Kitoblar

Yuridik xizmat: nazariya va amaliyot uyg'unligi

Ushbu o'quv qo'llanma so'nggi yillarda mamlakatimizda aholining huquqiy ongi va madaniyatini oshirish, davlat organlari va tadbirkorlik subyektlari faoliyatida adolat hamda qonun ustuvorligini, fuqarolarning huquq va erkinliklarini ta'minlashga qaratilgan tizimli islohotlarga mos tarzda yuridik xizmat sohasida tayyorlanayotgan kadrlarning bilimi, malakasi va saviyasini oshirishda qo'llash maqsadida tayyorlangan. O'quv qo'llanma yuridik xizmat xodimlari faoliyatiga oid nazariy masalalar; xorij va milliy tajribadan kelib chiqqan holda amaliy maslahatlar; yurist faoliyatida zarur bo'lgan huquqiy hujjatlarning namunalari; sohaga oid asosiy normativ-huquqiy hujjatlar tahlillari; har bir mavzuga oid kazuslar, mantiqiy savollar va testlar hamda foydalanilgan va tavsiya etiladigan adabiyotlar ro'yxati kabi ham nazariy, ham amaliy jihatdan foydali ma'lumotlardan iborat tarzda tuzilgan.

BMT xalqaro sudi

Mazkur o'quv qo'llanma BMT Xalqaro sudi huquqiy maqomi, faoliyati, yurisdiksiyasi bilan bog'liq masalalar va ishlash mexanizmiga doir ma'lumotlarni aks ettiradi. O'quv qo'llanmada BMT Xalqaro sudida davlatlar o'rtasidagi nizoli ishlar bo'yicha sud ishini yuritish, sudning konsultativ xulosalar berish taomili bo'yicha faoliyatiga doir batafsil ma'lumotlarni olish mumkin. O'quv qo'llanma oliy yuridik ta'lim talabalari, magistrantlari va xalqaro huquq sohasiga qiziquvchi keng kitobxonlar ommasi uchun mo'ljallangan.

Sharhlash hujjatlarning yuridik texnikasi

Mazkur o'quv qo'llanma sharhlash hujjatlarining yuridik-texnik qoidalarini batafsil tahlil etadi. O'quv qo'llanmada yuridik hujjat tushunchasi, yuridik hujjat turlari, huquq normalarini sharhlashning nazariy tavsifi, huquq normalarini sharhlashda qo'llanadigan usullar, huquq normalarini sharhlash turlari, huquq normalariga rasmiy sharh berishning mantiq, til, rasmiy rekvizit va tartib-taomil qoidalari, O'zbekiston Respublikasining Konstitutsiyaviy sudi tomonidan legal sharhlash, kazual sharhlash hujjatlari tushuntirib beriladi. Mazkur o'quv qo'llanma yurisprudensiya ta'lim yo'nalishida tahsil olayotgan bakalavriat bosqichi talabalari uchun uchun mo'ljallangan.

Intellektual mulkka qarshi jinoyatlarni kvalifikatsiya qilish

Ushbu o'quv qo'llanmada mualliflik yoki ixtirochilik huquqida huquqbuzarlik va jinoiy javobgarlik tuchunchasi, kelib chiqish sabablari, ushbu sohadagi huquqbuzarliklarning tasnifi, uning turlariga to'xtalib o'tilgan. Shuningdek, mualliflik yoki ixtirochilik huquqlarini buzishning jinoyat-huquqiy va kriminologik jihatlariga umumiy tavsif berilgan. Ushbu jihatlar nazariy va huquqiy tomondan kompleks tarzda o'rganilib, yuridik tahlil qilingan.

Ijara shartnomasi

Mazkur o'quv qo'llanma ijara shartnomasiga bag'ishlangan boʻlib, unda ijara shartnomasining ahamiyati va mazmuni, ijara obyekti, ijara shartnomasining shakli va amal qilishi, ijara obyektini ijaraga oluvchiga topshirish, ijaraga berilgan mol-mulkdan foydalanish, ijara obyektini soz holatda saqlash va uni yaxshilash, ijara shartnomasini bekor qilish va ijara shartnomasining alohida turlari batafsil yoritilgan bo'lib, yuridik fakultet talabalari va izlanuvchilarga mo'ljallangan.

Shaxsga qarshi jinoyatlarni kvalifikatsiya qilish

Mazkur o'quv qo'llanmada shaxsga qarshi jinoyatlarni kvalifikatsiya qilishning zamonaviy xususiyatlari bilan bog'liq masalalarini tartibga soluvchi Jinoyat kodeksi, uning tegishli moddalarini to'g'ri qo'llash, milliy jinoyat qonunchiligi va ilg'or xorijiy tajribasi, shuningdek, jinoyat-huquqiy qarashlarning konseptual jihatlari, tergov va sud amaliyotidagi muammolar ilmiy tahlil qilingan. Bundan tashqari, shaxsga qarshi jinoyatlarni kvalifikatsiya qilishning algoritmi ilmiy tomondan o'rganildi va mazkur sohada sodir etilgan jinoyatlarni ochish va tergov qilishga oid tegishli algoritmni takomillashtirish bo'yicha mulohazalar bayon etilgan. O'quv qo'llanma "Jinoyat huquqi" ta'lim yo'nalishi bo'yicha oliy va o'rta maxsus o'quv yurtlari talabalari, doktorantlar, mustaqil izlanuvchilar, ilmiy xodimlar hamda huquqni muhofaza qiluvchi organ xodimlari uchun mo'ljallangan.

