Kitoblar

Sog'liqga bo'lgan huquqda teletibbiyotni qo'llash masalalari

Mazkur monografiyada, axborot telekommunikasiya texnologiyalardan foydalangan holda aholiga sifatli tibbiy xizmat ko'rsatish, zamonaviy tizimini shakllantirish, oilaviy poliklinikalar va qishloq vrachlik punklarida ushbu texnologiyalarni joriy qilish va bu orqali birlamchi tibbiy xizmatni amalga oshirish, respublika ixtisoslashtirilgan ilmiy-amaliy markaz qoshida teletibbiyot tizimining yagona markazlashgan tizimini yaratish, yuqori axborot texnologiyalarga asoslangan elektron tibbiy yordam ko'rsatish tarmog'ini takomillashtirish bo'yicha keng qamrovli chora-tadbirlar amalga oshirish xalqaro huquqiy hujjatlarning qiyosiy tahlili amalga oshirilgan Monografiya huquqiy targ'ibotchilar, oliy va o'rta maxsus ta'lim muassasalari o'qituvchi-pedagoglari, ilmiy xodimlar, tadqiqotchilar. O'zbekiston Respublikasi sog'liqni saqlash vazirligi va tibbiyot mutaxassislarga mo'ljallangan.

Xalqaro shartnomalar normalarini milliy qonunchilikka tatbiq etish va ijrosini ta'minlash masalalari

Mazkur monografiyada xalqaro ommaviy huquq doirasida xalqaro shartnomalar huquqi bo'yicha huquqiy mezonlar, avvalo, xalqaro shartnoma va uning mohiyati, xalqaro shartnomalar normalarini milliy qonunchilikka tatbiq etish, xalqaro shartnomalar ijrosini ta'minlash tushunchasi, uning elementlari, usullari va vositalarining huquqiy va tashkiliy-institutsional asoslari nazariy konsepsiyalar va amaliyot yo'sinida batafsil yoritib berilgan, xalqaro shartnomalar platformasida o'ziga xos o'ringa ega bo'lgan, o'zbek huquqiy tizimiga nisbatan yaqin va uzoq bo'lgan xalqaro huquq subyektlarining ichki amaliyotlarida shakllangan shartnoma amaliyoti qiyosiy-huquqiy tahlil qilingan, shu bilan bir qatorda, O'zbekiston Respublikasining xalqaro shartnomalari yuzasidan milliy qonunchiligi va xalqaro huquqiy amaliyotining hozirgi holati kompleks tarzda tadqiqot bilan ochib berilgan hamda bu borada mualliflar tomonidan amaliy takliflar ishlab chiqilgan. Monografiya kirish, 3 ta bob, 6 paragraf, xulosa hamda foydalanilgan adabiyotlar qismlaridan iborat. Mazkur monografiya xalqaro shartnomalar implementatsiyasi, uning jahon amaliyoti va O'zbekiston Republikasi xalqaro shartnomalarini ijro etish bilan bog'liq bo'lgan huquqiy va tashkiliy-institutsional jihatlarini o'rganish va bu borada tizimli bilimlarni shakllantirishni maqsad qilgan talabalar uchun, ayniqsa, qo'l keladi. Toshkent davlat yuridik universiteti Tadqiqot etikasi kengashining navbatdan tashqari majlisi bayonnomasi bilan nashrga tavsiya etilgan.

YURISLINGVISTIKA til, huquq, yuridik til, yuridik nutq, yuridik terminologiya

Mazkur monografiya yurislingvistika masalalariga bag'ishlangan bo'lib, unda huquq va til, ular o'rtasidagi o'zaro munosabat, yuridik til, yuridik terminologiya, yuridik texnika, qonunchilik texnikasi, qonunchilik uslubiyati masalalari ilmiy-nazariy jihatdan tadqiq etiladi. Shuningdek, huquqning lingvistik jihatlari, tilning huquqiy masalalariga alohida e'tibor qaratiladi. Ilmiy risola huquqshunos va tilshunos olimlar, yuridik oliy o'quv yurti o'qituvchilari va talabalari uchun muhim manba vazifasini bajaradi.

Voyaga yetmaganlar jinoiy javobgarligining ayrim jihatlari

Ushbu monografiyada voyaga yetmasdan jinoyat sodir etgan shaxslarning jinoiy javobgarligi va jinoiy jazo tayinlashning umumiy tavsifi, voyaga yetmasdan jinoyat sodir etgan shaxslarga tayinlanadigan jinoiy jazo turlari va ularning o'ziga xos jihatlari hamda voyaga yetmaganlarga jinoiy jazo tayinlash, xorijiy tajriba, xalqaro standartlar hamda takomillashtirish istiqbollari kabi masalalar yoritilgan.

