Kitoblar

Jami: 151 ta kitob

  • Суриштирув ва дастлабки терговнинг умумий шартлари
    Монография

    Суриштирув ва дастлабки терговнинг умумий шартлари

    Тулаганова Г.З.,

    Мазкур монографияда суриштирув ва дастлабки терговнинг умумий шартларининг назарий ва ҳуқуқий асослари ҳамда суриштирувчи, терговчи органларининг раҳбари уларнинг процессуал-ҳуқуқий ҳолати, мазкур соҳадаги хукукни қўллаш амалиёти ёритилган. Монографияда суриштирувчи ва терговчининг мустакиллигини таъминлаш ва улар хукукларининг таъминланишини тартибга солувчи жиноят- процессуал конунчилик нормаларини назарий ҳамда амалий жиҳатдан ўрганиш, амалдаги қонунчиликнинг уларнинг ҳуқуқларини таъминлашдаги хусусиятларини очиб бериш, тегишли конун хужжатлари нормаларини такомиллаштириш, терговга кадар текширув, суриштирув ва дастлабки тергов жараёнида шахс хукукларини таъминлаш самарадорлигини оширишга қаратилган тавсиялар бериб ўтилган. Шунингдек, Ўзбекистон Республикасида дастлабки тергов институтининг ахамияти, моҳияти, унинг ҳуқуқий асосларини ўрганиш, дастлабки тергов умумий шартларининг ҳар бирини алоҳида тадкик этиш, дастлабки тергов органлари фаолиятини янада такомиллаштириш юзасидан илмий тавсия, таклиф ва фикр-мулоҳазаларни баён этиш монографиянинг асосий вазифаси ҳисобланади. Ушбу монография ҳуқуқни муҳофаза килувчи органлар ходимлари, ўқитувчилар, изланувчилар, юридик ўқув юртларининг талабалари, магистрантлари, ТДЮУ, ИИВ олий таълим муассасаларининг тингловчи ва курсантлари ҳамда бошка китобхонлар учун мўлжалланган.

  • Фуқаролик судлов фаолиятида суд ҳужжатлари институти: назарий ва амалий таҳлил
    Монография

    Фуқаролик судлов фаолиятида суд ҳужжатлари институти: назарий ва амалий таҳлил

    Эсанова З.Н.,

    Монографияда фукаролик процессуал хукукида суд ҳужжатлари институти, суд ҳужжатлари таърифи ва таснифи, фукаролик процессуал конунчилигида мазкур институтларга киритилган янгиликлар, уларнинг тавсифи, суд хужжатларининг назарий ва амалий жиҳатлари, амалиётда кўллаш хусусиятлари, шунингдек соҳада келиб чикаётган муаммолар ва уларнинг ечимига доир фикр-мулоҳазалар, фукаролик процессуал конун ҳужжатларини такомиллаштиришга доир таклиф-тавсиялар ўрин олган. Ушбу монографияда илгари сурилган назарий, амалий ва илмий аҳамиятга эга карашлар, ғоялар, фикр-мулоҳазалар, таклиф-тавсиялар, якуний хулосалар ҳамда суд амалиёти мисоллари, солиштирма таҳлиллардан амалиёт ходимлари, докторантлар, мустакил изланувчилар, тингловчилар, магистрлар. талабалар, шунингдек кенг китобхонлар фойдаланиши мумкин.

