Kitoblar

Sport kontraktlari huquqi

Ushbu darslikda sport kontraktlari tushunchasi, xususiyati haqida tushuncha berilib, sport kontraktining huquqiy tavsifi, kontraktni tuzish va bu jarayonda sport agentining faoliyati, sport shartnomasini xalqaro huquqiy qo'llab-quvvatlashning rivojlanish istiqbollari hamda yo'nalishlari bilan birga, sportchi, murabbiylarning, ish beruvchining huquq va majburiyatlariga oid mavzular o'rin olgan. Shuningdek, sport shartnomasi shartlarini buzganlik uchun tomonlarning javobgarligi, professional sportchilar, trenerlar huquq va manfaatlarini himoya qilish usullari kabi masalalar fuqarolik huquqi nuqtayi nazaridan yoritilgan. Darslik yurisprudensiya sohasida tahsil olayotgan talabalar, tadqiqotchilar va sportning huquqiy asoslariga qiziquvchilar uchun mo'ljallangan. Mazkur darslik Toshkent davlat yuridik universiteti rektorining 2022- yil 28-dekabrdagi 412-um-sonli buyrug'iga ko'ra nashrga tavsiya etilgan (ro'yxatga olish raqami - 412-65).

Big Data huquqi

Mazkur darslik Big Data tushunchasi, Big Data maqomi va jarayonini huquqiy tartibga solish mexanizmini shakllantirish bo'yicha tavsiya berish, Big Dataning fuqarolik huquqi institutlaridagi huquqiy nisbatlarini aniqlash, tijorat siri rejimi qoidalarini Big Data jarayonlarida qo'llash sharoitlarini tahlil qilish, intellektual mulk huquqi instituti konstruksiyalarini qo'llash orqali Big Datani tartibga solish ta'sirini aniqlash; Big Datani delikt majburiyatlar orqali tartibga solish mexanizmlarini ishlab chiqish, uning fuqarolik-huquqiy himoya qilish usullarini qayd etish hamda yangi usullarini joriy qilish; xorijiy davlatlar qonunchiligi bilan qiyoslash orqali uni fuqarolik-huquqiy tartibga solishni takomillashtirish bo'yicha takliflar ishlab chiqish; O'zbekiston Respublikasida Big Dataga oid munosbatlarni huquqiy tartibga solishga oid masalalar, nazariy va mantiqiy savollardan iborat. Ushbu darslik yuridik oliy o'quv yurtlari magistrantlariga, shuningdek, yuridik oliy o'quv yurti talabalariga mo'ljallangan. Mazkur darslik Toshkent davlat yuridik universiteti rektorining 2025-yil 31-iyuldagi 163-um-sonli buyrug'iga asosan nashrga tavsiya etilgan (ro'yxatga olish raqami-163-5).

Konstitutsiyaviy huquq: Yuridik akade-mik litsey o'quvchilari uchun

Ushbu darslik akademik litseylar uchun tasdiqlangan davlat ta'lim standartlari asosida yaratilgan. Unda konstitutsiyaviy huquq fani haqida tushuncha beruvchi O'zbekiston Respublikasi Konstitutsiyasining bosh tamoyillari, jamiyat hamda shaxs munosabatlarining konstitutsiyaviy asoslari, davlat, sud hokimiyati asoslari kabi mavzular o'rin olgan. Shuningdek, Konstitutsiyamizning yaratilishi va asosiy xususiyatlari ham yoritilib, yangi tahrirdagi Konstitutsiyada aks etgan barcha masalalar e'tiborga olingan. Darslikdan nafaqat akademik litseylar o'quvchilari, balki barcha kitobxonlar Konstitutsiyani o'rganishda foydalanishi mumkin.

