Kitoblar

Davlat va huquq asoslari (Huquq faniga kirish) akad. lits. 1-bosqich talabalari uchun

Ushbu darslik akademik litsey o'quvchilari uchun mo'ljallangan bo'lib, unda davlat va huquqning kelib chiqishi, mohiyati, asosiy tushunchalari hamda jamiyat hayotidagi o'rni tizimli va izchil yoritilgan. Darslikda mehnat, oila, ekologiya, jinoyat, moliya va protsessual huquq sohalari boʻyicha asosiy masalalar qayd etilgan. Mavzular o'quvchilarning yosh va bilim darajasiga mos, sodda va tushunarli tilda bayon qilingan bo'lib, misollar, savol-topshiriqlar orqali mustahkamlangan. Darslik o'quvchilarda huquqiy ong va huquqiy madaniyatni shakllantirishga, mustaqil fikrlash va fuqarolik pozitsiyasini rivojlantirishga xizmat qiladi. Mazkur darslik Toshkent davlat yuridik universiteti rektorining 2025-yil 26-noyabrdagi 256-um-sonli buyrug'iga asosan nashrga tavsiya etilgan (ro'yxatga olish raqami -256-9).

Davlat va huquq asoslari (Huquq faniga kirish) akad. litsey 2-bosqich talabalari uchun

Ushbu darslik akademik litsey o'quvchilari uchun mo'ljallangan bo'lib, unda davlat va huquqning kelib chiqishi, mohiyati, asosiy tushunchalari hamda jamiyat hayotidagi o'rni tizimli va izchil yoritilgan. Darslikda mehnat, oila, ekologiya, jinoyat, moliya va protsessual huquq sohalari boʻyicha asosiy masalalar qayd etilgan. Mavzular o'quvchilarning yosh va bilim darajasiga mos, sodda va tushunarli tilda bayon qilingan bo'lib, misollar, savol-topshiriqlar orqali mustahkamlangan. Darslik o'quvchilarda huquqiy ong va huquqiy madaniyatni shakllantirishga, mustaqil fikrlash va fuqarolik pozitsiyasini rivojlantirishga xizmat qiladi. Mazkur darslik Toshkent davlat yuridik universiteti rektorining 2025-yil 26-noyabrdagi 256-um-sonli buyrug'iga asosan nashrga tavsiya etilgan (ro'yxatga olish raqami -256-9).

Xalqaro tashkilotlar huquqi

Mazkur darslik Xalqaro tashkilotlar huquqi fanini o'rganishga bag'ishlangan bo'lib, unda xalqaro tashkilot, xalqaro tashkilotlar huquqi tushunchalari; xalqaro tashkilotlarning tashkil etilishi va ularning rivojlanish tarixi, xalqaro tashkilotlar tasnifi, huquq subyektliligi va xalqaro huquqiy layoqati, diplomatik huquqi, imtiyoz va immunitetlari; xalqaro hukumatlararo tashkilotlar va xalqaro nohukumat tashkilotlari faoliyatining huquqiy asoslari; universal va mintaqaviy xarakterdagi xalqaro tashkilotlar, mintaqaviy integratsiyaviy birlashmalar faoliyati bilan bog'liq masalalar qamrab olingan. Darslik xalqaro huquq, xalqaro munosabatlar va xalqaro iqtisodiy munosabatlar sohasida faoliyat yurituvchi amaliyotchi mutaxassislar va o'qituvchilar, yuridik oliy ta'lim muassasalarida tahsil olayotgan talabalar va ilmiy izlanishlar olib borayotgan tadqiqotchilar uchun mo'ljallangan. Mazkur darslik Toshkent davlat yuridik universiteti rektorining 2025-yil 31-iyuldagi 163-um-sonli buyrug'iga asosan nashrga tavsiya etilgan (ro'yxatga olish raqami-163-14).

