-
-
-
-
-
-
-
Huquqshunoslik, -
-
-
-
-
-
юриспруденция, -
-
-
-
-
-
-
-
Abdulla Qodiriy
Abdulla Qodiriy,XX asr o'zbek adabiyotining mumtoz namoyandasi, iste'dodli adib Abdulla Qodiriy o'zbek romanchilik maktabining asoschisi sanaladi. Uning asarlari o'zbekning har bir xonadoniga kirib bordi, har bir o'zbek kitobxonining sevimli asarlari qatoridan o'rin oldi. Abdulla Qodiriyning nomi asarlari bilan birga jahonga tanildi. Shu e'tibordan Bahodir Karimovning mazkur risolasida yozuvchining hayoti, ijodi, romanlari, satirik asarlari tahlili va qodiriyshunoslik xususida ma'lumot beriladi. Shu bilan birga, kitobdan adibning hikmatli so'zlari hamda boshqalar tomonidan e'tirof etilishi ham o'rin olgan. Risola keng o'quvchilar ommasiga mo'ljallangan.
-
Abdulla Avloniy
Abdulla Avloniy,Abdulla Avloniy - Milliy uyg'onish davri o'zbek adabiyotining yirik vakili. Bu davr adabiyotining biror-bir qirrasi yo'qki, Avloniy ijodida bo'y ko'rsatmagan bo'lsa: millatni uyg'otishga va milliy ozodlikka chaqiruvchi she'rlarini deysizmi, teatr sohasidagi faoliyatini hamda dramatik asarlarini sanaysizmi, yangi avlod tarbiyasiga bag'ishlangan pedagogik asarlarini ayta- sizmi, milliy matbuotni oyoqqa turg'izishdagi sa'y-harakatlari yoxud shu matbuot sahifalarida bosilgan publisistik maqolalarini olasizmi bular- - ning barchasi bizga Abdulla Avloniy shaxsiyatini millat taraqqiyoti yo'lida fidoyilarcha xizmat qilgan ulkan mutafakkir sifatida namoyon etadi. Ushbu risolada shoir ijodining mana shunday muhim qirralarini qamrab olishga harakat qilindi. Risola keng kitobxonlar ommasi uchun mo'ljallangan.
-
Muhammadxo'ja Behbudiy
Muhammadxo'ja Behbudiy,Mahmudxo'ja Behbudiy jadidchilik harakatining yirik namo- yandasi, oʻlka jadidlarining yetakchisidir. U pedagogika, jurnalis- tika, matbaachilik, noshirlik, siyosat, tijorat va boshqa qator ishlar bilan shug'ullangan. Bundan tashqari, Behbudiy yangi o'zbek adabiyotining shakllanishi va rivojiga ham o'z hissasini qo'shdi. Ushbu risolada ma'rifatparvarning hayot yo'li, faoliyati, jadidchilik harakatining yirik vakillari bilan munosabati, ijodidan ayrim asarlari tahlilga tortilgan. Risola keng kitobxonlar ommasi uchun moʻljallangan.
-
Abdulhamid Cho'lpon
Abdulhamid Cho'lpon,XX asr o'zbek adabiyotidagi ayrim yangilanishlar Cho'lpon faoliyati bilan bog'liq. Adabiyotshunos Dilmurod Quronovning ushbu risolasida otashin shoir, iste'dodli adib Abdulhamid Cho'l- ponning hayoti va ijodi, xususan, she'riyati hamda nasriy asarlari muhokama qilinadi. Risola keng kitobxonlar ommasi uchun mo'ljallangan.
