Kitoblar

Заҳириддин Муҳаммад Бобурнинг сиёсий ва ҳуқуқий таъминоти

Ўзбекистонда инсонпарвар демократик ҳукукий давлатни барпо этиш йўлида давлат ва жамият ҳаётининг барча соҳаларида олиб борилаётган туб ислохотлар даврида, ўсиб келаётган ёш авлодни хукукий онги ва маданиятини шакллантиришда хамда уларни адолатпарварлик, ватанпарварлик ва диний багрикенглик гоялари руҳида тарбиялашда ўтмишда яшаб ўтган Амир Темур. Алишер Навоий, Мирзо Улуғбек ва Заҳириддин Муҳаммад Бобур каби буюк аждодларимизнинг бой илмий меросини ўрганиш муҳим аҳамиятга эга. Бу хусусида мамлакатимиз раҳбари Ш.Мирзиёев шундай деган эди: "... Маълумки, қадимий маданият ва цивилизациялар чорраҳаси бўлган юртимиз заминидан ўрта асрларда минглаб олиму уламолар, буюк мутафаккир ва шоирлар, азиз-авлиёлар етишиб чиққан. ... Ҳозирги кунда республикамизнинг китоб фондларида 100 мингдан зиёд қўлёзма асарлар сакланмокда. Афсуски, бу нодир китоблар ҳали тўлиқ ўрганилмаган, улар олимлар ва ўз ўқувчиларини кутиб турибди.

YURISLINGVISTIKA til, huquq, yuridik til, yuridik nutq, yuridik terminologiya

Mazkur monografiya yurislingvistika masalalariga bag'ishlangan bo'lib, unda huquq va til, ular o'rtasidagi o'zaro munosabat, yuridik til, yuridik terminologiya, yuridik texnika, qonunchilik texnikasi, qonunchilik uslubiyati masalalari ilmiy-nazariy jihatdan tadqiq etiladi. Shuningdek, huquqning lingvistik jihatlari, tilning huquqiy masalalariga alohida e'tibor qaratiladi. Ilmiy risola huquqshunos va tilshunos olimlar, yuridik oliy o'quv yurti o'qituvchilari va talabalari uchun muhim manba vazifasini bajaradi.

Прокурорнинг судда давлат айбловини кувватлаш фаолияти

Islom dinida adolat tushunchasining talqini.

Monografiyada adolat kategoriyasining insoniyat tarixida rivojlanish bosqichlari, adolatning ijtimoiy falsafiy jihati, islom dinining muqaddas kitobi Qur'oni Karimda va Hadisi sharifda adolat masalalari, Islom dini ta'limotlarida adolatning namoyon bo'lish xususiyatlari va prinsiplari, Islomdagi fiqhiy masalalarda adolatning namoyon boʻlishi, adolat tushunchasining oilaviy munosabatlardagi roli, savdo-sotiq munosabatlarida aks etishi, jamiyatdagi ijtimoiy axloqiy muhitning barqarorligiga ta'siri tadqiq etilgan va asoslab berilgan.

Миграция ҳуқуқи шаклланиши ва ривожланиши қонуниятлари

Мазкур илмий монография миграция ҳуқуқининг тарихий тараққиётига бағишланган бўлиб, унда паспорт-виза, фуқаролик, ҳаракатланиш эркинлиги, бошпана, қочоқлар мақоми ва бошқа шу каби институтларнинг ҳуқуқий манбалари, шунингдек уларнинг юзага келиши, шаклланиши ва ривожланиши тизимли тадқиқ этилган. Ушбу китоб миграция ҳуқуқи бўйича мутахассис, юридик фанлар бўйича фалсафа доктори, доцент Исоқов Луқмонжон Холбоевичнинг "Мигрантлар ҳуқуқларини таъминлаш ва ҳимоя қилиш: қиёсий-ҳуқуқий таҳлил" мавзусидаги докторлик диссертацияси (DSc) доирасида тайёр- ланган бўлиб, ҳуқуқшунос ва тарихшунос олимлар ҳамда миграция хукуки муаммоларига қизиқувчи кенг китобхонлар учун мўлжалланган.

