Kitoblar

Jinoyat huquqida sababiy bog'lanish

Ushbu monografiyada jinoyat huquqi nazariyasida jinoyat tarkibi obyektiv tomonining nazariy asoslari, jinoyat obyektiv tomoni belgilari jinoyat tarkibi to'g'risidagi ta'limot shakllanishi va rivojlanishining asosi, jinoyat tarkibi obyektiv tomonining zaruriy va fakultativ belgilari umumiy tavsifi, jinoyat huquqida sababiy bog'lanishni o'rganishning metodologik asoslari, jinoyat huquqida sababiy bog'lanish va uning determinizm bilan o'zaro munosabati, sababiy bog'lanish haqidagi nazariyalar va ularning muammolari, jinoyat huquqida sababiy bog'lanish va uni aniqlashda mezon, prinsip va qoidalar: harakatsizlikda sababiy bog'lanishning muammolari, shuningdek, ular bilan bog'liq jinoyatlarni kvalifikatsiya qilish va jazo tayinlash masalalari bayon qilingan. Mazkur monografiyada oliy o'quv yurtlari talabalari, yuridik ta'lim muassasalarining professor-o'qituvchilari, doktorantlar, mustaqil izlanuvchilar, ilmiy xodimlar hamda huquqni muhofaza qiluvchi organ xodimlari uchun mo'ljallangan.

Sud qarorlarini majburiy ijro etish shartlari va tartibi

Monografiyada sud qarorlarini ijro majburiy ijro etishning shartlari va tartibi, sud qarorlarini ijrosi tushunchasi va mohiyati, majburiy ijro etiladigan ijro hujjatlar tizimi, majburiy ijro etuvchi organning huquqiy holati, ijro harakatlarini amalga oshirishning protsessual-huquqiy masalalari, majburiy ijro etish asoslari va choralari, Undiruvni qarzdorning pul mablag'lariga qaratish, Qarzdorning mol- mulkini aniqlash, xatlash, baholash, saqlash va realizatsiya qilish masalalari ilmiy va amaliy jihatdan tahlil etilgan. Monografiya huquqshunoslar, huquqni qo'llovchi shaxslar, tadqiqotchilar, yuridik sohadagi ta'lim muassalalari talabalari, va keng kitobxonlar uchun mo'ljallangan.

Iqtisodiy protsessda odil sudlovni amalga oshirishga ko'maklashuvchi shaxslar ishtirokini takomillashtirish (Nazariy-huquqiy va protsessual jihatlari)

Ushbu monografiyada odil sudlovni amalga oshirishga ko'maklashuvchi shaxslarning doirasi va tushunchalari, sudya yordamchisi (sud majlisi kotibi)ning iqtisodiy protsessdagi huquqiy maqomi, odil sudlovni amalga oshirishga ko'maklashuvchi shaxslarning huquq subektliligi, iqtisodiy sud ishlarini yuritish ishtirokchilari ichidagi o'rni, ularning huquqiy maqomi va sudda ishtirok etish tartibi, xorijiy davlatlar tajribasi asosida qonunchilikni takomillashtirish va uni amaliyotda qo'llashning samaradorligini oshirishning zamonaviy tendensiyalari qiyosiy-huquqiy tahlili, ishlami masofadan turib hal qilishga oid masalalar tahlil qilingan Shuningdek, qonun hujjatlariga bir qancha o'zgartirish va qo'shimchalar kiritish, qonun loyihasi hamda amaliy takliflar asoslantirilgan bo'lib va yakunida tegishli ilmiy xulosalar, takliflar va tavsiyalar ishlab chiqilgan. Monografiyadan professor-o'qituvchilar, ilmiy tadqiqotchilar, qonun ijodkorligi jarayoni ishtirokchilar, mustaqil izlanuvchilar foydalanishlari mumkin.

