаймизки, ёш ижодкорнинг илк машқлари сизни ҳам бефарқ қолдирмайди.

Cенсан қадр қиммати, ватан!

Эзгу ният билан экилган ниҳол вақти келиб ўз тотли меваларини беради. Шеъриятга ҳавас қўйган минглаб ёшлардан бири - Зийнатой Комилжон қизининг кўнгил розларидан жамланган мазкур тўпламни илк тажриба, дастлабки қадам сифатида баҳолаш мумкин. Бу китоб ўз муаллифи зиммасига алоҳида масъулият юклаб, уни бадиий баркамаллик сари тинимсиз интилишга ундайди, деб ўйлаймиз.

Yashirin xazina

AQSHlik yozuvchi O. Genri Amerika hikoyachilik maktabiga asos solgan ijodkorlardan sanaladi. Uning hikoyalari oddiy odamlar hayotini ishonarli aks ettirishi, kutilmagan, qiziqarli yakuni bilan xarakterlanadi. Nashriyotimiz e'tiboringizga havola qilayotgan ushbu kitobdan O. Genrining bir-biridan qiziqarli hikoyalari o'rin olgan.

Bo'ri o'g'li

Amerikalik iste'dodli yozuvchi Jek London nomi o'zbek kitobxonlariga yaxshi tanish. Adibning "Martin Iden", "Uch qalb"romani, qissa va hikoyalari o'zbek tiliga tarjima qilingan. Qo'lingizdagi to'plamda Jek Londonning eng sara hikoyalari jamlangan. Ushbu kitob sizning ko'ngil mulkingizdan o'rin olishga ishonamiz.