Kitoblar

Oiladagi zo'ravonlik va tazyiqlarning jinoyat-huquqiy, kriminologik va viktimologik jihatlari

Ushbu monografiyada oiladagi jinoiy zo'ravonlik tushunchasi va turlari; oilada zo'rlik ishlatib sodir etiladigan jinoyatlar tushunchasi va turlari; onaning o'z chaqalog'ini qasddan o'ldirish tushunchasi va ijtimoiy xavfliligi, voyaga yetmaganlar jinsiy daxlsizligiga qarshi qaratilgan jinoyatlarning yuridik tahlili va javobgarlik masalasi, oiladagi zo'ravonlikning maishiy sabablari va unga imkon beruvchi shart- sharoitlari; oiladagi zo'ravonlikning oldini olishning umumijtimoiy va individual hamda maxsus oldini olish choralari: oiladagi zo'ravonlikning oldini olish muammolari va unda ta'sir choralarini qo'llash masalalari; oilada zo'ravonlik va tazyiqlarning viktimligining vujudga kelishi; oiladagi zo'ravonlik va tazyiqning viktimologik profilaktikasi; xorijiy davlatlar jinoyat qonunchiligida oilada zo'rlik ishlatib sodir etiladigan jinoyatlarning turlari va javobgarlik masalasi; xorijiy davlatlarida oiladagi zo'ravonliklar holati, xorijiy davlatlar jinoyat qonunchiligida oiladagi zo'ravonliklar uchun javobgarlik masalasi; xorijiy davlatlarda oiladagi zo'ravonliklarning oldini olish masalalari; oilada bolalarga nisbatan ishlatiladigan zo'ravonlikning oldini olishda xorijiy davlatlar tajribasi kabi masalalar bayon etilgan. Monografiya yuridik oliy o'quv yurtlarining bakalavr va magistratura yo'nalishida ta'lim olayotgan talabalar, jinoyat huquqi, kriminologiya bo'yicha mutaxassislar va barcha qiziqqan o'quvchilar uchun mo'ljallangan.

Advokatura institutini takomillashtirish imkoniyatlari

Mazkur monografiya O'zbekiston Respublikasida advokaturaning sud-huquq tizimidagi o'rni, advokatura faoliyatidaga mavjud muammo va kamchiliklar, ushbu sohadagi qonunchilikka kiritilayotgan o'zgarishlar, shu bilan birga sohani kutayotgan yangiliklarga bag'ishlangan. Shuningdek, bir nechta rivojlangan davlatlar tajribasi va advokatura bilan bog'liq qonunchiligi o'rganilgangan holda, ularning ijobiy tajribasini milliy qonunchilikka qo'llash masalalariga atroflicha to'xtalib o'tilgan bo'lib, bu boʻyicha advokatura bilan bog'liq normativ-huquqiy hujjatlarga aniq taklif va tavsiyalar berilgan.

Hodisa sodir bo'lgan joyni ko'zdan kechirishning kriminalistik ta'minoti samaradorligi

Mazkur monografiyada hodisa sodir bo'lgan joyni ko'zdan kechirishning kriminalistik ta'minoti tushunchasi va tuzilishi, maqsadlari va vazifalarining tizimi; hodisa sodir bo'lgan joyni ko'zdan kechirishning texnik-kriminalistik vositalari hamda kriminalistik texnologiyasining tushunchasi va tizimi; hodisa sodir bo'lgan joyni ko'zdan kechirishning kriminalistik ta'minotini amalga oshirishdagi muammolar; hodisa sodir bo'lgan joyni ko'zdan kechirishning kriminalistik ta'minoti vazifalarini hal qilishning tashkiliy-kriminalistik vositalari; xorijiy davlatlar jinoyatchilikka qarshi kurash faoliyatida voqea joyini ko'zdan kechirishning mazmuni va amaliyoti; hodisa sodir bo'lgan joyni ko'zdan kechirishning kriminalistik ta'minoti samaradorligini baholash mezonlari tizimi hamda hodisa sodir bo'lgan joyni ko'zdan kechirishning kriminalistik ta'minoti sifatini nazorat qilish mexanizmlari bilan bog'liq masalalar nazariy va amaliy jihatdan yoritib berilgan. Shuningdek, hodisa sodir bo'lgan joyni ko'zdan kechirishning kriminalistik ta'minoti samaradorligini oshirish yo'llari bo'yicha taklif va tavsiyalar ishlab chiqilgan. Monografiya huquqshunoslik oliy o'quv yurtlarining talaba, tinglovchi va kursantlari, professor-o'qituvchilari, shuningdek, huquqni muhofaza qiluvchi organlar xodimlari tergovchi, surishtiruvchi, tergovga qadar tekshiruvni amalga oshiruvchi organning mansabdor shaxslari uchun mo'ljallangan.