Insonni mehnatga oid huquqlarining xalqaro-huquqiy muhofazasi

Mazkur monografiyada mehnat huquqlarini xalqaro-huquqiy himoya qilish tizimining shakllanishi, mehnat sohasidagi xalqaro standartlar tushunchasi va ularning inson huquqlarini ta'minlashdagi ahamiyati, mehnat sohasidagi asosiy prinsiplar va huquqlar, xalqaro mehnat normalari yaratilishining xususiyatlari. BMT doirasida mehnat huquqlari himoyasi, XMT doirasida mehnat huquqlari himoyasioid masalalar haqida so'z yuritiladi. Monografiya davlat organlari, sud va huquqni muhofaza qiluvchi idoralar, kasaba uyushmalari xodimlari, tadqiqotchilar, talabalar va keng omma uchun mo'ljallangan.

Oiladagi zo'ravonlik va tazyiqlarning jinoyat-huquqiy, kriminologik va viktimologik jihatlari

Ushbu monografiyada oiladagi jinoiy zo'ravonlik tushunchasi va turlari; oilada zo'rlik ishlatib sodir etiladigan jinoyatlar tushunchasi va turlari; onaning o'z chaqalog'ini qasddan o'ldirish tushunchasi va ijtimoiy xavfliligi, voyaga yetmaganlar jinsiy daxlsizligiga qarshi qaratilgan jinoyatlarning yuridik tahlili va javobgarlik masalasi, oiladagi zo'ravonlikning maishiy sabablari va unga imkon beruvchi shart- sharoitlari; oiladagi zo'ravonlikning oldini olishning umumijtimoiy va individual hamda maxsus oldini olish choralari: oiladagi zo'ravonlikning oldini olish muammolari va unda ta'sir choralarini qo'llash masalalari; oilada zo'ravonlik va tazyiqlarning viktimligining vujudga kelishi; oiladagi zo'ravonlik va tazyiqning viktimologik profilaktikasi; xorijiy davlatlar jinoyat qonunchiligida oilada zo'rlik ishlatib sodir etiladigan jinoyatlarning turlari va javobgarlik masalasi; xorijiy davlatlarida oiladagi zo'ravonliklar holati, xorijiy davlatlar jinoyat qonunchiligida oiladagi zo'ravonliklar uchun javobgarlik masalasi; xorijiy davlatlarda oiladagi zo'ravonliklarning oldini olish masalalari; oilada bolalarga nisbatan ishlatiladigan zo'ravonlikning oldini olishda xorijiy davlatlar tajribasi kabi masalalar bayon etilgan. Monografiya yuridik oliy o'quv yurtlarining bakalavr va magistratura yo'nalishida ta'lim olayotgan talabalar, jinoyat huquqi, kriminologiya bo'yicha mutaxassislar va barcha qiziqqan o'quvchilar uchun mo'ljallangan.

Advokatura institutini takomillashtirish imkoniyatlari

Mazkur monografiya O'zbekiston Respublikasida advokaturaning sud-huquq tizimidagi o'rni, advokatura faoliyatidaga mavjud muammo va kamchiliklar, ushbu sohadagi qonunchilikka kiritilayotgan o'zgarishlar, shu bilan birga sohani kutayotgan yangiliklarga bag'ishlangan. Shuningdek, bir nechta rivojlangan davlatlar tajribasi va advokatura bilan bog'liq qonunchiligi o'rganilgangan holda, ularning ijobiy tajribasini milliy qonunchilikka qo'llash masalalariga atroflicha to'xtalib o'tilgan bo'lib, bu boʻyicha advokatura bilan bog'liq normativ-huquqiy hujjatlarga aniq taklif va tavsiyalar berilgan.