  • Кўчмас мулкни сотиш шартномасининг фуқаролик ҳуқуқий талқини
    Монография

    Кўчмас мулкни сотиш шартномасининг фуқаролик ҳуқуқий талқини

    Топилдиев Б.Р.,

    Ушбу монографияда фукаролик ҳукуки фанидаги хукукий конструкцияларидан бири саналган кўчмас мол-мулкни сотиш шартномасининг фукаролик-хукукий тартибга солиш ва уни такомиллаштиришга оид масалалар тадкик этилган. Монографияда кўчмас мол-мулкни сотиш шартномасининг тушунчаси ва моҳиятининг юридик тахлили, кўчмас мол-мулкни сотиш шартномаси фукаролик хукукий асосларининг ривожланиш боскичлари ва шартноманинг тутган ўрни ва ўзига хос хусусиятлари, кўчмас мулкни сотиш шартномасининг шакли ва расмийлаштирилишининг ҳуқуқий тартибга солиниши, кўчмас мулкни сотиш шартномасини тузиш асослари ва тартиби, қўлланиш соҳаларининг илмий таҳлили, кўчмас мол-мулкни сотиш шартномасини тузиш тартиби, кўчмас мол-мулкни сотиш шартномасида шартнома предмети ва баҳосини аниклаш ва уй-жойларни сотишни фуқаролик-хукукий асосларини такомиллаштириш каби масалалар тахлил этилиб ёритилган. Ушбу монографиядан ҳуқуқшунослик олий ўқув юртларининг талабалари, магистрлари, докторантлари, ўкитувчилари ва Кўчмас мулк билан шуғулланувчи ва уни сотиш каби масалаларга кизикувчи кенг китобхонлар оммасига мўлжалланган.

  • Айблов ҳукмининг қарор қисмига қўйилган талаблар
    Монография

    Айблов ҳукмининг қарор қисмига қўйилган талаблар

    Обидов Т.А.,

    Мазкур монографияда ҳукм ва унга оид тушунчаларнинг назарий асослари, ҳукмнинг турлари ва уларнинг ўзига хос жиҳатлари, айблов ҳукми тушунчаси ва унинг юридик табиати, мазкур соҳадаги ҳуқуқни қўллаш амалиёти ёритилган. Монография ҳуқуқни муҳофаза килувчи органлар ходимлари, ўкитувчилар, мустақил изланувчилар, юридик олий ўқув юртларининг талабалари, магистрантлари, тингловчи ва курсантлари ҳамда бошка китобхонлар учун мўлжалланган.

  • Маъмурий ислоҳотлар шароитида давлат бошқарувининг ривожланиши
    Монография

    Маъмурий ислоҳотлар шароитида давлат бошқарувининг ривожланиши

    Ахмедшаева М.А.,

    Ушбу монографияда бугунги маъмурий ислоҳотлар шароитида давлат бошкарувини такомиллаштириш ва унинг ривожланиш йўналишлари ушбу масалага оид карашлар ва илмий концепциялар, янги илмий маълумотлар ва норматив-ҳуқуқий ҳужжатлар асосида назарий жиҳатлари баён этилган. Мамлакатимизда олиб борилаётган маъмурий ислоҳотлар муносабати билан давлат органлари тизимини модернизациялашга қаратилган турли замонавий концепциялар таҳлил этилган. Ўзбекистонда давлат бошкарувининг модернизациялаш жараёнлари, айникса, маъмурий ислоҳот ва унинг мазмуни, мохияти, аввалги ислохотлар билан богликлиги, йўналишлари бугунги кун воқеликлари асосида таҳлил этилиб, бу шу аснода айрим назарий ва амалий тусдаги хулосалар шакллантирилган. Монография давлат бошкарув органлари тизими ва унинг ривожланиши масалалари билан шугулланадиган талабаларига, шунингдек, ушбу мўлжалланган.

  • Нодавлат нотижорат ташкилотларининг ташкилий-ҳуқуқий асосларини такомиллаштириш масалалари
    Монография

    Нодавлат нотижорат ташкилотларининг ташкилий-ҳуқуқий асосларини такомиллаштириш масалалари