Mualliflik huquqi va turdosh huquqlar: O'zbekiston va xalqaro amaliyot

Darslik Mualliflik huquqi fanidan o'quv dasturiga muvofiq tayyorlangan. Darslikda mualliflik huquqi tushunchasi va kelib chiqish tarixi, mualliflik huquqining subyektlari va obyektlari, mualliflik huquqi va turdosh huquqlar: xalqaro hujjatlar va milliy qonunchilik, mulkiy va shaxsiy nomulkiy huquqlar, mutlaq huquqlarni boshqa shaxsga o'tkazish to'g'risidagi mualliflik shartnomasi, litsenziya shartnomasini amalga oshirish, buyurtmaning mualliflik shartnomasi, mualliflik huquqlarini kollektiv boshqarish, shuningdek, mualliflik huquqini himoya qilish va javobgarlik masalalari yoritib berilgan. Bakalavr hamda magistratura talabalari praktikum yordamida, jumladan, nazariy savollar va kazuslar yordamida o'z bilimlarini sinab ko'rishlari mumkin. Darslik yuridik oliy ta'lim muassasalari talabalari, tadqiqotchilar va o'qituvchilar, shuningdek, sud va huquqni muhofaza qilish organlari xodimlari uchun mo'ljallangan. Mazkur darslik Toshkent davlat yuridik universiteti rektorining 2025-yil 31-iyuldagi 163-um-sonli buyrug'iga asosan nashrga tavsiya etilgan (ro'yxatga olish raqami - 163-24).

Davlat va huquq tarixi: (O'rta asrlar davlati va huquqi tarixi) II qism

Darslik Davlat va huquq tarixi fani dasturi asosida huquqiy va tarixiy fanlarning eng so'nggi yutuqlarini hisobga olgan holda yozildi. Unda o'rta asrlarda G'arbiy, Markaziy va Sharqiy Yevropa davlatlari: Franklar davlati, Fransiya, Germaniya, Angliya, Vizantiya, Rossiya hamda Sharq mamlakatlaridan Arab xalifaligi, Xitoy, Yaponiya, Hindiston hamda O'zbekiston hududida davlat va huquqning rivojlanishi xususiyatlari va qonuniyatlari xronologik izchillikda yoritildi. Darslik oliy o'quv yurtlarining huquq, tarix yo'nalishlari talabalari, magistrlari, o'qituvchilari va jahon mamlakatlari davlatchiligi hamda huquqi tarixi bilan qiziquvchi keng kitobxonlar ommasi uchun mo'ljallangan.

Korrupsiyaga qarshi kurashishda komplayens nazorat tizimi

Ushbu darslikda korrupsiyaga qarshi komplayens nazoratning mohiyati, funksiyalari va xalqaro prinsiplari yoritilgan. Shuningdek, komplayens tizimining rivojlanish tarixi, uni O'zbekistonda joriy etish masalalari, asosiy yo'nalishlari, turlari va shakllari, milliy qonunchilikdagi asoslari hamda xalqaro standart va tavsiyalar bayon etilgan. Korrupsiyaviy xavf-xatarlar, ularning sabablari, baholash va monitoring usullari, ichki komplayens tizimining bosqichlari hamda nazorat va moliyaviy tekshiruvlarni muvofiqlashtirish masalalari ham ko'rib chiqiladi. Darslik oliy va o'rta maxsus ta'lim muassasalari talabalari, doktorantlar, tadqiqotchilar va huquqni muhofaza qiluvchi organlar xodimlariga mo'ljallangan.

Ma'muriy huquq: Umumiy qism (1)

Ushbu darslikda ma'muriy huquqning umumiy tavsifi, ma'muriy faoliyat shakllari, ma'muriy akt, ma'muriy protseduralar, ommaviy (davlat) xizmatlarini ko'rsatishni o'rganishga qaratilgan mavzular yoritilgan. Darslik talabalarning mazkur mavzularga oid ilmiy-nazariy qarashlarini, qonunchilik hujjatlari hamda amaliyot to'g'risidagi tasavvurlarini yanada boyitish, xorijiy davlatlar, xususan, Yaponiya, Germaniya olimlarining ma'muriy huquq fani bo'yicha asosiy ilmiy qarashlari bilan tanishtirishni maqsad qilgan. Nashr ma'muriy huquq fani bo'yicha oliy yuridik ta'lim jarayonida asosiy manba sifatida foydalanish uchun mo'ljallangan.

