Ойбекнинг насрий асарлари орасида ўзбек халқининг Иккинчи жаҳон урушидаги жасорати тасвирига бағишланган «Қуёш қораймас» (1943-1959) романи алоҳида эътиборга лойиқ. Адиб мазкур романини гарчанд Fapбий фронтга қилган сафаридан қайтибоқ ёза бошлаган бўлса-да, уруш тўғрисидаги даҳшатли ҳақиқатни айтиш иложи бўлмагани учун, уни 50-йилларда хасталик пай- тида ёзиб тугатди. Ойбек Бектемир ва унинг икки жанговар дўстининг тимсолини яратиш орқали Совет давлатининг урушга тайёргарликсиз киргани ва саркардаларнинг қўпол хатолари туфайли миллионлаб кишилар, шу жумладан, ўзбек жангчиларининг «тўп еми» бўлаётгани ҳақидаги ҳақиқатни бадиий мужассамлантириб берди.