Макетинг-бозор иктисодиёти асоси

Маркетинг тадкикоти^EУкув кулланма

Iqtisodiy sudlarda sud xarajatlarini undirishning o'ziga xos xususiyatlari

Ushbu monografiyada sud xarajatlari tushunchasi va rivojlanish tarixi, iqtisodiy sudlarda sud xarajatlarini undirishning umumiy masalalari, davlat boji to'lovlarini to'lash va undirishning o'ziga xos xususiyatlari, ishni ko'rish bilan bog'liq sud chiqimlarini to'lash va undirishning o'ziga xos xususiyatlari, Sud xarajatlarini undirishda xorijiy tajriba, sud xarajatlarini undirish masalalarining istiqbollari yoritilgan. Shuningdek, iqtisodiy sudlarda sud xarajatlarini undirishning muammolarni tadqiq etish jarayonida huquqni qo'llash amaliyoti va rivojlangan davlatlar qonunchiligi tahlil qilingan bo'lib, tegishli ilmiy xulosalar, takliflar va tavsiyalar, qonunchilik nazariyasini ishlab chiqish va iqtisodiy sudlarda sud xarajatlarini undirish samaradorligini oshirishga qaratilgan. Monografiyadan professor-o'qituvchilar, ilmiy tadqiqotchilar, qonun ijodkorligi jarayonida bevosita qatnashuvchi shaxslar, talabalar, sud va huquqni muxofaza qiluvchi organ xodimlari foydalanishlari mumkin.

Voyaga yetmaganlarni jinsiy daxlsizligiga qarshi jinoyatlarning oldini olish masalalari

Jinoyat ishi yurituvida ommaviy axborot vostitalarining o'rni va ahamiyati

Monografiyada jinoyat ish yurituvida ommaviy axborot vositalarining materiallaridan foydalanishning protsessual asosi va tartibi keng yoritilgan. Hozirgi kunda ijtimoiy tarmoqlarda tarqalayotgan turli-tuman materiallarga asoslanib jinoyat ishini qo'zg'atish yoki rad etish, yoxud ushbu materiallarni dalil sifatida ishga qo'shilishi hamda ulardan foydalanishga doirsud- tergov amaliyoti tobora kengayib bormoqda. Monografiyada OAV vositalarining protsessidagi ahamiyatiga ham alohida urg'u berilgan. umuman olganda jinoyat Ushbu monografiya yurisprudensiya sohasidagi bakalavr bosqichi talabalari, magistrlar, shuningdek, ilmiy izlanuvchilar uchun mo'ljallangan bo'lib, ilmiy tadqiqot ishlarida keng foydalanishlari mumkin.

Mualliflik huquqi va turdosh huquqlarda mulkiy huquqlarni jamoaviy boshqarishning shakllari

Mazkur monografiyada mualliflik huquqi va turdosh huquqlarda mulkiy huquqlarni jamoaviy boshqarishning tushunchasi, huquqiy tabiati va uning afzallik jihatlari, mualliflik huquqida mulkiy huquqlarni jamoaviy boshqarishning vujudga kelish tarixi va asoslari, mualliflik huquqi va turdosh huquqlarni jamoaviy boshqaruv asosida amalga oshirishni tasniflash: huquqlarning mohiyati, tanlash usuli va asosiy faoliyat yo'nalishlari, O'zbekistonda mualliflik huquqi va turdosh huquqlarni jamoaviy boshqarish tizimining shakllanishi hamda uning huquqiy holati, mualliflik huquqlarini jamoaviy boshqarish tashkilotlarining huquqiy maqomi va vakolatlari, faoliyatining nazorati, ularning fuqarolik-huquqiy tahlili, Mualliflik huquqi va turdosh huquqlarda mulkiy huquqlarni "kengaytirilgan jamoaviy boshqaruv" asosida amalga oshirishmasalalari tahlil etilib, nazariy tushunchalar ishlab chiqilgan va soha qonunchiligini takomillashtirish yuzasidan taklif hamda tavsiyalar berilgan.

Jinoyat ishlari bo'yicha qo'shimcha tergov guruhlarini tuzishdagi xalqaro hamkorlikni yanada takomillashtirish masalalari

Ushbu monografiyada jinoyat ishlari bo'yicha huquqiy yordamning turi sifatida davlatlar o'rtasida hamkorlikda qo'shma tergov guruhlarini tuzish va bu huquqiy yordamni amalga oshirish bo'yicha masalalar tahlil qilingan. Shuningdek, sohaga oid ilmiy-nazariy va yuridik adabiyotlar, sud amaliyoti, statistik ma'lumotlar xalqaro-huquqiy nuqtayi nazardan o'rganilgan. Monografiya oliy va o'rta-maxsus o'quv yurtlarida huquqshunoslik yo'nalishi bo'yicha tahsil olayotgan tadqiqotchilar, magistrantlar va talabalarga, shuningdek mazkur masala bilan qiziquvchi keng kitobxonlar ommasiga mo'ljallangan.