Hodisa sodir bo'lgan joyni ko'zdan kechirishning kriminalistik ta'minoti samaradorligi

Mazkur monografiyada hodisa sodir bo'lgan joyni ko'zdan kechirishning kriminalistik ta'minoti tushunchasi va tuzilishi, maqsadlari va vazifalarining tizimi; hodisa sodir bo'lgan joyni ko'zdan kechirishning texnik-kriminalistik vositalari hamda kriminalistik texnologiyasining tushunchasi va tizimi; hodisa sodir bo'lgan joyni ko'zdan kechirishning kriminalistik ta'minotini amalga oshirishdagi muammolar; hodisa sodir bo'lgan joyni ko'zdan kechirishning kriminalistik ta'minoti vazifalarini hal qilishning tashkiliy-kriminalistik vositalari; xorijiy davlatlar jinoyatchilikka qarshi kurash faoliyatida voqea joyini ko'zdan kechirishning mazmuni va amaliyoti; hodisa sodir bo'lgan joyni ko'zdan kechirishning kriminalistik ta'minoti samaradorligini baholash mezonlari tizimi hamda hodisa sodir bo'lgan joyni ko'zdan kechirishning kriminalistik ta'minoti sifatini nazorat qilish mexanizmlari bilan bog'liq masalalar nazariy va amaliy jihatdan yoritib berilgan. Shuningdek, hodisa sodir bo'lgan joyni ko'zdan kechirishning kriminalistik ta'minoti samaradorligini oshirish yo'llari bo'yicha taklif va tavsiyalar ishlab chiqilgan. Monografiya huquqshunoslik oliy o'quv yurtlarining talaba, tinglovchi va kursantlari, professor-o'qituvchilari, shuningdek, huquqni muhofaza qiluvchi organlar xodimlari tergovchi, surishtiruvchi, tergovga qadar tekshiruvni amalga oshiruvchi organning mansabdor shaxslari uchun mo'ljallangan.

Ота-она ва болалар ўртасидаги шахсий-номулкий муносабатларни ҳуқуқий тартибга солиш

Мазкур монографияда вояга етмаган болаларнинг шахсий номулкий хукуклари тушунчаси, аҳамияти ва бугунги кундаги холати, вояга етмаган болаларнинг шахсий номулкий хукукларининг ривожланиш тенденциялари (тарихий-хукукий тахлил) ва уларнинг турлари, ахборот-коммуникация технологияларнинг ривожланиши шароитида вояга етмаган болаларнинг шахсий-номулкий ҳукукларини химоя килиш муаммолари, боладан алоҳида яшаётган ота (она)ларнинг болаларга нисбатан шахсий номулкий ҳукукларини амалга оширишдаги назарий ва амалий муаммолар тахлили, ота-онанинг болалар олдидаги шахсий номулкий ҳукук ва мажбуриятларининг умумий тавсифи, болаларнинг оилавий-хукукий мажбуриятларини тартибга солишни такомиллаштириш масалалари, ота-оналарнинг болалар олдидаги шахсий номулкий ҳукук ва мажбуриятларини амалга ошириш муаммолари, болаларнинг оилавий тазйик ва зўравонликдан ҳимоя килишнинг назарий, ҳукуқий ва амалий муаммолари, ота-оналик хукукини чекланиши ва ота- оналик хукукидан маҳрум этишнинг назарий ва амалий муаммолари тизимли тахлил этилган бўлиб, сохани такомиллаштириш юзасидан муайян таклиф- мулохазалар билдирилган. Монография илмий ходимлар, тадкикотчилар, соҳа ходимлари, шунингдек ушбу хизмат истеъмолчилари ҳисобланган кенг жамоатчиликка мўлжалланган.

Жиноят процессининг одил судлов функцияси

Ушбу монографияда жиноят процессининг одил сулов функцияси, унинг суд ҳокимияти билан мутаносиблиги, мазкур функциянинг шаклланиши, ўзига хос хусусиятлари ва асосий йўналишлари ҳамда унинг конунийликни таъминлашдаги ўрни билан боғлик масалалар ёритиб берилган. Монография профессор-ўқитувчилар, илмий ходимлар, мустакил изланувчилар, шунингдек, суд органлари фаолияти билан кизикувчи кенг китобхонлар оммаси учун мўлжалланган.

Nogironligi bo'lgan shaxslarning mehnatini huquqiy tartibga solish masalalari

Mamlakatimiz fuqarolarni ijtimoiy himoya qilish bilan bog'liq konstitutsiyaviy huquqlarini amalga oshirish bugungi yangilanayotgan O'zbekistonda amalga oshirilayotgan iqtisodiy, siyosiy va ijtimoiy o'zgarishlar sharoitida yanada muhim ahamiyat kasb etadi. Hozirgi kunda mamalakatimizda bozor munosabatlari tamoyillariga tayanuvchi qat'iy talab tobora kuchayib borayotgan "xodim ish beruvchi munosabatlarida xodim huquqlarining davlat yo'li bilan himoyalash va kafolatlash ehtiyojini kuchaytirmoqda. Shu o'rinda O'zbekiston Respublikasi Prezidenti Sh. Mirziyoyevning Oliy Majlisga murojaatnomasiga yo'llangan qo'yidagi fikrlari diqqatga sazovordir: mamlakatimiz taraqqiyoti va xalqimiz farovonligi birinchi navbatda ijtimoiy sohadagi islohotlarimiz samarasi bilan chambarchas bog'liq. Nogironligi bolgan shaxslar, boquvchisini yoqotganlar, yolg'iz keksalar, umuman, ko'makka muhtoj qatlamlarni qo'llab-quvvatlash, albatta, ustuvor vazifamiz bo'lib qoladi deya ta'kidlaydi.

