Mazkur o'quv qo'llanmada inson huquqlarining konstitutsiyaviy- huquqiy asoslari, inson va fuqaro huquqlariga oid asosiy tushunchalar, konstitutsiyaviy huquq va erkinliklarga oid me'yorlarning tarixiy rivojlanish bosqichlari, huquq, erkinlik va majburiyatlar tasnifi va ularning tengligi, inson huquqlari bo'yicha xalqaro standartlar, inson huquqlari bo'yicha milliy qonunchilik, inson huquqlari monitoringi va inson huquqlari bo'yicha hisobot protsedurasi, huquq va erkinlikka oid kafolatlar kabi masalalar yoritilgan. Shu bilan birga, O'zbekistonda inson huquqlarining konstitutsiyaviy-huquqiy asoslarini takomillashtirish, ularni amaliyotga tatbiq etish sohasida olib borilgan islohotlar, ularning natijalari haqida muhim ma'lumotlar berilgan. Ushbu o'quv qo'llanma yurisprudensiya ta'lim yo'nalishi bakalavriat va magistratura mutaxassisligi talabalari va keng kitobxonlar ommasiga mo'ljallangan.