-
-
-
-
-
-
-
-
-
-
-
Ta'lim, -
-
-
-
-
-
-
Bolalik xotiralarim
Oybek,Atoqli o'zbek yozuvchisi Muso Toshmuhammad o'g'li Oybek turfa voqealarga boy, mashaqqatli va ayni paytda ajo- yib xayot yo'lini bosib o'tgan. Qo'lingizdagi «Bolalik xotirala- rim kitobida u ana shu yo'lning 1917 1918 yillarga qadar bo'lgan qismi bilan siz hurmatli kitobxonlarni tanishtiradi. Oybek singari ulug' allomalarniig bolalik va yoshlik kezla- ri ularning ko'cha changitib yurgan oddiy boladan xalqning mutafakkir siymolaridan biriga aylanishi, ayniqsa, yosh av- lodlar uchun hamisha maroqli va ibratlidir.
-
Temur tuzuklari
Ko'ragon Amir Temur,"Temur tuzuklari" ("Tuzuki Temuriy") "Malfuzoti Temuriy", "Voqeoti Temuriy" nomlari bilan ham atab kelingan. Ushbu asar fransuz, ingliz, urdu, rus va eski o'zbek tillarida chop qilingan. U pod- shohlarning saltanatni boshqarish tuzuklari (qonun-qoidalari), harbiy amaliyotlari tartibi, turish-turmushlari va odob-axloq normalarini bel- gilab beruvchi asardir. Asarda jahongir Amir Temurning buyuk davlat arbobi va sarkardaligiga oid eng muhim voqealar, sarkardalik mahorati, taxt vorislariga pand-nasihatlari ixcham bayon etilgan. O'quvchi Amir Temur davri va o'sha davr ijtimoiy-siyosiy hayoti haqida to'laqonli tushunchaga ega bo'libgina qolmay, qimmatli ma'lumotlardan ham xabardor bo'ladi.
-
Kecha va Kunduz
Cho'lpon,„Kecha va Kunduz" XX asr o'zbek realistik adabiyotining yetuk namunasi. Asarda o'zbek xalqining o'tmishdagi eng og'ir damlari qalamga olingan. Zero, inson qismatiga befarqlik bi- lan qarashday zulm dunyoda yo'q. Cho'lpon mana shu zulmga qarshi kurashdi. Zebi obrazi orqali insonning yetuk yaratiq ekanligini, u eng go'zal qismatga munosib ekanligini ko'rsatib berdi.
-
Mashaqqatlar osha yulduzlar sari
Yo'ldoshev A.,Ushbu to'plamdan yozuvchi Abduqayum Yo'ldoshevning turli yillarda yozgan rang-barang mavzulardagi hikoyalari o'rin olgan. E'tiborli tomoni shundaki, barcha hikoyalarni o'zaro bog'lab tur- gan bir jihat bor. Bu ham bo'lsa asarlardagi aksariyat yosh qahra- monlarning o'z hayotlarida arzirli yangilanishlar, o'zgarishlar, isti- lohlar qilishga urinishlari, o'zliklarini yaratish istagida jon-jahdlari bilan kurashishlaridir. To'g'ri, jarayon oson kechmaydi, aksar holat- larda yutuqdan ko'ra muvaffaqiyatsizlik, g'alabadan ko'ra mag'lubi- yat kutib turadi qahramonlarni. Ammo na iloj, buni hayot deydilar. Muhimi, insonning oldinga intilib yashashi, o'zini anglash harakati, mag'lubiyatlardan to'g'ri saboq chiqara bilish salohiyatidir.