Nogironligi bo'lgan shaxslarning mehnatini huquqiy tartibga solish masalalari

Mamlakatimiz fuqarolarni ijtimoiy himoya qilish bilan bog'liq konstitutsiyaviy huquqlarini amalga oshirish bugungi yangilanayotgan O'zbekistonda amalga oshirilayotgan iqtisodiy, siyosiy va ijtimoiy o'zgarishlar sharoitida yanada muhim ahamiyat kasb etadi. Hozirgi kunda mamalakatimizda bozor munosabatlari tamoyillariga tayanuvchi qat'iy talab tobora kuchayib borayotgan "xodim ish beruvchi munosabatlarida xodim huquqlarining davlat yo'li bilan himoyalash va kafolatlash ehtiyojini kuchaytirmoqda. Shu o'rinda O'zbekiston Respublikasi Prezidenti Sh. Mirziyoyevning Oliy Majlisga murojaatnomasiga yo'llangan qo'yidagi fikrlari diqqatga sazovordir: mamlakatimiz taraqqiyoti va xalqimiz farovonligi birinchi navbatda ijtimoiy sohadagi islohotlarimiz samarasi bilan chambarchas bog'liq. Nogironligi bolgan shaxslar, boquvchisini yoqotganlar, yolg'iz keksalar, umuman, ko'makka muhtoj qatlamlarni qo'llab-quvvatlash, albatta, ustuvor vazifamiz bo'lib qoladi deya ta'kidlaydi.

Jinoyat ishlari yurituvini insonparvarlashtirish masalalari

Mazkur monografiyada jinoyat ishlari yurituvini sudga qadar va sud bosqichida insonparvarlashtirish va alohida toifadagi jinoyat ishlari yurituvini insonparvarlashtirishga oid qonun normalarining rivojlanishi masalalari tarixiy-xuquqiy, nazariy-ilmiy jihatdan yoritilgan. Monografiya huquqshunoslik ixtisosligi bo'yicha tahsil olayotgan bakalavrlar, magistrlar hamda huquqiy tadqiqotlar olib borayotgan izlanuvchilar hamda professor-o'qituvchilar uchun mo'ljallangan.

Nemis-o'zbek tillari yuridik terminlarining leksikografik tadqiqi

Fermer xo'jaliklarning yerdan foydalanishining huquqiy tartibi

Yengillashtiruvchi tarkibli qasddan odam o'ldirish jinoyatlarini kvalifikatsiya qilish muammolari

Ushbu monografiyada affekt (kuchli ruhiy hayajonlanish) holatida qasddan odam o'ldirishni kvalifikatsiya qilishda inobatga olinadigan holatlar; Onaning o'z chaqalog'ini qasddan o'ldirishini kvalifikatsiya qilishning o'ziga xos xususiyatlari; Zaruriy mudofaa chegarasidan chetga chiqib, qasddan odam o'ldirishni kvalifikatsiya qilisi; Ijtimoiy xavfli qilmish sodir etgan shaxsni ushlashning zarur choralari chegarasidan chetga chiqib, qasddan odam o'ldirishni kvalifikatsiya qilish: Ayrim xorijiy davlatlar Jinoyat kodekslarida javobgarlikni yengillashtiruvchi holatlarda qasddan odam o'ldirish uchun javobgarlikning xususiyatlari; Javobgarlikni yengillashtiruvchi holatlarda qasddan odam o'ldirishga oid Jinoyat kodeksi normalarini takomillashtirish istiqbollariga doir masalalar bayon etilgan. Ushbu monografiya oliy o'quv yurtlari talabalari, doktorantlar, mustaqil izlanuvchilar, ilmiy xodimlar hamda huquqni muhofaza qiluvchi organ xodimlari uchun mo'ljallangan.

