Mazkur darslik yuridik oliy ta'lim muassasalarining magistratura bosqichida tahsil olayotgan talabalarga mo'ljallangan bo'lib, davlat tilida ish yuritish va akademik yozuv bo'yicha zarur nazariy bilimlar hamda amaliy ko'nikmalarni shakllantirishga qaratilgan. Unda hujjat tuzish, ish yuritishning tashkiliy-huquqiy asoslari, rasmiy yozishmalar, ilmiy matn tili va uslubi, akademik yozuv janrlari va ularning talablari kabi mavzular qamrab olingan. Darslik talabalarning rasmiy va ilmiy yozma nutq madaniyatini rivojlantirish, mustaqil fikrni aniq va asosli bayon qilish malakalarini takomillashtirishga xizmat qiladi.