-
-
-
-
-
-
-
-
-
-
-
-
-
-
-
-
Ta'lim, -
-
-
-
Advokatlik faoliyatida uy-joyga oid xususiy nizolarni hal qilishda moddiy normalarni qo'llash
Yuldashev J.I.,O'zbekiston Respublikasining Konstitutsiyasi, advokatlik, uy-joyga oid qonun hujjatlari asosida tayyorlangan mazkur o'quv qo'llanma uy-joy nizolari, uy-joy fondini aniqlashga doir nizolar, xizmat va maxsus uy-joylarni berish, undan foydalanish bilan bog'liq muammolarni hal qilishda advokat ishtirokining ahamiyatiga bag'ishlanadi. Unda ushbu jarayonda qo'llanadigan asosiy qonunchilik hujjatlari, uy-joy qonunchiligi va ular tartibga soladigan munosabatlar doirasi haqida so'z boradi. O'quv qo'llanma yuridik ta'lim muassasalalarining yurisprudensiya yo'nalishi bo'yicha ta'lim oladigan magistrantlar va talabalar uchun mo'ljallangan.
-
Fuqarolik protsessida advokat ishtiroki
Pirmatov O.Sh.,Ushbu darslikda fuqarolik protsessida vakillik tushunchasi, advokatning fuqarolik sud ishlarini yuritishda vakil sifatidagi huquqiy maqomi, birinchi instansiya, sud qarorlarini qayta ko'rish instansiyalarida advokat ishtiroki, fuqarolik sud ishlarini yuritishda advokatning dalillarni to'plash va sudga taqdim qilishga oid protsessual harakatlari, mehnat, oila, yer va uy-joy nizolari bilan bog'liq sud ishlarini ko'rishda advokat ishtirokining protsessual xususiyatlari, fuqarolik protsessida chet el fuqarolari va tashkilotlarining, fuqaroligi bo'lmagan shaxslarning huquq va manfaatlarini himoya qilishda advokat ishtirokining o'ziga xos xususiyatlari, fuqarolik protsessida advokat rasmiylashtirishi lozim bo'lgan protsessual hujjatlar tuzilishi bayon etilgan. Darslikda har bir mavzuga doir kazus va nazorat savollari berilgan, shuningdek, O'zbekiston Respublikasi Oliy Sudi Plenumi qarorlari ilova qilingan. Darslikdan magistratura bosqichi talabalari, professor-o'qituvchilar, ilmiy tadqiqotchilar hamda qonun ijodkorligi jarayonida bevosita qatnashuvchi shaxslar foydalanishlari mumkin.
-
Nizolarni muqobil hal etish usulllari
Xakberdiyev A.A., Mamasiddiqov M.M.,Ushbu darslik Davlat ta'lim standarti asosida tuzilgan "Nizolarni hal qilishning muqobil usullari"ga muvofiq hamda shaxsga yo'naltirilgan, rivojlantiruvchi va mustaqil ta'lim olish texnologiyalari, taomillari va talablari asosida tayyorlangan. Darslikda nizolarni muqobil hal etish usullaridan hakamlik sudlari va mediatsiya tartib-taomillariga oid barcha masalalar o'rganilgan. Darslik nafaqat malaka oshirish muassasasi, oliy o'quv yurti tinglovchi va talabalari, balki mediatorlar, hakamlik sudlari, fuqarolik ishlari bo'yicha sudlar va iqtisodiy sudlar sudyalari, advokatlar, shuningdek, keng kitobxonlar ommasi uchun mo'ljallangan. Undagi ma'lumotlardan professor-o'qituvchilar, "70420125-Mediatsiya va nizolarni muqobil hal etish usullari" magistratura mutaxassisligi talabalari, fuqarolik protsessual huquqi, iqtisodiy protsessual huquq, hakamlik jarayoni va mediatsiya ixtisosligi doirasida ilmiy tadqiqot ishlari olib borayotgan doktorant va mustaqil izlanuvchilar hamda qonun ijodkorligi jarayonida bevosita qatnashuvchi shaxslar ham foydalanishi mumkin.
