Kitoblar

Iqtisodiy sudlarda soddalashtirilgan va buyruq tartibida ish yuritishning protsessual xususiyatlari

Ushbu monografiyada iqtisodiy sudlarda soddalashtirilgan tartibda va buyruq tartibida ish yuritishning o'ziga xos xususiyatlari, soddalashtirilgan tartibda ko'riladigan ishlar, iqtisodiy sudlarda soddalashtirilgan tartibda ko'rish mumkin bo'lmagan ishlar, sud buyrug'i chiqarish bo'yicha talablar, sud buyrug'i chiqarishning protsessual tartibi, sud buyrug'i berish to'g'risidagi arizani rad qilish va qaytarish asoslari, buyruq tartibidagi ishlarni iqtisodiy sudlarda ko'rib chiqishni takomillashtirish yoritilgan. Shuningdek, rivojlangan davlatlar qonunchiligi tahlil qilingan bo'lib, tegishli ilmiy xulosalar, takliflar va tavsiyalar ishlab chiqilgan. Monografiyadan professor-o'qituvchilar, ilmiy tadqiqotchilar, qonun ijodkorligi jarayonida bevosita qatnashuvchi shaxslar foydalanishlari mumkin.

Internat tizimida bola huquqlari himoyasining xalqaro-huquqiy tartibga solinishi

Ushbu monografiya internet tizimida bola huquqlarini himoya qilishga bag'ishlangan. Monografiyada raqamli makonda bolalarga nisbatan sodir etilayotgan zamonaviy xavf va tahdidlar, ularni himoya qiluvchi mexanizm va standartlarning qabul qilinishi va ularning mazmunan rivojlanishi o'rganilgan. Raqamli makonda bola huquqlarini himoya qilishga oid xalqaro huquqiy konsepsiyalar tahlil qilingan. Shuningdek, internet tizimida bolalarning huquqlarini himoya qilishga nisbatan xalqaro standartlarni hisobga olgan holda milliy tizimni takomillashtirishning amaliy jihatlari tahlil qilingan. Monografiya oliy va o'rta maxsus o'quv yurtlarida huquqshunoslik yo'nalishi bo'yicha tahsil olayotgan tadqiqotchilar, magistrantlar va talabalarga, shuningdek, mazkur masala bilan qiziquvchi keng kitobxonlar ommasiga mo'ljallangan.

Soliq intizomini buzish bilan bog'liq huquqbuzarliklar va ularning turlari

Mazkur o'quv qo'llanmada soliq intizomini buzish bilan bog'liq huquqbuzarliklar va ularning turlari, soliqqa oid qonunbuzilish holatlarining mazmun-mohiyati, uning tarkibi, bunday harakatlar uchun javobgarlik turlari, subyektlari, obyektlari hamda boshqa turdagi javobgarliklardan farqlari kabi masalalar bayon etilgan.

Ekologiya sohasida maxsus vakolatli Respublika ijro etuvchi hokimiyat organlari faoliyatini huquqiy tartibga solish

Monografiya ekologiya sohasida maxsus vakolatli respublika ijro etuvchi hokimiyat organlari faoliyatini huquqiy tartibga solishga bag'ishlangan bo'lib, unda mazkur sohadagi maxsus vakolatli respublika ijro etuvchi hokimiyat organlari faoliyatining nazariy-huquqiy asoslari, ular faoliyatining ma'muriy- huquqiy mexanizmlari hamda xorijiy mamlakatlar tajribasi tahlil qilingan. Bundan tashqari, olib borilgan tadqiqotlar natijasida milliy qonunchilikni takomillashtirish yuzasidan amaliy taklif va tavsiyalar ishlab chiqilgan. Ushbu monografiya bakalavr va magistratura bosqich talabalari, tadqiqotchilar, professor-o'qituvchilar va amaliyotchilar uchun mo'ljallangan.

Davlat fuqarolik xizmatida rag'batlantirish choralarini qo'llashning tashkiliy-huquqiy asoslari

Mazkur monografiyada davlat fuqarolik xizmatida rag'batlantirish choralarini qo'llashga oid milliy, xalqaro va xorij mamlakatlaridagi huquq normalarining rivojlanish yo'nalishlari, ularni qo'llash amaliyoti hamda nomoddiy rag'batlantirishga oid ilmiy-nazariy qarash va yondashuvlar o'rganilib, O'zbekiston Respublikasida davlat fuqarolik xizmatida rag'batlantirish asoslarini takomillashtirish bo'yicha taklif va tavsiyalar ishlab chiqilgan. Ushbu monografiya amaliyotchi mutaxassislar, yuridik oliy o'quv yurtlari o'qituvchilari, bakalavr hamda magistratura yo'nalishida tahsil olayotgan talabalarga mo'ljallangan.

