Unilibrary. Oliy ta'lim muassasalarining yagona elektron kutubxona axborot tizimi.

Ўзбекистонда ижтимоий-иқтисодий муносабатлар (70–80-йиллар мисолида)

Ушбу қўлланма миллатлараро ижтимоий-иқтисодий муносабатлар, жумладан, 70–80-йилларда Ўзбекистонда мавжуд муаммоларнинг келиб чиқиш сабаблари ва уларни бартараф этиш йўллари, ишлаб чиқарувчи кучларни жойлаштириш, пахта яккаҳокимлиги ва унинг оқибатлари, демографик жараёнлар ва уларнинг миллатлараро муносабатларга таъсири, аҳолини иш билан таъминлаш, миллий ишчи кадрлар тайёрлаш масалаларига бағишланган.

Ўзбекистон экологик журналистикаси Барқарор ривожланиш контекстида

Ушбу ўқув қўлланма экологик журналистика соҳасидаги долзарб вазифалар, муаммолар, халқаро экологик стандартлар ва уларни Ўзбекистон журналистикаси амалиётида қўллаш масалаларига бағишланган. Қўлланмада БМТнинг Барқарор ривожланиш мақсадлари, экология ва журналистиканинг ўзаро боғлиқлиги, ОАВда экологик мавзуларни ёритишнинг замонавий ёндашувлари, сув ресурслари, иқлим ўзгариши ва атроф-муҳит муҳофазаси билан боғлиқ муаммолар таҳлил қилинган. У олий таълим муассасалари талабалари, соҳа тадқиқотчилари ва амалиётчи журналистлар учун мўлжалланган бўлиб, экологик журналистика кўникмаларини оширишга хизмат қилади.

Ўзбекистон тарихи

Мазкур ўқув қўлланма Ўзбекистон Республикаси олий ўқув юртлари бакалавриат босқичи талабалари учун мўлжалланган бўлиб, унда қадимги даврлардан бошлаб Ўзбекистон тарихининг асосий босқичлари, сиёсий, иқтисодий ва маданий жараёнлар ёритилган. Китобда мустақиллик йилларидаги ислоҳотлар, халқимизнинг тарихий мероси ва давлатчилик асослари илмий таҳлил этилган. Ўқув қўлланма олий таълим муассасаларида тарих фанини чуқур ўрганиш ва ёшларда миллий истиқлол ғояларини шакллантириш мақсадида тавсия этилган.

Узбекистон Республикаси Президенти Шавкат Мирзиёевнинг Бирлашган Миллатлар Ташкилоти Бош Ассамблеяси 75-сессиясида сузлаган нуткини урганиш ва кенг жамоатчилик уртасида таргиб килиш буйича укув кулланма

Ушбу укув кулланмада Узбекистон Республикаси Президенти Шавкат Мирзиёевнинг 2020 йил 23 сентябрда Бирлашган Миллатлар Ташкилоти Бош Ассамблеяси 75-сессиясида сузлаган нуткида баён килинган концептуал фикр ва гоялар, белгилаб берилган максад ва вазифалар, уртага куйилган долзарб муаммолар, уларнинг нафакат Узбекистон, балки дунё микёсидаги мохияти ва ахамияти атрофлича тахлил килинган. Кулланмада асосий эътибор сессияда алохида таъкидланган олтита устувор йуналишнинг маъно-мазмуни мантикий кетма-кетлик ва изчилликда ёритилиб, уларни кенг жамоатчилик, хусусан, талаба ёшлар уртасида таргиб этиш буйича илмий-амалий тавсиялар берилган.

Ўзбекистон Республикаси Конституциясини ўрганиш

Мазкур ўқув қўлланма Ўзбекистон Республикаси Конституциясининг мазмун-моҳиятини, Ўзбекистон конституциявий тузумининг асосий принципларини, инсон ва фуқароларнинг ҳуқуқлари, эркинликлари ва бурчларини, жамият ва шахс ўртасидаги муносабатларни, шунингдек, давлат тузилиши ва бошқарув органларининг фаолиятини ёритиб беради. Қўлланма ноюридик олий ўқув юртларининг бакалавриат босқичи талабалари учун мўлжалланган бўлиб, у ҳуқуқий маданиятни юксалтириш ва демократик ҳуқуқий давлат қуриш жараёнида муҳим ўрин тутади.

