Mazkur o'quv qo'llanma O'zbekiston Respublikasi jinoiy jazolarni liberallashtirish siyosati tushunchasi, ozodlikdan mahrum qilish bilan bog'liq va bog'liq bo'lmagan jazolar, harbiylarga nisbatan hamda qo'shimcha tarzda tayinlanadigan jazolar mavzulariga bag'ishlangan. Shuningdek, jazo tayinlashning umumiy asoslari, yengillashtiruvchi hamda og'irlashtiruvchi holatlar, yengilroq va tamom bo'lmagan va ishtirokchilikda sodir etilgan jinoyatlar uchun, bir necha jinoyat yoki bir necha hukm yuzasidan jazo tayinlash, jazo muddatlarini qo'shish hamda hisoblash, jinoiy jazodan ozod qilish, jinoiy jazo tayinlashga hamda jazodan ozod qilishga sudlanganlikning ta'siri kabi masalalar bayon etilgan. O'quv qo'llanma oliy o'quv yurtlarining bakalavr va magistratura bosqichi talabalariga tavsiya etiladi. Mazkur o'quv qo'llanma Toshkent davlat yuridik universiteti rektorining 2025-yil 26-dekabrdagi 280-um-sonli buyrug'iga asosan nashrga tavsiya etilgan (ro'yxatga olish raqami - 280-4).