Jinoyat ishlarida advokatning ishtiroki

Mazkur darslik "Jinoyat protsessida advokatning ishtiroki" moduli doirasida jinoyat ishlarida advokat tomonidan huquqiy yordam ko'rsatishning umumiy asoslari, sudga qadar bosqichda advokatning himoyachi sifatidagi ishtiroki, jinoyat ishlari bo'yicha isbotlash jarayonida himoyachining tutgan o'rni, birinchi instansiya sudlarida himoyachining ishtiroki, sud muhokamasida advokatning himoya nutqi va uning notiqlik mahorati, apellyatsiya instansiyasi sudlarida himoyachining ishtiroki, advokatning jinoyat protsessining boshqa bosqichlaridagi faoliyati, shuningdek advokatning jabrlanuvchi, fuqaroviy da'vogar va fuqaroviy javobgarning vakili sifatidagi ishtiroki, guvoh advokati, alohida toifadagi jinoyat ishlarida advokat ishtirokining xususiyatlari hamda xorijiy mamlakatlar jinoyat protsessida advokat ishtirokining o'ziga xos jihatlariga bag'ishlangan. Darslik yuridik oliy ta'lim muassasalarining bakalavriat va magistratura bosqichlarida tahsil olayotgan talabalar, shuningdek jinoyat ishlarida advokat faoliyatiga qiziquvchi keng kitobxonlar uchun mo'ljallangan. Mazkur darslik Toshkent davlat yuridik universiteti rektorining 2025-yil 26-dekabrdagi 280-um-sonli buyrug'iga asosan nashrga tavsiya etilgan (ro'yxatga olish raqami -280-10).

Mehnat huquqi

Darslik O'zbekiston Respublikasining Mehnat kodeksida o'z aksini topgan yangi institutlar va huquqiy mexanizmlarni inobatga olgan holda yurisprudensiya ta'lim yo'nalishi o'quv dasturiga kiritilgan o'zgartirishlarga mos ravishda tayyorlangan. Mazkur darslikda birinchi marta xodimlarni kasbga tayyorlash, qayta tayyorlash va ularning malakasini oshirish, ayrim toifadagi xodimlar mehnatini huquqiy jihatdan tartibga solishning o'ziga xos xususiyatlari, xodimlarning mehnat huquqlarini himoya qilish kabi yangi mavzular o'rin olgan. Darslikdan talabalar, o'qituvchilar, ilmiy xodimlar, shuningdek, mehnat qonunchiligi masalalari bilan qiziquvchi kitobxonlar foydalanishlari mumkin. Mazkur darslik Toshkent davlat yuridik universiteti rektorining 2024-yil 30-apreldagi 70-um-sonli buyrug'iga asosan nashrga tavsiya etilgan (ro'yxatga olish raqami-70-18).

Ingliz huquqi asoslari

Ingliz huquqi bir necha davlatlar huquqiy tizimining eng yaxshi taraflarini jamlab, biznes vakillari uchun o'ta qulay formatga kelgan. Egiluvchanlik, shaffoflik, bashorat qila olish, eng muhimi, tezlik bu tizimning afzal jihatlaridir. Qonunlar biznes manfaatlari uchun xizmat qilishi lozim, ingliz huquqi esa ayni shu imkoniyatni beradi. Mazkur darslik ingliz huquqi sohalarining o'ziga xos xususiyatlari, asosiy tushunchalari va umumiy tamoyillari bilan tanishtiradi. Darslik yordamida talabalar ingliz huquqiga asoslanib hal etilgan tipik ishlarni tahlil qila olish, tadqiqot olib borish va tegishli pretsedentlarga tayangan holda huquqiy dalillar tayyorlash qobiliyatlarini shakllantirishadi, shuningdek, ingliz huquqi asoslarining tabiati, manbalari va asosiy tushunchalari yuzasidan bilimlarga va amaliy-huquqiy ko'nikmalarga ega bo'ladilar. Mazkur darslik Toshkent davlat yuridik universiteti rektorining 2025-yil 18-martdagi 61-um-sonli buyrug'iga asosan nashrga tavsiya etilgan (ro'yxatga olish raqami-61-35).

Ma'muriy huquq: umumiy qism (II)

Ushbu darslikda ma'muriy huquqning umumiy tavsifi, ma'muriy faoliyat shakllari, ma'muriy akt, ma'muriy protseduralar, ommaviy (davlat) xizmatlarini ko'rsatishni o'rganishga qaratilgan mavzular yoritilgan. Darslik talabalarning mazkur mavzularga oid ilmiy-nazariy qarashlarini, qonunchilik hujjatlari hamda amaliyot to'g'risidagi tasavvurlarini yanada boyitish, xorijiy davlatlar, xususan, Yaponiya, Germaniya olimlarining ma'muriy huquq fani bo'yicha asosiy ilmiy qarashlari bilan tanishtirishni maqsad qilgan. Nashr ma'muriy huquq fani bo'yicha oliy yuridik ta'lim jarayonida asosiy manba sifatida foydalanish uchun mo'ljallangan.