Ўзбекистон Республикаси Конституциясини ўрганиш курси

Ушбу ўқув курси Ўзбекистон Республикаси Президентининг 2001 йил 4 январь "Ўзбекистон Республикаси Конституциясини ўрганишни ташкил этиш тўғрисидаги" Фармойишига мувофиқ, олий ўқув юртлари ноюридик факультетлари магистрларининг Конституция бўйича билимларини умумлаштириш мақсадида ёзилган бўлиб, унда талабаларга Конституциямизнинг давлат ҳаётида, жамият тараққиётида, ҳуқуқий давлат қуришда, фуқаролик жамиятини шакллантиришдаги ўрни ва муҳим аҳамияти тушунтирилган. Мазкур дарслик ноюридик ўқув юртлари магистрлари учун ёзилган биринчи ўқув қўлланма бўлиб, бу ўқув қўлланма бўйича ўқувчиларда мулоҳазалар, таклифлар бўлса, муаллифлар уларни қабул қилишга ва келгуси ёзиладиган дарсликларда қўллашга тайёрдирлар.

Ўзбекистон оммавий ахборот воситаларида ногиронлик мавзусининг ёритилиши

Мазкур ўқув-амалий қўлланма журналистлар, олий ўқув юртлари талабалари ҳамда оммавий ахборот воситалари ходимлари учун мўлжалланган бўлиб, унда ногиронлиги бўлган инсонлар билан боғлиқ мавзуларни оммавий ахборот воситаларида ёритишнинг назарий ва амалий жиҳатлари, журналистик этика қоидалари, халқаро ва миллий тажрибалар батафсил таҳлил қилинган. Қўлланмада ногиронлик мавзусини ёритишда холислик, этика ва профессионализмни сақлаш, стереотипларни енгиш ҳамда инклюзив жамиятни шакллантиришда оммавий ахборот воситаларининг ўрни ва роли очиб берилган.

Ўзбекистон оммавий ахборот воситалари барқарор ривожланиш манфаатлари йўлидаги таълим соҳасида ҳамкор сифатида

Мазкур ўқув қўлланмада “барқарор ривожланиш” тушунчасини жамиятнинг барқарор ривожланишини асосий омили сифатидаги аҳамияти, шунингдек Барқарор ривожланиш мақсадларига эришишда таълимнинг роли кўрсатилган. Унда барқарор ривожланиш концепциясининг вужудга келиши ва шаклланиш асослари, унинг ҳуқуқий асоси, мақсадлари ўз аксини топган. Оммавий ахборот воситаларининг Барқарор ривожланиш мақсадларини ёритиш ва илгари суришдаги ўрни очиб берилган.

Ўзбекистон ёшларида тадбиркорлик ижтимоий масъулиятини ошириш

Мазкур ўқув қўлланмада ёшларни тадбиркорлик фаолиятига кенг жалб қилиш, жамиятимизда тадбиркорлик руҳини қарор топтириш, тадбиркорлик фаолиятининг ҳуқуқий асослари, тадбиркорлик тузилмаларини шакллантириш ҳамда тадбиркорлик соҳаси учун кадрлар тайёрлаш тизимини ривожлантириш масалалари ёритилган, шунингдек ёшларнинг ижтимоий масъулиятини оширишнинг сиёсий-мафкуравий жиҳатлари таҳлил қилинган.

Сольфеджио 3 класс Методическое пособие

Предлагаемая работа состоит из методических указаний для педагогов и кратких комментариев к учебнику сольфеджио для третьего класса. Учебник адресованный детям, предназначен для работы в классе и дома.