Дастлабки тергов босқичда шахс ҳуқуқларини таъминлаш масалалари

Мазкур монографияда ишни судга кадар юритишда ўз манфаатини химоя қиладиган шахслар ва химоячининг ҳуқуқлари, конуний манфаатларини таъминлашнинг назарий ва хукукий асослари, уларнинг процессуал-хукукий ҳолати, мазкур соҳадаги ҳуқуқни кўллаш амалиёти ёритилган. Монографияда ишни судга кадар юритишда шахс хукуклари таъминланишини тартибга солувчи жиноят-процессуал конунчилик нормаларини назарий ҳамда амалий жиҳатдан ўрганиш, амалдаги қонунчиликнинг шахс ҳуқуқларини таъминлашдаги хусусиятларини очиб бериш, тегишли қонун ҳужжатлари нормаларини такомиллаштириш, терговга кадар текширув, суриштирув ва дастлабки тергов жараёнида шахс ҳукукларини таъминлаш самарадорлигини оширишга каратилган тавсиялар берилган. Ўзбекистон Республикасида дастлабки тергов институтининг аҳамияти, моҳияти, унинг ҳуқуқий асосларини ўрганиш, дастлабки тергов умумий шартларининг ҳар бирини алоҳида тадкик этиш, дастлабки тергов органлари фаолиятини янада такомиллаштириш юзасидан илмий тавсия, таклиф ва фикр-мулоҳазаларни баён этиш тадқиқотнинг асосий мақсади ва вазифаси ҳисобланади. Ушбу монография ҳукукни муҳофаза қилувчи органлар ходимлари, ўқитувчилар, изланувчилар, юридик ўқув юртларининг талабалари, магистрантлари, ИИВ олий таълим муассасаларининг тингловчи ва курсантлари ҳамда бошқа китобхонлар учун мўлжалланган.

Тадбиркорлик субъектларини солиқ органларининг қонунга хилоф ҳаракатларидан фуқаролик - ҳуқуқий ҳимоя қилиш

Мазкур монографияда тадбиркорлик субъектларини давлат солик органларининг қонунга хилоф ҳаракатларидан фуқаролик-ҳуқуқий ҳимоя килиш тушунчаси, қонунчилик асослари ва тамойиллари, солик органларининг қонун ҳужжатларига мувофиқ бўлмаган ҳужжатни ҳужжатини ҳақиқий эмас деб топиш, мансабдор шахсларининг ҳаракати (ҳаракатсизлиги)ни қонунга хилоф деб топиш тартиби, солиқ органларининг қонунга хилоф ҳаракатлари ҳамда қонун ҳужжатларига мувофиқ бўлмаган ҳужжатни қабул қилганлиги учун фукаролик-ҳуқуқий жавобгарликни қўллашга оид масалалар тегишли ҳуқуқий асослар ва илмий манбаларни ўрганиш ва таҳлил этиш асосида ёритиб берилган. Ушбу китоб ҳуқуқшунослик йўналишидаги профессор-ўқитувчилар, катта илмий ходим-изланувчилар, бакалавриат ва магистратура талабалари, суд амалиёти ходимлари ва ушбу масалаларга қизиқувчи кенг жамоатчилик учун мўлжалланган.

Тезкор-қидирув фаолияти ва унинг ҳуқуқий асослари

Тезкор-қидирув фаолияти бўйича монография тезкор-қидирув фаолиятининг ҳуқуқий асоси, махфий бўлмаган коидаларини ўз ичига олади. Монографияда замонавий тезкор-қидирув назариясининг шаклланиши ва ривожланишига катта ҳисса қўшган олимларнинг фундаментал асарларидан фойдаланилган. Монографияда тезкор-қидирув фаолияти тушунчаси, максадлари ва вазифалари, принциплари, мазмун-моҳияти ва турлари ёритиб берилган. Шунингдек, монографияда тезкор-қидирув фаолияти натижаларидан жиноят процессида фойдаланишнинг меъёрий ва назарий асослари ўрганиб чикилган. Тезкор-қидирув тадбирларини ўтказиш, ҳужжатлаштириш ва улардан жиноят процессида фойдаланиш тартиби батафсил кўриб чиқилган. Монография "Хукукни муҳофаза қилиш", "Юриспруденция" (бакалавр, магистрантлар) мутахассисликлари бўйича таҳсил олаётган талабалар, докторантлар, ўкитувчилар, шунингдек, хукукни муҳофаза килиш идораларининг курсантлари, тингловчилари ва тезкор-қидирув фаолияти ва жиноят-процессуал фаолият амалиётчилари учун мўлжалланган.