-
Ўтмишдан келган адолатли нидолар
mualliflar jamoasi,Ушбу китоб мустақиллигимизнинг дастлабки йилларидан бошлаб Ўзбекистон Республикаси давлат архивидан, Ўзбекистон миллий архивидан, Республика Президенти архивидан, Респуб- лика Давлат хавфсизлик хизмати архивларидан ва бошқа тегиш- ли мутасадди идоралари ҳамда муассасалардан олинган тари- хий хужжатлар асосида нашрга тайёрланган. Шунингдек, китобни тайёрлашда Ўзбекистон Фанлар акаде- миясининг ҳақиқий аъзоси, филология фанлари доктори, про- фессор, Ўзбекистон Республикаси фан арбоби, Беруний номида- ги Ўзбекистон давлат мукофоти лауреати Наим Каримов, таниқ- ли тарихчи олимлар Рустамбек Шамсиддинов, Бахтиёр Ҳасанов, Баҳром Ирзаев, Бахтиёр Расулов, Музраф Абдуллаев, Сирожид- дин Аҳмедов, Соибжон Ҳошимовлар томонидан юқорида кўрса- тиб ўтилган архивлардан олинган тарихий ҳужжатлар асосида ёзилган манбалардан фойдаланилган.
-
Фуқаролик процессуал ҳуқуқи
Муаллифлар жамоаси,Ушбу дарслик Давлат таълим стандарти асосида тузилган "Фукаролик процессуал хукуки" фани дастурига мувофиқ ҳамда шахсга йўналтирилган, ривожлантирувчи ва мустакил таълим олиш технологиялари, тамойиллари ва талаблари асосида тайёрланган. Дарсликда фукаролик процессуал хукукига оид барча масалалар батафсил куриб чикилади. Мазкур дарслик нафакат малака ошириш ва олий укув юрти тингловчи ва талабалари учун, балки прокуратура ходимлари, фукаролик ишлари бўйича судларнинг судьялари, адвокатлар, шунингдек кенг китобхонлар оммаси учун ҳам мўлжалланган. Дарсликдан фуқаролик процессуал хукуки; иктисодий процессуал хукуки; хакамлик жараёни ва медиация ихтисослиги доирасида илмий тадкикот ишларини олиб бораётган докторант ва мустақил изланувчилари фойдаланиши мумкин. Дарслик Тошкент давлат юридик университетида бажарилаётган "Суд қарорларини мажбурий ижро этиш механизмини янада такомиллаштириш масалалари (фукаролик, иктисодий, маъмурий ва жиноят ишлари мисолида) мавзусидаги ПЗ-20170927453- ракамли амалий грант тадкикоти маблағлари хисобидан чоп этилмокда.
-
Jinoyatlarni kvalifikatsiya qilish muommolari
Salayev S.N, Niyozova S.S,Ushbu darslikda jinoyatlarni kvalifikatsiya qilish tushunchasi, turlari va bosqichlari; jinoyatlarni kvalifikatsiya qilishda jinoyat qonuni normalarini sharhlash; jinoyat qonunining hudud, shaxslar doirasi va vaqt bo'yicha amal qilishi qoidalarining jinoyatlarni kvalifikatsiya qilishdagi o'rni va ahamiyati; jinoyat qonuni hamda Oliy Sud Plenumi qarorlari qoidalarining jinoyatlarni kvalifikatsiya qilishdagi o'rni va ahamiyati; jinoyat tarkibi jinoyatlarni kvalifikatsiya qilishning asosi sifatida ekanligi; jinoyat tarkibining obyektiv va subyektiv belgilariga ko'ra jinoyatlarni kvalifikatsiya qilish; dastlabki jinoiy faoliyatning kvalifikatsiyasi; ishtirokchilikda sodir etilgan jinoyatlarni kvalifikatsiya qilish; xato va uning jinoiy-huquqiy ahamiyati; normalar raqobati mavjud bo'lganda, qilmishni kvalifikatsiya qilishga doir masalalar bayon etilgan. Mazkur darslik oliy va o'rta maxsus o'quv yurti talabalari, doktorantlar, mustaqil izlanuvchilar, ilmiy xodimlar, jamoat birlashmalari hamda huquqni muhofaza qiluvchi organ xodimlari uchun mo'ljallangan.