Qiyosiy huquqshunoslik

Mazkur darslik "Qiyosiy huquqshunoslik" o'quv moduli sillabusi asosida tayyorlangan bo'lib, unda qiyosiy huquqshunoslik predmeti va metodi, huquqiy tizimlarni huquq oilalariga ajratish konsepsiyalari, jahondagi asosiy huquq oilalari, xususan, roman-german, ingliz-sakslar, diniy-an'anaviy, sotsialistik, skandinaviya huquq oilalari, shuningdek, aralash huquqiy tizimlar kabi qator mavzular yoritilgan. Ushbu darslik "yurisprudensiya" yo'nalishida ta'lim oladigan talabalar va qiyosiy huquqshunoslikning dolzarb muammolariga qiziqadigan keng kitobxonlar ommasiga mo'ljallangan. Toshkent davlat yuridik universiteti rektorining 2023-yil 4-iyuldagi "107-um"-sonli buyrug'iga ko'ra nashrga ruxsat etilgan. (107-17).

Kiber sug'urta

Sud va huquqni muhofaza qiluvchi organlar

Sud va huquqni muhofaza qiluvchi organlar

Ushbu darslikda sud, huquqni muhofaza qiluvchi organlar fanining umumiy tavsifi, O'zbekiston Respublikasining sud tizimi, O'zbekiston Respublikasi sudlar hamjamiyati organlari, O'zbekiston Respublikasi prokuratura organlari, O'zbekiston Respublikasi Ichki ishlar organlari, O'zbekiston Respublikasi Milliy gvardiyasi, O'zbekiston Respublikasi Davlat xavfsizlik xizmati, O'zbekiston Respublikasi adliya organlari, O'zbekiston Respublikasining Bojxona va soliq organlari, O'zbekiston Respublikasining Korrupsiyaga qarshi kurashish agentligi, sud, huquqni muhofaza qiluvchi organlar bo'yicha xorijiy mamlakatlar tajribasi va xalqaro standartlar. shuningdek har bir mavzuga oid kazuslar, asosiy tushunchalar hamda nazorat uchun savollar o'rin olgan. Darslik yuridik texnikumda ta'lim oluvchilar, ilmiy tadqiqotchilar, professor-o'qituvchilar, sud va huquqni muhofaza qiluvchi organ xodimlari, shuningdek keng kitobxonlar ommasiga mo'ljallangan.

Yuridik xizmat

Darslik "Yuridik xizmat" fani bo'yicha ma'ruza va amaliy mashg'ulotlar o'tkazishda, shuningdek bitiruvchilarning amaliy faoliyatida muhim ahamiyat ega bo'lib, u yuridik texnikumlarning o'quv dasturiga kiritilgan. Darslikda ko' chiqilgan masalalar ushbu sohaning nazariy va amaliy jihatlarini qamrab olga zamonaviy xalqaro tajribaga asoslangan. Darslikda yuridik xizmat xodimlarinir tushunchasi, huquqiy maqomi hamda faoliyati bilan bog'liq masalalar; xorijiy v milliy tajribaga asoslangan amaliy misollar; huquqshunos faoliyatida zan bo'lgan yuridik hujjatlar namunalari; ushbu sohaga oid asosiy normativ-huquq hujjatlar tahlili; har bir mavzu bo'yicha mantiqiy savollar va testlar; foydalanilga va tavsiya etilgan adabiyotlar ro'yxati kabi sohaga oid zarur masalalar yoritilgar Ushbu darslik texnikum talabalari va yuridik xizmat sohasidagi masalalar bila qiziquvchi barcha kitobxonlar uchun mo'ljallangan. Mazkur darslik Toshkent davlat yuridik universiteti Akademik haloll kengashining 2024-yil 29-avgustdagi 153-um-sonli va Toshkent davlat yuridi universiteti Akademik halollik kengashining 2024-yil 30-avgustdagi 155-um-sor buyruqlariga asosan nashrga tavsiya etilgan.