Majburiyatlar bajarilishini ta'minlashning nomlanmagan usullari

Mazkur monografiyada majburiyatlar bajarilishini ta'minlashning Fuqarolik kodeksi 22-bobida nazarda tutilmagan usullari, ya'ni nomlanmagan usullari tahlil qilinadi. Muallif tomonidan majburiyatlar bajarilishini ta'minlashning nomlanmagan usullari sifatida "shartnomada nazarda tutilgan holatlar yuzaga kelganda zararlarni (yo'qotishlarni) qoplash (indemnity)", "holatlar (vaziyatlar) yuzasidan kafolatlar (warranty)", "astrent", "estopel", "ta'minlovchi to'lov", "ishonchli mulk", "eskrou" kabilar milliy va xorijiy qonunchilik hamda milliy va xorijiy olimlar va mualliflarning fikrlari asosida tadqiq qilinadi. Ushbu kitob talabalar, tadqiqotchilar, o'qituvchilar hamda majburiyatlar bajarilishi ta'minlash usullariga qiziquvchi mutaxassislar uchun mo'ljallangan.

Жиноят ишлари бўйича судга қадар бўлган босқичда иш юритувни соддалаштириш: қиёсий - ҳуқуқий таҳлил

Ушбу монографиядан кўзланган максад жиноят ишлари бўйича судга кадар бўлган боскичда иш юритувни соддалаштиришнинг жиноят процессуал хуқуқий асосларини илмий жиҳатдан қиёсий хукукий тахлил килиш ва шу асосда жиноят процессуал конунчилигида шахснинг ҳукук ва эркинларини таъминлаш кафолатларини таъминлашга доир илмий хулосалар ишлаб чикишдан иборат. Монографияда жиноят ишлари бўйича судга кадар бўлган боскичда соддалаштирилган тартибда иш юритишнинг назарий асослари, айрим хорижий давлатларнинг жиноят процессуал конунчилигида соддалаштирилган тартиб элементлари киёсий хукукий жихатдан тахлил килинган. Мазкур монография соҳа мутахасисслари, тадкикотчилар ва кенг китобхонлар оммаси учун мўлжалланган.

АҚШнинг марказий осиёга каратилган ташқи сиёсатида стратегик коммуникациялар

Мазкур монографияда стратегик коммуникациянинг назарий- концептуал жиҳатлари, АҚШ ташки сиёсатидаги аҳамияти ҳамда бугунги кунда АҚШнинг Марказий Осиёдаги ташки сиёсатида стратегик коммуникация истикболлари атрофлича тадкик этилган.

Краудфандинг - инновацияларни инвестициялашнинг янги усули сифатида

Монографияда инновацияларни инвестициялаши турлари ва унинг тавсифи, краудфандинг тушунчасига оид илмий-назарий қарашлар, краудфандинг инвестициялашда фукаролик ҳуқуки институтларини қўллаш масалалари, краудфандинг шартномаси тушунчаси ва унинг ҳуқуқий белгилари илмий таҳлил этилган. Уларни самарадорлиги ошириш бўйича илмий назарий хулосалар, амалий таклифлар асослаб берилган. Монография фукаролик ҳуқуки, тадбиркорлик ҳуқуки, интеллектуал мулк ҳуқуқи асарлари билан қизиқувчи мутахассислар, олий ўқув юртларининг профессор ўқитувчилари, катта илмий ходим изланувчилар, мустақил тадқиқотчилар, магистрантлар, талабалар ва мазкур соҳалар билан шуғулланувчи кенг ўқувчилар оммаси учун мўлжалланган.