-
Qo'shchinor chiroqlari
Qahhor A.,Atoqli adibimiz Abdulla Qahhorning bizga qoldirgan badiiy merosi bugungi kunda ham o'z ahamiyatini yo'qotmagan. Uning cho'ng va zargarlik bilan yaratilgan har bir asarida boqiy haqiqat muhri va shukuhi bor. Bunday zalvorli asarlar, shak-shubhasiz, yosh avlod ong-u tafakkurini boyitishda ma'naviy kuch-qudratga ega bebaho merosdir. Yozuvchining o'zbek adabiyoti va madaniyati rivojiga qo'shgan ulkan hissasi e'zoz bilan tilga olinmoqda. Uning hikoya va romanlari bugungi kunda ham o'z ahamiyatini aslo yo'qotmagan. Abdulla Qahhor va uning ijodi haqida Abdulla Oripov: "Adabiyotimiz tarixida betakror siymolardan biri Abdulla Qahhordir. Bu zot adabiyotga kirib kelgan damlaridanoq so'z sehrgari sifatida e'tirof etilgandi. Abdulla Qahhor jahon adabiyotida ham eng taniqli yozuvchilar safida turadi", degan bo'lsa, Ozod Sharafiddinov: "Abdulla Qahhor - ulug' inson va ulug' ijodkor edi. Shuning uchun hozirga qadar men o'zimni uning shogirdiman deb atashga istihola qilaman. Negaki, uning shogirdi boʻlish shu qadar sharafliki, bu sharafga biz loyiqmizmi-yo'qmi, Xudo biladi. Biz, ya'ni shogirdlari unga har qancha yaqin bo'lmaylik, orasida hamisha muayyan masofa bo'lardi", - deya ulug'lagan. Qo'lingizdagi ushbu kitobdan o'rin olgan "Qo'shchinor hiroqlari" romani Abdulla Qahhorning yana bir san'at asari sifatida ruksak baholangan. Asarda, xalqimizning qishloq xo'jaligini jamoalashtirish davridagi hayoti yoritiladi. Shuningdek, har qanday buyuk asarlarda bo'lganidek, bu romanda sevgi-muhabbat, do'stlik, Vatanga sadoqat, iymon-e'tiqod, mehnatkashlik, onaga mehr-muhabbat ulug'langan.
-
Oshkora qotillik qissasi
Markes G.G,„Oshkora qotillik qissasi" kitobida siz bir-biriga o'xshamagan, turfa xil insonlarning taqdiri bilan tanishasiz. Yozuvchi turmush va hayotning nozik, ko'z ilg'amas jihatlarini mahorat bilan tasvirlaydi. Asarda ko'pchilik qotillikni ro'y berishini, qotillarning maqsadini aniq bilsa-da, lekin hech kim qurbonni qutqara olmaydi. Nima uchun yoshgina yigit halok bo'ladi? Sallohlar nima maqsadda qo'llarini qonga bo'yadilar? Bu savollarga javobni ushbu asardan olasiz... Shuningdek, ushbu to'plamdan adibning bir qator sara hikoyalari o'rin olgan.
-
Чўқинтирилган ота ёхуд мафия сардори
Пьюзо М.,Марио Пьюзонинг мазкур асари миллион йиллардан бери одамлар ўртасида давом этиб келаётган иллатлар, бир-бирини кўролмаслик, чексиз бойликка бўлган ҳирс, адоват кабиларни рўй-рост ифодалаб бергани, шунингдек, америкалик ва сицилиялик мафиячиларнинг кирдикорларини тўла-тўкис очиб бергани билан дунё миқёсида оммалашиб кетган.
-
Рақамли қалъа
Браун Д.,Қўлингиздаги китоб замонавий жаҳон адабиётининг энг машҳур ёзувчиларидан бири, бутун дунё бўйлаб 300 милли- ондан ортик нусхада китоб сотган Ден Брауннинг "Рақамли калъа" романидир. Ушбу роман Ден Брауннинг илк романи бўлиб, бу асари билан ёзувчи дунёга машҳур бўлиб кетади. Бугунги кунда Ден Браун "New York Times" нашри томонидан бир неча бор дунёнинг энг машҳур 100 инсони сифатида эътироф этилган. Унинг асарлари бестселлерлар рўйхатида биринчи ўринларни эгаллаб келмокда. Ден Браун дунёда энг кўп даромад қиладиган ёзувчилардан бири ҳисобланади. <<Ракамли қалъа» романи 1998-йилда ёзилган. Ёзувчи асарининг ёзилишига ҳаётда ўзи гувох бўлган вокеалар сабаб бўлади.