-
Xodimlarni boshqarish
Abdullayev X.N.,Ushbu o'quv qo'llanmada davlat tashkilotlari va xususiy sektor kor- xonalarida xodimlarni boshqarish masalalari, xodimlarni boshqarishda innovatsion yondashuv usullari, xodimlarni rag'batlantirishda korxona siyosatining muhim yo'nalishlari, xodimlarni rag'batlantirish va boshqa- rish bo'yicha yetakchi ilg'or xorij tajribasi kabi masalalari bayon etilgan. Ushbu o'quv qo'llanma oliy va o'rta maxsus o'quv yurtlari talabalari, dok- torantlar, mustaqil izlanuvchilar, ilmiy xodimlar hamda huquqni muhofa- za qiluvchi organ xodimlari uchun mo'ljallangan.
-
Davlat fuqarolik xizmati
Nazarov Sh.N.,Mazkur o'quv qo'llanmada davlat fuqarolik xizmati moduli orqali davlat fuqarolik xizmatining umumiy tavsifi, davlat fuqarolik xizmati sohasida davlat boshqaruvi, davlat fuqarolik xizmatchisining huquqiy maqomi va majburiyatlari, davlat fuqarolik xizmati sohasida korrupsiyaga qarshi kurashish, davlat fuqarolik xizmatini tashkil etish asoslari, davlat fuqarolik xizmatiga kirish tartibi va shartlari, davlat fuqarolik xizmatini o'tash tartibi, davlat fuqarolik xizmatchisini huquqiy va ijtimoiy jihatdan himoya qilish asoslari, davlat fuqarolik xizmatchilarining javobgarligi va davlat fuqarolik xizmati munosabatlarida yuzaga keladigan xizmat nizolarini hal etish tartibi hamda davlat fuqarolik xizmatchisi faoliyatining tugatilishi asoslari yoritilgan.
-
Kiberjinoyat huquqi
G'ulommamatova P.A.,Mazkur o'quv qo'llanma kiberjinoyatlar va kiberterrorizm kabi zamonaviy global xavfsizlik muammolarini chuqur o'rganishga bag'ishlangan. Unda Budapesht konvensiyasi kabi xalqaro huquqiy mexanizmlarning ahamiyati va ularning global kiberxavfsizlikni ta'minlashdagi roli keng yoritilgan. Shuningdek, qo'llanmada AQSh, Yevropa Ittifoqi, Xitoy, Rossiya, Hindiston va boshqa davlatlarning milliy qonunchilik tizimlari qiyosiy tahlil qilinib, ularning kiberjinoyatlarga qarshi kurashda qo'llagan strategiyalari ko'rib chiqilgan. O'quv qo'llanmadan oliy ta'limning huquqshunoslik yo'nalishi talabalari, professor-o'qituvchilar va ilmiy tadqiqotchilar foydalanishlari mumkin.
-
Mikroiqtisodiyot
O'ktamova N.N., Abdullayev X.N.,Mazkur darslikda resurslar taqchilligi sharoitida mikro va makro darajada cheksiz ehtiyojlarni optimal qondirish masalalari o'zaro uyg'unlashgan holda yoritilgan. Iqtisodiy tanlov va muqobil xarajatlarning mikroiqtisodiy jihatlari, ishlab chiqarish imkoniyatlaridan samarali foydalanish, firmalar mahsulotiga talab va taklifning bozor muvozanatiga erishish holatlari ko'rib chiqilgan. Mikro darajada maksimal va minimal narxlarning bozor muvozanatiga ta'siri, makro darajada yalpi talab va yalpi taklifning muvozanatiga ta'sir etuvchi omillar atroflicha o'rganilgan. Xususan, mikro darajada iste'molchilarning bozordagi xatti-harakatiga ta'sir etuvchi omillar bilan bog'liq nazariy va amaliy masalalarga keng o'rin berilgan. Firmalarning mukammal raqobatlashgan, monopol raqobatlashgan, oligopolistik va sof monopoliya bozorlaridagi xatti-harakati, narxlarni belgilash, xarajatlarni minimallashtirish bilan bog'liq masalalar chuqur tahlil qilingan.