Иқтисодий судларда халқаро ҳуқуқ ва чет эл хуқуқи нормаларини қўллашнинг ўзига хос хусусиятлари

Монографияда хукукни қўллаш амалиётида халқаро хукук ва чет эл хукуки нормаларини қўллаш билан боғлик хукукий муносабатлар тизими тадкик этилиб, иктисодий судларда халкаро ҳукук ва чет эл хукуки нормаларини кўллашга доир илмий-амалий муаммолар, миллий конунчилик ва хукукни қўллаш амалиёти, халкаро-хукукий хужжатлар, хорижий мамлакатлар конунчилиги, илмий назарий карашлар ва хукукий категориялар тахлил килинган.

Ҳукумат фаолиятининг ташкилий-ҳуқуқий асослари

Ушбу монографияда хукумат фаолиятининг ташкилий-ҳукукий асосларига оид назарий ва амалий муаммоларни тадкик килиш асосий вазифа сифатида белгилаб олинган. Монографияда Ўзбекистон Республикаси ҳукумати конституциявий-хукукий асосларининг ривожланиши, ҳукуматнинг давлат хокимияти органлари тизимида тутган ўрни, унинг шаклланиш тартиби ва фаолиятининг асосий йўналишлари илмий тадкик килинган. Шунингдек, хукуматнинг давлат ҳокимияти бошка органлари билан хукукий муносабатлари тахлил этилиб, ушбу жараёнларни тартибга солувчи хукукий асосларни такомиллаштиришга қаратилган таклиф ва тавсиялар ишлаб чикилган. Монография соха мутахассислари ва китобхонлар кенг оммаси учун мўлжалланган.

Jinoyat ishlari yurituvini insonparvarlashtirish masalalari

Mazkur monografiyada jinoyat ishlari yurituvini sudga qadar va sud bosqichida insonparvarlashtirish va alohida toifadagi jinoyat ishlari yurituvini insonparvarlashtirishga oid qonun normalarining rivojlanishi masalalari tarixiy-xuquqiy, nazariy-ilmiy jihatdan yoritilgan. Monografiya huquqshunoslik ixtisosligi bo'yicha tahsil olayotgan bakalavrlar, magistrlar hamda huquqiy tadqiqotlar olib borayotgan izlanuvchilar hamda professor-o'qituvchilar uchun mo'ljallangan.

Nemis-o'zbek tillari yuridik terminlarining leksikografik tadqiqi

Fermer xo'jaliklarning yerdan foydalanishining huquqiy tartibi

Yengillashtiruvchi tarkibli qasddan odam o'ldirish jinoyatlarini kvalifikatsiya qilish muammolari

Ushbu monografiyada affekt (kuchli ruhiy hayajonlanish) holatida qasddan odam o'ldirishni kvalifikatsiya qilishda inobatga olinadigan holatlar; Onaning o'z chaqalog'ini qasddan o'ldirishini kvalifikatsiya qilishning o'ziga xos xususiyatlari; Zaruriy mudofaa chegarasidan chetga chiqib, qasddan odam o'ldirishni kvalifikatsiya qilisi; Ijtimoiy xavfli qilmish sodir etgan shaxsni ushlashning zarur choralari chegarasidan chetga chiqib, qasddan odam o'ldirishni kvalifikatsiya qilish: Ayrim xorijiy davlatlar Jinoyat kodekslarida javobgarlikni yengillashtiruvchi holatlarda qasddan odam o'ldirish uchun javobgarlikning xususiyatlari; Javobgarlikni yengillashtiruvchi holatlarda qasddan odam o'ldirishga oid Jinoyat kodeksi normalarini takomillashtirish istiqbollariga doir masalalar bayon etilgan. Ushbu monografiya oliy o'quv yurtlari talabalari, doktorantlar, mustaqil izlanuvchilar, ilmiy xodimlar hamda huquqni muhofaza qiluvchi organ xodimlari uchun mo'ljallangan.