-
Yuridik xizmat: nazariya va amaliyot uyg'unligi
Narziyev O.S.,Ushbu o'quv qo'llanma so'nggi yillarda mamlakatimizda aholining huquqiy ongi va madaniyatini oshirish, davlat organlari va tadbirkorlik subyektlari faoliyatida adolat hamda qonun ustuvorligini, fuqarolarning huquq va erkinliklarini ta'minlashga qaratilgan tizimli islohotlarga mos tarzda yuridik xizmat sohasida tayyorlanayotgan kadrlarning bilimi, malakasi va saviyasini oshirishda qo'llash maqsadida tayyorlangan. O'quv qo'llanma yuridik xizmat xodimlari faoliyatiga oid nazariy masalalar; xorij va milliy tajribadan kelib chiqqan holda amaliy maslahatlar; yurist faoliyatida zarur bo'lgan huquqiy hujjatlarning namunalari; sohaga oid asosiy normativ-huquqiy hujjatlar tahlillari; har bir mavzuga oid kazuslar, mantiqiy savollar va testlar hamda foydalanilgan va tavsiya etiladigan adabiyotlar ro'yxati kabi ham nazariy, ham amaliy jihatdan foydali ma'lumotlardan iborat tarzda tuzilgan.
-
BMT xalqaro sudi
Miruktamova F.L,Mazkur o'quv qo'llanma BMT Xalqaro sudi huquqiy maqomi, faoliyati, yurisdiksiyasi bilan bog'liq masalalar va ishlash mexanizmiga doir ma'lumotlarni aks ettiradi. O'quv qo'llanmada BMT Xalqaro sudida davlatlar o'rtasidagi nizoli ishlar bo'yicha sud ishini yuritish, sudning konsultativ xulosalar berish taomili bo'yicha faoliyatiga doir batafsil ma'lumotlarni olish mumkin. O'quv qo'llanma oliy yuridik ta'lim talabalari, magistrantlari va xalqaro huquq sohasiga qiziquvchi keng kitobxonlar ommasi uchun mo'ljallangan.
-
Sharhlash hujjatlarning yuridik texnikasi
Mazkur o'quv qo'llanma sharhlash hujjatlarining yuridik-texnik qoidalarini batafsil tahlil etadi. O'quv qo'llanmada yuridik hujjat tushunchasi, yuridik hujjat turlari, huquq normalarini sharhlashning nazariy tavsifi, huquq normalarini sharhlashda qo'llanadigan usullar, huquq normalarini sharhlash turlari, huquq normalariga rasmiy sharh berishning mantiq, til, rasmiy rekvizit va tartib-taomil qoidalari, O'zbekiston Respublikasining Konstitutsiyaviy sudi tomonidan legal sharhlash, kazual sharhlash hujjatlari tushuntirib beriladi. Mazkur o'quv qo'llanma yurisprudensiya ta'lim yo'nalishida tahsil olayotgan bakalavriat bosqichi talabalari uchun uchun mo'ljallangan.
-
Intellektual mulkka qarshi jinoyatlarni kvalifikatsiya qilish
Xoliqov F.U. Otaboyev B.I,Ushbu o'quv qo'llanmada mualliflik yoki ixtirochilik huquqida huquqbuzarlik va jinoiy javobgarlik tuchunchasi, kelib chiqish sabablari, ushbu sohadagi huquqbuzarliklarning tasnifi, uning turlariga to'xtalib o'tilgan. Shuningdek, mualliflik yoki ixtirochilik huquqlarini buzishning jinoyat-huquqiy va kriminologik jihatlariga umumiy tavsif berilgan. Ushbu jihatlar nazariy va huquqiy tomondan kompleks tarzda o'rganilib, yuridik tahlil qilingan.