Milliy mentalitet va mobil ko'nikmalar

Monografiya oliy o'quv yurtlarida "Professional ko'nikmalar va rivojlanish", "Shaxsiy rivojlanish" modullaridan saboq olayotgan talabalar, ularning ustozlari hamda o'zining shaxsiy mobil ko'nikmalarini rivojlantirish istagida bo'lgan keng kitobxonlar auditoriyasiga mo'ljallangan. Unda "soft skills" - "yumshoq" yoki "mobil" ko'nikmalarning eng muhim turlari, ularning milliy xarakter va ruhiyatdagi ko'rinishlarini batafsilroq yoritishga harakat qilingan. Ushbu maqsadda muallif o'zbek xalqi maqollari, hikmat va rivoyatlari, millatimizning ko'p asrlik hayotiy tajribalariga tayanadi, ularning insoniyat muomala madaniyatiga qo'shgan hissasiga e'tibor qaratadi.

Qilmishning jinoiyligini istisno qiluvchi holat sifatida oxirgi zaruratning nazariy va amaliy jihatlari

Ushbu monografiyada jinoyat huquqining instituti sifatida qilmishning jinoiyligini istisno qiluvchi holatlardan biri bo'lgan oxirgi zaruratning nazariy hamda amaliy jihatlari o'rganilgan. Shu bilan birga, oxirgi zaruratning qonuniy mavjudligini aniqlashda xavfga hamda uni bartaraf etishga oid shartlar, oxirgi zarurat holatida yetkazilishiga ruxsat berilgan zarar chegarasi va qilmishni jinoyat-huquqiy baholash masalalari tahlil qilingan. Oxirgi zaruratga oid ilg'or davlatlar tajribasi o'rganilib, milliy va xorijiy normativ-huquqiy hujjatlar, qonunni qo'llash amaliyoti tahlili asosida ushbu normalarni qo'llashga oid milliy qonunchilikni yanada takomillashtirish bo'yicha taklif hamda tavsiyalar ishlab chiqilgan.

O'zbekiston va buyuk g'alaba: Front hamda frontorti ishtirokchilariga qaratilayotgan yuksak e'tiborning huquqiy kafolatlari

Mazkur monografiyada o'zbekistonliklarning eng og'ir va murakkab bir davrda, xususan, Ikkinchi jahon urushi yillarida fashizmga qarshi safarbar etilishi, respublika iqtisodiy va harbiy-texnik vositalarining urush ehtiyojlariga yo'naltirilishi bilan bog'liq jarayonlar, xalqimizning frontortidagi matonati va buyuk insonparvarlik fazilatlari, ayni paytda chekkan zahmatlari tarixiy hujjatlar va manbalar asosida yoritilgan. Shuningdek, frontlarda jangchilarimizning ko'rsatgan yuksak jasorati, respublikamizda tashkil topgan milliy hamda umumqo'shin qismlarining fashizmga qarshi janglardagi mislsiz, va nihoyat, g'alabani ta'minlashga qo'shgan munosib hissalari xolislik, adolat nuqtayi nazaridan tahlil qilingan. Shu bilan bir qatorda, kitobda Ikkinchi jahon urushi qatnashchilari va frontorti ishtirokchilarining xotiralari ham o'rin olgan. Tinchlikning tarixiy ahamiyatiga alohida e'tibor qaratib o'tilgan. Mazkur monografiya Oliy va o'rta maxsus o'quv yurtlari talabalari hamda O'zbekiston tarixi bilan qiziquvchi barcha kitobxonlar uchun mo'ljallangan.

