O'quv qo'llanma O'zbekiston Respublikasining huquqiy va xalqaro siyosatiga, xalqaro maydonlardagi inson huquqlari bo'yicha tashabbuslariga, Inson huquqlari bo'yicha O'zbekiston Respublikasining Milliy strategiyasiga hamda Inson huquqlari sohasidagi Milliy ta'lim dasturiga tayangan holda tayyorlangan. Mazkur o'quv q'ollanmada inson huquqlari bo'yicha ta'lim barcha insonlarning huquqlarini qo'llab-quvvatlashga undaydigan qadriyatlar, e'tiqodlar va pozitsiyalar targ'ib qilinishi, har qanday jamiyatda inson huquqlarini hayotga tatbiq etish uchun har bir inson umumiy javobgarlikni tushunishini rivojlantirish haqida bayon etilgan. Xususan, migrantlar va ularning oila a'zolari huquqlarini xalqaro-huquqiy va milliy qonunchilik doirasida tartibga solish masalalari yoritilgan. Ushbu o'quv q'ollanma yuridik oliy yurtlarining bakalavr magistrantlariga o'quv qo'llanma sifatida tavsiya qilinadi.