Ўзбекистон 11 йил мустақил тараққиёт йўлида

Мазкур ўқув қўлланма 2002-2003 ўқув йилида таълим муассасаларида ўтиладиган мустақиллик дарсларига мўлжалланган бўлиб, унда Ўзбекистоннинг мустақилликка эришгандан сўнг 11 йил давомида қўлга киритган ютуқлари, мамлакатдаги ижтимоий-иқтисодий ва сиёсий ўзгаришлар ҳамда тарихий тараққиёт босқичлари қисқача ёритилган. Китоб профессор-ўқитувчилар ва талаба-ўқувчилар учун тавсия этилади.

Ўзбек тили. Машқлар тўплами

Мазкур ўқув қўлланма олий ўқув юртларининг рус тилида таълим олувчи гуруҳлари талабалари учун мўлжалланган бўлиб, ўзбек тили курси бўйича амалий машқларни ўз ичига олади. Қўлланмада тилшуносликнинг асосий бўлимлари, жумладан, фонетика, орфоэпия, графика ва орфография, морфемика, сўз ясалиши, морфология ва синтаксисга оид материаллар берилган. Машқлар тизими талабаларнинг тил кўникмаларини мустаҳкамлашга, уларнинг лингвистик билимларини оширишга ва бадиий-эстетик савиясини ўстиришга қаратилган.

Zamonaviy lingvistika

Mazkur o‘quv qo‘llanmada lingvomadaniyatshunoslikning fan sifatida shakllanishi, bu yo‘nalish haqidagi dastlabki ilmiy g‘oya va fikrlar, til-madaniyat-etnos triadasining talqini, moddiy va ma’naviy madaniyat haqidagi fikrlar, lingvomadaniyatshunoslik va etnolingvistikaning bir-biri bilan kesishgan nuqtalari, lisoniy shaxs tushunchasi va uning tuzilishi hamda til va madaniyat olam manzarasini ifodalovchi vosita ekanligi yoritilgan. Shuningdek, lingvomadaniyatshunoslikning eng muhim tushunchalari lingvokulturema va logoepistema, lingvokulturema va konsept, so‘z va lingvokulturema haqida fikr yuritilgan hamda leksik va frazeologik birliklarning va badiiy matning milliy-madaniy aspektlari kabi mavzular o‘rin olgan.

Zamonaviy davlat ish yuritish nazariyasi, amaliyoti va boshqaruvini me'yoriy hujjatlar bilan ta'minlash

Ushbu o'quv qo'llanma «Arxivshunoslik» yo'nalishi bakalavr bosqichi talabalari uchun mo'ljallangan bo'lib, unda fanning predmeti, maqsad va vazifalari, tarixiy va zamonaviy hujjatchilik, ish yuritishga doir tarixiy hamda amaliy ma'lumotlar, ish yuritish haqidagi dastlabki tushunchalar va axborot hujjatlari kabi xususiyatlar qamrab olingan.

Yuk va tijorat ishlarini boshqarish

O'quv qo'llanmada yuklarning umumlashtirilgan transport tavsifnomasi, tasnifi, fizika-kimyoviy xususiyatlari, hajmiy-massa tavsifnomalari, idish va o'rash materiallar hamda alohida yuklarni transport tavsifnomasi va ularni tashishni tashkil etishga ta'siri asoslari bayon etilgan.

Xalqaro mintaqashunoslik

O‘quv qo‘llanmada turli mintaqalardagi integratsion birlashmalar hamda mazkur minqalardagi davlatlarning zamonaviy xalqaro munosabatlardagi o‘rni va roli, yuz berayotgan siyosiy-ijtimoiy va iqtisodiy jarayonlarni keng va atroflicha o‘rganadi. Shuningdek, o‘quv qo‘llanmada turli mintaqalardagi mavjud muammolar, ularga nisbatan yangicha yondashuvlar yoritib berilgan. O‘quv qo‘llanma jahon siyosati, xalqaro munosabatlar va siyosatshunoslik yo‘nalishlarida tahsil olayotgan talabalar, bu borada faoliyat olib borayotgan mutaxassislar va umuman mazkur masala bilan qiziquvchilarga mo‘ljallangan.