-
Jinoyat protsessi prinsiplari
Jo'rayev I.B,Mazkur o'quv qo'llanma jinoyat ishlarini yuritish jarayonida jinoyat protsessi prinsiplari, uning tushunchasi, turlari, huquqiy tabiati va mohiyati, jinoyat protsessining turli bosqichlarida sudgacha bo'lgan va sud bosqichlarida jinoyat ishlarini ko'rib chiqish jarayonida jinoyat protsessi prinsiplariga amal qilish va uning o'ziga xos xususiyatlari bilan bog'liq masalalarga bag'ishlangan. Ushbu o'quv qo'llanma professor-o'qituvchilar, xodimlar, ilmiy tadqiqotchilar, talabalar, tinglovchilar, kursantlar, shuningdek, tergovchilar, prokurorlar va sudyalar uchun mo'ljallangan.
-
Fuqarolik jamiyati
Djumaniyazova D.K,Yuridik sohadagi tarkibiy islohotlarni yanada chuqurlashtirish, ular- ning ko'lamini kengaytirish, shuningdek, talabalarning bilimini yanada chuqurlashtirish hamda mamlakatimizda ilm-fan taraqqiyotiga xizmat qiladigan yuqori malakali kadrlarni tayyorlashda Fuqarolik jamiyati fanini chuqurroq o'rganish muhim ahamiyat kasb etadi. Talabalarga fuqarolik jamiyatining shakllanish va rivojlanish jarayonida olib borilayotgan islohotlar, ularni amalga oshirish strategiyasining 3 mazmun-mohiyati fuqarolik jamiyatida inson, davlat va jamiyatning o'zaro munosabati, mamlakatni demokratlashtirish va modernizatsiyalashning asosiy tamoyillari, fuqarolik jamiyatini shakllantirish va rivojlantirishda O'zbekistonning o'ziga xos xususiyatlari to'g'risida chuqur bilim berish orqali ularda faol fuqarolik pozitsiyasi va mas'uliyatini shakllantirishdan iborat. O'quv qo'llanma bakalavriat ta'lim yo'nalishi talabalari uchun mo'ljallangan bo'lib, undan fuqarolik jamiyati moduliga oid mavzular bo'yicha ma'ruza va amaliy mashg'ulotlarda foydalanish mumkin.
-
Falsafa
Nosirxodjayeva G.A,Mazkur o'quv qo'llanma TDYU Davlat va jamiyat boshqaruvi ta'lim yo'nalishi bakalavr talabalari uchun zamonaviy fan yutuqlariga asoslangan falsafiy bilimlar majmuidan iborat bo'lib, talabalar va keng kitobxonlar ommasiga mo'ljallangan.
-
Kriminologiya
Niyozova S.S, Salayev S.N.,Mazkur darslikda kriminologiya tushunchasi, predmeti va tizimi hamda metodi; jinoyatchilik tushunchasi, uning tarkibi va latent jinoyatchilik; jinoyatchilik sabablari va unga imkon beruvchi shart-sharoitlar; jinoyatchi shaxsi tushunchasi, uning tuzilishi va kriminologik tavsifi; jinoyatchilikning oldini olish tushunchasi va turlari; jinoyatchilikning oldini olish subyektlari hamda jinoyatchilikka qarshi kurashishda xalqaro hamkorlik kabi masalalar bayon etilgan. Ushbu darslik oliy va o'rta maxsus o'quv yurtlari talabalari, doktorantlar, mustaqil izlanuvchilar, ilmiy xodimlar hamda huquqni muhofaza qiluvchi organ xodimlari uchun mo'ljallangan.