-
Ijara shartnomasi
Imomov N.F. Ibrohimov A.A.,Mazkur o'quv qo'llanma ijara shartnomasiga bag'ishlangan boʻlib, unda ijara shartnomasining ahamiyati va mazmuni, ijara obyekti, ijara shartnomasining shakli va amal qilishi, ijara obyektini ijaraga oluvchiga topshirish, ijaraga berilgan mol-mulkdan foydalanish, ijara obyektini soz holatda saqlash va uni yaxshilash, ijara shartnomasini bekor qilish va ijara shartnomasining alohida turlari batafsil yoritilgan bo'lib, yuridik fakultet talabalari va izlanuvchilarga mo'ljallangan.
-
Shaxsga qarshi jinoyatlarni kvalifikatsiya qilish
Xolikov F.U. Otaboyev B.I.,Mazkur o'quv qo'llanmada shaxsga qarshi jinoyatlarni kvalifikatsiya qilishning zamonaviy xususiyatlari bilan bog'liq masalalarini tartibga soluvchi Jinoyat kodeksi, uning tegishli moddalarini to'g'ri qo'llash, milliy jinoyat qonunchiligi va ilg'or xorijiy tajribasi, shuningdek, jinoyat-huquqiy qarashlarning konseptual jihatlari, tergov va sud amaliyotidagi muammolar ilmiy tahlil qilingan. Bundan tashqari, shaxsga qarshi jinoyatlarni kvalifikatsiya qilishning algoritmi ilmiy tomondan o'rganildi va mazkur sohada sodir etilgan jinoyatlarni ochish va tergov qilishga oid tegishli algoritmni takomillashtirish bo'yicha mulohazalar bayon etilgan. O'quv qo'llanma "Jinoyat huquqi" ta'lim yo'nalishi bo'yicha oliy va o'rta maxsus o'quv yurtlari talabalari, doktorantlar, mustaqil izlanuvchilar, ilmiy xodimlar hamda huquqni muhofaza qiluvchi organ xodimlari uchun mo'ljallangan.
-
Yuridik ta'limda innovatsion texnologiyalar
Gulyamova G.,Mazkur o'quv qo'llanma yuridik fanlarni o'qitish xususiyatlari, o'qitish jarayoni va uning bosqichlari darslarini samarali o'tkazish asoslari, ularni talab darajasida olib borish, mavzular yuzasidan mashg'ulotlarni to'g'ri tashkil qila olish, zamonaviy interaktiv metod va vositalarni o'rinli qo'llash, eng asosiysi, dars jarayonida o'qitish va tarbiyaning uzviy bog'liqligini ta'minlash, muammoli o'qitish, usullarini o'rgatishga alohida e'tibor qaratadi. Shuningdek, magistratura talabalariga pedagogik mahorat talablari, mustaqil ta'limni tashkil qilish metodikasi, mutaxassislik fanlarini o'qitishda pedagogik kompetentlik va kreativlik, hamkorlik pedagogikasi usullari tushuntiriladi.
-
Ma'muriy sud ish yurituvi
Zoilboyev J.K,Ushbu o'quv qo'llanmada O'zbekiston Respublikasida mavjud ma'muriy sudlarning faoliyatini tartibga soluvchi qonunchilik normalari tahlil qilingan. Shuningdek, amaliy misollar bilan O'zbekiston Respublikasining Ma'muriy sud ishlarini yuritish to'g'risidagi kodeksi normalari sharhlangan. Unda nafaqat ma'muriy sud ishlarini yuritish to'g'risidagi qonunchilik normalari, balki boshqa qonunchilik normalari ham qiyosiy tahlil qilingan. O'quv qo'llanmada bob yuzasidan asosiy fikrlar, nazariy savollar, testlar, sud hujjatidan namunalar keltirilgan, shu bilan birga, ma'lumotlarni tushunishni osonlashtiruvchi vaziyat va misollar shakllantirilgan.