    Нариманов Б.А.,

    Ушбу монографияда нодавлат нотижорат ташкилотларининг шаклланиши ва ри- вожланишининг ҳуқуқий табиати, Ўзбекистонда нодавлат нотижорат ташкилотлари- нинг ташкилий-ҳуқуқий шакллари нодавлат нотижорат ташкилотлари ва уларнинг рам зларини давлат рўйхатидан ўтказиш тартиби ва асослари ҳамда нодавлат нотижорат ташкилотларининг давлат органлари билан ўзаро муносабати масалалари ҳамда но- давлат нотижорат ташкилотлари фаолиятини тўхтатиш ва тугатиш масалалари тахлил этилган. Шунингдек, монографияда Ўзбекистонда нодавлат нотижорат ташкилотлари фао- лиятини ташкилий-ҳуқуқий асослари таҳлил қилиниб, ушбу соҳага замонавий ахборот технологияларини татбиқ қилиш ва бу борадаги қонунчиликни халқаро стандартларга мослаштириш масалалари тадқиқ этилган. Мазкур монография олий ва ўрта махсус ўкув юртларида ҳуқуқшунослик йўналиши бўйича таҳсил олаётган талабаларга, мазкур масала юзасидан илмий изла нишлар олиб бораётган тадқиқотчиларга, амалиёт ходимларига мўлжалланган.

  • Жабрланувчилар, гувоҳлар ва жиноят процесси бошқа иштирокчилари хавфсизлигини таъминлашнинг жиноят-процессуал жиҳатлари
    Монография

    Жабрланувчилар, гувоҳлар ва жиноят процесси бошқа иштирокчилари хавфсизлигини таъминлашнинг жиноят-процессуал жиҳатлари

    Маматалиев Ш.Х.,

    Одил судловни амалга оширишнинг муҳим шартлари жиноят иши материалларини хавфсиз кўриб чикилишини таъминлаш, суд томонидан далилларни ўрганиш ва одил судлов қарорини чикариш учун бошка зарур процессуал харакатларни амалга оширишдир. Шу билан бирга, ушбу монографияда жиноят процессида хавфсиз иштирок этишни таъминлаш соҳасида вужудга келадиган, ўзгариб турадиган ва тугатиладиган жиноят-процессуал муносабатлар боғлиқ масалаларни хал килиш кўриб чикилади. Суд муҳокамасини хавфсиз ўтказиш ҳар йили 10 миллионга яқин одам гувохлар ва жабрланувчилар сифатида жалб этилиши билан боғлик бўлиб, уларнинг деярли тўртдан бир қисми жиноий одил судловда иштирок этиш ёки унга кўмаклашиш билан боғлиқ ноконуний таъсирга дучор бўлиши каби масалалар ёритилган. Шу билан бир вактда, хорижий мамлакатлар, хусусан, Германия, АҚШ, Россия каби илғор хорижий давлатлар тажрибаси ўрганилиб, амалиётдаги муаммо ва камчиликларни бартараф этиш масалаларига тўхталиниб, айрим муаммоларнинг ечими юзасидан таклиф ва тавсиялар берилган. Монография илмий тадкикотчилар, олий юридик таълим муассасаларининг талабалари ва магистрантларга ҳамда мазкур мавзуга кизиқувчилар учун мўлжалланган.

  • "Ҳидоя" - камтарликнинг буюк намунаси ёхуд инсоният тарихидаги энг ҳурматга сазовор илмий-юридик асар
    Монография

    "Ҳидоя" - камтарликнинг буюк намунаси ёхуд инсоният тарихидаги энг ҳурматга сазовор илмий-юридик асар

    Назаров О.,

    Ушбу монография Тошкент давлат юридик университети Илмий-услубий Кенгашининг 2022 йил 23 июндаги 7-сонли мажлис баённомаси қарори билан тасдиқланган ва нашрга тавсия этилган. Муаллиф: Отабек Ғуломжон ўғли Назаров Тошкент давлат юридик университети 4-босқич "Жиноий одил судлов" факультети талабаси.