Мигрантлар ҳуқуқлари

Мазкур монография мигрантлар ҳуқуқларини таъминлаш ва ҳимоя қилишнинг қиёсий-ҳуқуқий таҳлилига бағишланган бўлиб, унда мигрантлар ва уларнинг ҳуқуқлари тушунчаси, тоифалари ва таснифи, ҳуқуқий мақоми, шаклланиши ва ривожланиши қонуниятлари, шуниндек бу борадаги халқаро-ҳуқуқий стандартлар ва механизмлар ҳамда илғор хорижий тажрибалар ҳақида сўз боради. Шу билан бирга Янги Ўзбекистон шароитида ва рақамли маконда мигрантлар ҳуқуқларини таъминлаш ҳамда ҳимоя қилишнинг миллий механизмлари, ўзига хос хусусиятлари, соҳага доир муаммолар ва истиқболлар муҳокама қилинган. Монографияга мигрантлар ҳуқуқларига доир норматив-ҳуқуқий хужжатлар лойиҳалари ва БМТнинг "Барча меҳнаткаш-мигрантлар ва улар- нинг оила аъзолари ҳуқуқларини ҳимоя қилиш бўйича" конвенциясининг ўзбек тилидаги таржимаси илова қилинган.

Ўзбекистон Республикасида миграция соҳасидаги давлат бошқарувининг ташкилий - ҳуқуқий механизмларини такомиллаштириш.

Мазкур монография Ўзбекистон Республикасида миграция соҳа сидаги давлат бошқарувининг ташкилий-ҳуқуқий механизмларини такомиллаштиришга бағишланган бўлиб, унда давлат бошқаруви ва ҳуқуқни муҳофаза қилувчи органларнинг миграцияни тартибга со лишдаги ваколатлари, шунингдек мигрантлар ҳуқуқларига доир халқаро стандартлар ва хорижий давлатлар тажрибаси қиёсий-ҳуқуқий таҳлил қилинган. Жумладан, миграцияни тартибга солувчи давлат органлари тизими ва ваколатлари тадқиқ этилиб, ички ишлар органларининг ва ташқи сиёсатни амалга оширувчи органларнинг миграция соҳасидаги фаолияти ҳамда миграция қонунчилиги ижроси устидан прокурор назоратини такомиллаштиришнинг устувор йўналишлари, соҳага доир муаммолар ва истиқболлар муҳокама қилинган. Ушбу китоб ҳуқуқшунос олимлар ҳамда миграция ҳуқуқи муаммо- ларига қизиқувчи кенг китобхонлар учун мўлжалланган.

Норма ижодкорлиги жараёнида ҳуқуқий экспериментнинг қўлланиши: назарий - ҳуқуқий масалалар

Ушбу монографияда норма ижодкорлигида хукукий экспериментдан фойдаланишнинг назарий, ташкилий масалалари бугунги кун вокелиги асосида тадкик этилган. Унда давлат-хуқуқий ҳодисаларни ўрганишнинг мухим бир усули сифатида хукуқий эксперимент тушунчаси, уни қўллашнинг прин- циплари таҳлилга тортилган. Мазкур монографияда норматив-ҳуқуқий хужжатларни хукуқий экспери- ментдан ўтказиш механизми, яъни унинг хукукий асослари, субъектлар доираси, уларнинг ҳуқуқий мақоми, уни ўтказишнинг тартиб-таомиллари, бу масаладаги хориж тажрибаси, мазкур институтни ривожлантириш йўналиш- лари илмий тахлил этилган. Монография норма ижодкорлигига оид мавзуларда изланаётган тадки- котчилар, магистратура ва бакалавриатура талабалари, шунингдек, ушбу масалага кизикувчи кенг китобхонларга мўлжалланган.