-
Bezorilikning oldini olish
Karaketova D.Y,Ushbu o'quv qo'llanma bezorilikning oldini olish bilan bog'liq masalalarga bag'ishlangan bo'lib, unda bezori shaxsi, uning turmush tarzi va xulq- atvorining o'ziga xos xususiyatlari, bezorilik jinoyatining sabablari va unga imkon bergan shart-sharoitlar, bezorilikning oldini olish turlari o'rganilgan. Bezori shaxsning kriminologik tavsifi (ijtimoiy-demografik, jinoyat-huquqiy va ma'naviy-ruhiy belgilari) nafaqat bezori shaxsi mohiyatini ochib berish, balki bu boradagi mavjud muammo va kamchiliklarni aniqlash imkonini ham beradi. Bu esa, o'z navbatida, bezorilik jinoyatini sodir etgan shaxslarga nisbatan ta'sirchan profilaktik chora-tadbirlarni ishlab chiqishga zamin yaratadi.
-
Ўзбекистон конституцияси тарихи
Саидов А.,Ўзбекистон Республикасининг конституцияси мустақиллик йилларида ижтимоий - хаётнинг барча соҳаларида босқичма - босқич ва тизимли равишда амалга оширилаётган кенг қамровли демократик ислоҳотларнинг мустаҳкам юридик манбаи ҳамда асосий ҳуқуқий кафолатидир.Шу маънода, Конституциянинг яратилиши тарихини атрофлича ўрганиш, бу муҳим ҳуқуқий хужжатнинг мазмун - мохиятини чуқур талқин ва таҳлил этиш мустақил Ўзбекистонинг энг янги тарихини ўқиб - ўрганишнинг таркибий қисми сифатида алоҳда аҳамият касб этади. Чунки, аслида ҳам, Ўзбекистон Конституциясининг ишлаб чиқилиши, қабул қилиниши ва ривожлантирилиши жараёнлари мамлакат мустақиллик тарихининг бевосита бир узвий қисмидир.
-
Меҳробдан чаён
Қодирий А.,Анвар ва Раъно ... улар хақида адабиёт ихлосмандлари яхши билишади. Болалигидан тиришқоқ ва закийлиги, нозиктаъблиги билан атрофдагилар эътиборига тушган Анвар юқори мартабага ҳам эрта эришади. “Жасур қиз” таърифини олган Раъно ҳақида ҳам мактаб дарсликларида илк тасаввурларига эга бўлганмиз. Замонасининг зулми ёхуд зайли қурбонига айланмай, ўзининг шижоати билан муҳаббати ва келажаги йўлидаги ҳаракати, айтиш жоиз бўлса, таҳсинга сазоводир.Йиллар ошган мазкур асар ҳар гал ўқувчини қайсидир жиҳати билан сергаклантиради. Даврнинг жирканч муҳити, амалпарастлик, турмуш икир – чикирлари ва ниҳоят гўзал муҳаббат тавсифларига бой ушбу асарнинг бугунги кунгача ардоқда эканлиги тасодиф эмас, албатта...
-
Диёри бакр
Қодирий А.,Абдулла Қодирий ўз ижоди, яъни кетма – кет ёзилган икки забардаст асари билан ўзбек адабиётида янги жанр – романчиликка асос солган. Шу билан бирга, айни ўзи яшаган давр ва турмуш тарзига фаол муносабатда бўлиб, ўша давр матбуотида қатор тахаллуслар билан чиқишлар қилган. Эътиборингизга ҳавола этилаётган мазкур тўпламдан ўрин олган кичик мақола ва ҳикоячаларда Қодирийнинг ички дунёси, холис сўзи, журъати ва инсоний бурчи кабилар акс этадики, буни зийрак китобхон сатрлардаги ёзувчининг қалб оғриқлари орқали ҳис қилади. Давр ва турмуш талаби, бу жараёнда инсон эҳтиёжи, қарашлари ҳамда манфаати қай даражада эканлигини айнан ушбу, айтиш мумкин бўлса, даҳо ижодкорнинг кичик асарлари асосида кузатишимиз мумкин. Дарвоқе, буюк ёзувчининг кичик асари ҳам бадиий адабиёт, деб аталишга муносиб. Шундай экан, Абдулла Қодирийнинг яна бир асари – “Диёри бакр” мутолааси ҳам ўқувчиларни катта асарлари сингари ҳаёжону тафаккур сари етаклашига умидвормиз.