-
Jahon savdo tashkiloti huquqi
Almosova Sh.S,Jahon Savdo Tashkiloti huquqi fanini o'zlashtirish bo'yicha yozilgan ushbu o'quv qo'llanma professor-o'qituvchilar hamda talabalar tomonidan ushbu fanni o'rganish uchun ma'ruza va seminar mashg'ulotlarida foydalanishga mo'ljallangan bo'lib, JSTning shakllanishi tarixi, uning tuzilmasi, a'zo-davlatlar o'rtasida nizolarni hal etish tartibi, tovarlar, xizmatlar va intellektual mulk obyektlari savdosining huquqiy asoslari, JST huquqining asosiy prinsiplari yuzasidan nazariy, amaliy bilim va ko'nikmalar berishga xizmat qiladi. Mazkur o'quv qo'llanma O'zbekiston Respublikasi qonunchiligi va JST normalarini o'zaro qiyosiy o'rganish va bu borada tizimli bilimlarni shakllantirishni maqsad qilgan talabalar uchun ayniqsa qo'l keladi.
-
Mansab soxtakorligiga qarshi kurashishning kriminologik jihatlari
Sunnatov V.T.,Monografiyada mansab soxtakorligi tushunchasi va mohiyati, uning uchun jinoiy javobgarlik belgilangan qonun normalarining rivojlanishi tarixi; ayrim xorijiy mamlakatlar jinoyat qonunlarida mansab soxtakorligi jinoyati uchun javobgarlik masalalari; mansab soxtakorligi jinoyatining obyektiv va subyektiv belgilari va kriminologik masalalar bayon etilgan. Ushbu monografiya oliy va o'rta maxsus o'quv yurtlari talabalari, doktorantlar, mustaqil izlanuvchilar, ilmiy xodimlar hamda huquqni muhofaza qiluvchi organ xodimlari uchun moʻljallangan.
-
Yuridik va faktik xato-jinoyat huquqiy tahlil
Hamidov N.O,Monografiya jinoyat huquqi nazariyasi va amaliyotida xatoning ahamiyatiga bag'ishlangan. Unda jinoyat huquqidagi xato tushunchasi va uning belgilari, shu bilan bir qatorda xatoning turlari, yuridik hamda faktik xatoning o'ziga xos jihatlari, Jinoyat kodeksi Maxsus qismida nazarda tutilgan jinoyat belgilariga nisbatan xato qilinganda qilmishni kvalifikatsiya qilish bilan bog'liq muammolar va xorijiy davlatlar jinoyat huquqida xato uchun javobgarlik masalasi yoritib berilgan. Monografiya yuridik oliy o'quv yurtlarining bakalavr va magistratura talabalariga qo'llanma sifatida tavsiya qilinadi. Shuningdek, undan ilmiy tadqiqotchilar, mustaqil izlanuvchilar, sud-tergov va jazoni ijro etish tizimi xodimlari hamda ushbu mavzuga qiziquvchilar foydalanishi mumkin.
-
Davlat xizmatida korrupsiya va manfaatlar to'qnashuvi
Maxmudov F.B,Ushbu o'quv qo'llanmada davlat xizmatida korrupsiya va manfaatlar to'qnashuvi tushunchasi va uning yuridik tabiati, ularning turli ko'rinishlari, korrupsiya va manfaatlar to'qnashuvining oldini olishga oid qonunchilik asoslari va rivojlanishi, davlat organlarining korrupsiya va manfaatlar to'qnashuvining oldini olishga oid faoliyati, davlat xizmatida korrupsiya va manfaatlar to'qnashuvining oldini olishda odob-axloq qoidalari hamda cheklov va taqiqlarning o'rni, shuningdek, xorijiy mamlakatlar davlat xizmatida korrupsiya va manfaatlar to'qnashuvining oldini olish masalalari hamda korrupsiya va manfaatlar to'qnashuvining oldini olishning asosiy yo'nalishlari bayon qilingan.