Jinoyat protsessi ishtirokchilari xavfsizligini ta'minlashning jinoyat - protsessual jihatlari

Ushbu monografiyada jinoyat protsessida xavfsiz ishtirok etishni ta'minlash sohasida vujudga keladigan, o'zgarib turadigan va tugatiladigan jinoyat-protsessual munosabatlar bilan bog'liq masalalar ko'rib chiqiladi. Shu bilan birga, Germaniya, AQSh, Rossiya kabi ilg'or xorijiy davlatlar tajribasi o'rganilib, amaliyotdagi muammo va kamchiliklarni bartaraf etish masalalariga to'xtalib, ayrim muammolarning yechimi yuzasidan taklif va tavsiyalar berilgan. Monografiya ilmiy tadqiqotchilar, oliy yuridik ta'lim muassasalarining talabalari va magistrantlari hamda mazkur mavzuga qiziquvchilar uchun mo'ljallangan.

Роль судебных документов в защите прав человека

В рамках дисциплины «Теория государства и права» вопрос о роли судебных актов в обеспечении прав человека был изучен комплексно и монографически. В монографии исследованы место и значение судебной защиты в системе обеспечения прав человека, роль судебных актов (результатов судебной защиты) в восстановлении нарушенных прав, их правовое значение как актов правосудия, а также виды судебных актов, их общие и отличительные черты, требования, предъявляемые к ним. Теория судебных актов проанализирована с точки зрения теории государства и права, а также предложены авторские подходы к решению данных вопросов. Научная значимость монографии заключается в том, что сформулированные теоретические выводы и полученные результаты могут быть полезны магистрантам, докторантам и независимым соискателям, занимающимся исследованием судебно-правовой тематики.

Talabalarda kreativlik ko'nikmasini rivojlantirish

Monografiyada kreativlik ko'nikmasi rivojlanishining nazariy asoslari, kreativlikning tuzilishi, turlari, mezonlari va omillari o'rganilgan; "kreativlik" tushunchasining talqin qilinishidagi ko'p variantlilik va noaniqlik muammosi tahlil qilingan; ta'lim muassasalarida talabalar o'rtasida kreativlikni rivojlantirish muhimligi hamda uning mutaxassislarning kasbiy faoliyatiga ta'siri masalasi tadqiq etilgan; kreativlik ko'nikmasini rivojlantirish bo'yicha mutaxassislarning tavsiyalari, interaktiv o'yin va mashqlar keltirilgan. Monografiya o'qituvchilar, tadqiqotchilar va talabalar kreativligini rivojlantirish muammosiga qiziqqan keng kitobxonlar uchun mo'ljallangan.

Business law

Business Law is a textbook designed to meet the scope and sequence requirements of course on Business Law. The concepts are presented in a streamlined manner, and cover the key concepts necessary to establish a strong foundation in the subject. The textbook follows an untraditional approach to the study of business law. Each chapter contains key legal terms, explanatory narrative and concepts, references for further reading, end-of-topic questions and QR codes for video materials.

Nizolarni hal qilishning muqobil usullari

Ushbu darslik Davlat ta'lim standarti asosida tuzilgan "Nizolarni hal qilishning muqobil usullari"ga muvofiq hamda shaxsga yo'naltirilgan, rivojlantiruvchi va mustaqil ta'lim olish texnologiyalari, taomillari va talablari asosida tayyorlangan. Darslikda nizolarni muqobil hal etish usullaridan hakamlik sudlari va mediatsiya tartib-taomillariga oid barcha masalalar batafsil ko'rib chiqilgan. Mazkur darslik nafaqat malaka oshirish muassasasi, oliy o'quv yurti tinglovchi va talabalari uchun, balki mediatorlar, hakamlik sudlari, fuqarolik ishlari bo'yicha sudlarining va iqtisodiy sudlarining sudyalari, advokatlar, shuningdek, keng kitobxonlar ommasi uchun ham mo'ljallangan. Darslikdan professor-o'qituvchilar, "70420125-Mediatsiya va nizolarni muqobil hal etish usullari" magistratura mutaxassisligi bo'yicha talabalar, fuqarolik protsessual huquqi, iqtisodiy protsessual huquqi, hakamlik jarayoni va mediatsiya ixtisosligi doirasida ilmiy tadqiqot ishlarini olib borayotgan doktorant va mustaqil izlanuvchilar hamda qonun ijodkorligi jarayonida bevosita qatnashuvchi shaxslar ham foydalanishi mumkin.