Badiiy adabiyotda huquq muammosi

Adabiyot insonga munosabatda huquq bilan bir xil yondashmaydi. Huquq insondan qog'ozlarga mas'ullikni, unga buysunishni talab etadi, belgilangan me'yorga qat'iy amal qilish, undan og'ishmaslikka majburlaydi. Adabiyot esa kenglik, chegarasizlikni yoqtiradi, to'siqlarni xushlamaydi. Adabiyot uchun har qanday hujjat, qog'ozlardan ustun QALB HAQIQATI mavjud. U inson fitratiga tayanadi, shunga ishonadi. Huquqda majburlov tushunchasi tursa, adabiyot hurriyatni yoqlaydi. Huquq kabi adabiyotda ham adolat asosiy maqsad. Lekin adabiyotning adolati huquq talqinidagi adolatdan farqlanadi. Adabiyot inson nigohini ashyolardan aslga, sababdan mohiyatga qaratadi. Huquq esa ashyolar, hodisalar doirasida ish ko'radi... Mazkur kitobda ayni shu masaladagi maqolalar jamlangan.

Pora olish-berishda vositachilik qilishning jinoyat-huquqiy jihatlari

Ushbu monografiyada korrupsiyaning bir shakli sifatida pora olish- berishda vositachilik qilish tushunchasi va ushbu jinoyatni sodir qilganlik uchun javobgarlikning huquqiy asoslari, pora olish-berishda vositachilik qilish jinoyatlarining obyektiv va subyektiv belgilari hamda poraxo'rlik boʻyicha xalqaro hujjatlar va ushbu jinoyatlar uchun javobgarlik masalalarida xorijiy davlatlar tajribasi kabi masalalar bayon etilgan. Ushbu monografiya oliy o'quv yurtlari talabalari, doktorantlar, mustaqil izlanuvchilar, ilmiy xodimlar hamda huquqni muhofaza qiluvchi organ xodimlari uchun mo'ljallangan. Monografiya Toshkent davlat yuridik universiteti Ilmiy-uslubiy kengashining 2024-yil_-fevraldagi_-sonli majlis bayonnomasi bilan nashrga tavsiya etilgan.

Jinoyat - huquqiy prinsiplar: nazariya va amaliyot

Ushbu monografiyada jinoyat-huquqiy prinsiplarning tushunchasi, mohiyati, uning jinoyat huquqi vazifalari va funksiyalari bilan bog'liqligi, jinoyat-huquqiy prinsiplarga oid nazariy qarashlar, prinsiplarni jinoyat qonunchiligi normalarida aks ettirilishiga oid yondashuvlar, jinoyat-huquqiy prinsiplarning qonun ijodkorligi va huquqni qo'llash amaliyotida qo'llanilishiga oid masalalar yoritilgan. Monografiya talabalar, ilmiy tadqiqot olib borayotgan izlanuvchilar, amaliyot xodimlari va keng kitobxonlar ommasiga mo'ljallangan.

O'zbekistonning yangi davri tarixiini o'qitishda innovatsion texnologiyalardan foydalanishning ahamiyati

Har qanday innovatsion texnologiya amaliyotda o'z samarasiga ega bo'lmasa, shunchaki yangi nazariya sifatida qolib ketadi. Bu texnologiyalar o'z navbatida o'quvchi shaxsida, uning ma'naviy ongida, bilim va tafakkurida munosib joy olmog'i lozim. Bizning fikrimizcha, ta'limdagi innovatsion texnologiyalarni o'quv jarayoniga tatbiq etishdagi metodist o'qituvchilarning ilg'or dars tajribalarini, mamlakatimizning turli hududlarida faoliyat ko'rsatayotgan o'qituvchilarga munosib tarzda yetkaza olish lozim. Shu maqsadda ushbu monografiyada yangi pedagogik-psixologik tajribalar. pedagogik axborot texnologiyalarini ta'lim jarayoniga tatbiq qilishning nazariy- amaliy jihatlari o'z ifodasini topgan. Shuningdek monografiyada akademik litsey (kasb-hunar kollejlari) ijtimoiy-gumanitar fanlar o'qituvchilari uchun uslubiy tavsiyalar berilgan va ulardan ta'lim-tarbiya jarayonida foydalanish yo'llari ko'rsatib o'tilgan.