  • Экологик меъёрлаш тизимини ҳуқуқий тартибга солиш масалалари
    Монография

    Экологик меъёрлаш тизимини ҳуқуқий тартибга солиш масалалари

    Ражабов Н.Ш,

    Монографияда экологик меъёрлашнинг хукукий асослари, унинг мақсади, вазифаси, экологик меъёрлар тушунчаси, тизими, экологик хавфсизликни таъминлашда, атроф табиий мухит объектларини ифлосланишдан ва камайиб кетишдан муҳофаза килишда, табиий ресурслардан окилона фойдаланишни таъминлашда экологик меъёрлашнинг ўрни ва аҳамияти, ушбу соҳада давлат бошкаруви органлари фаолиятининг назарий-ҳуқуқий масалалари, шунингдек, экологик стандартлаштириш ва сертификатлаштиришнинг ҳукукий асослари каби масалалар ёритилган бўлиб, экологик конунчиликка оид нормаларни такомиллаштириш ва ҳал килишга ёрдам беради. Ушбу монография талабалар, илмий ходимлар, амалиётчилар, экология хукуки билан боғлик масалалар устида илмий изланишлар олиб бораётган тадкикотчилар, магистрлар ҳамда мазкур мавзу билан кизикувчи кенг китобхонлар оммасига мўлжалланган. Монография докторлик диссертацияси асосида бажарилган ва нашр этилган.

  • Ислом хуқуқшунослигида шартнома ва мажбуриятлар
    Монография

    Ислом хуқуқшунослигида шартнома ва мажбуриятлар

    Рахманов А.,

    Монографияда ислом ҳуқуқининг умумий назарий қоидалари, мажбурият, фуқаролик-ҳуқуқий шартномаларнинг моҳияти ва унинг ҳозирги шароитлардаги роли таҳлил қилинган ва очиб беришга ҳаракат қилинган. Ислом ҳуқуқидаги шартнома ва мажбуриятларнинг ўзига хослиги масаласи кўрилган. Ушбу монография ислом ҳуқуқи билан шуғулланувчи тадқиқотчилар, юридик таълим талабалари ва барча қизиқувчи китобхонларга мўлжалланган.

  • Ота-она қарамоғидан маҳрум бўлган болаларни жойлаштириш шаклларининг оилавий - ҳуқуқий тартибга солиниши
    Монография

    Ота-она қарамоғидан маҳрум бўлган болаларни жойлаштириш шаклларининг оилавий - ҳуқуқий тартибга солиниши

    Бабажанова Д.,

    Дунё мамлакатларида жамиятнинг асосий бўғини сифатида оила асосий ўринни эгаллайди. Ҳозирда ота-она карамоғидан маҳрум бўлган болалар сони ортиб бормокда. ЮНИСЕФ маълумотларига кўра, «жаҳонда турли сабабларга кўра ота-она қарамоғидан маҳрум бўлган 140 миллион етим болалар мавжуд», Ҳисоботда келтирилган кўрсаткичларга кўра, ота-она қарамоғидан махрум бўлган болаларни жойлаштириш, фарзандликка олиш, оилага тарбияга олиш (патронат), васий ва ҳомий тайинлашни оилавий-ҳуқуқий тартибга солишга қаратилган нормаларни янада такомиллаштириш зарурати мавжуд. Жаҳонда ота-она қарамоғидан маҳрум бўлган болаларни аниқлаш ва жойлаштириш, ота-она карамоғидан маҳрум бўлган болаларни жойлаштириш шакллари қўлланилишининг ҳуқуқий тартиби, болалар ҳуқуқларини ҳимоя қилиш, ота-она қарамоғидан маҳрум бўлган болаларни жойлаштириш шаклларининг оилавий- ҳуқуқий тартибга солинишини такомиллаштириш истиқболларини ўрганиш, суд ва ҳуқуқни қўллаш амалиёти билан боғлиқ муаммоларни илмий тадқиқ этиш муҳим аҳамият касб этмоқда.

  • Ал-Хоразмий алгоритм таълимоти рақамли ҳуқуқ шаклланишининг гносеологик асоси
    Монография

    Ал-Хоразмий алгоритм таълимоти рақамли ҳуқуқ шаклланишининг гносеологик асоси

    Рузиназаров Ш.Н.,

    Ушбу монографияда илк маротаба Ал-Хоразмийнинг алгоритм таълимотига оид илмий меросининг рақамли хусусий-хукук фанининг янги доктринасидаги ўрни мақсадли чақириқлар, рақамли хукук цивилистиканинг мумтоз келажаги хамда замонавий илмий-амалий фараз ва башоратлар хамда рақамли хуқуқни фан, конунчилик, ўқув фани ва хукукни қўллаш амалиёти соҳаси сифатида ривожлан- тиришнинг мўлжаллари ёритиб берилган.