Yuridik ta'limda innovatsion texnologiyalar

Mazkur o'quv qo'llanma yuridik fanlarni o'qitish xususiyatlari, o'qitish jarayoni va uning bosqichlari darslarini samarali o'tkazish asoslari, ularni talab darajasida olib borish, mavzular yuzasidan mashg'ulotlarni to'g'ri tashkil qila olish, zamonaviy interaktiv metod va vositalarni o'rinli qo'llash, eng asosiysi, dars jarayonida o'qitish va tarbiyaning uzviy bog'liqligini ta'minlash, muammoli o'qitish, usullarini o'rgatishga alohida e'tibor qaratadi. Shuningdek, magistratura talabalariga pedagogik mahorat talablari, mustaqil ta'limni tashkil qilish metodikasi, mutaxassislik fanlarini o'qitishda pedagogik kompetentlik va kreativlik, hamkorlik pedagogikasi usullari tushuntiriladi.

Ma'muriy sud ish yurituvi

Ushbu o'quv qo'llanmada O'zbekiston Respublikasida mavjud ma'muriy sudlarning faoliyatini tartibga soluvchi qonunchilik normalari tahlil qilingan. Shuningdek, amaliy misollar bilan O'zbekiston Respublikasining Ma'muriy sud ishlarini yuritish to'g'risidagi kodeksi normalari sharhlangan. Unda nafaqat ma'muriy sud ishlarini yuritish to'g'risidagi qonunchilik normalari, balki boshqa qonunchilik normalari ham qiyosiy tahlil qilingan. O'quv qo'llanmada bob yuzasidan asosiy fikrlar, nazariy savollar, testlar, sud hujjatidan namunalar keltirilgan, shu bilan birga, ma'lumotlarni tushunishni osonlashtiruvchi vaziyat va misollar shakllantirilgan.

Bezorilikning oldini olish

Ushbu o'quv qo'llanma bezorilikning oldini olish bilan bog'liq masalalarga bag'ishlangan bo'lib, unda bezori shaxsi, uning turmush tarzi va xulq- atvorining o'ziga xos xususiyatlari, bezorilik jinoyatining sabablari va unga imkon bergan shart-sharoitlar, bezorilikning oldini olish turlari o'rganilgan. Bezori shaxsning kriminologik tavsifi (ijtimoiy-demografik, jinoyat-huquqiy va ma'naviy-ruhiy belgilari) nafaqat bezori shaxsi mohiyatini ochib berish, balki bu boradagi mavjud muammo va kamchiliklarni aniqlash imkonini ham beradi. Bu esa, o'z navbatida, bezorilik jinoyatini sodir etgan shaxslarga nisbatan ta'sirchan profilaktik chora-tadbirlarni ishlab chiqishga zamin yaratadi.

Siyosatshunoslik va davlat siyosati

Mazkur darslik Toshkent davlat yuridik universiteti Siyosatshunoslik va davlat siyosati moduli o'quv rejasi asosida tayyorlangan. Barcha mavzular o'quv dasturi doirasida qamrab olingan. Darslikda mavzularning mazmun-mohiyati va undan kutilayotgan natijalar haqida yetarlicha ma'lumotlar o'z aksini topgan. Shuni ta'kidlash joizki, davlat va jamiyat taraqqiyotida, ayniqsa hozirgi globallashuv davrida siyosiy bilimlarning o'rni, xususan, siyosatshunoslik va davlat siyosati masalalari borgan sari muhim ahamiyat kasb etib bormoqda. O'zbekistonning xalqaro hamjamiyat bilan tobora integratsiyalashuv jarayonlari mustahkam qaror topib borayotganligi e'tiborga molikdir. Shu nuqtayi nazardan olib qaraganda, hozirgi shiddatli kechayotgan davrda ijtimoiy-siyosiy jarayonlarni har taraflama chuqur tahlil asosida xolis anglab yetadigan, yuksak siyosiy bilim va mustaqil tafakkurga ega, aql-zakovatli, dunyoqarashi keng, Vatan va xalq, millat taqdiriga mas'ul bo'lgan, zamonaviy, barkamol avlodni tarbiyalab voyaga yetkazish bugungi kunning muhim talabidir. Zero, darslikdan ko'zlangan asosiy maqsad ham talaba yoshlarda davlat va jamiyat boshqaruviga oid ko'nikmalarni shakllantirish hamda ularga bu borada yaqindan ko'maklashishdan iborat. Ushbu darslik Toshkent davlat yuridik universitetida va boshqa oliy o'quv yurtlarida tahsil olayotgan talabalar, shuningdek, siyosatshunoslik va davlat siyosati bilan qiziquvchi barcha kitobxonlar ommasiga mo'ljallangan.