Xalqaro va mahalliy investitsiyalar faoliyatiga oid qonunchilikni takomillashtirish istiqbollari

Mazkur monografiya investitsiya sohasiga oid xalqaro va milliy normativ- huquqiy bazani ilmiy-nazariy, qiyosiy-huquqiy va amaliy jihatdan tahlil qilish orqali bir qator konseptual tushunchalar, shuningdek, ularni qonunchilikka kiritishning asosliligini, mahalliy aholini investitsiya faoliyati bilan bog'liq sohalarda faolligini va xorijiy investorlar oqimini oshirish, jumladan, jamoaviy investitsiyalash shakllari borasida xorijiy davlatlar tajribasini, ularning qonunchiligidagi muqobil normalarni, sohaga doir xalqaro hujjatlardagi mavjud kamchiliklar va muammolarni, xalqaro tajribani milliy qonunchilikka implementatsiya qilish masalalarini o'rganishga bag'ishlangan.

Mansab soxtakorligiga qarshi kurashishning kriminologik jihatlari

Monografiyada mansab soxtakorligi tushunchasi va mohiyati, uning uchun jinoiy javobgarlik belgilangan qonun normalarining rivojlanishi tarixi; ayrim xorijiy mamlakatlar jinoyat qonunlarida mansab soxtakorligi jinoyati uchun javobgarlik masalalari; mansab soxtakorligi jinoyatining obyektiv va subyektiv belgilari va kriminologik masalalar bayon etilgan. Ushbu monografiya oliy va o'rta maxsus o'quv yurtlari talabalari, doktorantlar, mustaqil izlanuvchilar, ilmiy xodimlar hamda huquqni muhofaza qiluvchi organ xodimlari uchun moʻljallangan.

Yuridik va faktik xato-jinoyat huquqiy tahlil

Monografiya jinoyat huquqi nazariyasi va amaliyotida xatoning ahamiyatiga bag'ishlangan. Unda jinoyat huquqidagi xato tushunchasi va uning belgilari, shu bilan bir qatorda xatoning turlari, yuridik hamda faktik xatoning o'ziga xos jihatlari, Jinoyat kodeksi Maxsus qismida nazarda tutilgan jinoyat belgilariga nisbatan xato qilinganda qilmishni kvalifikatsiya qilish bilan bog'liq muammolar va xorijiy davlatlar jinoyat huquqida xato uchun javobgarlik masalasi yoritib berilgan. Monografiya yuridik oliy o'quv yurtlarining bakalavr va magistratura talabalariga qo'llanma sifatida tavsiya qilinadi. Shuningdek, undan ilmiy tadqiqotchilar, mustaqil izlanuvchilar, sud-tergov va jazoni ijro etish tizimi xodimlari hamda ushbu mavzuga qiziquvchilar foydalanishi mumkin.

Давлат органлари томонидан жисмоний ва юридик шахсларнинг мурожаатларини кўриб чиқиш

Мазкур монографияда давлат органларининг жисмоний ва юридик шахс мурожаатларини кўриб чиқишнинг ҳуқуқий асослари, тартиби ва уни такомиллаштириш каби мухим масалалар ўзинин назарий ифодасинги топган.

Hadya munosabatlarini huquqiy tartibga solishni takomillashtirish: nazariya va amaliyot

Mazkur monigrafiyada hadya munosabatlarini huquqiy tartibga solish mexanizmini takomillashtirish masalalari tahlil qilingan. Muallif tomonidan hadya munosabatlarini tartibga solishning huquqiy asoslari va genezisi, milliy va horijiy tajribaning qiyosiy tahlili, hadya munosabatlarini tartibga solishning huquqiy asosi sifatida shartnomaning fuqarolik huquqida tutgan o’rni va ahamiyati va soha qonunchiligini takomillashtirish yuzasidan taklif hamda tavsiyalar berilgan

Теоретические основы классификации криминальных инсценировок, методика их выявления и расследования

В монография рассмотрены теоретические основы классификации криминальных инсценировок , научно-правовые криминалистической характеристики инсценировок, общие методы и особенности их выявления и расследования.