Davlat boshqaruviga oid terminlarning izohli lug'ati

"Davlat boshqaruviga oid terminlarning izohli lug'ati" kitobxonlar ommasi, davlat xizmatchilari, xususan, yoshlarning davlat boshqaruviga doir bilimlarini oshirishni, sohada ko'p qo'llanadigan atamalar bilan tanishtirishni maqsad qilgan. 600 dan ortiq termin va tushunchalarni o'z ichiga olgan mazkur lug'at "Davlat boshqaruvi" 60421200 ta'lim yo'nalishi bakalavriat talabalari, magistrlar, o'qituvchilar, shuningdek, keng kitobxonlar ommasiga mo'ljallangan.

Yurislingvistika va lingvistik ekspertiza asoslari

Mazkur darslikning asosiy maqsadi talabalarning yurislingvistika va lingvistik ekspertizaga oid bilimlarini rivojlantirishdan iborat. Unda yurislingvistika fanining maqsadi, vazifasi, predmeti, kishilik jamiyatida huquq va tilning o'zaro aloqalari, huquqning lingvistik, tilning huquqiy jihatlari haqida mufassal ma'lumotlar beriladi. Shuningdek, normativ- huquqiy hujjat loyihasini lingvistik ekspertizasidan o'tkazish talablari, qoidalari to'la bayon etiladi. Darslikda yuridik tilning yurislingvistik belgilari, uning leksik va grammatik xususiyatlari, norma ijodkorligida til va tarjima masalalarining tutgan o'rni aks ettiriladi. Darslik yuridik oliy o'quv yurtlari talabalari uchun mo'ljallangan.

Менеджмент, экономика и социальная политика

Настоящий учебник посвящён обсуждению проблем социальной политики, социального развития и социального менеджмента, включая понятия социального государства, политику экономического роста и социальную политику в целях подготовки профессиональных топ- менеджеров. Учебник состоит из 10 тем, каждая из них направлена на формирование у учащихся определённых знаний по менеджменту, механизмам функционирования экономической системы, социальной политике и её законам, контролю и согласованию управления с современными экономическими процессами и др. Учебник предназначен для студентов бакалавриата, магистратуры, преподавателей, а также широкого круга читателей, желающих построить успешную карьеру в своей профессиональной деятельности.

O'zbekistonda yuridik ta'lim va fanning rivojlanish istiqbollari: milliy va xorijiy tajriba

Mazkur konferensiya materiallari to'plami Toshkent davlat yuridik universitetining 30 yilligiga bag'ishlangan xalqaro ilmiy-amaliy konferensiya doirasida tayyorlandi. Ushbu to'plamda respublikamiz va xorijiy mamlakatlar ko'plab taniqli olimlari va mutaxassislarining ilmiy maqolalari, tezislari hamda taklif va tavsiyalari o'rin olgan. Ushbu to'plamdan professor-o'qituvchilar, katta ilmiy xodim-izlanuvchichlar, mustaqil izlanuvchilar, magistrantlar, shuningdek, huquqni muhofaza qiluvchi organlar xodimlari foydalanishlari mumkin.

Уголовно-процессуальное право (уголовный процесс)

Учебное пособие охватывает правовую природу такого подинститута тру дового права, как прекращение трудового договора, и подготовлено на основе Трудового кодекса Республики Узбекистан с учётом внесённых изменений и дополнений. Теоретические выводы логически обоснованы и подкреплены ма- териалами из судебной практики. Рассматриваются наиболее сложные с точки зрения практического применения вопросы прекращения трудового договора в соответствии с постановлением Пленума Верховного суда Республики Узбе- кистан «О практике применения судами законодательства, регулирующего пре- кращение трудового договора». Кроме того, список специальной литературы, в том числе нормативных актов и постановлений судебных органов, предоставля ет студентам возможность самостоятельно изучить тот или иной источник для решения ситуационных задач. Учебное пособие предназначено для студентов бакалавриата и магистратуры юридических вузов, докторантов, а также специалистов в сфере труда.

Ijtimoiy ta'minot huquqi

Kasbiy ko'nikmalar va metodologiya

Mazkur darslik bo'lajak mutaxassislarda kasbiy ko'nikmalar va u bilan bog'liq metodologiyani o'zlashtirishga qaratilgan, zamonaviy ta'limning muhim vazifalaridan birini o'zida mujassam etgan. Darslik Davlat boshqaruvi - 60421200 ta'lim yo'nalishi bakalavriat talabalari, magistrlar, o'qituvchilar, shuningdek, o'zining professional faoliyatida muvaffaqiyatli karyerasini yaratmoqchi bo'lgan keng kitobxonlar ommasiga mo'ljallangan.