Muqobilsiz birliklar tarjimasi

Mazkur monografiyada ingliz, o'zbek tillarida muqobilsiz birliklar tushunchasi va ularning tasniflanishi bilan bir qatorda o'zbek tilidan ingliz tiliga yoxud ingliz tilidan o'zbek tiliga tarjima qilish yo'llari, usullari haqidagi nazariy va amaliy jihatlarini o'z ichiga oladi. Bundan tashqari muqobilsiz birliklar tarjimasiga doir jahonning hamda o'zbek tarjimashunosolimlarining fikrlari, qarashlari ham o'rganilgan bo'lib, mazkur monografiyada keltirib o'tilgan. Ikki tilda (ingliz va o'zbek tillari) muqobilsiz birliklarning tarjimalaridan misollar keltirilgan hamda qiyosiy tahlil qilingan.

Sug'oriladigan yerlarni muhofaza qilish va ulardan foydalanishning huquqiy mexanizmini takomillashtirish masalalari

Monografiya sug'oriladigan yerlar tushunchasi va uning huquqiy rejimini o'ziga xosligi, sug'oriladgan yerlar huquqiy maqomini belgilashda suv ta'minotining ahamiyatini "raqamlashtirish" texnologiyalarini takomillashtirish masalaları, ayrim turdagi sug'oriladigan yerlardan foydalanish va muhofaza qilish qoidalarini buzganlik uchun javobgarlik masalalari, sug'oriladigan joylarni o'zlashtirish hamda huquqiy boshqarishda xorijiy davlatlarning tajribalari va boshqalar ushbu tadqiqotda o'z aksini topgan. Ushbu monografiva ilmiy xodimlar, amaliyotchilar, yerga nisbatan mulk huquqı bilan bog'liq masalalar ustida ilmiy izlanishlar olib borayotgan tadqiqotchilar, magistrlar hamda mazkur mavzu bilan qiziquvchi keng kitobxonlar ommasiga mo'ljallangan. Toshkent davlat yuridik universiteti Ilmiy-uslubiy Kengashining 2024-yil 21-iyun 10- sonli bayonnomasi bilan muhokama qilingan va chop etishga tavsiya qilingan.

Atamalar tarjimasining o'ziga xos xususiyatlari

Mazkur monografiyada ingliz, o'zbek tillarida muqobilsiz birliklar tushunchasi va ularning tasniflanishi bilan bir qatorda o'zbek tilidan ingliz tiliga yoxud ingliz tilidan o'zbek tiliga tarjima qilish yo'llari, usullari haqidagi nazariy va amaliy jihatlarini o'z ichiga oladi. Bundan tashqari muqobilsiz birliklar tarjimasiga doir jahonning hamda o'zbek tarjimashunosolimlarining fikrlari, qarashlari ham o'rganilgan bo'lib, mazkur monografiyada keltirib o'tilgan. Ikki tilda (ingliz va o'zbek tillari) muqobilsiz birliklarning tarjimalaridan misollar keltirilgan hamda qiyosiy tahlil qilingan.

Jorj Oruell va Murod Muhammad do'st asarlarida jamiyat konsepsiyasi va ko'pqatlamli tasvir

Jahon adabiyotshunosligi ilg'or tajribasidan ma'lumki, inson va jamiyat munosabati, ular orasidagi ijtimoiy-ruhiy bog'liqliklar, ziddiyatlar tasviri, inson qalbi kechinmalari jamiyatning global muammolari bilan bog'liq asarlar yaratish imkoniyatlarini kengaytirganligi sababli azaldan ayricha qiziqish uyg'otib kelmoqda. Badiiy diskurs ta'minotida ijtimoiy g'oyalar, davr va siyosat vujudga keltirgan omillarni turli millat ijodiyot vakillarining asarlarini inson va jamiyat munosabatlari rakursida kuzatish, shaxsning takomili yoki tanazzulidagi ijtimoiy illatlarni yoritishning ijtimoiy qirralarini tekshirish jamiyatning madaniy taraqqiyotini, badiiy-adabiy tafakkurini, ma'naviy-axloqiy negizlarini, umuminsoniy qadriyatlarini mustahkamlashda muhim ahamiyat kasb etadi.