Biznes huquqi

Ushbu o'quv qo'llanmada tadbirkorlik huquqi va tushunchalari, tadbirkorlik subyektlari, ularning tashkiliy-huquqiy shakllari, tadbirkorlik subyektlarini tashkil etish, faoliyatini amalga oshirish, qayta tashkil etish, tugatishning huquqiy asoslari va tartibi, tadbirkorlik huquqi subyektlarining mulkka nisbatan huquqlari, tadbirkorlik shartnomalari, ularning o'ziga xos xususiyatlari, tadbirkorlik subyektlari faoliyatini moliyalashtirish va kreditlash, ularni soliqqa tortish, tadbirkorlik subyektlarining davlat tomonidan qo'llab-quvvatlanishi, ularning huquqiy himoya tizimi va javob- garlik asoslari kabi mavzular yoritilgan.

UNESCO Information for All Programme in Russia.

Гендер тадкиикоти асослари курси хрестоматияси.Рус тилидан кискартирилган таржима:Олий укув юртлари учун тавсия килинади

TIBBIY-MEHNAT EKSPERTIZASINING HUQUQIY ASOSLARI

Ijtimoiy muhofaza olishga bo'lgan huquq va uni ta'minlashi davlatimiz va jamiyatimiz e'tiborida turgan muhum masalalardan sanaladi. mehnat layoqatidan butunlay yoxud uzoq muddatga mahrum bo'lganda fuqarolarni ijtimoiy muhofazani amalga oshirishda tibbiy-mexnat ekspertiza xizmatining ahamiyati kattadir.

ПРАВОВЕДЕНИЕ

Учебник подготовлен в соответствии с примерной программой курса "Правоведение" , утвержденной Минестерством высшего и среднего специального образования Республики Узбекистан .

AXBOROT TEXNOLOGIYALARINI QO'LLASH

Mazkur o'quv qo'llanmada ijtimoiy muhofaza qilish huquqshunosi kasbi bo'yicha ta'lim olayotgan o'quvchilarga mo'ljallangan bo'lib, "Axborot texnologiyalarini qo'llash" fani tarkibiga kiruvchi mavzularni o'z ichiga oladi.

IQTISODIY TAHLIL

O'quv qo'llanmada iqtisodiy tahlilining mazmuni , predmedi vazifalari, usullari hamda sanoat , qishloq xo'jaligi va savdo korxonalarning boshqaruv , moliyaviy faoliyati bilan bog'liq natijalari nazariy hamda uslubiy asoslari yoritilgan. "Budjet korxonalarida buxgalteriya hisobi" ixtisosligi bo'yicha ishloyotgan mutaxassislarga mo'ljallangan.

FUQAROLIK VA OILA HUQUQI

O'zbekiston RespublikasiningKonstitutsiyasi, Fuqarolik kodeksi, Oila kodeksi, amaldagi qonun hujjatlari va xalqaro huquq normalari asosida yozilgan ushbu kitobda fuqarolik va oila huquqi tushunchalari, fuqarolik va oila huquqining manbalari, fuqarolik-huquqiy va oilaviy munosabatlar , fuqarolik va oila huquqining subektlari va obektlari, fuqarolik huquqida vakillik ishonchnoma , vakolatda'vo muddati.

Iste'molchilarning huquqlarini internet tarmog'ida himoya qilish

O'quv qo'llanmada iste'molchilar huquqlarini himoya qilish fani predmeti doirasiga kiruvchi mavzular o'rin olgan. Unda iste'molchi tushunchasi, huquqlari va internet tarmog'ida iste'molchi bilan shartnoma tuzish, uning bajarilishini ta'minlashning fuqarolik-huquqiy masalalari, internet tarmog'ida tuzilgan shartnomalar orqali iste'molchiga yetkazilgan zararni qoplashning xalqaro tajribasi hamda fuqarolik-huquqiy tartibga solish masalalari atroflicha yoritilgan. O'quv qo'llanma oliy yuridik o'quv yurtlarining yurisprudensiya yo'nalishi bakalavr bosqichi talabalari uchun, O'zbekiston Respublikasi normativ-huquqiy hujjatlariga 2024-yil 1-yanvargacha kiritilgan o'zgartish va qo'shimchalarni e'tiborga olgan holda yozildi.

Мустақиллик ва инсон ҳуқуқлари

Данный сборрник посвщен 20-летию государственной независимости Республики Узбекистан вкючает статьи отечественных и зарубежных ученых и практиков по вопросам обеспечения соблюдения изащиты прав и свобод человека .