O'zbekistonda demokratik bozor munosabatlarini yanada rivojlantirish, mamlakatimiz yalpi ichki mahsulotining yildan yilga o'sib borishi, tadbirkorlik subyektlarining iqtisodiyotda tutgan o'mining yanada oshib borishi, ayniqsa, kichik biznes va xususiy tadbirkorlik subyektlarining mavqeyi yanada yuksalishi muhim ahamiyatga ega bo'lib bormoqda. Respublikamizda qabul qilingan normativ-huquqiy hujjatlar marnlakatimiz iqtisodiyotini yuksaltirishga, xalq farovonligining va aholi turmush tarzining yaxshilanishiga, tadbirkorlik subyektlarining, jumladan, xususiy sektorning rivojlanishiga keng yo'l ochib berilmoqda, buning natijasida tadbirkorlik faoliyati yanada kengayib, rivojlanmoqda. Shu bilan birga bozor munosabatlarining o'ziga xos qonuniyatlari asosida erkin raqobat muhitida o'z ishlab chiqarish (ish bajarish, xizmat ko'rsatish) faoliyatini to'g'ri tashkil etmagan, bozor qonuniyatlarini yaxshi o'rganmagan, iqtisodiyotni boshqarishni, menejerlikni zamonaviy xalqaro talablar darajasida amalga oshirolmagan subyektlarming inqirozga uchrashi nochor ahvolda qolishi, ularning bankrotligini keltirib chiqaradi.