Оқлов ҳукми ва реабилитация этилиш ҳуқуқи

Ушбу монографияда ноконуний равишда жиноий жавобгарликка тортилган фуқароларнинг ҳуқуклари ва манфаатларини ҳимоя килувчи инсонпарварлик хужжати сифатида оклов хукми кўриб чикилган. Муаллиф окловларнинг чиқарилишини аниклайдиган омилларни аниклайди ва таҳлил қилади; биринчи инстанция судлари айблов ҳукмларининг исботланиш харажаси талаблари ва юкори инстанцияларда оклов ҳукмлари чиқариш асосларини тахлил килади. Муаллиф оклов ҳукмларининг чиқарилиш тенденцияларига (2011 йилдан 2016 йилгача бўлган даврда судлар судланувчиларни атиги 7 жиноий иш бўйича окладилар ва 2017 йилда окланганлар сони динамикаси 59,135 тани ташкил этди, 2022 йилнинг биринчи ярим йиллигида 468 киши оқланиб, реабилитация килинган) ва уларнинг сонини кўпайишига эътибор қаратмоқда. Окловнинг процессуал асослари, унинг тузилиши ва мазмуни тахлил килинади. Муаллиф оклов хукмларини чиқариш муаммолари ва окланганларни реабилитация қилиш институтини тахлил килади. Ишда келтирилган назарий ва амалий материаллар Тошкент Давлат юридик университети ва суд корпуси судьялари ва мутахассисларини тайёрлаш билан шуғулланадиган бошка ихтисослаштирилган университетларнинг илмий ва амалий ходимлари, ўкитувчилари, талабалари ҳамда прокурорлар, терговчилар, суриштирувчилар, шунингдек, жиноят процесси муаммолари билан кизикувчи кенг китобхонлар учун мўлжалланган.

Ўзбекистон ва Америка адабий алоқалари

Мазкур монография Ўзбекистон-Америка адабий алокаларига бағишланган бўлиб, унда Ўзбекистон халқ шоири, Ўзбекистон Республикаси Фанлар академиясининг академиги Ғафур Ғулом ҳамда таникли афро- америкалик шоир, ёзувчи, драматург, публицист ва жамоат арбоби, Америка маданиятида катта ўрин эгаллаган "Харлем Ренессанси" харакатининг ғоявий ижодкорларидан бири Ленгстон Ҳьюз (Langston Hughes) каламига мансуб дунёда машҳур асарлар илмий таҳлил килинади. Монографияда шоирлар ҳаёти ва ижодининг мухим саҳифалари ҳақида нақл килинади, сара шеърларининг мазмун-моҳияти, ғоявий йўналиши ва бадиий жозибаси ҳакида фикр-мулоҳаза юритилади. Хусусан, "Турксиб йўлларида" шеърининг инглиз тилига бадиий таржимаси ("On the roads of Turksib") ва "Call to Creation" шеърининг ўзбекчага ўгирмаси ("Ижодга ундов") чуқур таҳлилга олинади, ўзига хос талкин ва тавсиф батафсил ёритилади. Монография филологлар, таржимонлар, журналистлар, тадкикотчилар, талабалар ва адабиёт ихлосмандлари ҳамда Ғафур Ғулом ва Ленгстон Хьюз ҳаёти ва ижоди билан кизикувчи китобхонлар оммасига мўлжалланган.

O'zbekistonda nizolarni hakamlik sudida hal etish jarayoni: nazariy va amaliy masalalar

Ushbu monografiyada hakamlik sudlari va hakamlik muhokamasi tushunchasi, hakamlik sudlarining tasnifi va ularning turlari, hakamlik sudyalarining huquqiy holati, hakamlik muhokamasi subyektlari va ularning hakamlik jarayonidagi o'zaro munosabatlari, hakamlik sudining hal qiluv qarori tushunchasi va huquqiy tabiati, hakamlik sudlarining davlat (vakolatli) sudlari bilan o'zaro munosabatlari va boo'qa holatlar yoritilgan. Shuningdek, O'zbekistonda nizolarni hakamlik sudida hal etish jarayoni bilan bog'liq muammolarni tadqiq etish jarayonida huquqni qo'llash amaliyoti va rivojlangan davlatlar qonunchiligi tahlil qilingan bo'lib, tegishli ilmiy xulosalar, takliflar va tavsiyalar, qonunchilik nazariyasini ishlab chiqish va hakamlik sudlari faoliyatining samaradorligini oshirishga qaratilgan. Monografiyadan professor-o'qituvchilar, ilmiy tadqiqotchilar, qonun ijodkorligi jarayonida bevosita qatnashuvchi shaxslar, talabalar, sud va huquqni muxofaza qiluvchi organ xodimlari foydalanishlari mumkin.