-
Профессиональные навыки и методология
Носирходжаева Г.А.,Настоящее учебное пособие призвано помочь студентам вуза в изучении модуля «Профессиональные навыки и методология». Учебное пособие воплощает в себе реализацию одной из важнейших задач современного образования формирование у будущих специалистов soft skill, так называемых гибких навыков. Учебное пособие разработано специально для студентов направления 60420200 «Государственное и общественное управление». а также предназначено для магистрантов, преподавателей, широкого круга читателей, желающих в своей профессиональной деятельности построить успешную карьеру.
-
Yuridik texnika
Mualliflar jamoasi,Mazkur darslik o'quvchilarga turli yuridik hujjatlarni tayyorlashda zarur boʻlgan yuridik-texnik qoidalarni samarali qo'llash, yuridik-texnik usul, uslub va vositalardan foydalanish, yuridik faoliyatni amalga oshirish yuzasidan amaliy ko'nikmalarni egallash, shuningdek, yuridik-texnik va mazmun jihatdan mukammal normativ-huquqiy hujjatlar va boshqa yuridik hujjatlar loyihalarini ishlab chiqish bo'yicha nazariy bilim va amaliy ko'nikmalarni shakllantirishga muayyan darajada xizmat qiladi.
-
Sotsiologiya
Toshpo'lotov Sh.E.,Ushbu darslikda sotsiologiya fani predmeti, tarkibiy qismlari va tuzilishi, sotsiologik qonunlar, ularning amal qilishi, vujudga kelish tarixi va rivojlanishi, jamiyatni sotsiologik bilish hamda uning bir butun sotsial tizim ekanligi. sotsial tizim tuzilishida sotsial institutlar, tashkilotlar va guruhlar hamda huquq sotsiologiyasi va uning ijtimoiy-huquqiy munosabatlar tizimidagi roli, jamiyatning sotsial demografik tuzilishi va uni tadqiq etish xususiyatlari kabi masalalar keng tahlil qilingan. Darslik davlat boshqaruvi ta'lim yo'nalishining bakalavr talabalari, magistrlar, o'qituvchilar, shuningdek, ijtimoiy-gumanitar fanlar sohasiga qiziquvchi keng kitobxonlar ommasiga mo'ljallangan.
-
Davlat va huquq tarixi
Muhamedov H.,Ushbu darslik davlat va huquq tarixining birinchi davri - qadimgi dunyo davlati va huquqi tarixiga bag'ishlanib, unda mazkur fan o'rganadigan masalalar doirasi, ularga yondashish usullari, vazifasi, davrlarga bo'lib o'rganilishi, ahamiyati, ijtimoiy va huquqiy fanlar tizimida tutgan o'rni hamda ular bilan o'zaro aloqadorligi, Qadimgi Sharq va antik dunyo mamlakatlarida davlat va huquqning kelib chiqishi, rivojlanish sabablari, xususiyatlari, ijtimoiy va davlat tuzumi, huquqining asosiy belgilari kabi masalalar yoritilgan. Darslik huquqshunoslik mutaxassisligiga oid barcha oliy va o'rta maxsus o'quv yurtlari talabalari, o'qituvchilari va doktorant-tadqiqotchilari uchun mo'ljallangan.
-
Jahon savdo tashkiloti huquqi
Mualliflar jamoasi,Ushbu darslikda Jahon Savdo Tashkiloti huquqining mazmun-mohiyati, tamoyillari va asosiy qoidalari, institutsional tuzilmasi, nizolarni hal qilish tizimi yoritilgan. Jumladan, JST huquqi va xalqaro huquq o'rtasidagi bog'liqlik, xalqaro savdoda tarif va notarif to'siqlar, subsidiyalar va JST doirasida ularni tartibga solish. shuningdek, istisnolar, intellektual mulk huquqlarini muhofaza qilish va nizolarni hal etish kabi mavzular haqida tushunchalar berilgan. Kitobdan Jahon Savdo Tashkilotiga O'zbekiston Respublikasining a'zolik istiqbollari va kuzatilayotgan huquqiy muammolar kabi mavzular ham o'rin olgan. Darslik oliy yuridik o'quv yurtlari talabalari, tadqiqotchilari, doktorantlari, o'qituvchilari, Tashqi ishlar vazirligi va xalqaro munosabatlar sohasiga ixtisoslashgan boshqa idoralar hamda tashkilotlar xodimlari, shuningdek, Jahon Savdo Tashkiloti huquqi masalalariga qiziqqan keng kitobxonlar ommasiga mo'ljallangan.