  • Террорчилик хусусиятига эга жиноятларнинг жиноят-ҳуқуқий ва криминологик жиҳатлари
    Монография

    Террорчилик хусусиятига эга жиноятларнинг жиноят-ҳуқуқий ва криминологик жиҳатлари

    Иброҳимов Ж.А.,

    Ушбу монографияда террорчилик хусусиятига эга жиноятларнинг тушунчаси, террорчилик хусусиятига эга жиноятлар учун жавобгарлик белгиланган жиноят қонуни нормаларининг ривожланиш тарихи, мазкур туркумга кирадиган жиноятларнинг юридик тахлили ва криминологик тавсифи, шунингдек террорчилик хусусиятига эга жиноятлар учун жавобгарлик белгиланган айрим давлатлар жиноят конунларининг таҳлили ва миллий конунчилик нормаларини такомиллаштириш истиқболлари ёритилган. Бундан ташкари, ушбу мавзуга оид илмий-назарий адабиётлар, суд-тергов амалиёти материаллари ва статистик маълумотларидан фойдаланган ҳолда монографик тадқиқ амалга оширилган. Монография олий ва ўрта махсус ўкув юртларида хукукшунослик йўналишлари бўйича таҳсил олаётган талаба, курсант ва тингловчиларга, мазкур мавзуга оид илмий изланишлар олиб бораётган тадкикотчиларга, суд ва ҳуқукни мухофаза қилиш органлари ходимларига, ушбу мавзуга кизиқувчи кенг китобхонлар оммасига мўлжалланган.

  • Суд қарорлари ижро этиш. Жиноят ва маъмурий судлар ҳужжатлари мисолида
    Монография

    Суд қарорлари ижро этиш. Жиноят ва маъмурий судлар ҳужжатлари мисолида

    Ниёзова С.С., Артиков Д.Р.,

    Ушбу монографияда суд ҳужжатлари тушунчаси ва уларни қабул қилиш, зълон қилиш жараёни; ҳукмни ижро этиш тушунчаси, моҳияти ва вазифалари, унинг принциплари ва ўзига хос хусусиятлари; суд қарорларини қабул килиш ва эълон қилиш жараёни; ҳукм, ажрим, қарорларнинг қонуний кучга киришига доир масалалар, уни ижро этиш босқичида маҳкумнинг ҳуқуқлари; хукм, ажрим, қарорни ижро этувчи органлар ва уларнинг ҳуқуқий ҳолати; хукм, ажрим ва қарорларни ижро этишда юзага келадиган масалаларни ҳал қилиш; маъмурий суд ҳужжатларини ижро этишнинг умумий тавсифи ва маъмурий суд ҳужжатларини ижро этишнинг процессуал жиҳатлари; айрим тоифадаги маъ мурий суд ҳужжатларини ижро этиш; хорижий мамлакатларда маъмурий суд ҳужжатларини ижро этиш масалалари ва маъмурий суд ҳужжатларини ижро этишга оид қонунчиликни ривожлантириш истиқболларига доири масалалар баён этилган. Мазкур монография Тошкент давлат юридик университети Фуқаролик процессуал ва иқтисодий процессуал ҳуқуқи кафедрасида амалга ошири лаётган ПЗ-20170927453-рақамли "Суд қарорларини мажбурий ижро этиш ме ханизмини янада такомиллаштириш масалалари (фуқаролик, иқтисодий, маъ мурий ва жиноят ишлари мисолида)" мавзусидаги амалий лойиҳа доирасида чоп этилди. Ушбу монография олий ўқув юртлари талабалари, докторантлар, мустақил изланувчилар, илмий ходимлар, таълим соҳасини бошқариш бўйича ваколатли давлат органлари, жамоат бирлашмалари ҳамда ҳуқуқни муҳофаза қилувчи орган ходимлари учун мўлжалланган.