Терговчининг процессуал-тактик фаолияти ва унда қўлланиладиган илмий техник воситалар

Ушбу монография терговчининг процессуал ва тактик фаолияти тушунчаси ва уни жиноятларни очиш ва олдини олишдаги аҳамияти, тергов ҳаракатларини ўтказишда терговчи томонидан процессуал ва тактик карорлар кабул килиш принциплари, терговчи томонидан экспертиза тергов ҳаракатини ўтказишнинг айрим тактик масалалари, жиноят иши қўзғатиш, суриштирув ва дастлабки тергов боскичларида терговчи ва суриштирув органи ўзаро ҳамкорлигининг процессуал ва криминалистик жиҳатлари, терговчи томонидан оптимал карорлар кабул килиш технологияси ҳамда терговчи томонидан жиноятларни очиш ва олдини олишда қўлланиладиган техник воситаларни такомиллаштиришнинг айрим маслалари бўйича назарий таклиф ва тавсиялар ишлаб чикилган. Монография илмий иш билан шуғулланувчи тадкикотчилар ва олий ўкув юртлари талабалари, шунингдек амалиёт ходимлари учун мўлжалланган.

Ҳуқуқий демократик ислоҳотлар ва уларнинг мустаҳкам асослари

Хукукий демократик давлатнинг тараккиёт жараёнларига эътибор каратар эканмиз, бу йўлнинг узоқ, айни маҳалда нақадар мураккаб ва зиддиятли кечганлигини гувоҳи бўламиз. Давлат ва жамият тараққиётида, айниқса ҳозирги глобаллашув даврида хукукий демократик давлат ва унинг мустаҳкам асослари хакидаги билимларнинг ўрни борган сари мухим аҳамият касб этиб бормоқда. Ўзбекистоннинг ҳозирги кунда халкаро ҳамжамият билан интеграциялашув жарёнлари тобора мустаҳкам карор топиб бораётганлиги эътиборга моликдир. Шу нуктаи назардан олиб караганда, хозирги шиддатли кечаётган даврда ижтимоий- сиёсий жараёнларни хар тарафлама чукур тахлил асосида холис англаб етадиган, юксак сиёсий, хукукий билим ва мустақил тафаккурга эга, акл-заковатли, дунёкараши кенг, Ватан ва халк, миллат тақдирига масъул бўлган, замонавий, баркамол авлодни тарбиялаб вояга етказиш бугунги куннинг муҳим талабидир. Мазкур монографияда Ўзбекистонда ҳуқуқий демократик давлат барпо этишнинг миллий хамда умумбашарий тамойиллари, миллий ва маънавий кадриятлар ҳамда унинг тарихий аҳамияти, буюк аждодларимизнинг ҳаёти ва фаолияти, Узбекистон Республикасини янада ривожлантириш бўйича Ҳаракатлар стратегияси доирасида амалга оширилган улкан ислоҳотлар, Давлат ва жамият бошкаруви тизимини такомиллаштириш мамлакат тараккиётининг устувор йўналиши сифатида. Янги Ўзбекистоннинг тараккиёт стратегияси: устувор йўналишлар, максад ва вазифаларга оид масалалар, Президентимизнинг асарлари, нутклари, карор ва фармонлари, тегишли манбалар, адабиётлар, ҳуқуқий асослар ва илмий манбаларни ўрганиш ҳамда тахлил этиш асосида ёритиб берилган. Ушбу монографияда мавзуга оид глоссарий ҳам баён этилган.

Шарномавий муносабатларда истеъмолчига етказилган зарарни қоплаш

Ушбу монографияда шартномавий муносабатларда истеъмолчи етказилган зарарни қоплаш масалалари тахлил этилади. Бунда истеъмолчи макоми ва унинг хукукларини химоя килиш асослари, истеъмолчи тушунчасининг ва унинг ўзига хос жиҳатлари, истеъмолчилик мақомининг хукукий асослари, истеъмолчиларнинг хукукларини химоя килишнинг хориж тажрибаси, истеъмолчига етказилган зарарни қоплашда шартномавий- ҳукукий масалалари, истеъмолчи билан тузилган шартномаларни бузилиши ҳолатини аниклашнинг илмий-амалий тахлили, шартномавий муносабатларда истеъмолчига етказилган зарарни қоплаш субъектларини аниклашга нисбатан ёндашувлар ва уларнинг ифодаланиши, истеъмолчига етказилган зарарни қоплашда шартномавий жавобгарликни қўллашнинг илмий-амалий тахлили амалга оширилган. Мазкур монография юриспруденция соҳасида таълим олаётган талабалар, тадкикотчилар. ўкитувчилар ва соҳага кизикадиган кенг ўқувчилар оммасига мўлжалланган.