Ёлғон гувоҳликнинг жиноят ҳуқуқий ва криминологик жиҳатлари

Ушбу монография одил судловга қарши жиноятлардан бири бўлган ёлғон гувоҳликнинг жиноят ҳуқуқий тавсифи ва унинг криминологик жиҳатларига бағишланган. Китобда ёлғон гувоҳлик учун жавобгарлик белгиланган қонунларнинг ривожланиш тарихи ва умумий тавсифи, ёлғон гувохликнинг жиноят ҳуқуқий тавсифи, ушбу қилмиш учун жавобгарликни оғирлаштирувчи ҳолатлар, ёлғон гувоҳликнинг ўхшаш қилмишлар жумладан, ёлғон хабар бериш, туҳмат, жиноят процессини юритиш қатнашчиларининг ўз зғимасидаги вазифани бажаришдан бўйин товлаши, жиноят ҳақида хабар бермаслик ёки уни яшириш жиноятларидан фарқлари ҳамда унинг криминологик жиҳатлари таҳлил қилинган.

Коррупциявий элемент сифатида яширин иқтисодиётнинг криминологик жиҳатлари

Ушбу монографияда яширин иқтисодиётига оид жиноятларнинг криминологик жихатлари ёритилган. Шунингдек, яширин иқтисодиётга қарши курашда миллий конунчиликдаги муаммолар атрофлича ўрганилган.

Солиқ ёки бошқа мажбурий тўловларни тўлашдан бўйин товлашнинг жиноят-ҳуқуқий ва криминологик жихатлари

Мазкур монографияда солиқ ёки бошқа мажбурий тўловларни тўлашдан бўйин товлаш билан боғлиқ жиноятларнинг жиноят-ҳуқуқий ва криминологик муаммолари, ушбу жиноят билан боғлиқ ҳуқий муносабатларнинг комплекс тахлили, мазкур жиноят учун жавобгарлик белгиловчи ҳуқуқий нормаларнинг ривожланиш тарихи, ушбу жиноят учун жавобгарлик белгиланишининг ижтимоий зарурати, жиноят қонунчилигини такомиллаштириш ва қонунни қшллаш амалиётининг самарадорлигини ошириш масалалари баён этилган.

Коррупциявий жиноятлар учун жавобгарлик

Ушбу моногарфияда коррупциявий жиноятлар тушунчаси, мазкур турдаги жиноятларнинг обьектив ва субьектив белгилари, ҳалқаро-ҳуқуқий ҳужжатлардаги коррупциявий жиноятларга оид стандартлар ҳамда мазкур турдаги жиноятларга оид хорижий давлатлар тажрибаси қиёсий-ҳуқуқий жихатдан таҳлил қилинган.

Коррунцияга қарши курашиш ва компаенс назорат тизимини жорий этиш истиқболлари:халқаро илмий-амалий семинари материаллари тўплами

Мазкур тўпламда “Коррунцияга қарши курашиш ва ком паенс назорат тизимини жорий этиш истиқболлари” мавзусида ўтказилган халқаро илмий-амалий семинари материаллар жамланган. Ушбу тўплам ҳуқушунос олимлар, илмий ходимлар, ҳуқуқни муҳофаза қилувчи органлар ходимлари учун мўлжалланган.

Адвокатура институтини такомиллаштиришда адвокатлик тузилмалари ва ўзини ўзи бошқариш органининг ҳуқуқий мақоми масалалари

Монографияда илк маротаба адвокатура институтининг назарий-ҳуқуқий асослари, адвокатлик тузилмалари ва адвокатларнинг ўзини ўзи бошқариш органининг ҳуқуқий мақомини такомиллаштириш масалалари таҳлил қилинган.