-
Ekologiya huquqi
Narzullayev O., Nigmatov A.,Mazkur darslik milliy ekologik qonunchilikka oid so'nggi o'zgarish va qo'shimchalarni inobatga olgan holda tayyorlangan. Darslikda ekologiya huquqi tushunchasi, predmeti, metodi va tizimi, ekologiya huquqi manbalari, tabiiy resurslarga nisbatan mulk huquqi, ekologiya sohasida boshqaruv, ekologik me'yorlash asoslari, ekologik nazorat va ekspertizaning huquqiy holati ko'rsatib o'tildi. Ekologiya huquqiga doir o'quv adabiyotlaridan farqli ravishda mavzularni bayon etishda urg'u huquqshunoslikning oddiy, lekin bo'lg'usi ekologlar uchun yetarli ravishda ma'lum bo'lmagan jihatlariga e'tibor qaratilgan. U tahliliy va qiyosiy materiallarga boyligi, savol va topshiriqlar hamda rasm-sxemalar bilan boyitilgani, tavsiya etiladigan normativ hujjat va adabiyotlar tabaqalashgan ravishda berilgani, ya'ni ta'limning zamonaviy talablari keng ko'lamda qo'llangani bilan ajralib turadi.
-
Iqtisodiy protsessual huquq
Mualliflar jamoasi,Ushbu darslikda iqtisodiy protsessual huquq va iqtisodiy ishlarning taalluqliligi va sudlovga tegishliligi, iqtisodiy sud ishlarini yuritish ishtirokchilari, iqtisodiy protsessda isbotlash va dalillar, da'vo, sud xarajatlari, protsessual muddatlar, iqtisodiy ishni qo'zg'atish, tayyorlash va sudda muhokama qilish, birinchi instansiya sudining qarorlari, buyruq tərtibida ish yuritish, soddalashtirilgan tartibda ish yuritish, alohida tartibda ish yuritish, korporativ nizolar bo'yicha ish yuritish, huquqiy ta'sir choralarini qo'llash to'g'risidagi ishlarni yuritish, hakamlik sudining hal qiluv qarorlari bilan bog'liq ishlarni yuritish, shuningdek, iqtisodiy protsessda chet ellik shaxslarning ishtiroki va sud hujjatlarini qayta ko'rish hamda sud hujjatlarining ijrosi kabi mavzular yoritilgan.
-
Advokatura
Nurumov D.D.,Mazkur o'quv qo'llanmadan advokatura fani tushunchasi, predmeti va tizimi, advokatlik faoliyatining prinsiplari, Advokatlar palatasining huquqiy maqomi, advokatlik faoliyatining kafolatlari va advokatlarning ijtimoiy himoyasi, advokatlik faoliyatining tashkiliy shakllari, advokat maqomini olish, to'xtatib turish, advokatning kasb etikasi va uning javobgarlik masalalari, advokatning fuqarolik, iqtisodiy, ma'muriy, jinoyat sudlari ishlarini yuritishdagi ishtiroki, shuningdek, har bir mavzuga oid kazuslar, asosiy tushunchalar hamda nazorat uchun savollar o'rin olgan.