Raqamli muhitda mualliflik huquqi

Mazkur monografiyada mualliflik huquqini muhofaza qilishning shartnomaviy-huquqiy asoslarini tartibga solish mexanizmini takomillashtirish masalalari tahlil qilingan. Muallif mualliflik shartnomasi tushunchasi, o'ziga xos xususiyatlari va predmeti, mualliflik shartnomasining turlari va tuzish tartibi, mualliflik shartnomasi taraflari hamda ularning huquq va majburiyatlari, mualliflik huquqi muhofazasini takomillashtirish masalalari tahlil etilib, nazariy tushunchalar ishlab chiqilgan va soha qonunchiligini takomillashtirish yuzasidan taklif hamda tavsiyalar byerilgan. Monografiyadan tegishli mutaxassisliklar bo'yicha ta'lim olayotgan talabalar, magistrantlar, o'qituvchilar, ilmiy izlanuvchilar va huquqni muhofaza qiluvchi organlar xodimlari, huquqshunos olimlar hamda keng jamoatchilik foydalanishi mumkin.

Delikt majburiyatlarning kollizion masalalari

Barqaror rivojlanish yo'lida mamlakatimizda amalga oshirilgan ko'plab islohotlar qatorida sud-huquq islohotlari alohida o'ringa ega. O'z navbatida huquqiy davlat va kuchli fuqarolik jamiyatini qurish maqsadi bilan chambarchas bog'liq. Chet el elementi bilan murakkablashgan xalqaro xususiy munosabatlarning tartibga solinishi, turli davlatlar xalqaro xususiy huquq normalarining o'zaro muvofiq tarzda qo'llanilishi xalqaro xususiy huquq nazariy qoidalarining batafsil ishlab chiqilishi bilan bevosita bog'liq. Bu borada hozirda delikt munosabatlarining kollizion masalalari xalqaro xususiy huquqda munozarali masalalardan biri ekanligini qayd etish lozim. Shu bois mazkur qo'llanma orqali chet el eelementi bilan murakkablashgan delikt majburiyatlar (zarar yetkazishdan kelib chiqadigan majburiyatlar) bilan bog'liq bo'lgan masalalar haqida talaba va magistrda yetarli tushunchalari boyitish va ko'nikma xosil qilishga yordamlashadi degan umidamiz.

Jinoyat ishi yurituvida isbot qilish ishtirokchilarning huquqiy maqomi

Ushbu monografiyada nazariy qoidalarni tizimli tahlil qilish va jinoyat protsessida isbotlashning zamonaviy amaliyoti asosida tegishli normativ qoidalarni ishlab chiqishdan iborat, shuningdek jinoyat- protsessual huquqiy munosabatlar sohasida isbotlovchi subyektlarning kontseptsiyasi, huquqiy maqomi va tasnifini shakllantirish, isbotlash sohasidagi qonunchilikni va huquqni qo'llash amaliyotini takomillashtirish boʻyicha muammolarni aniqlash va ularga xorijiy tajribani kuzatib, qonun normalarini takomillashtirish bilan bog'liq ilmiy xulosalar ishlab chiqishga qaratilgan. Shu bilan birga, tadqiqot natijasida shakllantirilgan nazariy holatlar, xulosalar va takliflardan jinoyat-protsessual qonunchiligimizda aniqlangan mavjud muammolarni bartaraf qilish choralarini ishlab chiqish va qonunchiligimizni takomillashtirish hamda qiyosiy-huquqiy tahlil qilingan xorij tajribasidan milliy qonunchiligimizda foydalanish uchun xizmat qilishi mumkin. Ushbu o'quv qo'llanma ilmiy xodimlar, o'qituvchilar, yuridik oliy o'quv yurtlari va fakultet talabalari, operativ-qidiruv bo'linmalari va xizmatlari xodimlari, tergovchilar, prokurorlar, sudyalar uchun mo'ljallangan.

Jinoyat protsessida jinoyat ishini tugatishning nazariy va amaliy jihatlari

Ushbu monografiyani yozishdan asosiy maqsad jinoyat protsessida jinoyat ishini tugatishning nazariy va amaliy jihatlari va protsessual tartibini ilmiy jihatdan tahlil qilish hamda jinoyat ishini tugatish asoslarini yanada takomillashtirish bilan bog'liq ilmiy xulosalar ishlab chiqishdir. Monografiyada jinoyat ishini tugatishning nazariy va ilmiy asoslari, jinoyat ishi tugatishda jinoyat protsessi ishtirokchilarining huquqlarini ta'minlashning protsessual kafolatlari, ishni tugatishda yuzaga keladigan muammolar hamda ularni bartaraf etish masalalari tahlil qilingan. Monografiya soha mutaxassislari, tadqiqotchilar va keng kitobxonlar ommasi uchun mo'ljallangan.