-
Huquqiy eksperiment
Hayitov Sh.R.,Mazkur o'quv qo'llanma Davlat va huquq nazariyasi modulining "Huquq ijodkorligi" mavzusi bo'yicha tayyorlangan bo'lib, unda huquqiy eksperiment tushunchasi, turlari va prinsiplari, norma ijodkorligi jara- yonida huquqiy eksperiment va uning bosqichlari, subyektlari hamda O'zbekistonda huquqiy eksperimentning o'ziga xos xususiyatlari kabi masalalar atroflicha bayon etilgan. Shuningdek, qo'llanmada mavzuga oid jadvallar, muammoli savollar hamda tavsiya etiladigan adabiyotlar ro'yxati o'z ifodasini topgan. O'quv qo'llanma oliy yuridik ta'lim muassasalarining bakalavriat yo'nalishi talabalariga va huquq ijodkorligi masalalariga qiziquvchi kitobxonlarning keng doirasiga mo'ljallangan.
-
O'zbekiston Respublikasining fuqaroligi
Qodirov E.O,Mazkur o'quv qo'llanma Konstitutsiyaviy huquq modulining "O'zbekiston Respublikasining fuqaroligi mavzusi bo'yicha tayyorlangan boʻlib, unda fuqarolik tushunchasi va prinsiplari, mamlakatimizda fuqarolikka ega bo'lish va uni yo'qotish hamda fuqarolik masalalarini hal etish tartibi, fuqarolikka qabul qilish, tiklash va tugatishning asoslari hamda mamlakatimizda xorijiy davlat va fuqaroligi bo'lmagan shaxslarning maqomi kabi masalalar atroflicha bayon etilgan. O'quv qo'llanma oliy yuridik ta'lim muassasalari talabalari va magistrlariga hamda fuqarolik bo'yicha huquqni qo'llash masalalariga qiziquvchi kitobxonlarning keng doirasiga mo'ljallangan.
-
Xalq hokimiyatchiligi
Qodirov E.O,Mazkur o'quv qo'llanma Konstitutsiyaviy huquq modulining "Xalq hokimiyatchiligi mavzusi bo'yicha tayyorlangan bo'lib, unda xalq hokimiyatchiligi tushunchasi, uning shakllari va turlari, xalq suvereniteti, referendum va adolatli saylovlar, mahalliy o'zini o'zi boshqarish organlari va O'zbekistonda xalq hokimiyatchiligini amalga oshirishning o'ziga xos xususiyatlari kabi masalalar atroflicha bayon etilgan. O'quv qo'llanma oliy yuridik ta'lim muassasalarining bakalavriat yo'nalishi talabalariga, shuningdek, ushbu masalalarga qiziquvchi keng kitobxonlar doirasiga moʻljallangan.
-
Ma'muriy huquq
Gaziyev K.J,Ushbu o'quv qo'llanmada ma'muriy huquq predmeti, subyektlari, manbalari; davlat boshqaruvining ma'muriy-huquqiy shakllari; ma'muriy protseduralar va ma'muriy akt; ommaviy xizmatlar ko'rsatish tartib- taomillari va davlat xizmati; ma'muriy yustitsiya; ma'muriy majburlov va ma'muriy rejimlar, ommaviy ma'muriyat faoliyatida qonuniylik hamda davlat boshqaruvi sohalarini ma'muriy-huquqiy tartibga solish kabi masalalar bayon qilingan. Mazkur o'quv qo'llanma huquqshunoslik mutaxassisligiga oid barcha olly o'quv yurti talabalari, yuridik texnikum o'quvchilari, doktorantlar, mustaqil izlanuvchilar va ushbu sohaga qiziquvchi kitobxonlar uchun mo'ljallangan.
-
Сайлов ҳуқуқларига оид шикоятларни кўриб чиқиш
Нематов Ж.Н.,Мазкур оммабоп рисолада Ўзбекистонда фуқароларнинг сайлов хукукларини ҳимоя қилишнинг ҳукукий механизмлари ҳамда фукаро- ларнинг сайлов хукуклари бузилганлиги тўғрисидаги ариза (шикоят)ларни кўриб чиқиш тартиби ҳақида батафсил маълумот берилган. Рисола кенг китобхонлар оммасига мўлжалланган.