  • Электрон тўловларни ҳуқуқий тартибга солиш
    Монография

    Электрон тўловларни ҳуқуқий тартибга солиш

    Тўхтаев Ў.З.,

    Мазкур "Электрон тўловларни ҳуқуқий тартибга солиш" номли монография ўз долзарблиги билан ажралиб туради. Ишланмада электрон тўловларни ҳуқуқий тартибга солишнинг халқаро амалиётини миллий қонунчиликка имплементация қилиш масалалари, бу борада юртимизда сўнгги йилларда амалга оширилаётган ислоҳотлар, чора-тадбирлар, шу билан бирга, тўловларни янада омтималлаштириш, сохага инновацион ишланмаларни жорий қилиш, умумэътироф этилган тўлов усулларини юртимизда ҳам амалга киритиш бўйича тадқиқот ва изланишларни олиб бориш мақсадида Марказий банк ҳузурида алоҳида тузилма ташкил қилиш, шунингдек, тўлов ташкилотлари, тўлов агентлари ва субагентлари учун тавсиявий қоидаларни ишлаб чиқиш каби масалалар ёритилган. Монографида хорижий мамлакатлар АҚШ, Европа Иттифоки, Германия, Россия Федерацияси, Канада, Буюк Британия, Сингапур, Япония каби давлатларнинг электрон тўловларни ҳуқуқий тартибга солишга оид қонунчилиги ва тажрибасига оид ахборотлар келтирилган.

  • Фуқаролик суд ишларини юритишнинг процессуал муаммолари
    Монография

    Фуқаролик суд ишларини юритишнинг процессуал муаммолари

    Хабибуллаев Д.Ю.,

    Ушбу монографияда фукаролик суд ишларини юритиш тушунчаси ва вазифалари, фуқаролик суд ишларини юритиш турлари, фукаролик суд ишларини юритишни рақамлаштириш истиқболлари, фукаролик суд ишларини юритиш принциплари тушунчаси ва уларнинг процессуал тавсифи, фукаролик суд ишларини юритиш принципларини такомиллаштириш масалалари, ишда иштирок этувчи шахсларнинг процессуал хукукий ҳолати, одил судловни амалга оширишга кўмаклашувчи шахслар ва уларнинг процессуал вазифалари билан боғлиқ айрим масалалар, даъво тартибида, алоҳида тартибда, буйруқ тартибида кўриладиган ишларнинг айрим процессуал масалалари, ҳакамлик судининг ҳал килув карори билан боғлик ишларни судда кўришнинг долзарб масалалари илмий-назарий тахлил этилган. Шунингдек, фукаролик процессуал хукуки фани назариясини бойитишга қаратилган илмий-назарий хулосалар ишлаб чикилган ҳамда фуқаролик процессуал кодекси ва суд амалиётини такомиллшатиришга каратилган таклиф ва тавсиялар берилган. Монография магистратура талабалари, тадкикотчилар, шунингдек кенг китобхонлар оммасига мўлжалланган.