Energetika huquqi

Ushbu darslikda global iqlim o'zgarishi sharoitida energetika huquqini o'rganish, energiya manbalaridan foydalanish sohasidagi davlat boshqaruvi, energetika sohasida shartnomaviy munosabatlar, ekologik talablarni amalga oshirishning huquqiy holati, energetik xavfsizlik masalalari, energiya bilan ta'minlashda quyosh va shamol energiyasini o'zlashtirish holatida qo'llanadigan ekologik-huquqiy talablar, yer harorati (geotermal), suv oqimlarining tabiiy harakati, biomassa energiyasini o'zlashtirish jarayonida qo'llanadigan ekologik-huquqiy talablarga e'tibor qaratilgan. Shuningdek, energetika sohasidagi qonun talablarini buzganlik uchun yuridik javobgarlik, muqobil (qayta tiklanuvchi) energiya manbalaridan foydalanish, bioenergetika, biogaz texnologiyalari va geotermal energiyasi, shu bilan birga, xorijiy mamlakatlarda qayta tiklanadigan energiya manbalaridan foydalanishga o'tish tajribasi va ularning kelajak istiqbollari hamda atom energiyasidan foydalanishni huquqiy tartibga solish masalalari atroflicha tahlil qilingan. Mazkur darslik talabalar va magistrantlar, professor-o'qituvchilar, ilmiy xodim-izlanuvchilar va ushbu sohaga qiziquvchi keng kitobxonlar ommasiga mo'ljallangan.

Prokurorlik faoliyati (1 qism)

Biznes huquqi

Darslikda tadbirkorlik huquqi va tushunchalari, tadbirkorlik subyektlari, ularning tashkiliy-huquqiy shakllari, tadbirkorlik subyektlarini tashkil etish, faoliyatini amalga oshirish, qayta tashkil etish, tugatishning huquqiy asoslari va tartibi, tadbirkorlik huquqi subyektlarining mulkka nisbatan huquqlari, tadbirkorlik shartnomalari, ularning o'ziga xos xususiyatlari, tadbirkorlik subyektlari faoliyatini moliyalashtirish va kreditlash, ularni soliqqa tortish, tadbirkorlik subyektlarining davlat tomonidan qo'llab-quvvatlanishi, ularning huquqiy himoya tizimi va javobgarlik asoslari kabi mavzular yoritilgan. "Biznes huquqi" darsligi bozor munosabatlarini rivojlantirishda tadbirkorlik faoliyatini amalga oshirishning huquqiy asoslari yaratilib, takomillashib borayotganligi, tadbirkorlarga keng imkoniyatlar, imtiyoz va preferensiyalar berilayotganligining mazmun-mohiyatini yanada chuqurroq bilishga hamda ularni tahlil qilishga qaratilgan.

Introduction au droit de ientreprise. 2- edition. Dpecf epreuve n 1.

Jinoyat-protsessual huquqi (umumiy qism)

Mazkur darslikda jinoyat-protsessual huquqi tushunchasi, prinsiplari, ishtirokchilar, jinoyat-protsessida ishtirok etishga monelik qiladigan holatlar, rad qilishlar, dalillar va isbotlash, majburlov choralari, mulkiy ziyonni qoplash, reabilitatsiya, jinoyat-protsessual muddatlar va chiqimlar masalalari yoritilgan. Ushbu darslik sud va huquqni muhofaza qiluvchi organlar xodimlari, o'qituvchilar, mustaqil izlanuvchilar, yuridik oliy o'quv yurtlarining talabalari, magistrantlari, tinglovchi va kursantlari hamda boshqa kitobxonlar uchun mo'ljallangan.

Римдiк жеке қуқық

Sun'iy intellekt hisoblash agentlarining asoslari 1 jild

Sun'iy intellekt hisoblash agentlarining asoslari 1 jild

Jinoyat ishini sudga qadar yuritish bosqichida prokuror nazorati

Tezkor-qidiruv huquqi

Jinoyat - ijroiya huquqi

Jinoyat - ijroiya huquqi

Kriminalistika