Barqaror rivojlanish huquqi

Jinoyat ijroiya huquqi

Sud va huquqni muhofaza qiluvchi organlar

Mazkur darslik Toshkent davlat yuridik universiteti Akademik halollik kengashining 2022-yil 16-noyabrdagi 2-sonli majlisi hamda Toshkent davlat yuridik universiteti rektorining 2022-yil 28-dekabrdagi 412-um sonli buyrug'iga asosan nashr etishga ruhsat berilgan. Darslik mualliflari: Kamalova D.G. TDYU Jinoiy odil sudlov fakulteti dekan, yuridik fanlar bo'yicha falsafa doktori, dotsent, 1-mavzu, Mardonov K.K. - TDYU katta o'qituvchisi - 2-mavzu, Davlyatov V.X. - TDYU kafedra mudiri, yuridik fanlar bo'yicha falsafa doktori, dotsent - 3-mavzu, Suyunova D.J. TDYU professori, yuridik fanlar doktori - 4-mavzu, Raxmonova S.M.- Jamoat xavfsizligi universiteti professori, yuridik fanlar doktori, Aripov D.U. Sudyalar oliy kengashi huzuridagi Sudyalar oliy maktabi direktori o'rinbosari, yuridik fanlar nomzodi, dotsent -5-mavzu, Po'latov B.X. Huquqni muhofaza qilish Akademiyasi professori, Karimov X.Α. - Huquqni muhofaza qilish Akademiyasi kafedra boshlig'i, yuridik fanlar bo'yicha falsafa doktori, dotsent-6-mavzu, Mirazov D.M.-O'zbekiston Respublikasi Jamoat xavfsizligi universiteti kafedra boshlig'i, yuridik fanlar doktori, professor - 7-mavzu, Ne'matov JA -TDYU professori, yuridik fanlar doktori-8-mavzu, Otajonov A.A. - yuridik fanlar doktori, professor, -9-mavzu, Utegenov O.D. O'zbekiston Respublikasi Davlat bojxona instituti dotsenti, yuridik fanlar doktori, Tulaganova G.ZTDYU professori, yuridik fanlar doktori 10-mavzu, Ergashev IA - TDYU dotsenti, yuridik fanlar bo'yicha falsafa doktori 11-mavzu, Tuxtasheva U.A. Korrupsiyaga qarshi kurashish agentligi direktorining o'rinbosari, yuridik fanlar doktori, professor-12-mavzu, Qodiraliyev S.B. - TDYU o'qituvchisi - 13-mavzu.

Kriminalistika

Ushbu darslik O'zbekiston Respublikasi Oliy va o'rta maxsus ta'lim vazirligi Davlat ta'lim standartlariga mos ravishda tayyorlangan. Darslik oddiy, ravon va o'zlashtirish uchun tushunarli tilda yozilgan. Darslikda kriminalistika fanining predmeti, vazifalari, tizimi, metodlari, kriminalistik texnikaning umumiy qoidalari, kriminalistik taktikaning umumiy qoidalariga oid masalalar yoritilgan. Darslik namunaviy o'quv dasturi asosida tayyorlangan bo'lib, oliy o'quv yurtlari talabalari, aspirantlari, o'qituvchilari, ilmiy xodimlar va mutaxassislar uchun mo'ljallangan. Toshkent davlat yuridik universiteti Akademik halollik Kengashining 2025-yil "12"-fevraldagi 1-sonli bayonnomasi bilan chop etishga tavsiya etilgan.

Jinoyat - protsessual huquqi

Mazkur darslik Jinoyat-protsessual huquqi fanining (Umumiy qism) sillabusi negizida tayyorlangan bo'lib, jinoyat-protsessual huquqi tushunchasi, prinsiplari, ishtirokchilar, jinoyat-protsessida ishtirok etishga mone'lik qiladigan holatlar, rad qilishlar, dalillar va isbotlash, majburlov choralari, mulkiy ziyonni qoplash, reabilitatsiya, jinoyat-protsessual muddatlar va chiqimlar masalalari yoritilgan. Ushbu darslik sud va huquqni muhofaza qiluvchi organlar xodimlari, o'qituvchilar, mustaqil izlanuvchilar, yuridik oliy o'quv yurtlarining talabalari, magistrantlari, tinglovchi va kursantlari hamda boshqa kitobxonlar uchun mo'ljallangan. Toshkent davlat yuridik universiteti rektorining 2025-yil 18-martdagi 61- um-son buyrug'iga asosan nashrga tavsiya etilgan.