  • Суд қарорлари ижроси
    Монография

    Суд қарорлари ижроси

    Эсанова З.Н, Ҳабибуллаев Д.Ю., Ибратова Ф., Ниёзова С.С., Артиков Д.,

    Ушбу монография йиллик илмий-инновацион ишлар режасига киритилган бўлиб, ПЗ-20170927453-рақамли "Суд қарорларини мажбурий ижро этиш механизмини янада такомиллаштириш маса- лалари (фуқаролик, иқтисодий, маъмурий ва жиноят ишлари мисо- лида) мавзусидаги амалий грант тадқиқоти натижаларига бағиш- ланган бўлиб, унда фуқаролик, иқтисодий, маъмурий ва жиноят ишлари бўйича судлар томонидан чиқарилган суд ҳужжатлари иж росини таъминлаш, ижро иши юритуви босқичлари, субъектлари ҳамда уларнинг ҳуқуқий мақоми, мажбурий ижро чоралари, ижро иши юритуви босқичида амалга ошириладиган процессуал ҳара- катлар, ушбу босқичда давлат ижрочисининг суд ва бошқа органлар билан ўзаро ҳамкорлик масалаларини назарий, амалий ва илмий жиҳатдан ўрганиш натижасида тайёрланган илмий хулосалар, наза- рий фикр-мулоҳазалар, амалий таклиф-тавсиялар ўрин олган. Монография соҳа мутахассислари ва китобхонлар кенг оммаси учун мўлжалланган.

  • Давлат бюджети устидан парламент назоратининг ташкилий-ҳуқуқий механизмлари
    Монография

    Давлат бюджети устидан парламент назоратининг ташкилий-ҳуқуқий механизмлари

    Юсупова С.Б.,

    Мазкур монографияда давлат бюджети устидан парламент назоратининг хукукий асослари, тартиби ва уни такомиллаштириш каби мухим масалалар ўзининг назарий ҳамда амалий ифодасини топган. Ушбу монография давлат хизматчилари, амалиётчи мутахассислар. юридик олий ўқув юртлари ўқитувчилари, бакалавр ҳамда магистратура йўналишида таҳсил олаётган талабаларга мўлжалланган.

  • Ўзбекистонда капитал бозорини ривожлантириш муаммолари ва истиқболлари
    Монография

    Ўзбекистонда капитал бозорини ривожлантириш муаммолари ва истиқболлари

    Тухтасинов Н.И.,

    Монографияда капитал бозорини янада ривожлантириш бўйича хорижий мамлакатлар тажрибасини ўрганиш ва Ўзбекистон амалиётида қўллаш имкониятларини таҳлил қилинган. Шунингдек, бозорининг муҳим сегменти сифатида фонд бозорининг аҳамияти, фаолият механизмларини ўрганиш, Ўзбекистонда капитал бозорини ривожлантиришнинг ҳукукий-меъёрий асослари билан танишиб чикилган. Ўзбекистон Республикасида капитал бозоридаги мавжуд ҳолатни статистик маълумотлар асосида тахлил килинган. Бундан ташкари, «Тошкент» Республика фонд биржасининг мамлакат капитал ҳаракатида тутган ўрни, унинг ривожланганлик ҳолати ва самарадорлик кўрсаткичлари билан якиндан танишиб чикилган. Монография якунида мавжуд муаммолардан келиб чикиб, уларни бартараф этиш ҳамда Ўзбекистонда капитал бозорини янада ривожлантириш бўйича таклиф ва тавсиялар берилган.

  • Халқаро процессуал ҳуқуқда инвестициявий низоларни ҳал этиш масалалари
    Монография

    Халқаро процессуал ҳуқуқда инвестициявий низоларни ҳал этиш масалалари

    Мирзаев Ғ.И.,

    Мазкур монографияда халқаро процессуал ҳуқуқда инвестициявий низоларни ҳал этиш масалалари ҳамда инвестициявий низолар тушунчаси, инвестициявий низолар вужудга келиши сабаблари, халқаро ҳуқуқ принциплари, халқаро оммавий ҳуқуқ ва халқаро хусусий ҳуқуқ, халқаро ҳуқуқ субъектларининг инвестициявий низоларда иштироки, икки 60 кўптомонлама инвестициявий шартномалар, инвестициявий низоларни ҳал этиш учун тарафларнинг ICSID (бундан буён матнда "ICSID" ёки "Марказ" деб юритилади)га мурожаат қилиш тартиби, ишни кўриб чиқиш ва ижро этиш ҳамда Ўзбекистон Республикаси иштирокидаги Инвестициявий низоларни ICSIDда ҳал этиш, миллий қонунларни халқаро ҳуқуқ нормаларига мослаштириш масалалари ёритиб берилган.

151 ta yozuvdan 20 tadan 2 - sahifasi koʻrsatilmoqda