-
Kriminalistika 1-jild
Mualliflar jamoasi,Mazkur darslik kriminalistika fanini o'rganuvchilar uchun tayanch manba bo'lib, unda kriminalistika nazariyasi va tergov amaliyotida keyingi yillarda yuz bergan muhim o'zgarishlar, kriminalistik texnika sohasidagi yangi ilmiy vositalar, uslubiy tavsiyalar va murakkab xavfli jinoyatlarni tergov qilish uslubiyotlari yoritilgan. Shuningdek, darslikda kriminalistikaning vazifalari, tizimi, metodlari, kriminalistik texnikaning umumiy qoidalari, kriminalistik taktikaning umumiy qoidalari, jinoyatlarni tergov qilish kriminalistik uslubiyoti va boshqa masalalar ham o'z aksini topgan. Darslik oliy o'quv yurtlari talabalari, o'qituvchilari, ilmiy xodimlar va mutaxassislar uchun mo'ljallangan.
-
Intellektual mulk huquqi
Yakubova I.B., Yuldashov A.A., Bahramova M.B., Turakulova N.A.,Mazkur darslikda intellektual mulk huquqi sohasidagi nizolarni sudga qadar hal qilish tartiblarini keng joriy qilishning ahamiyati yoritilgan. Xususan, intellektual mulk obyekti hisoblanmish mualliflik huquqi va turdosh huquqlar himoyasini ta'minlashda mazkur jarayonning tutgan o'rni haqida so'z yuritilgan.
-
Raqobat huquqi
Xodjayev B, Radjapov X., Qalandarov A., Abduazizov D.,Ushbu darslikda O'zbekiston Respublikasi raqobat huquqining asosiy mavzulari, masalalari va muammolari yoritilgan. Shu bilan birga, raqobat huquqi yurisprudensiya va iqtisod fanlari chorrahasida joylashganini hisobga olib, bozorlar faoliyati, raqobatning mohiyati hamda monopoliyaga qarshi kurashishni tartibga solishning boshqa iqtisodiy jihatlariga alohida e'tibor qaratilgan. Darslikda keltirilgan materiallar yuridik va iqtisodiyot sohasidagi universitet hamda fakultetlar talabalari, doktorantlari, o'qituvchilari, shuningdek, amaliyotchilar, bozor ishtirokchilari va monopoliyaga qarshi kurashish organining yosh xodimlari uchun tayanch manba bo'lib xizmat qiladi.
-
Qiyosiy konstitutsiyaviy huquq
Mualliflar jamoasi,Mazkur darslikda qiyosiy konstitutsiyaviy huquq fanining predmeti metodlari, konstitutsiyaning zamonaviy modellari, shaxsning konstitutsiyaviy-huquqiy maqomi, inson huquqlarining konstitutsiyaviy asoslari, siyosiy partiyalar, davlat boshqaruv shakllarining konstitutsiyaviy modellari, davlat tuzilish shakllarining konstitutsiyaviy modellari, davlat siyosiy rejimining konstitutsiyaviy modellari aks etgan. Mazkur darslik huquqshunoslik yo'nalishi talabalariga mo'ljallangan.
-
Fuqarolik huquqiga kirish
Oqyulov O., Yuldashev J.I., Imomov N.F.,Ushbu darslik O'zbekiston Respublikasi fuqarolik huquqining asosiy tushunchalari, tamoyillari va tizimi haqida keng qamrovli ma'lumot beradi. Darslikda fuqarolik huquqining manbalari, fuqarolik-huquqiy munosabatlar. yuridik shaxslar va ularning turlari, shuningdek, fuqarolik huquqi obyektlari va bitimlar haqida batafsil tushunchalar keltirilgan. Har bir mavzu nazariy jihatdan yoritilib, amaliy misollar va kazuslar berilgan. Fuqarolik huquqi bo'yicha asosiy tushunchalar va huquqiy muammolarni tushunishga yordam beradi. Bu darslik talabalar va huquqshunoslar uchun foydali manba bo'lib xizmat qiladi. Darslik Toshkent davlat yuridik universiteti, universitetlarning yuridik fakultetlari, huquq asoslari o'qitiladigan oliy o'quv yurtlari talabalariga darslik sifatida tavsiya etiladi. Ushbu darslikdan sud, prokuratura, advokatura, notariat va boshqa organ xodimlari ham foydalanishlari mumkin.