Deutsch fur juristische fachspreche

Dieses Lehrbuch gibt eine einfache Einführung in die deutsche Rechtssprache und berufliche Kommunikation. Es enthält Übungen zum Lesen und Sprechen. Wichtig ist, dass die Grundlagen des deutschen Rechtssystems und die wichtigsten Rechtsbegriffe erklärt werden. Auch die usbekischen Entsprechungen dieser Begriffe werden vorgestellt.Die Texte in diesem Buch stammen aus aktuellen Lehrbüchern und Nachschlagewerken. Sie helfen dabei, das Wissen über das deutsche Recht zu erweitern und verschiedene Textarten zu verstehen. Diese Texte sollen auch die Ausdrucksfähigkeit verbessern. Am Ende des Buches gibt es Glossar zum Kursbuch. Um mit diesem Lehrbuch erfolgreich zu arbeiten, sind Deutschkenntnisse auf dem Niveau B1-B2 nötig. Es richtet sich vor allem an zukünftige Jurastudenten, ist aber auch für angehende Übersetzer nützlich. Das Buch kann zum Selbstlernen verwendet werden, aber auch im Unterricht nützlich sein. Es passt gut zum Lehrplan des Fachs, Rechtsdeutsch" an der Juristischen Universität Taschkent (TSUL). Ich danke allen, die mir mit ihrem Feedback, ihrer Unterstützung und Ermutigung bei der Entstehung dieses Buches geholfen haben. Besonders danke ich Dr. N. Qodirova und S. Akobirova (Lehrstuhl für Fremdsprachen, TSUL, Taschkent) für ihre sorgfältige Durchsicht und die vielen hilfreichen Gespräche. Mein besonderer Dank gilt auch meinen Studierenden und Kollegen, die mich inspiriert und in meiner Arbeit unterstützt haben.

Ma‘lumotlar kommunikatsiyalari va tarmoq texnologiyalari. II jild

Darslik kompyuter tarmoqlarini o'rnatish maqsadida Huawei tarmoq qurilmalaridan va kompyuter tarmoqlari nazariyalari uchun tajribalar hamda holatlarni loyihalashtirish yo'lidagi o'quv muhitini yaratishda virtual mashinalardan foydalanadi. U kompyuter ma'lumotlari aloqasi nazariyalari bo'yicha chuqur bilimga ega va tashkilot tarmoqlarini loyihalash hamda sozlash uchun Huawei routerlari, kalitlari, shuningdek, simli va simsiz qurilmalardan foydalanishi mumkin bo'lgan tarmoq muhandislarini tayyorlashda muhim manba hisoblanadi. Mazkur xorijiy o'quv adabiyoti professor-o'qituvchilar, doktorantlar, magistrantlar va talabalarning o'quv va ilmiy faoliyatida foydalanish uchun mo'ljallangan. Shuningdek, ilmiy izlanishlar olib borayotgan mustaqil tadqiqotchilar va keng ilmiy jamoatchilik uchun tavsiya qilinadi. Ushbu xorijiy o'quv adabiyotidan tijorat maqsadida foydalanish qat'iyan man etiladi.

Ma‘lumotlar kommunikatsiyalari va tarmoq texnologiyalari. I jild

Darslik kompyuter tarmoqlarini o'rnatish maqsadida Huawei tarmoq qurilmalaridan va kompyuter tarmoqlari nazariyalari uchun tajribalar hamda holatlarni loyihalashtirish yo'lidagi o'quv muhitini yaratishda virtual mashinalardan foydalanadi. U kompyuter ma'lumotlari aloqasi nazariyalari bo'yicha chuqur bilimga ega va tashkilot tarmoqlarini loyihalash hamda sozlash uchun Huawei routerlari, kalitlari, shuningdek, simli va simsiz qurilmalardan foydalanishi mumkin bo'lgan tarmoq muhandislarini tayyorlashda muhim manba hisoblanadi. Mazkur xorijiy o'quv adabiyoti professor-o'qituvchilar, doktorantlar, magistrantlar va talabalarning o'quv va ilmiy faoliyatida foydalanish uchun mo'ljallangan. Shuningdek, ilmiy izlanishlar olib borayotgan mustaqil tadqiqotchilar va keng ilmiy jamoatchilik uchun tavsiya qilinadi. Ushbu xorijiy o'quv adabiyotidan tijorat maqsadida foydalanish qat'iyan man etiladi.